ارجوكم ساعدونى انا محتاجكم اوى

ياسمين
انا مقدرش أقولك غير انك انتى اللى بتظلمى نفسك
وانتى اللى بتقللي من نفسك مع اللى يسوى واللى مايسواش

انا مش هقولك انك تندمى على حبك ليه
لأن الحب عمرى ماكان غلط
لاكن تندمى علي الأيام اللى كانت مابينكو وانتى صدقتى الكدب بتاعو
بس انتى كنتى عايزة تصدقي الكدب ده

لأنك ممكن تكونى أول مرة تحبى
و17 سه يعنى مرحله مراهقه
انتى ممكن تكونى لسه ماقابلتيش حد تانى زيه
بس أكيد هاتقابلى فيوم من الأيام


بلاش تظلمى نفسك وقلبك يا ياسمين

كرامه البنت فوق كل شئ

لازم يكون كرامتك فوق كل شيئ وهى نمرة 1

ولازم ثقتك فى نفسك تكون كبييييييرة قوى

لأنك لو مثقتيش فنفسك
الناس مش هتثق فيكى

وياريت تعملى بالكلام ده
وتنسي خاااااااااااااالص كل حاجه
وبصى لقدام

وربنا معاكى ويوفقك

وتابعيني بالأخبار


أخوكى /
.::Mr.Mody::.

مرسى ربنا يخليك ونفسى ربنا يقوينى زى ما انتوا كلكم بتنصحونى بس اعمل ايه ادعولى استحمل النار اللى جوايه........انا لسه شيفاه حالا وانا نزله وحسيت انى حقع من طولى وكنت عايزه امشى قبل ما يشفنى والحمد الله مشفنيش بس انا اتضيقت واتختقت

مفيش حاجة اسمها اتخنقت ولا ضايقت فيه عقل ورزانة
اكيد الموقف كان عليكي صعب لكن اسمحيلي اقولك انك انتي لي ساهمتي فيه
فين كبرياء البنت لي عندك فين عجرفتها حتقوليلي حبيته اه بس من طرف واحد
السبع سنين دول خسارة فيه وخسارة يضيعه ببلاش وفي سبيل واحد ولا قدر البنت لي معاه
لكن ارجع وقول انتي السبب واللوم والبكاء ولا حينفع دلوقتي
العيب مش في اننا نغلط لكن العيب الحقيقي اننا نكرر الغلط ونداويه بغلط اكبر
بصي للسبع سنين الي ضاعوا من عمرك وحطيهم دائما قدام عنيكي
وتأكدي انه ولا حبك ولا حيحبك النوع ده من الشباب المستهتر ولا بيعرف معنى الحب
ولا بيراعي اي احساس وشعو ر نبيل فلازم تحمدي ربنا وتكثري في حمده لانه نجاكي
اه نجاكي منه ولعل التجربة دية تكون ليكي عبرة وقدوة مستقبلا
الحب سعات مش قلب وبس لاء ده كمان عقل وتفكير وحكمة
انسي لي فات اعملي برمجة لعقلك وامسحي منه السبع سنين لانك المساهم الاول في ضياعهم
ومع شوية صبر وارادة حتقدري تتجاوزي المرحلة وبلاش نسمع منك كلمة تعبت وزهقت واتخنقت
لانهم مصطلحات الضعفاء وانتي كنتي ضعيفة بما فيه الكفاية فحرام تضيعي لي جاي كفاية اوي
لي راح
على كل هو الخسران عشان فرط في قلب حبه واخلص اليه وبكرة ربنا يعوضك بلي احسن منه
وربنا يمهل ولا يهمل

مرسى يا شمس على ردك وانا حاحاول اعمل اللى انتى قلتى عليه وادعيلى:((

ربنا معاكى
بصي انا زيك واختلف عنك انى لما حسيت انه مفيش امل سبته وانسحبت ومنكرش انه كان جرح وكبير جدا ولسه ساعات بفتكره وبتالم منه
وانتى كمان الفرق بينى بينك انك تاخرتى كتير
لكن صدقيني هتنسيه وهيفضل ذكرى بس
ذكرى جرح اه ومؤلمة اه ومحزنة اه لكن الزمن هينسيكي وهتلاقي انسان تحبيه وتعوضى كل الي ضاع منك وتخلصي لجوزك ان شاء الله قومى وامشى وعيشي حياتك من جديد >:D<

مرسى كتير يا حبيبتى بس عايزه اسئلك انتى نسيتيه وقدرتى تعيشى وياترى عيشتى حياتك طبيعى ولا؟

انا قلبى معاكى طبعا

بس ازاى 8 سنين معرفتيش انه بيحبك

المشكله عندكو انتو يابنات لمل بتحبوا بقلبكوا بس وتلغو عقلكو خالص

هوه اكيد ربنا مش هيسيبه

وانت لازم تحاولى تنسى وتفكرى ف المستقبل وانتى ف عز شبابك

ومليون واحد يتمناك

بالتوفيق

مش عايزين يبقى كلامنا تقليدى ودة امر طبيعى نحاول كمان ما نخليش احساسنا تقليدى وهو احساس ان الدنيا بتقف عند حد معين اللى بتقنعى نفسك بية هو اللى بيحصل لو اقنعتى نفسك انك قوية وتقدرى تستغنى عنة هتقدرى وانا ما قلتش تنسية علشان ما حدش بينسى حد حبة بجد لكن هتقتنعى انك هتستغنى عنة هتقدرى تقبلى غيرة وما فيش حد زى التانى ولو حد خدعك وانتى خدتى دة قاعدة لازم تشوفى عالم تانى تعيشى فية

ياسمين مش هكرر كلام قالوه اخواتى هنا فى الموضوع
بصى الانسان ده كان حابب يشوف نقطة ضعفك ويدوس عليها الدليل على كده انك لما كنتى بتبعدى كان بيرجع علشان بينه وبين نفسه حابب يشوفك هذيله ومش فيه كرامه للأسف دلوقتى بعض الشباب لما بتلاقى البنات تتدافع عنها حبها وتتمسك بيه يتقال عليها مش عندها دم ولا كرامه ومش بيحسبوها انها بتحب بجد علشان كده والله الانسان ده مايستهلش منك انك تزعلى عليه اعتبريها تجربه كانت طويله شويه ولازم تستفيدى منها بس العيب انها تكرر تانى علشان خاطرى
انتى باين عليكى طيبة قوى قومى يا ياسمين واقفى على رجلك تانى
ولا يهمك حاجة وان شاء الله ربنا هيعوضك خير وماتخافيش البنى ادم ده
هايشرب من نفس الكاس اللى شربتى منه بأى طريقه
هتلاقى حب احسن منه بس رحبى بالحب وكل حاجة بس اتعلمى من التجربه حبى من قلبك بس احكمى عقلك
ربنا يوفقك يا حبيبتى وانا بدعيلك بالنسياان
اختك سندس

مرسى ربنا يخليكوا ليه ياااارب وياريت تدعولى بالنسياااان