اعمــل نفسكـ ميت ..
السلام عليكم ورحمة الله وبركاتة
كنت عايز أناقش موضوع كدهـ معاكم
لأنه منتشر جدا اليومين دول
وهو نظرية "أعمل نفسك ميت"
نوضح اكتر أكتر
أي حد دلوقتي بقي ممكن يشوف أي حاجه بتحصل قدامه في الشارع تتضايق
يعني مثلا بنت بتتعاكس
أو حادثه وفيها مصابين
MasrawyCafe.com
يقوم يقولك: "ياعم .. كبر دماغك .. أنا مالي .." أعمل نفسك ميت "
ويمشي ولا كأن فيه أي حاجه ومايفكرش حتي أنه يشوف فيه اي حد محتاج مساعده ولا .. لأ
والموضوع أنتشر بشكل كبير جدا وبقينا نشوفه كتير
وبعيد عن أنه مش من الرجوله
MasrawyCafe.com
طب تعالوا اسمعوا قصه سمعتها في الراديو وضايقتني جدا:
بنت راكبه ميكروباص
اتخانقت مع السواق
السواق وقف العربيه وقام وضربها بالألم علي وشها
أيه اللي مفروض يحصل في الحاله دي
المفروض يعني
أن علي الأقل أوي أوي رجلين تلاته يقفوا جنب البنت ويتصرفوا أي تصرف مع السواق ده
المصيبه أن مفيش أي حد عمل أي حاجه
تخيلوا دي
كله قالك: "ياعم .. نفض .. المهم الواحد يوصل مكان ماهو عايز .. هي أختي يعني .. بلاش مشاكل .. "أعمل نفسك ميت"
طبعا الموضوع ده كان ممكن أصدقه لو أتقالي في أمريكا أو في أوروبا
لكن بجد لما سمعت أن حصل في بلد الجدعنه والمرؤه مصر مكنتش قادر أصدق
MasrawyCafe.com
خدو مثال تاني سمعته في البيت بيتك:
فريق عمل مسلسل لـ "محمد صبحي"
ماعلينا
المهم كانوا رايحين مكان بالعربيه وعملوا حادثه علي طريق المحور ومعظمهم اتصاب
بس المره دي فيه ناس وقفوا معاهم
طب فين المشكله
المشكله أن الناس كانوا عايزين يعدو المصابين الناحيه التانيه للطريق عشان .. عشان .. "مش فاكر والله"
ماعلينا
المشكله بقي أن العربيات بقت رافضه تماما تقف أو تبطء حتي عشان الناس يعدوا المصابين
تخيلوا شايفين ناس متشاله عالكتاف ومتصابه وبتموت ورافضين يبطأوا عشان يعدوهم
وكل واحد يقولك: ياعم... أنا لسه هأقف ولا أبطء... أنا مستعجل... أعمل نفسك ميت"
MasrawyCafe.com
بجد ياجماعه الموضوع ده محتاج نقاش مننا كلنا
وأنا متأكد أن كلنا حاسين الموضوع ده وبنشوفه قدام عنينا
ومحتاج أرائنا كلنا
ونلحق نفسنا قبل ما واحد مننا يحصله حاجه "بعد الشر" ومايلاقيش حد يساعده
وكله يعمل نفسه ميت
MasrawyCafe.com
منتظر ردودكم ومحدش يعمل نفسه ميت
