عرض للطباعة
ايا كان يا سراج اللى قال ..
ماحدش ينكر انها فكره و خطوه ايجابيه لشعب بيقول اه فى سره ..
و هو يقال يعنى على حد ما الاعلام بيقول انها جماعه على الفيس بوك هما اللى قاموا بالحمله دى لحد ما وسعوها فى دماغ بعض الاحزاب ..
و سواء اللى قالوا عليها عاملوا حاجه ماعملوش حاجه
فاكيد غيرهم عمل ..
و يكفيهم شرف محاوله تغير حاجه الكل تعبان منها ( مع ان مفيش حاجه هتتغير )
ورق في تغير لم لم رجالة المحله يشيلو صورت الطاغيه مبارك في عز النهار يبق في تغير.
لم الدقهلية الغياب فيها يوصل 100% يعني نحدش يروح شغله يبق في تغير.
لم يخاف من رجالة دمنهور ان هم يرفع الفتات يبق في تغير.
لم عمال كفر الدور مش يروح المصانع يبق في تغير.
لم جحافل الامن تزل الشارع خوف من الشباب يبق في تغير .
لم الشعب الى كان شبه ميت يتحرك كده يبق في امل في النجاح في التغير
لا انا مش معاك فى دى
دا مش تغير
دا تعبير عن غضب ..
التغير اللى بجد لما الناس تبقى عارفه تعيش
لما مايبقاش فيه 40 % من سكان مصر مش تحت خط الفقر
لما يبقى فيه فرص عمل كويسه الشباب تعرف تعيش بيها
لما الناس تلاقى عيش .. يبقى فيه تغير ..
كل اللى حصل دا تمام ..
و بدايه ..
بس ... و بعدين .. .
بداية الغيث قطره .
الرسول صلى الله عليه وسلم ده 13 سنه لم يأمن بيه الى 70 ويوم اكثر من مليار مسلم .
خلى في امل وكفايه ان الشعب فاق
م انا بقولك كبدايه اكيد كويسه
و انها ايا كانت نتاجها فاكيد فى خطوه ايجابيه اننا عارفنا نقول لا ..
مهما الظلم فترته طولت .. فلت تطول ..
بس اديهم تقيله اوى يا ورق
اقتباس:
المشاركة الأصلية كتبت بواسطة ورقه
طب الحمد لله ان اللي ابتكر الفكرة دي مجرد شباب من ع الفيس بوك
والله انا كان في دماغي انه واحد من الجماعة اللي بيكبروا المواضيع
وتلاقيه راح شغله عادي جدا اليوم ده ولا في الدماغ
اقتباس:
المشاركة الأصلية كتبت بواسطة ملك الشطرنج
يا حبيب قلبي انت بتقارن ايه بايه؟
ايه اللي انت بتقارنه برسالة سماوية منزلة علي اشرف خلق الله؟
انت بتقارن اعتصام او اضراب وممكن عند بعض الناس بيقولوا عليها مظاهرة جوع بالرسول؟
بعد ذانك بلاش تكرر الموضوع ده تاني
انا مش عارف ارد عليك ازي بجد ولكن كل الى حقلهولك ان ما حدث في مهد الاسلام هو ما يحدث اليوم .
الجاهلة تكرر وده مش كلامي ده كلام الرسول صل الله عليه وسلم .
(سوف ياتي يوم على امتي الماسك على دينه كانها ماسك على جمره من نار)
ده الى بنباء عنه الرسول صلى الله عليه وسلم في هذه الايام.
(سوف ياتي يوم على امتي تتكلب عليها الامم كما يتكالب الكلاب على قصعت الطعام قال الصحابه أمن قله يا ريول الله قال بلا سوف تكوننون كثر ولكن كغثاء المطر )
النظر الى الحدث الاول وثاني وانت تعرف ان الرسول تحدث عن هذه الايام .
ولو نظرت الى هذه الحديث (افضل جهاد كلمة حق لدي سلطان جائر )
ممكن تفهم ان الى بيحصل والى حيحصل والى الرجاله بتعمله اشبه بدعوه جديده لتغير مش حقدر اقول زي دعوة رسوال الله من الخرج الى نور الاسلام بعد الجاهليه ولكن الى اقدر اقوله دعوه للوقف ضد الظلم والجبروت ضد مبارك الذي حكمنا 27 عام تحت الظلم وقهر ضد من يريد ان يورث الحكم ضد السرق ضد الغلاء حجات كتير اوي .
وبالله عليك لو مش فهم حول تفهم متكون سفسطائي تجادل بدون فهم .
وعلى فكره الدعوه للاضراب مكنت من اسراء راشد وأحمد العراقي على الفيس بوك بس كانت من أأتلاف القوي الوطنيه كله مسانده لعمال المحل فيرات نفهم وبعدين نتكلم تعرف استاذ سراج انا كان نفسي تكون معانه في قسم الشرطه يوم الاحد الماضي وتخدلك قلمين من الى خدهم ولا حاجه وانت كنت حتعرف وحتفهم
اقتباس:
المشاركة الأصلية كتبت بواسطة ملك الشطرنج
برده ها يعمل مقارنة بين عهد الرسول والايام دي؟؟؟
بص يا حبيبي
اذا كنت ها تقارن بين اليومين دول وبين اول بداية الاسلام اوكي
بس قولي مين اللي زي الكفرة دلوقتي يا عم المسلم
مع العلم ان في حديث فيما معناه علي ما اذكر يعني انه مش ينفع ان الواحد يقول علي مسلم كافر مهما ً عمل
وللمرة التانية عايز اقولك ان مفيش وجهة مقارنة بين ما حدث للرسول وبين ما يحدث اليومين دول
وبعدين يا عم عادي يعني حكاية قلمين في الاقسام دي
ما هم بيقولوا السجن الجدعان برده:D
والنسبة للاحاديث اللي انت مستعين بيها انا مش شايف اي علاقة بينها وبين اللي بيحصل حالياً
يعني انت حديث بتكلم فيه عن الدين مش عن السياسة
(سوف ياتي يوم على امتي الماسك على دينه كانها ماسك على جمره من نار)
وانا مش عارف ايه العلاقة بين ده وبين الاضراب اللي حصل وياريت تفهمني
اما ده
(سوف ياتي يوم على امتي تتكلب عليها الامم كما يتكالب الكلاب على قصعت الطعام قال الصحابه أمن قله يا ريول الله قال بلا سوف تكوننون كثر ولكن كغثاء المطر )
رغم كمية الغلطات اللي فيها فده بيتكلم عن مواجهات المسلمين مع غيرهم وبرده مش عارف ايه علاقته بالموضوع
وياريت حضرتك تفهمني انت مين علشان تكفر فلان او علان
ولو حضرتك من حزب الغد فياريت تغير اسم الحزب الي جماعة التكفير والهجرة
وبعد اذنك عايز تكتب احاديث نبوية ياريت تبقي تتحري الدقة في كتابتها علشان دي مش قصة حضرتك بتألفها
وبعدين يا بركة بلاش حكاية استاذ دي علشان بتجيبلي حساسية:D
وتسلم يا معلم ع المتابعة