زي ما أنتم شايفين الموضوع عن المواقف هنختار عضو أو عضوة ونعرض عليه شوية مشاعر وأحاسيس ويقولنا إيه الموقف اللي كان فيه وحصل وحس
ساعتها بالاحساس ده:
1\موقف حسيت فيه ان كل الناس بتحبك؟
كتير طبعا
وكتير بردو بحس ان محدش بيحبنى
طبس اكتر موقف حسيت انهم بيحبونى كنت تعبت وزى جانى شلل رباعى وتشنج وحوارات واصحابى قعدو يعيطو كنا فى السكن بس الحمد لله عدى;;)
2\موقف استحقرت نفسك فيه؟
دايما مستحقره نفسى لان هى حقيره اصلا:D
بس لما اعمل حاجه مش من طبعى ولا من دينى:(
3\موقف حسيت ان امك عايزة ترميك من البلكونة بعده؟:D
هههههههههههههههههه
علطول يا جماعه امى نفسها ترمينى جدا
بس الايام دى زاد الموضوع عندها عشان فلستهم فالبيت
عشان جهازى وامى معتبره انى بجيب حاجات ملهاش لزمه
مش عارفه ايه الست دى:D
4\موقف عرفت ان امك او ابوك قريب منك وانت مش حاسس ؟
بلاش اتكلم عشان البت مروه هتشوف الكلام واكيد هتفتن
بس هما بصراحه طيبين وبيستحملونا كتير
5\موقف حسيت فيه انك في نص هدومك؟
لما وقعت مره اتكسفت جدا
ومره كدبت وكدبتى اتكشفت :D
5\موقف حسيت فيه انك زي ما تكون شارب حاجة؟:D;;)
ههههههههههههه
لما بكون بهزر وخصوصا مع اصحابى ببقى مسطوله اوى وهما بيقعدو يضحكو لحد لما ......................
بس دايما لما اتخانق معاهم اقعد ازعق واقول كلام مش مفهوم فيروحو يضحكو الجزم ويضحكونى معاهم يعنى مثلا ازعق واقول بقولكم ايه انتو اصلا خخهعىؤعغعلغ84غعل8عغهثتبهصع الله
فيروحو يضحكو بالزمه فى حاجه تضحك:D
6\موقف عملتو في مدرسك واتقلب ضدك؟
لا خالص كنت بحترم مدرسينى اوى مكنش بيطلعلى صوت حتى كانو بيحبونى كلهم ومن ابتدائى فاكرنى لحد دلوقتى ومن حضانه كمان;;)
7\موقف حصل مع بنت لو كنت ولد ومع ولد لو كنتي بنت؟
لا مفيش مليش اصحاب ولاد اصلا بس صح اخر مره كان ليا ولد صاحبى
فى ابتدائى كان قريبى كنا بناخد الدرس مع بعض فبيوصلنى البيت دايما فكان بيتهته كده بالعافيه يطلع الكلام يعينى ففى يوم قلى هقوك نكته لحد ما وصلنا البيت النكته مخلصتش مع العلمL-) ان المسافه كانت طويله:D
خلصهالى تانى يوم بقى يا عينى بس بصراحه انا كنت بسمعله مبحبش اكسفه;;)
8\موقف عملته في ابوك او امك وحسيت انو مش هيعدي على خير؟:-O
مبعملش خالص الحمد لله اصل انا جنانى كله مع اصحابى مش بتجن مع اهلى
9\موقف حصل مع اخوك او اختك وكنت حاسس انك شوية و هطلع السكينة؟:D
دايما يا جدعان والله وبالذات البت شيماء اصغر واحده فينا مطلعه عنينا مخوفه البيت كله حتى بابا بيخاف منها وبتضربنا ضرب يا عيال انا ومروه حتى احمد مبيسلمش منها
جون سينا هو وصغير:->
10\موقف حصل لك في لجنة الامتحان؟:D
ههههههههههههههه
انا اصلا مبحبش الغش وبخاف منه كمان
كنا ف الكليه بنلخص فى ورقه العناصر يوم الامتحان عشان نراجعهم قبل ما ندخل واصحابى كانو بيجو يقعدو ف لجنتى لحد ما الوقت يجى وهما وماشيين اديهم الورق يرمو فى اى مكان اليوم ده كنت مذاكره جدا و فرحانه بالماده اديت صحبتى الورقه عشان ترميها نسيت ورمتها تحتى:D
ابتدى الامتحان يا جدعان وورقة الاسئله جت ولقيت الاسئله سهله فرحت وسطرت ورقة الاجابه وجيه احل يا جماعه راح المراقب جه جنبى ونزل تحت مسك الورقه وبصلى قلى دى ورقتك بكل ثقه قولتله لاء ونفضتله بس ركبى بتخبط وبصيت ف ورقتى راح قلى متاكده قولتله والله العظيم مش بتاعتى
متبصوش عارفاكم بتقولو حلفت بالله كدب
سبحان الله اليوم ده اخدت ورقة صحبتى مش ورقتى والحمد لله تانى مكنش خطى
فالحلفان كان بثقه بقى نادى الكبير بتاع اللجنه وسابو اللجنه كلها وراقبونى انا بس
ويجى المراقب من ورا ماسك الورقه ويبص على ورقتى ويقارن الخط وهما مختلفين تماما من فضل ربنا فروحت بصيتله كده وابتسمت وقولتله والله ما بتاعتى انت مش مصدقنى ليه راح قلى خلاص متحلفيش وقطعها وسابونى ف حالى وقعدت ادح بقى
طلعت مسكت فى زمارة صحبتى كنت هموتها
11\موقف اضربت فيه؟:D
مره فى بيت جدى اتخانقت مع خالى وزعقت بصوت عالى صرخت يعنى امى مرمطت بيا الارض ومن شعرى ولفت بيا المكان وضرب ضرب يعنى هو ده اللى فكراه:->
12\موقف ندمت انك اتكلمت فيه ؟
موقف مع صحبتى ندمت انى اتدخلت فيه كنت عايزه اطلعها منه وديت نفسى ف داهيه
بس الحمدلله عدت
13\موقف حصل معاك وحلمت بيه؟
اووووووووووووووووووه
انا كل حاجه بحلم بيها بتتحقق
مره حلمت جدتى اتوفت يومين واتوفت
مره حلمت ان المسيحيين بيضربو وفى انفجارات وقنوات شغاله وحوارات والله صحيت لقيت كنيسة الاسكندرية اضربت
مره حلمت ان السودان فيها انتخابات والبشير بيتكلم صحيت فتحت التليفزيون لقيته ف وشى وبيتكلم كان ساعتها انقسام السودان
مره حلمت واحد قريبتى اتخطبت بس دبلتها مكسوره اسبوعين واتخطبت واسبوعين تانى وفسخت:D
وفى كتييييييييييييييييير بس بلاش احكيلكم عشان معقدكوش
والله بجد اللى بحلم بيه حتى اسالو مروه بيحصل لدرجة انى مبحبش انام بخاف اصل احلامى كلها وحشه
مره كمان قولت نفسى اشوف حرب يومين والثوره قامت:D
بس خلاص كده كفاياكم انهرده
اصلا انا حياتى كها غريبه
