اقتباس:
انا كنت شفتها معايا فى درس
فلفتت نظرى جدا جدا
وحسيت ان انا كمان لافت نظرها
فنظرة ثم نظره ثم ابتسامه
وكلمت واحده صحبتى وصحبتها فنفس الوقت
وتشوف الجو عندها أيه وكده ....
بدل ما أتكلم أنا وأتحرج
فالمهم صحبتى قالتلى أن هى معجبه بيك جدا ً جدا ً
{كلام بنات بقى}
فالمهم تانى يوم على طول رحت وقولتلها ..... (معاكى ملزمه الأدب بتاعه الحصه اللى فاتت)
فتلخفنت فى الكلام وقالتلى ...
(لالا ....اه اه .. معايا .. مش أنت كنت موجود المرة اللى فاتت)
فعرفت ان هى كانت متابعانى من المرة اللى فاتت..
فقولتلها ...( اه بس مكنتش مركز .. وكان فى حاجه كده شغله بالى )
فقالتلى ...( اااااه ... أوكى .. )
وبعد كده رحنا نصور ورق المحاضر مع بعض
وطلب منها رقمها ...
وأول ما روحت قولتلها ...
( أنا فعلا بجد معجب بيكى...وتشدتلك من أول ماشفتك)
موافقه ....!!!؟؟؟؟
قالتلى : على إيه ؟؟؟
قولتلها : ان أحنا نكون مرتبطين !!!!!؟؟؟؟ ( ومش عارف انا قولتها أزاى والله )
قالتلى : محمد
قولتلها : نعم ....؟؟؟؟
قالتلى : بـــــحــــبـــــك
