قصيدة زي البحر الشاعر العظيم مصطفى الجزار

قصيدة زي البحر الشاعر العظيم مصطفى الجزار

باحبِّك وانتي زي البحر..
يوم هادي.. ويوم هادر
حاولت أعوم حَسَب موجِك
لكني بجد مش قادر
أعيش ازاي ف حضن الموج..
وهوّا مالوش أمان ولا عهد؟؟
ف لحظة يبقى أرض براح..
ولحظة..
يبقى أصعب سد
واكون نقطة أمل عايمة..
ما بين موجتين من الإحباط
ولما الموج يشرّقني..
ويستحلف يغرّقني..
ألاقي نسمة من شوقِك
تفوت عالروح وتلحقني
وأتنفّس حنان صوتِك
فيهدا الموج وانا سامعِك..
ويرجع يعلا في سكوتِك
ويستحلف لي من تاني يغرّقني
يصبّ الملح ف سنيني..
يشرّقني
وقبل الموت.. بِشِبْر حياة..
يعود تاني هوا شوقِك ويلحقني
واعيش ياما..
واموت..
ياما..
والفّ ف ألف دوامة
لا انا طايل.. سما عيونك
ولا طايل قرار قلبك
ولا شايف سفينة جاية ترمي لي حبال قُربك
وبيكتّف إيديا الموج..
إذا فكّرت أتعلق.. بطوق حبك
يا زي البحر..
مش قادر..
أعيش باتشال كده وباتحَط
يا إما أعيش غريق فيكي..
يا ترميني..
أموت ع الشَّط

همسات تدق فوق ناقوس الفؤاد
لتعلن لنا رقه المشاعر
وجمال القلوب الكامنه
خلف ارواح هائمه
بهيام
قدسيه العاشقين
لا عدمنا كلماته
ولا من ينقل لنا الابداع بحلله البديعه
ودى واكيد وردى

انا سمعت القصيده دى من مصطفى الجزار بجد هى قصيده هايله
وكمان سمعتله قصايد تانيه فى منتهى الجمال
هو مبدع فعلا
شكرا ليك يا اكرام على نقلك هذا الابداع
فمن ينقل هذا الابداع يكون مبدعا ايضا
دمت بكل الود ودام ابداعك وابداع كل المصريين
تحياتى
اختك لبنى