الحب المستحيل

وعليكم السلام
ميرسيه جدا يا معالى المستشار على الاهتمام
عايزة اقولك انه فعلا فى حاجة جديدة (البعد و الفراق)
بجد ما فيش امل لانى بجد اتاكدت ان اللى بيحب حد بيحارب الدنيا عشان يفضل عمره كله جمبه وانا كنت بتمنى انى اعيش عمرى كله معاه واتمنيت انى اقدر اسعده بس للاسف ما لقيتش الرد كده عشان كده انا مش زعلانة انا بس موجوعة من الفراق لانى ما تخيلتش انه هييجى اليوم اللى ابعد عنه فيه انا بس مش ندمانة غير على انى لسه لحد دلوقتى فاكراه باحلى ايام عيشتها مش باى ذكرى مؤلمة ازاى مش عارفة ندمانة على كلمة بحبك اللى عمرى ما قولتها الا ليه على الحنان اللى عمرى ماحسيته الا معاه

ياااااااااااااااااااااااا ااااااااااه
واقسم بالله العظيم وملكيش عليا يمين

انا بجد قلبى وجعنى جدا عليكى لانى حاسس بيكى اوى ومجرب احساسك ده ويمكن اصعب كمان

ربنا يحميكى بجد انتى انسانة رقيقة جدا

بس اصبرى وربك كبير

واوعى تنامى زعلانة يا حب العمر اوعى اوعى اوعى

المستشار محمد

ميرسيه جدا يا كابتن عمار على الرد والاهتمام
كلام حضرتك كله مقنع وانا فعلا هعمل بيه
اما بالنسبة لكلمة خسارة فانا هنساها لان ما فيش حد بياخد كل حاجة لازم ياخد حاجة ويخسر حاجة
بالنسبة لى انا اخدت التعليم العالى الحمد لله
بس خسرت الحب بكل ما يحمله من معانى (الحنان والراحة والامان اللى عمرى ما حسيته الا مع الانسان ده)
بس فى النهاية الحمد لله على كل حال واتمنى ان حبيبى يكون ما خسرش حاجة لانى عمرى ما اتمنيت غير راحته وسعادته اللى اتمنيت كتير انى احققهاله ويا رب زوجته المستقبلية تقدر توفرله الراحة ويا رب تقدر تفهمه وتقرب منه

ميرسيه جدا يا معالى المستشار على تقديرك لمشاعرى
وزى ما قولت لحضرتك انا مش زعلانة كل الحكاية هى صعوبة الفراق
كل جرح بيبقى صعب فى اوله بس بمرور الوقت الزمن هينسينى
بالرغم من انى مش مقتنعة بالكلام ده اوى يعنى

اسمعى حضرتك

لازم تقتنعى عارفةة ليه ؟

لانك اول مرة تحسيها ولما يمر وقتكوالزمن يعدى عليكى شوية تقولى ياااااااااااه الايام بتنسى بجد

ربنا يكرمك يارب

محمد

حب العمر
بأتمني انك تكوني بخير ومش عايزك تندمي علي حب انتي عشتيه اكيد كان في يوم من الايام كانت سعيدة اوي وبعدين عايز اقولك ان لحظه حب واحدة صادقه من القلب بتساوي سنين بدون حب وانتي عيشتي في الحب دا اكتر من سنه كانت من اجمل سنين عمرك يا حب العمر
كله دا اصبح ذكري جميله اكيد بنفتكرها في كل مناسبه حب او لحظات سعيدة
واخير بأتمنالك حياة سعيدة مع من يختارة قلبك او مع من تختارة لكي الايام

حب العمر
وافر احترامي لمشاعرك الجياشه وحبك الكبير ولكن لي تعليق صغير ارجو الا يضايقك هو انت ليه ما فكرتيش في حاجه صغيرة هو ليه ما ضحاش بكل حاجه عشانك ليه استسلم للأمر الواقع اللي بيحب لازم يدوس على النار علشان يوصل لحبيبه سواء كنتي انتي ولا هو ممكن الأهل يكونو رافضين بس تمسككم ببعض هو اللي هيحط الأهل قدام الأمر الواقع
ثانيا مافيش حاجه اسمها مش قادرة أو مستحيل بكرة كل حاجه هتتنسي وهتصبح في طي الزكريات لما ربنا يرزقك بابن الحلال اللي يستاهلك ويقدرك ويحبك الحب اللي ما كنتيش تتخيليه هتحسي ساعيتها ان حب زمان كان لعب عيال انا كنت زيك بل أكثر انا من فراق الحبيب الأول اصبت بصدمه عصبية لازمت الفراش فيها اسبوع وكان عندي انيميا وكانت حالتي زفت قعدت بعدها حوالي 5 سنين وانا باموت بس الحمد لله ربنا رزقني بزوجه والله العظيم لو قابلتها مرة في طريق ما كنت فكرت في غيرها دا لأني حسيت انها عوضتني عن كل اللي فاتني وعمري فعلا ابتدا معاها وحكيتلها عن كل اللي فات وقالتلي انت اهم من كل اللي فات نبتدي صفحه جديدة وبالتالي حب زمان كان بالنسبة لي اقل من ذكرى وإن شاء الله تعالى ربنا يرزقك بابن الحلال اللي يعوضك عن حب الماضي وأكثر ساعيتها هتعرفي كلامي وتقولي كان فيه واحد اسمه إكرام مجاور على موقع مصراوي قاللي الكلام ده
فيه حاجه لازم تاخدي بالك منها وتراجعي نفسك فيها
هل الإنسان ده كان قريب من ربنا وانتي ايه احوالك دلوقت قريبه من ربنا ولا بعيده لو كنتي بعيده قربي من ربنا لأنه أحن عليكي من أي حد في الدنيا ولو قريبه منه قربي اكتر أكثري من الدعاء والإستغفار وقيام الليل ولو بركعتين وقبل ما تنامي توضأي قولي أذكار ما قبل النوم وصدقيني الصدمة اللي مريت بيها كان القرآن خير أنيس لما كنت باحس اني تعبان كنت اقرأ قرآن كنت ساعيتها باحس ان زي ما يكون تلج نازل على قلبي بيبرده
وفي النهايه أقول لك
من طلب رضا الناس نال رضا الناس
ومن طلب رضا الله نال رضا الله ونال رضا الناس
وافر تحياتي
أخوك في الله
إكرام مجاور

السلام عليكم
ميرسيه جدا جدا على رد حضرتك على موضوعى وبالفعل هذا الرد افادنى كثيرا
انا بالفعل الحمد الله قربت من ربنا اكتر ويا رب اقدر انسى لانى انا بجد كنت وصلت لدرجة انى مش قادرة اشوف اى حد فى الدنيا غيره
بس تجربة حضرتك اللى بتحكى عنها اكيد بتاكدلى انى ممكن اعرف انسى الحب الاول والاخير فى حياتى
وميرسيه مرة تانية لتقدير حضرتك لمشاعرى

اقتباس:

---

المشاركة الأصلية كتبت بواسطة حب العمر

السلام عليكم
ميرسيه جدا جدا على رد حضرتك على موضوعى وبالفعل هذا الرد افادنى كثيرا
انا بالفعل الحمد الله قربت من ربنا اكتر ويا رب اقدر انسى لانى انا بجد كنت وصلت لدرجة انى مش قادرة اشوف اى حد فى الدنيا غيره
بس تجربة حضرتك اللى بتحكى عنها اكيد بتاكدلى انى ممكن اعرف انسى الحب الاول والاخير فى حياتى
وميرسيه مرة تانية لتقدير حضرتك لمشاعرى

---

ختي الفاضله نحن أخوات ولا شكر على واجب فانا اكبر منك سنا ومريت بعواصف كثيرة تقصم الظهر ولكن الحمد لله بقربي من الله عديت منها وعندي مثل حلو كم مره حزنت طبعا كتير إلى مالا نهايه وايه اللي خدته من الحزن غير الحزن (الحزن مش من حب البنات لا دا كان حب تاني خالص (أخويا اللي رباني وابن خالي أعز صديق توفوا خلال 35 يوم) آسف لو كلامي ضايقك
حب الله هو أسمى الغايات تخيلي لما تستبدلي حب البشر بحب الله هل في الدنيا أحد يساوي حبنا لله أكيد طبعا لا
لما نكون في ورطه ولا في مشكله بندعي ربنا انه ينجينا وفي الظروف العاديه ننساه وبرضه لما بنرجعله بيقبلنا مافيش حب في الدنيا كدا
جربي تنزلي ابتهالات نصر الدين طوبار وسيد النقشبندي واسمعي فيها المناجاه وانتي تحسي بحب الله في كلمات الناس دي ناجي ربنا وكلميه واطلبي منه العفو والغفران فكلنا ذنوب وهل في الدنيا أحد لا يناجي ربه
وإن شاء الله تعالى قريبا أجيب لك بعض الابتهالات مكتوبه ونحاول ننسى اللي فات بذكرياته ونفكر في اللي جاي
ووعد مني هاكون جنبك لحد ما تتخطى العقبه دي ونعيش في نور الله
أسف للإطاله
وافر تحياتي وجل احترامي
أخوكي في الله
إكرام مجاور

اتكك في حفظ الله ورعايته لاني عندي شغل الصبح على أمل لقاء آخر في حب الله
استودعك الله الذي لا تضيع ودائعه
تقبلي تحياتي
لك خالص ودي وتقديري واحترامي