الردود كلها عجبتنى بس ليا تعليق بسيط على الاخ اللى بيقول ان الادب بيبان لما ماتقدرش تبص في عنيه وتتكسف وممكن كمان تعيط
احب اقوله ان دا كان زماااااااااااااان البنت دلوقت مع الخروج والاختلاط بالناس والتعامل معاهم بقت ممكن نقول مش اى نظرة ولا كلمة تأثر فيها وعادى جدا انها ماتتكسفش اكيد الحياء جزء من البنت بس مش اساسي
يعنى في بنات فعلا من صفاتها انها بتكسف زيادة عن اللزوم وفي بنات جريئة حبتين مالهومش في الحركات وشي في الارض والجو دا
عادى يعنى مش مقياس
كمان عاوزة اقول ان الطيور على اشكالها تقع وانا ممكن اكون على يقين ان كل شاب او بنت بترتبط بالانسان اللى زيها بالظبط
يعنى استحالة شاب عمل البدع وعاش حياته بالطول والعرض هيرتبط ببنت مالهاش في اى حاجة ..............
كمان انا شايفة ان دلوقت بقا من السهل اوى ان اى حد سواء بنت او ولد ممكن يخدع الطرف التانى بحسن الاخلاق والحاجات دى بس التمثيل والادعاء مابيستمرش كتير لان اكيد مش طول الوقت هنمثل على بعض
توبيك رائع وفي انتظار بقية الردود
