عرض للطباعة
يا جماعة انا مش معاكم
وبعدين مين فيكم مش بيتفرج على افلام فى التليفزيون والا احنا بنضحك على نفسنا :(
فيه ناس بتدخل تنزل افلام
انا مش منهم لكن فيه ناس بتدخل المنتديات تدور على افلام ودي حقيقة ;)
احنا ممكن نخليهم بس افلام مافيهاش اي حاجة وحشة >:D<
افلام سياسية وتاريخية مثلا
وبالنسبة لقسم الافلام الوثائقية جميل جدا ومحتاجينه من زمان
احنا ننقى افلامنا اللى نعرضها حتى ولو كانت اكشن تكون نظيفة وخالية من اي مشهد غير لائق :)
ده رأيي الشخصى وتحياتى لمجهودكم الرائع >:D<
السلام عليكم ورحمة الله وبركاته
اخي العزيز أحمد حمدي
هسألك سؤال كده
هو في فيلم عربي او اجنبي من غير مشهد غير لائق
ولو اعتبرنا بوجوده
في فيلم من غير ما تطلع فيه واحده بشعرها
وده حكمه ايه؟؟؟؟
والذنب على مين ساعتها؟؟؟
على اللي حمل بس
ولا على اللي جابه على المنتدى
ولا اللي ساعد في وجود مكان زي ده على المنتدى؟؟
اخى فى الله
هسألك سؤال انت بتتفرج على التلفزيون والا لا
وبعدين معلش اعزرنى انت مشرف على منتدي على خطى الحبيب والاسم (هاري بوتر)) ينفع ؟؟؟
يا جماعة احنا عاوزين الايمان من الداخل مش الشكليات بس ولو على موضوع الشعر فانت وانا بنشوفه كل يوم وفى كل مكان مش فى الافلام بس
المهم انت من جواك ايه وبتبص بشهوة والا عابرا ...... العلاج من الداخل من الداخل
تحياتى
اقتباس:
المشاركة الأصلية كتبت بواسطة mr_ahmedhamdi
الحمدلله يا أحمد
بقالي اكتر من خمس سنين مش اتفرجت على التلفزيون
ولله الحمد
اما الاسم فبعيدا عن اي حوارات وبعيدا عن ان ده مش الموضوع اصلا اللي بنتكلم فيه
الاسم انا في سبيلي لتغييره
وصح اللي انت بتقوله
العلاج من الداخل
ولازم الخارج يساعد الداخل على العلاج
وفي الاخر الداخل هيطلع على الخارج ويبئى الاتنين شئ واحد
ومش تقولي مادام هنا ابيض يبئى خلاص
ولا ربك رب قلوب
فعلا ربنا رب قلوب وأعمال
فمن صلح قلبه
صلح عمله
ومن فسد قلبه
فسد عمله
" تعرض الفتن على القلوب كالحصير عودا عودا . فأي قلب أشربها نكت فيه نكتة سوداء . وأي قلب أنكرها نكت فيه نكتة بيضاء . حتى تصير على قلبين ، على أبيض مثل الصفا . فلا تضره فتنة ما دامت السماوات والأرض . والآخر أسود مربادا ، كالكوز مجخيا لا يعرف معروفا ولا ينكر منكرا . إلا ما أشرب من مراه " رواه مسلم
والسلام ختام
انت بتتكلم على اساس اننا ما نشيلش وزر اللى بينزلو افلام وبيشوفوها عندنا مش كدة بغض النظر اذا انصلح حالهم ومانزلوهاش من اماكن تانية او لا
عموما
ربنا خلقنا مخيرين حتى لو مفيش تلفزيون خالص ومفيش الوسائل الموجودة دلوقتى من دش وفيديو وكمبيوتر ونت................... الفاسد حاله بيجرى وراء الرزيلة والنساء وفيه منهم حتى وقتنا الحالى ومنهم من يشرب الخمر
وفى الحياة عامة امامك الصدق وامامك الكذب امامك الخير وامامك الشر واللى مش هيدخل يجيب حاجة من عندك هيجيبها من مكان تاني كويس كده
طيب ازاى تقدر توجهه انه يختار الحلو ويسيب الوحش
الممنوع مرغوب وانت عارف ده كويس
انا معاك ان كل نظرة محرمة هنتحاسب عليها طيب ازاى نعدل نظرتنا للاشياء ونفهم الناس
انا بكلمك على العلاج على نطاق واسع شامل ان يبقي قدامك الخير والشر وانت تختار الخير هي دي الرسالة الواجبة على المنتدي مش انت وانا بس
دورك فى اصلاح الامة انا مايهمنيش اننا نحط ركن الافلام او لا بقدر ما يهمنى انه يكون ركن الافلام موجود والناس بتنبتقى منه الافلام السياسية والتاريخية والدينية والعلمية وتترك الباقى ايا كان نوعه هو ده اللى اقصده
تحياتى
لذلك وجب علينا الأمر بالمعروف والنهي عن المنكر
" من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك هو أضعف الإيمان " أو كما قال رسول الله في الحديث الصحيح
استاذ علي
عرف ينهي عن المنكر بيده
فعمل
واحنا مفروض ننهي عن المنكر بلساننا
والله يهدي إلى سواء السبيل
إنما علينا البلاغ
هدانا الله جميعا لما يحب ويرضى
والســـــــــــــــلام ختــــــــــــــــام
تسمحولي يا جماعه اقول رأيي ..:D
انا في حياتي مشفتش فيلم خالي تماما من الكولسترول قصدي اللقطات الغير لائقه :D
الي بيكسب الوزر الي عملو الفيلم في الاول وبعدين اصحاب المحطات الي عرضوها والمشاهد كمان
ومتنسوش انه من دعى الي معصية كان له مثل ذنوب من اتبعه لا ينقص من ذنوبهم شيئا
يعني الي عملوا الفيلم هياخدوا ذنوب اصحاب المحطات والمشاهدين واحد واحد
واصحاب المحطات هياخدو كمان ذنوب المشاهدين واحد واحد
والمشاهد هياخد ذنبه لوحده ولو كان فرج اسرته معاه هياخد ذنوبهم
لحد ما البلد كلها تروح جهنم وبئس المصير :D
صاحب الموقع بقى مش عاوز يشيل ذنوب البشر دي كلها وانا لو مكانه كنت عملت كده
هو لو سابه هيشيل ذنوب كل الي شافوا الافلام دي واحد واحد
انا شايف انو معاه حق
ودا في النهايه رأي مش اكتر
مع احترامي الشديد للجميع :)
اقتباس:
المشاركة الأصلية كتبت بواسطة انتهينا
ردك رائع جدا
وده اللي مفروض يحصل من الكل
يفرحوا
مش يزعلوا أو يعترضوا
الحرية ليها حدود داخل اطار الدين
بارك الله فيك
خطوة جدا ايجابيه