http://www.basicframes.com/images/hu.../old_woman.jpg
عجزت
وشعرى شاااااب
واتركنت
معدش منى فايده
منا خلااااااص
كبرت
مفضلش منى غير
هم زايد وعكاز بيسند
هعمل ايه
ابتسمت
..................
عكازى بس شال همى
وانا سلّمت
والحبيب لما ميعوزكش يرمى
وانا كتير اتظلمت
رمونى بعد ما مصو دمى
ولا اتكلمت
سرقو شبابى واكلو لحمى
خلونى اتعدمت
ولما خرفت قعدو يلومونى وكتمو بقى
منعونى حتى ع الاكل اسّمى
اتسجنت
لا ابن ولا صاحب ولا حتى امى
من كل ناسى اتحرمت
..................
وخلااااااااااااص
مفيش حد يواسينى
دموعى بس
هى اللى تداوينى
وابتسامة رضا
لسه بتنادينى
وعكازى لسه شايل همومى
وبينّسينى
..................
بكره عكازى راح يعجز
ولما همومى تتقل عليه
راح يأّجز
بس مين هيشيل همومه
وعليه يعكّز
ومين يلومه
لو زيى خرف
ويقوله انجز
.......................
مفيش غيرى يا صاحبى
انا هشيل همك
واوعى تزعل وتغضب وتبكى
ابتسم زيّى ولا يهمك
ادينا بنونّس بعض ونتساير ونشكى
ما انت زيّى ملكش حبيب يسايرك يضمّك
هنشيل همومنا ونتقاسمها ونحكى
مفيش غيرى يقاسمك
عكازى زمان شلت همى
دلوقتى عجزت وشلت همك
(بقلمى)
