طبعا الاسئلة انتوا هتشوفوها عشوائية جدا ولكنها شخصية جدا جدا جدا ودى الميزة اللى فيها
يعنى فضايح من الاخر غاوى انت يا عم الحج تفضحنا استر يارب
علشان نعرف انت هتقدر تفصل من سؤال وسؤال ولا لا؟؟؟؟؟؟؟؟؟؟؟
هاقدر باذن الله اوعى وشك لوبى جيه تغشك:D
1
- من هو الشخص الذى ترتاح له عندما تراه ؟؟؟؟ ليس بشرط ان يكون بداخل المنتدى
برا المنتدى حبيبتى وصحبتى وبنتى ريم
اما فى المنتدى فكلكم طبعا بس دريم حبيبتى ليها معزه خاصه
2- فارقت الحياة ام الحياة هى التى فارقتك ؟ اى التعبير الذى يناسبك ولماذا؟
الحياه فارقتنى فانا اذا فارقت الحياه يعنى انى مت بعد الشر عليا يارب انشالله اللى يكرهونى اما لما الحياه تفارقنى فانا اللى موتها جتها ضربه فى قلبها:-P:-P
3- ماهو الشىء الذى تحبه فى الطبيعة؟؟؟
البحر لما يكون صافى او فى موج والسما لما تكون مغيمه او بتمطر جامدين هما الاتنين
4- تشعر بان بداخلك ميزة تميزك عن باقى البشر ما هى؟؟؟
الهباله اصل انا طيبه زياده عن اللزوم هبله رسمى يعنى بس ده بيسببلى مشاكل كتيره
5- الفضول وحب الاستطلاع......هل تراهم ميزة ام عيب؟؟؟ولماذا؟؟؟
الاتنين حسب الوقت اللى بيجو فيه ممكن يكونوا ميزه لما يفيدوك والاكتر بيكونو عيب لما يخلو الناس يكرهوك شاعره جامده انا على فكره اوعى وشك:->
6- ما الموقف الذى افرحك داخل المنتدى ؟؟؟
لما اندمجت معاكم اتبسطت اوى ولما فارس الكلمة بيرد على كتاباتى الشعريه بفرح جدا بحس بقيمتها وباقى الاعضاء طبعا بس هو ليه طله مميزه يحسسك بقيمة اللى بتكتبه
7- ما الموقف الذى احزنك داخل المنتدى ؟؟؟
بصراحه لما شوفت قسم طيف عابر الله يرحمها حزنت اوى مع انى معرفهاش بس حسيت بقيمتها فى المنتدى وخساره اننا افتقدناها بس مش خساره فى ربنا
8- شخصية تتاابع مواضيعها باستمرار ومواضيعها هادفة دايما ..... من هو او من هى؟؟؟
انت يا مشكله ودريم وسولى بتابع موضوعاتكم لذيذه كده وخفيفه
وكمان اكرام مجاور وسماح العاشقه المجروحه وايه صمت الليالى وطبعا فارس الكلمه لما يكتب وماما منى رشدى وسعيد شكرى واشرف عمر داد على المنتدى
وعفريت افندى وهشام اللول فى السياسه اسفه لو نسيت حد
9 - جملة تحب ان تقولها لنا دائما وتلح عليك؟؟؟
انتو احلى منتدى فى الدنيا واحلى اعضاء ولطاف اوى وطيبين وحبوبين وكل حاجه فيها ين بس مش ين اليابانى لا ين اللى بتيجى فى اخر الكلام:D
10- اذا واجهت شخص هددك بشىء ويريدك ان تفعل ما يريد ماذا تفعل؟؟؟
هقوله والنبى ربنا يخليك سبنى فى حالى اهىء اهىء اهىء:( هعمله ايه يعنى هخاف اكيد وهصعب عليه وهيسيبنى:D
11- هل ترى نفسك زوج مناسب او زوجة مناسبة من الان؟؟؟
بصراحه وبدون غرور هى مجرد ثقه ايون هكون زوجه مناسبه جدا وربنا يسعدنى ويكرمنى يارب ادعولى بقى فرحى 30/6 اللى عايز يجى
12 - ماذا تفعل اذا مات احد والديك وهو غضبان عليك ؟؟؟
لاقدر الله بعد الشر عليهم هفضل طول عمرى ندمانه وهعمل اى حاجه ولو كانت مستحيله عشان اعرف ارضيهم ويسامحونى يارب ما يحصل ابدا ويغضبو عليا
13- هل انت متشائم ام متفائل؟؟؟ ما دليلك على ذلك؟؟؟
احيانا واحيانا بس الاكتر انى متشائمه لانى بخاف من كل حاجه ولو كانت صغيره دليلى انى دايما حاطه فى بالى انى هموت وده اكبر دليل
14 - الدنيا غدارة جداااااااااا ....مالشئ الذى غدر بك ليس بشرط ان يكون حبيبك؟؟؟
الدنيا نفسها كل يوم بتغدر بيا واكبر غدر كان لما جدتى اتوفت زى ما قلت قبل كده
15- قيم نفسك ؟؟؟ هل تستطيع الاجابة؟؟؟
بصراحه انا حساسه جدا وطيبه بهبل وبحب الناس وحنينه مع اى حد حتى لو معرفهوش خجوله جدا فى العادى وامينه ومتشائمه ورغايه مع اللى احبهم وفتانه على اخواتى وبحب افرح اوى وبكره الحزن
16- واخيرا كلمة تقولها لاي عضو او عضوه ؟؟؟
انتو احسن اعضاء عرفتكم فى حياتى واحلى منتدى بجد ربنا يخليكم:x:x
اقول لدريم حبيبتى بحبيكى اوى ونفسى اعرف من قريب عشان انت جميله جدا من جوا:-*:-*
اقول لفارس الكلمة انت معلمى واستاذى وانا مدينه بالشكر ليك عشان علمتنى كتير من ردودك بس;;);;)
اقول لابو تريكه انت انسان مرح وخفيف الدم ولذيذ ربنا يسعدك دايما:D:D
اقول لميرو المصريه اختى انتى ايه اللى جايبك هنا معانا يا غلسه مش كفايه فى البيتX-(X-(
اقول لمشكله انت بجد حد محترم اوى وخفيف الدم بجد انت كل المرح ربنا يكرمك يارب:->:->
يارب يعجبكو التوبيك
عجبنى اخر حاجه بجد توبيك لذيذ وانت دايما مميز يا مشكله بالتوفيق بس من غير مشاكل
