عرض للطباعة
طول ما انتى بتفكرى انك عايزة تنسيه يبقى عمرك ما هتنسيه
انت مش أول ولا آخر واحده اضحك عليها
لكن بإيرادتك
هتقوى نفسك وعيشي حياتك عادى خااااااااالص
تقدرى
نفسى اعمل كده وبجد بحاول ولكن كل حاجه بتاخد وقت
فات شهرين يارب يبقى اللى جاى اقل من كده
اللى وجعنى اوى انى حاسه انى حبيت حد ميستهلش
مش اكتر
اقتباس:
المشاركة الأصلية كتبت بواسطة اميرة الجراح
يابنتى شهرين مش وقت خالص
بس أكيد حبك ليه دلوقتى مش زي من شهرين
صح
وكل يوم أكيد حبك ليه بيقل
ربنا يوفقك وتابعيني بالأخبار :)
انا بقى المشكلة اللى عندى انى خلاص كل تفكيرى هو الحب والخطوبة لانى خلصت وكل اصحابى تزوجوا مع انى سنى مش كبير بس ساعات بحس انى خلاص راحت عليا يعنى لما بتكلم مع اصحاب اخواتى واخرج معاهم بحس انى تفكيرهم لسة صغير اه بنضحك ونهظر بس برضه مش هما الصحاب الاوى كمان اصحابى اللى لسة زى بقوا بشتغلوا ومش فاضيين يدوبك بنكلم فى التيليفون المشكلة انى اصلا معدش عندى الميل انى اصاحب حد اوى مع ان ده كان زمان من اهم اهتمامى
انا بصراحة اتصدمت فى كذا واحدة من صحابى اللى تزوجوا
وكمان دايما مودى زهقان انا حاسة انى بتبطر على النعمة بس اعمل ايه
هتقولولى اشتغلى انا بشتغل وكمان فى البيت بساعد امى انا ما بقتش احب احكى لحد حاجة لانى ما حبش حد يقعد يصعبن عليا او يجرحنى بكلمة لانى ساعات بحس انى فى اصحاب لية بتريقوا انا عندى كمان مشكلة وهى ان والدى متزوج على امى وده شئ خانقنى اوى على رغم ان ده بقاله كام سنة بس انا بغير على والدى جدا مش قادرة اتكيف مع الواقع
انا ليل نهار بعيط وتعبت اوى
انا مش هضحك عليك وأقولك ان دى مش مشكلة
لا طبعا
دى مشكله
لكن كل مشكله وليها حل
انتى اللى عندك ده فراغ نفسي وعاطفى
انتى شايفه ان الناس بتبعد من حواليكي
بيتجوزو ويخلفوا ويشتغلو وكده
وشايفه ان انت لسه فى مكانك مش بتتحركى
انا فعلا هقولك أشغلى وقتك وأشتغلى
لكن شغل عن شغل يفرق
يعنى لو بتشتغلى فى شغل بتحبيه
هتحاولى تتقدمى فيه
وتقدمك فالشغل هينسيكي حزنك وهمك
أما بالنسبه لباباكى فده ماقدرش أقولك حاجه غير انك لازم تؤمنى بالواقع
انتى بنته وهى مراته
يعنى بعيد عن بعض خالص
انتى يا حنين اللى ناقصك بجد هو الحب
لانك قربتى حتى انك ماتحبيش نفسك
لأنك بالفعل كرهتى الدنيا
أعتقد ان كل ده هيروح لما تقابلى ابن الحلال
وترتبطى
لكن أوعى تستعجلى على رزقك
وربنا يوفقك
وانا معاكى فى اى مشكله تعرضيها علينا
ولكى منى فائق أحترامى وتقدير :)
منتظر ردك .......
كل سنة وهوطيب
شكرا علىا هتمامك بمشكلتى
انا بفكر اعرض نفسى على دكتور نفسى لانما بطلعشتقريبا من الحالةدى وخايفةيكون اكتئاب لان السنةاللى فاتت كان عندى وسواس بس بفضل الله اختفى من عندى
اما على الشغل هو كويس بس المشكلة فيا انا اللى مبقاش ليا رغبة فى الشغل ولا فى الخروج انا احلى شئ عندى هوالنت اواعيش فى الخيال
بسوالدتى بتقولى ان مش محتاجةلدكتور وان انا اللى هتعبنفسىبنفسى بس والله دىحاجة خارجة عنارادتى
انا بدعى ربنا عارفة انى لازم اصبر بس جوايا تعبانة وبعيط على طول وبقيت حساسة من اى كلمة تتقال
اما عن الحب فانا الحمد لله بقدر اتحكمفى نفسى وعلى رغمانى مشمرتبطة بس انا مش بوافق على اى حد ولا بوافق على انى ارتبط بحد منغير علم اهلى
معلش انا زهقتكم زمامنكم بتقولوا ايه البت النكد دى مش كدة:-/
انا بجد نفسى اضحك من قلبى بس مش عارفة
نكد ايه بس
والله انا كده أزعل منك
أمال انا عامل التوبيك ده ليه ؟
ماهو علشان نفضفض فيه
وبجد ربنا معاكى ويقويكي
وتابعيني دايما ً بالأخبار
أخوكى / محمد :)
انا اول مرة ادخل الموضوع دا وبشكرك علية كتير يا مودى واسمحلى اقول حاجة لحنين
عارفة يا حنين كل انسان بيجى مرحلة لية و بيتغير. التغيير دا بيبقا من مرحلة كان عايش فيها زى الطير حر فرحان طاير ومفيش هم بس بعد كدا الحياة بتتغير
ودا شئ طبيعى هى دى الحياة مراحل بس كل مرحلة بتبقى فى بدايتها صعبة
اقصد ان اننتى كنتى عايشة حياة الجامعة واصحابك مكنش فى حياتك غير دراستك واصحابك يعنى كانو وخدين وقتك انتى دلوقتى عديتى المرحلة دى
المرحلة التانية هى اللى انتى عايشاها بتفكرى فى حياتك الجاية ومستقبلك والمرحلة دى انتى بتكونى مسؤلة بتشيلى همك وهم اللى حوليكى انتى لسة مش قادرة تتكيفى معاها بس عارفة خليكى مع ربنا وخلى عندك ثقة فية وكمان لازم يكون عندك ثقة فى نفسك
عارفة فى ناس بتعيش حياتها وفى ناس حياتها هى اللى عيشاها
الناس اللى بتعيش حياتها دى بيبقو عندهم ارادة وثقة فى نفسهم بيواجهو المشاكل وبيقعو وبيقومو دايما عندهم اصرار انهم بحققو حاجة فى حياتهم
الناس اللى حياتها هى اللى عايشاها دول بيستسلمو ودايما بيهربو من الواقع لعالم الخيال بيخافو من الفشل
انا حاسة انك عايز تسلمى انتى لسة صغيرة لما هتسلمى من دلوقتى للحزن والاكتئاب امال قدام هتعملى اية
دورى على كل حاجة حلوة حوليكى وعيشى ليها عندك شغلك انجحى فية وعندك اصحابك فى شغلك اكيد هتلاقى منهم اللى يفهمك
عندك امك واخواتك اهتمى بيهم حبى كل حاجة حوليكى واعملى كل حاجة بحب صدقينى هتلاقى نفسك بس اللى انتى بتعملية فى نفسك دلوقتى انتى بضيعى نفسك و مش تخلى النت كل حياتك وتعيشى فى عالم الخيال اللى بتقولى علية علشان مش كل ما مشكله تواجهك فى حياتك تهربى منها لازم تقدرى توجهى ومش تستسلمى
بالنسبة لتفكيرك فى الحب والخطوبة مش تدور عليهم هما هيجو فى وقتهم ومش تقعدى تستنى وتخلى حياتك وتفكيرك مقتصر على الحاجة دى صحيح دا مستقبل كل بنت بس كل شئ باوان
بالنسبة بقا غيرتك على ابوكى هو صحيح كل بنت بتبقى مرتبطة بابوها اوى بس هتمعلى اية بس لما تلاقى انسان محترم ترتبطى بية غيرتك دى هتختفى تماما
وربنا يوفقك ويسعدك يارب :x
آمين يارب
كلامكم جميل اوى زى البلسم وربنا يوفقنا جميعا
شكراااااااااا ليك يا محمد وياسارة ربنا ما يحرمنى منكم :):):):):)
ساره انتى بجد حد جميل جدا جدا جدا وكلامك زى الفل فعلا ومش فيه اى غلط لازم يا حنين تقفى وتواجهى اى مشكلةلازم تكونى انتى اقوى من الظروف وزى ما سارة قالتلك وأبدعت فعلا عيشي حياتك مش تخلى حياتك هى اللى تعيشك يارب ربنا يوفقك يارب وانتى كمان يا ساره وأتمنى ان لو فى اى حاجه مضايقاكو تيجو وتفضفضوا هنا وتكونوا معايا فى أى مشكله حتى لو بعيده عنككم من اى عضو تانى علشان انا بتعب بجد وشكرا ليكو وربنا يوفقكو