بتصدق الكلام دة (انا شفت عفريت)

حقيقى ياعم مصطفى كان نفسى اتعرف بيك لقيت عايز تعرفنى

على العفريت

بجد الحكاية بتعتك تخوف
بس انا رغم انى مش بحب اصدق الحاجات ديه لانى لو صدقت هخاف اكتر ما انا خوافة
بس قبل كدة جدى زمان وهو راجع من صلاة الفجر دخل الحوش بتاع البيت لقى واحد قاعد ولما راح يساله انت مين راح لقى حيطة بينه وبينه ولما جى يخرج من البيت لقى نفس الحيطة فجدى قعد يقرا قران لحد ما الحيطة راحت وطلع البيت
وكمان ماما كانت بتحكلنها انها زمان وهى صغيرة كان فى الحارة بتاعتهم عسكرى مات وهو مدبوح وكان كل يوم بليل يطلع فى الحارة وهو راكب على حصان ودماغه مقطوعة وعمى كمان شافه
كفاية عليكم لحد كدة

انتى اللى خوفتينا يا كتكوتة وبتقولى خوافة
وبعدين مين اللى كان عفريت العسكرى ولا الحصان
تسلمى على المرور الجميل

=))=))=))
حلوة الحصان اللى عفريت

اقول حاجة بقى روحوا كلكوا الله يسامحكم لانى بخاف من الحاجات الحقيقية :(
مع انى مش بتفرج غير على افلام الرعب :D

شيرى بتتفرجى على افلام رعب وبتخافى طيب بتتفرجى لية

هههههههه
لا على فكرة انا خوافة جدا بس دلوقتى بحكم ان انا كبرت بحاول ما اديش اهتمام للعفاريت
وبعدين العسكرى هو الى دماغه مقطوعة مش الحصان ولو عايزنى احكيلك كام حكاية كدة حقيقة عن العفريت اطلب بس وانا احكى
لانى فضولية جدا وبحب اسمع الحكايات دى واحكيها كمان

لا ياقبطان انا بحب الافلام الرعب لانة مش من الواقع اما العفاريت واقع :(
طيب ياكتكوتة احكى وانا بسمعك وامرى لله :(:D

والله يا قبطان اناا مشيت بالليل كثير فى حتت مقطوعه
وكنت بشوف نااس تعدى من جنبى كنت بترعب منهم ما هى حته مقطوع بقى بس كان بيبقى معاياا حد
لو لوحدى بقعد اقرا فى سوره البقره لحد ما اطله منها قبل كده كنت مااشى من جنب الترب ومش اى ترب
ترب المسيحيين المسافه بتاعتهاا لخروج للشارع الرئيسى زى طول الاستاد 3 مرات كده قرات فيهم جزئين من سور البقره
فالواحد بيستعين بربناا فى المواقف اللى زى دى فمش عارف ان كنت شوفت عافريت ولا لأ

بس اناا كلمت عفريت قبل كده حقيقى ده بقى والله
كانت بنت عمى ملبوسه وكانت بيعمل حاجات فيهاا ربناا لا يوريك جيت فى يوم كنت مع ولدى فى العزبه بتاعتناا
ورحناا كان بالليل فى اليوم ده جوز خالتى كان هناك شيخ هو كان بيقرالهاا قران يعنى والحاجات دى
واناا قاعد قدامهاا وهو عايز يخرجوا وبيعافر معاه بقى وده يقولوا لا هطلع من عينيها من رجليهاا
واناا يا سيدى قاعد قدامهاا لقيته مره واحده بيقولى انت مش خايف اوعى من قدامى احسن اطلع وادخل فيك >:)
بصراحه اناا ضحكت كده فى نفسى قدامهم كده وكنت من جوايا هموت من الرعب :-S
روحت عملت نفسى هقوم اجيب ميه وروحت واخذ الكبايه وقاع بعيد
بس الحمد لله عدت على خير

abdelnaby
اظن انت كدة خوفتهم بجد وترب وارواح وعفاريت دة انا قربت اخاف هههههههههه
خلاص شيرى طلبت من كتكوتة تحكى وانا كمان مستنى يارب ما تتأخرش علينا

كتكوتة انا وشيرى مستنيين ياللا فين الحكايات