كان عندنا دكتور اسمه عبد الفتاح دياب في كلية تجارة بني سويف كان يكره الكابات واللبان وييبقى يومه إسود اللي يتمسك وفي مرة من المرات مسك طالب بيمضغ لبان قاله خد يا كابتن اسمك ايه قاله ريمون قاله الله اسم جميل
يا ولاد البنت لما بتمضغ لبان بننقول عليها ايه الطلبه قالو مش عارفين قالهم بنقول عليها كلام وحش أما الولد لما يمضغ لبان نقول عليه ايه قالولو بنقول عليه كلام وحش قالهم لا الأول بنقول انه بنت وبعدين نقول عليه كلام وحش
مره تانيه مع طالب اسمه نمر دا اللي كان موقف بجد حلو
نمر ناسي نفسه وقاعد هيمان في زميلة وناسي الشرح وناسي ان فيه دكتور أصلا لمحة الدكتور ده قاله إحنا بنقول ايه قاله مش عارف قال الدكتور تعرف ايه عن إدارة الأفراد قاله مش عارف قاله طيب اسأل نفسك سؤال في إدارة الأفراد قاله برضه مش عارف قال سقفو له هههههههههه قاله يا دكتور انا مش بافهم حاجه من حضرتك قاله انت اسمك ايه قال الطالب اسمي نمر قاله انت بتهددني قاله معاذ الله يا دكتور
قاله يا نمر اتفضل بس خد بالك معايا عشان ح اسألح وح تجاوب نزل نمر من على المنصة وقال والله ما يسألني تاني ما ح اجاوب الدكتور قال يا نمر قاله نعم يا دكتور قاله أسم ابوك ايه قاله عبد الحميد قاله أديك جاوبت يا حيوان ما تقولش مش ح اجاوب تاني
