جواز عرفى ..يالهوى ازاى؟؟

اقتباس:

---

المشاركة الأصلية كتبت بواسطة هشام اللول1

فعلا قضيه مهمه اميره
وانت صورتيها ووصفتيها باسلوب رائع
بس لو بيحبها وغاليه عنده
ميطلبش منها كده

شكرا اميره علي كلماتك الجميله
بارك الله فيكي وحفظك ورعاكي

---

فعلا ياهشام
لو بيحبها مايعملش كده مهما كانت الظروف
لانه لو بيحبها هيخاف عليها وعلى سمعتها
ومش هيحاول يكسر فرحتها او يجرح اهلها
تسلم ياهشام
ربنا يكرمك

جواز عرفى دا ذل كبير
ولو هقبل يكون تقصير
فى حق الأهل والعيله
وحق المولى قبل الكل قبل الغير
:(:(:(

قصيدة قمة الإبداع يا أميرة كلماتك جميله منمقة متناسقة معبرة عن الواقع تعاملك مع المشكلة بواقعية أضاف لها رونقا جميلا جذابا
تقبلي تحياتي
لك خالص ودي وتقديري واحترامي

اقتباس:

---

المشاركة الأصلية كتبت بواسطة thesniper_12007

قصيدة قمة الإبداع يا أميرة كلماتك جميله منمقة متناسقة معبرة عن الواقع تعاملك مع المشكلة بواقعية أضاف لها رونقا جميلا جذابا
تقبلي تحياتي
لك خالص ودي وتقديري واحترامي

---

تسلم يااكرام
بارك الله فيك

اقتباس:

---

المشاركة الأصلية كتبت بواسطة اميره بلا وطن

http://www.wathakker.net/designs/ima...marriage_w.jpgجواز عرفى؟...يالهوى ازاى؟:-O

وبتقول حبى ليكى كبير
وعاشقك عشق بس خطير
وم النسمه عليكى بغير؟
دا بس ازاى؟؟

وحبى خلاص فى قلبك زاد
ونار الشوق بقى بتنقاد
وسميت نفسك المجنون
طب اسبقنى على المأذون
وماتقوليش دقيقه وجاى
وإلا دا حب إيه وازاى؟؟

اسمحلى طيب بس سؤال
اختك ياعاشق لو حبت
وغنى عليها محبوبها بقى الموال
وشوف كمان إيه راح ينقال
وجات بالعرفى مقتنعه
لاشايفه كلام ولا سامعه
قولى خلاص هتعمل ايه ورد الفعل يبقى ازاى؟

اكيد لأه ومش قابل ولا موافق
وهنشوف تانى يوم خنجر فى قلب حبيبها بقى راشق
وهتعيط وتسأل ليه ومجروحه عليها الجرح مش ساهل:(
ترد تقول لإنه جبان ورب الكون مايستاهل
طب رد على نفسك يلا وليه ترضالى بخساره
جواز العرفى يكسرنى ويقهر اهلى دى شطاره؟؟

خلاص اسمع هقولك كلمه م الآخر
مادام غدرك ناويلى عليه ومش ظاهر
ماتلزمنيش وإنت عليا ماحافظتش
رسمت لنفسك الفرحه لكن ليا ماكملتش
ومش عاوزاك ولو حتى هتتألم وتعزفلى حزين الناى
جواز عرفى ..ومنك انت ..ليه وازاى؟؟:-O

---

جوازه إن جاز ماهوش جايز
لأنه اناني
وغير نفسه ما بيفكرش
وحتى في رضا ربه صبح زاهد ومش عايز
عايز ديما يكون فايز
ومش هامه كرامة الناس
لانه فاقد الإحساس
لا عمره اتربى ولا شافها
دا أحقر م الحقير وكُناس
لأنه في الحياه خايب
ما ينفع غير مداس ينداس

اقتباس:

---

المشاركة الأصلية كتبت بواسطة thesniper_12007

جوازه إن جاز ماهوش جايز
لأنه اناني
وغير نفسه ما بيفكرش
وحتى في رضا ربه صبح زاهد ومش عايز
عايز ديما يكون فايز
ومش هامه كرامة الناس
لانه فاقد الإحساس
لا عمره اتربى ولا شافها
دا أحقر م الحقير وكُناس
لأنه في الحياه خايب
ما ينفع غير مداس ينداس

---

تمام بالظبط انت بجد له واصف
راجل بالاسم عايش فى الحياه خايف
لإن الذنب بيخوّف
دا ربك يلى بتخبّى أكيد شايف
جواز عرفى؟
وايه ينقصنى ليه بالعمر بنجازف
وليه ترضالى بخساره؟
وبتقول حب.....
طب هاتلى م العرفى أماره
تقول انك حبيب ليا
دا لو أقبل مليش ديّه
ماهيا النكسه دى هيا
من العرفى ومن أمثاله ياعازف
على قلبى بناى الحب ومجازف
وناسى ان رب الكون ياغاوى الظلم ليك شايف

جميل جدا ردك يااكرام
بارك الله فيك

فاهم غلط
فاهم بان اللي يحب بيخاذل
فاهم بأن البنت هي اللي تتنازل
فاهم بان الحب بيت ماهو صريح
جدران وتايهه في مهب الريح
واما العواصف تهب وتهز الجدار
يهرب بروحه ويقول دا كان هزار
انا قلت باعشق
وانتي اللي صدقتي
وقلتلك عرفي وانتي اللي بدأتي
حبيت اذل الأهل وانتي وافقتي
واجهي مصيرك وحدك
انا كنت اعيش وقتي

اقتباس:

---

المشاركة الأصلية كتبت بواسطة thesniper_12007

فاهم غلط
فاهم بان اللي يحب بيخاذل
فاهم بأن البنت هي اللي تتنازل
فاهم بان الحب بيت ماهو صريح
جدران وتايهه في مهب الريح
واما العواصف تهب وتهز الجدار
يهرب بروحه ويقول دا كان هزار
انا قلت باعشق
وانتي اللي صدقتي
وقلتلك عرفي وانتي اللي بدأتي
حبيت اذل الأهل وانتي وافقتي
واجهي مصيرك وحدك
انا كنت اعيش وقتي

---

وقال أهو وقت بنعيشه
وانا خسران؟؟
وربى كمان انا الكسبان
وانتى ياخايبه تستاهلى
وجايه تقولى دلوقتى شرف أهلى؟
ياكاسره الأهل بمزاجك وبأرادتك
لا أجبرتك ولا بالرسمى دا عاهدتك
ولما عرضت مارفضتى
وجيتى معايا على اوضتى
وقولتى انا جايه بإرادتى
وصوت الحب ياروحى بيندهلى
وجايه تقولى دلوقتى شرف أهلى؟
وانا مالى؟
فى حالك انتى ياحلوه وانا ف حالى
:(:(:(

اقتباس:

---

المشاركة الأصلية كتبت بواسطة اميره بلا وطن

وقال أهو وقت بنعيشه
وانا خسران؟؟
وربى كمان انا الكسبان
وانتى ياخايبه تستاهلى
وجايه تقولى دلوقتى شرف أهلى؟
ياكاسره الأهل بمزاجك وبأرادتك
لا أجبرتك ولا بالرسمى دا عاهدتك
ولما عرضت مارفضتى
وجيتى معايا على اوضتى
وقولتى انا جايه بإرادتى
وصوت الحب ياروحى بيندهلى
وجايه تقولى دلوقتى شرف أهلى؟
وانا مالى؟
فى حالك انتى ياحلوه وانا ف حالى
:(:(:(

---

سابك وقال انا مالي
رماكي طير جريح مكسور وقوله صريح
في رحلة من الألم عاصفه في وش الريح
عملها خلاص دبح وارتاح
وانتي في غمه ما بتنزاح
جبال من خوف
وم المجهول
هل اهلي هيغفرلي؟
وهل ربي هيغفرلي؟
وهابقى رافضة للعرسان
وابكي ليالي على خلي
واخاف من روحي والأحلام
والاقي كابوس كما ضلي
لو العالم رفضته هاعيش؟
وأيه يضمن لي انه ما صورنيش؟
بكاميرة فيديو او محمول
ووزعني على اصحابه
وسيرتي في حديث مذلول
فوقي لنفسك
دا لو بيحب هيضحي
بنفسه لجل ماتعيشي
وديما باله في كرامتك
ورضا اهلك
وفكرة ازاي يجيب مأذون
ويسمحلك تشيلي اسمه وتشاركيه
وعمرة الجاي معه تباركيه
دا عمرك دا عشان تحييه
لازم له وعي م الدنيا
عفافك هو دا تاجك
ودينك هو منهاجك
عشان تحييه
لازمله وعي م الدنيا
وقلب حبيب يكون يستاهل
تبيعي الدنيا وتحبيه

اقتباس:

---

المشاركة الأصلية كتبت بواسطة thesniper_12007

سابك وقال انا مالي
رماكي طير جريح مكسور وقوله صريح
في رحلة من الألم عاصفه في وش الريح
عملها خلاص دبح وارتاح
وانتي في غمه ما بتنزاح
جبال من خوف
وم المجهول
هل اهلي هيغفرلي؟
وهل ربي هيغفرلي؟
وهابقى رافضة للعرسان
وابكي ليالي على خلي
واخاف من روحي والأحلام
والاقي كابوس كما ضلي
لو العالم رفضته هاعيش؟
وأيه يضمن لي انه ما صورنيش؟
بكاميرة فيديو او محمول
ووزعني على اصحابه
وسيرتي في حديث مذلول
فوقي لنفسك
دا لو بيحب هيضحي
بنفسه لجل ماتعيشي
وديما باله في كرامتك
ورضا اهلك
وفكرة ازاي يجيب مأذون
ويسمحلك تشيلي اسمه وتشاركيه
وعمرة الجاي معه تباركيه
دا عمرك دا عشان تحييه
لازم له وعي م الدنيا
عفافك هو دا تاجك
ودينك هو منهاجك
عشان تحييه
لازمله وعي م الدنيا
وقلب حبيب يكون يستاهل
تبيعي الدنيا وتحبيه

---

عفافك هو دا تاجك
ودينك هو منهاجك
كلام مظبوط
على راسى لحد مااموت
ولو أغفل عن المنهاج هضيع خالص
وهو ف غفله من يومه ولا حاسس
وليه اديله فرصه يهد أفراحى
ويكسرنى وتملا الدنيا دى جراحى
ومين ترضى
ونار الشوق دى لو قايده
بخوف المولى وعفافى راح اطفيها
وافكارى واوهامى هخبيها
يابنتى الدنيا من حقك تعيشيها
مادام جدعه
لصوت الغدر مش سامعه
واحلامك مع حلالك تشاركيها