وضحكت عندما قالوا انها ماتت

الموضوع ده مهم جدا وارجو الرد
المهم
فى قديم الازل سال قسيس شيخ مسلم فى مناظرة قال له ما حال ربك اليوم فبهت الشيخ اذ انه سؤال غير متوقع المهم الشيخ رجع بيته صلى ونام زعلان لعدم استطاعته الاجابة فجاءه الرسول ( صلى الله عليه وسلم ) فى المنام وقال له ان حال ربك اليوم يرفع اقواما ويخفض اقوام
فذهب الشيخ فى اليوم التالى الى القس وقال له الاجابة التىاخبره بها النبى فرد عليه القس وقال صلى وسلم على الذى بلغك الرسالة واسلم القس فيما بعد
المهم اللى انا عايز اقوله ان يوم ورا التانى ومفيش جديد لدرجة انى انا شخصيا ممكن اقوم بكتابة جريدة يومية
استشهاد............
الاحتلال الامريكى........
اسرائيل تهجمت على ..........
غلاء جديد فى سعر........
كدة يعنى فطبعا ده معناه ان امتنا العربية ماتت
طب ماتت ازاى دى الامة العربية امة رسول الله الامة اللى ربنا قال عليها كنتم خير امة
طب ايه اللى بيحصل ايه اللى وصل حالنا لكدة اكيد فيه حاجة غلط طب ايه هى
ايه اللى وصل اليهود وخلافهم الى انهم يحتلونا وصلوا لينا بطرق كتير دنيئة وعن طريق شهواتنا واللى يثبت كدة ان فى التلاتينات اكتر من نص فلسطين كانت متسجلة باسماء اسرائيليات وطبعا انتوا فاهمين ازاى
طب يا جماعة هو معقول الحال هيفضل كدة اكيد لا
على فكرة سبب عنوان الموضوع انى اتعرفت على بنت روسية ( بتتكلم انجليزى ) المهم بعد كلام كتير بينى وبينها قلت لنفسى بالطريقة كدة اكلمها عن الاسلام واحببها فيه قلت يمكن اكسب ثوابها المهم بمجرد ما فاتحتها اسمعوا بقى اللى قالتهولى :
قالتلى انت بتتكلم عن امة ميتة قولتلها ايه قالتلى اوضحلك
قالتلى انت متعرفش عندنا بيتقال عليكم ايه بالرغم من انى شايفة العكس الا انى حتى ولو فكرت انى ادخل دينك مين هيحمينى مين ؟
قالتلى اسرائيل وامريكا وخلافه ممكن يدخلوا يجيبونى من ادق الاماكن سرية وبعدين انت الدين اللى انت بتتكلم عليه ده
العرب نفسهم برة بيعطوا صورة سيئة عن امتك ممكا يؤكد كلام الاعلام
وبعدين انت مش بتقول ان العرب امة واحدة قولت اه
قالتلى طب باى عقل لما انت بتقول ان انتوا اخوات سكتوا على اقتحام العراق وساكتين على اسرائيل
وكمان انتوا ازاى وباى عقل سكتوا على اغتيال رئيس عربى ( صدام ) يابنى الرؤساء بتوعك دول برة اكتر ما يهمهم كم لديهم من نقود فى البنوك
انت عاوزنى ادخل دين اهله نفسهم تركوه لا وكمان انتوا الغرائز متحكمة فى جزء كبير منكم
قالتلى اه انا بعترف ان الحاجات دى منتشرة عندنا جدا طب ليه عشان احنا معندناش فى ديننا اللى يحرم كدة يعنى ده العادى بتاعنا
وبعدين كمان اسمع ؟ انتوا مش بتسافروا من مصر وخلافه الى دول عربية للشغل قالتلى انا عندى على النت ما يثبت ان البلاد دى بتعاملكم معاملة العبيد وتقولى اخوة وامة واحدة
امال فين المساواة والكلام ده
قالتلى بس انا قرات عن الاسلام وعارفة ان الدين الكويس والحق بس انت حط نفسك مكانى انتوا مبتعملوش بدينكم انا اللى هعمل بيه؟
طبعا ده بعض من اللى ايرا قالتهولى المهم كلمة امة ميتة دى اثرت قى اوى وقعدت افكر واقول لنفسى استحالة اكيد الامة دى هتقوم لان ده كلام ربنا وكلام نبيه بس الحكاية دى عاوزة شوية جهد مننا احنا بالالتزام وقعدت قرات قران
وضحكت على كلام ايرا ( ال ميتة ال ) واتصلت بيها ووعدتها انى هكمل كلامى معاها بعدين عايزكم تقولولى اقولها ايه ايه يا عرب يا مسلمين؟؟؟؟؟؟؟؟؟؟؟
من الغردقة المحتلة
بســــــــــــــــــــ الصواف ــــــــــــام

مقال يحوي عدة نقاط لو حللنا كل جزئيه فيه
ابتداء من كيف توصلت واستطاعت اسرائيل احتلالنا نهاية الى موتنا كأمة عربيه

ساعلق على الجزء المتعلق بموت الامة

حقا لم نكن يوما مثار اعجاب اي احد ولا ادري لماذا كان المسلمين و العرب اعداء للجميع
ولهذا لم تأتي ايرا بجديد فحتى لو كنا مثال الدول المسلمة العربيه فانهم كانو ايضاً سيهاجموننا وينعتونا بالتخلف والارهاب

اقصد ان هذا الشيء ليس بجديد

ولكن فلنكن واقعيين

الم تتمكن منا الانانيه وحب الذات
اختيارنا للحاكم الخطأ -- رغم انني اعتقد ان اي شخص مهما بلغ نبله فان كرسي الحكم سيغير منه الى الاسوأ

بامكانك ان تعطي ايرا الصورة الحقيقيه الممتازة وذلك بان تمثلنا انت وباقي الشباب المسلم بشكل جيد امام هؤلاء الشعوب عبر الانترنت


ولكن للاسف ما الذي يفعله الشباب عند التعارف باجنبيات ؟؟ انا وانت نعرف
اما من ناحية موت الامة فنحن ان شاء اله لن نموت

هؤلاء الذين يقدمون ارواحهم فداء لاوطانهم هم الاحياء وهم من سيعيدون ترميم الامة واحياءها من جديد

الامة لن تموت حتى وان طال سباتها فهي ستيستيقظ يوما ما

اشكرك بسام طرح رائع ومحتاج كتير كتير نقاش واتمنى اسمع رأي الاخرين