وتمضي الايام
http://bp1.blogger.com/_9cPrFF311F4/.../s400/26-2.JPG
يا ردالللللللله
( ايوه هما نفس الرداله الي ندهت عليهم لما اتنصب عليا )
أيـــــــــــه
شوفتوا البنته روزي عايزه تقول ايه
أيــــــــــــــه
إخواااااااااااااني
تسمحولي بكلمه واحده؟؟
كلمه واحده واماتزوديش
هاااااااااااا
الحكايه مش حكاية كلمه عايزه أقولها
الحكايه حكاية الي ورا الكلمه الي عايزه اقولها
هاااااااااااااا .... إنجزيييييييي
( :( :(.... ده واحد من الرداله .. شخط فيا و أنا بتخض)
طيب تسمعوا الحكايه؟؟
بس قوليها من البداية و في الانجاز عشان زهقنا
(ماشي ماشي مانتوا كنتوا بتسمعوا عبد الحليم من غير ماتسربعوه
(هييه ضحكت عليهم هقول حكاية مش كلمة بس ) :D
ههههههه
هيا حكاية ابتدت من 13 سنه في ليله زي دي و في يوم زي ده و في شهر زي ده بس مش في سنه زي دي
كانت الدنيا ليـــــــــــــــــل و رعد و برق و مطررررررررررر
سكون تاااااااااااام و ليل محاااااااااااااااااال
( هيجي واحد من المغرضين يقولي مطر و رعد و برق معاه سكون تام ازاي , مش هرد عليه , عشان معرفش)
كانت الطبيعة مع موعد جلل
كان القدر بيلعب لعبته في إدارة الحياة
و إذ فجئة و بدون سابق إنذار أو حتى محاولة إخطار
إهتزت الأرض و تلتها السماااااااء
لحدث لم تشهده البشريه من قبل و لا من بعد
كل الطبيعه البشريه كانت متيقظه و منتبهه لهذا الموعد الجلل
بتتتتتتتت احنا مش فاضيين لك
خلاص ياراجل الله
الا هيا كانت مستنكراه و قاعده تتفرج على مسرحية يوم الخميس غير مباليه للهيحصل للبشريه بعد شويه
و بالرغم من ان الطبيعه بعتتلها كام انذار في صورة آلاالم متتاليه الا انها لم تكن مباليه
و عماله تقول مش دلوقت
و لما الطبيعه انترفزت و جابتلها هاينت في المسرحيه في صورة واحد قعد يقووووووووول يا عالللللللم مراتي بتجيب نونو
يمكن تعرف حل الفزوره
تنبه زوجها النايم جنبها انها احتمال تكون بتتاوب
و نزل يجبلها الدكتوره لقاها بتتاوب مع واحده تانيه
فرجعلها تاني و لأنها اقنعته انها مش بتتاوب دلوقت .... أصل الدنيا ليــــــل و برد قوي وهي مش في موود تثائب و مش مستعده تبرد فنأجل الموضوع دا للصبح و الصباح رباح
فمهتمش انه يرجع للدكتوره تاني
لكن أبدا تراراررا ابدا مقدرش اقعد اكتر من كده بقالي اكتر من تسع شهور هناك
و قررت ...... اللييللله يعني الليله
و هعتمد على نفسي
و مش مستنيه داكاتره
انا عارفه سكتي كويس
دا انا بقالي تسع شهور ايه هوا انا كنت بلعب
[-(
وفعلا أخدت شنطي ومشيت
بس عشان شغل العيال ده
المجهود الي بذلته لوحدي
جيت ماحتطش منطق
وافتكروني ميتـــــــــــه
ولفوني في قماشه و خلاااااااااص وحطوني على جنب
الاشرااااااااااااار
في عز التللللللللللج
دا انا لسه متلجه من يومها سوري ( باردة ) :D
هوا يعني عشان انا حد مميز و مش بعمل دوشه زي بقيت النونوهات العاديه تقوموا ترموني كدا !!! لن انسى لكم هذا الموقف
فضلت قاعده محترمه و اقول يا بت هيجو يبوصوا عليكي بصه تانيه من نفسهم امسكي نفسك ... لكن مافيش فقلت
أبعبر عن كياني قبل مايسبوني اتجمد كده
رحت عامله حركايه كده
(ياااااااااااه لسه فاكره اليوم ده زي مايكون حاصلي من خمسه و عشرين سنه فاتت )
لقيت ماما بتقول لبابا الحق دي بتتحرك
الحمد لله انه مش دارس طب شرعي ولاحاجه كان قالها دي تشنجات في الجثه بتحصل بعد الموت طبيعي
الحمد لله
راح شايل القماشه وشال الي كان قافل بقي و مناخيري
ورحت مصرخه في وشه
خنقتني يا أبي ... آه أنا مؤدبه مش هقله خنقتني يا أخي
اهو الشويه الي قعدت فيهم من غير اوكسجين دول هما السبب في التخلف العقلي الي عندي
يا سلام دا انا كاان زماني عبقريه لو ماسبونيش كده
وهكذا يا اخواني
من هنا كانت البداية و ابتدى الشعب الحكاية قصدي و ابتدت روزي الحكاية
---------
الدروس المستفاده
الجو بيبقى برد في شهر اتنين و ده لمعلومتكم فقط
روزي كانت ممكن تبقى أكثر زكائا
في يوم من الأيام مكنتوش هتشوفوني :D
على جنب كده
صعب قوي ان التقدم الوحيد في حياة الانسان يكون هوه التقدم في عمره بس
لارسال الرسالة اضغط رقم 5 أقصد ابعت على العنوان دة : خمسه شارع حكاية شعب الدور الرابع الشقه الي على ايدك الشمين
كل سنة و انتو طيبيــــــــــــــــــــن
ملاحظة
أعذروني فعلا جالي عبط ما سدقت خلصت امتحانات
