جارى تفسير الحلم
انتظرينى
ساعود
تسلم:)
عرض للطباعة
جارى تفسير الحلم
انتظرينى
ساعود
تسلم:)
جزاكِ الله كل خير أختي إنجي على مساعدتك لإخوانك وأخواتك
لكن
قال الدكتور المسير دكتور العقيدة والفلسفة بجامعة الازهر
بعض الرؤى تحتاج لمعرفة المفسر لحال الراءي من الغنى والفقر والزواج وغيره والامارة والسيادة وغير ذلك
فكيف تعرفين ذلك؟
اقتباس:
المشاركة الأصلية كتبت بواسطة هاري بوتر
بص ياهارى
كلامك صح على فكره
فى حالات فعلا لازم اسال اسئله معينه
لكن فى الكافيه موصلتش للمرحله دى
مفيش احلام جاتلى اضطرتنى لكده
الحلم بيفسر نفسه
ولو كنت بتفسر احلام كنت عرفت ان الحلم بيكون مبين حال الشخص الى حلم
وبتعرف عنه معلومات اكثر من المتوقع
سبحان الله
والله اعلم
وتسلم لمشاركتك:)
اقتباس:
المشاركة الأصلية كتبت بواسطة ELGENDY
السلام عليكم
اولا
اسفه للتاخير
ثانيا
الحلم بالانبياء رؤيه صالحه
فالشيطان لايستطيع التمثل فى الصالحين
وقبل تفسيرى للرؤيه لا استطيع التحديد اذا كانت الحالمه طفله او لا
فعشر سنوات
قد تكون مازالت طفله
او قد تكون قد بلغت
وقد تكون ذو فكر باحث وملمه باحوال الدنيا
ام مازلت صغيره لاتعرف شىء
لا اعرف
انت اكيد اعلم منى بها وسوف اترك لك تقييم الامور
فى هذه النقطه
وان لم تعرف فارسل لى
ولكن اليك تفسير الحالتين
هى رؤيه صالحه فى جميع الاحوال
فان كانت قد بلغت
فان صدقت رؤيها فسوف يموت احد الجبابره
او الحكام الظالمين
لان الله ارسل موسى ليقصم الجبارين
اما لو كانت طفله
فعندما يرى طفل او طفله سيدنا موسى
فهو يدل على الابتلاء الشديد
وفرقه الاهل والاقارب وحضانه الغرباء ونجاز الوعد ومصاهره الصالحين والاطلاع منهم على عجائب الامور
ولكن الله فى النهايه لم يتركها وسيعوضها بعظائم الامور
والله اعلم
وشكرا للمشاركه:)
حلمت ان بابا وهو راجع من الشغل لقى بيبى وجابه معاه البيت وانا كنت فرحانه بيه اوى وبعامله كانى مامته وبعدين بعديها بيومين مامته جاتلنا هي وباباه وقالولنا انهم منفصلين وانهم مش عايزين البيبى دة وانا كنت فرحانه اوى انه حيقعد معانا
اقتباس:
المشاركة الأصلية كتبت بواسطة legendgirl
بصى
معنى هذا الحلم
وجود هموم لديكى ونكد وتعب فى خصومه
او نقص فى المال
او شىء من هذا القبيل
ولكن الله سوف يفرجها عليكى ويزول همك
بتبشريك بهذا الطفل او الطفله
وسوف يكون السبب فى زوال همك هو والدك
ومعنى ترك الطفله لديكى ان الله سوف يعوضك عن شىء ما
بخير كثير
فاصبرى على اى مشكله قد تواجهك.
والله اعلم
وتسلمى للمشاركه:)
تسلمى انجى لردك عليا
بصي بقي الحلم لخوتى وهى محتارة جدا ومش عارفة تفسرة بصى ياستى
الحلم انها بتحلم بناس معروفة ومشهورة زى الممثلين اوك وفى الحلم بيبقوا اصحاب وعارفين بعض ومعرفين بردو فى الحلم انهم مشهورين
والاحلام دى بتدات تزيد جدا معاها ومش عارفة تفسها
ممكن تقوليلي ضرورى وبسرعة انجى
بصى ياشيرىاقتباس:
المشاركة الأصلية كتبت بواسطة شيري العسولة
اكيد اختك مهتمه كتير جدا بالممثلين
ونفسها تمثل
فده مجرد العقل الباطن بس
وده معناه ان الشيطان بيتمثل فى صوره ممثلين هيا بتحبهم عشان يشغلها عن الدنيا وعن الدين
يعطلها ويخليها محتاره كده
ياريت تقوليلها اولا
تنام على وضوء وعلى الجانب الايمن
وتقرا اذكار الصباح والمساء
وتحاول اخر حاجه تقولها قبل ماتنام تكون المعوذتين
وتحاول تهتم بالبرامج الدينيه شويه
وبلاش وقتها كله يكون مسلسلات وممثلين
وربنا يحفظها باذن الله
شكرا لمشاركتك
انجى هى مش مهتمية اوى كده زى ماانتى فاكرة خالص بس بجد الاحلام بتزيد معاها طيب تفتكرى معناه وحش ولا اية
معلش طولت عليكى :">
السلام عليكم
ازيك يا جميل
بصي يا ستي انا علي طول بحلم ان الاسود او النمور هجمت علي الارض
وبتقتل في الناس وكذا مره كانت هتقتلني او تقتل بابا بس مش بيحصل ربنا بيستر
والحكايه دي اتكررت معايا اكتر من مره بس بيبقي الحلم مختلف
ياريت يا جميل تفسريلي الموضوع ده عشان بجد شاغلني اوي
وشكرا ليكي
وجزاكي الله كل خير
لاء مطولتيش ولا حاجهاقتباس:
المشاركة الأصلية كتبت بواسطة شيري العسولة
بصى هاقولك حاجه
فى علم النفس
العقل الباطن بيعمل حاجات وبيفكر فى حاجات احنا مش حاسين بيها
فاكيد فى موقف مر بيها علق معاها فى عقلها الباطن
فظهرت الاحلام
ومعناه طبعا ان الشيطان بيشغلها بحاجات زى دى
ويخليها تفكر وتنشغل بالموضوع فيعطلها عن عباده ربنا
ياريت تقوليلها تعمل زى ماقولتلك
وشكرا لمشاركتك
عندى احلام كتيرا ونفسى حد يفسره لى اول حلم هو انى كنت ماشيه انا وخطيبى فى الشارع ووجدنا محلات كتير ودخلنا محل فيهم علشان نشوف االلبس وفجأت انى بلبس فستان زفاف لونه اابيض وكله فصوص لولى بس كان عريان قوى من علىى الصدر وبعدين وجدت نفسى انا وخطيبى فى شقتنا واننا اتجوزنا خلاص بس بدون فرح او اىى شىء وكمان الشقه كانت مش متودبه زاى مانا كنت عايزه مع انى مكنتش زعلانه خالص فى الحلم وهو كمان كان ينظر اللى ويبتسم ارجو التفسير
االحلم فيه تفاصيل تانيه بس مش عارفه هينفع اكتبها ولا لا ياا ريت ترودى عاليه يا انجى احسن انا قلقانه موت
لا ياقمر مفيش قلق ولا حاجه
بس حلمك معناه
انك هاتواجهى بعض المشاكل قبل زواجك
فكونى راضيه
واوعى تزعلى من قله المال
ده ابسط هم
بتمنى اكون طمنتك
السلام عليكم انجى فكرة جميلة جدا
وانا بالزات بحلم كتير هاليومينI-)
انا حقولك الحلم بتاعى
انا حلمت انه في شاب قريبنا قالي انه عاوز يشوف جدى مع العلم انه جدى متوفى من تلات سنوات
فاخذت بيده ودخلته وكان جدى نايم على السرير واول مشفنى حضنى وبكى وكانه بقاله عمر طويل مشفنى
بس كدة وربنا يستر:)
عمل جدك الصالح متمثل فى الشاب دهاقتباس:
المشاركة الأصلية كتبت بواسطة spirit cafe
ومعنى الحلم ان جدك حاسس بيكى وانك فاكراه دايما
فيجب ان تتصدقى بصدقه لجدك المتوفى
والله اعلم
ومتقلقيش:)
شكرا لكى
انا بقى صارلي كام يوم عم بحلم انى بحاول افدم امتحان معين وكل مره في الحلم لازم افشل في الامتحان اما بكون مو درسالو او انى بدور على ملزمه معينه لادرس منها وما بقدر اتوصل الها وكتييييير بتعب بالحلم وانا بقاعه الامتحان بجد معرفش نفسي اعرف تفسير الحلم هاد
ويسلموو كتير على الفكره الرائعه هاي
بسم الله الرحمن الرحيم =((اخيكم عبد الرحمن يرحب بالموقع المميز اريد منكم تفسير لحلم حلم به ابنى عمره9 سنوات الحلم هو انه راى صراصير كبيرة وطويله فى الحلم فما هذا لكم منى جزيل الشكر
- انا بحيكى على مجهودك الرائع وربنا يجعله فى مزان حسناتك انا نفسى موضوعك ده يتثبت بجد يا ريت يتثبت انا امبارح حلمت حلم غريب وياريت تفسريهولى يا احلى انجى فى الدنيا بصى يا ستى انا حلمت انى وقفه جوه نادى وكان فى سور حديد وكان واقف من باره السور ده خطيبى يعنى انا كنت وقفه جوه وهو وقف باره وبينا السور االحديد ده المهم انى اول لما شوفته بسرعه جريت ونديت عليه علشان يدخل وفعلان دخل وكان وقف معايا بس انا قولتله انى شنتتى مش لقياها وانى هروح ادور عليها بس هو رد عليه وقالى لا خليكىى هنا انا هطلع اجبهاالك وهاجى على طول وكان مضايق جدا انها ضااعت منى المهم جالى بعد شويه وقالىى انا مش لقيها فانا ابتسمت له وقلتله انى خلاص لقتها وشورتله عليها وكانت موجوده على كورسى وكانت بتلمع وشكلها جميل المهم هو قالى يلا نخرج نروح نقعد على القهوه شويه وكان معايا وحده صحبتى اسمها اسماء وهو قلها تعالى معانا وانا كنت مضيقه انها هتيجى معانا المهم اسماء قالت طيب انا هجيب صحبتها معاها وجريت تنادى عليهم فانا قلت لخطيبى احنا هنكفيهم مصاريف منين المهم قالى احنا يالا نمشى قبل لما يجو وفعلا مسك قيدى جامد وجرينا علشاان نلحق الاتبيس وركبنا الاتوبيس مع بعض بس كان زحمه قوى قوى وهو اتخانق فى الاتبيس ده مع واحد المهم هو قعد جوه وانا فضلت وقفه على الباب لحد لما القى مكان اقعد وشويه والاتوبيس بقى فاضى رحت دخلت لخطيبى جوه بس كان قاعد جانب وحده وورااه صف بنات كتير المهم قام هو علشان ينزلهم وفعلن نزلو ونزل كل الا كان فى الاتوبيس وبقى فاضى علنا احنا اللى اتنين رحنا قعدنا على الكنبه اللى فى نصف الاتوبيس مع انى انا كنت عايزه قعد قدام بس هو قعدنىى على الكنبه ديه وكان معاه شنطه مليانه عيش بلدى كتير قوى قالى خدى الشنطه ديه شليها واناا شلتها بس لقيت على وشها رغيف زاى ميكون حد كان واكل منه مععلش طولت عليكى
انجى انتى فين ؟؟؟ طمنينى
السلا م عليكم
دائما احلم انني اقع باستمرار مع اختلاف الاحداث ولكن في كل حلم يكون طريق او مهمه عليا انجازها ودائما في الطريق لا استطيع المشي واقع في الطريق واحيا ازحف وتكون مشقه كبيره ولكن في كل كل حلم اصل الي نهايه الطريق اوانجز المهمه
وفي اخر حلم رايت انني في الجامعه وكان معي صديقه مقربه لي وكنت احمل اشياء ثقيله وقابلنا صديق لنا وكنا باتجاه مكان معين واثناء مشينا وقعت عده مرات ولم يساعدني احد منهم حتي وصلنا الي مكان كان فيه زميله لي لا اعتقد انها تحبني وسألتي عن سبب التأخير وسألتي هل وقعت في طريقي مره اخري ونظرت لي باستغراب
ارجو الرد
جزاكم الله خيرا
انجى اانتى فين وليه مفسرتليش حلمى ؟:(:((:(
انتى ليه بتتاخرى كده فى االرد والتفسير ولا انتى مبتدخليش الصفحه بتاعتك؟؟؟؟؟؟؟؟؟؟
مشكــوره جدا وده حلمى حلمت بيه من كامم سنه من وانا عندى11 سنه
بس حلم طوويل جدا لسه فاكره لدلوقتى
انا هختصروا
وانا نازل من البيت لاقيت عشرين جنيه قمت سألت على صاحبها وملاقيتوش
روحت لواحد صاحبى اكبر منى عندى بلايستيشن وكمبيتور
عشان اقولوا انى لاقيت عشرين جنيه ومش لاقى صاحبها قام اخدها منى وقالى
اناهديها لصاحبها قولت ماشى فدخل المحل بتاعه ودخلت وراه
لاقيت بقى الدنيا بليل وفيه بحر والناس بتعوم وبتلعب كوره
وواحد كان بيغرق وطلعوه فقعدت على الشط لاقيت طياره هيليكوبتر
ونازل منها حبل طويل قام صاحبى ده اتشعبط فى الحبل
وقالى انا هاخد العشرين جنيه ليا
قامت وقعت منه فأنا احدتها وطلعت اجرى ساب الحبل وطلع يجرى ورايا لحد ما رحت محل ابويا
وقلتيلوا يا بابا انا لاقيت عشرين فا وانا ماشى من هنده لاقيت واحد راكب تكتك وقالى
العشرين جتيه دى بتاعتى قمت ادتهالوا فكه وقولتيلوا معلش دى فكه
قالى ماشى عادى وقام مشى وبس
انا مش عارف كنت بهلوس ولا ايه
انا نمت كتير اوى فى الحلم ده
بس الغريب انى فى اليوم التانى لاقيت خمسه جنيه
بس اديتها لصاحب العصاره وقالى لما يجيى صاحبها هدهالوا =))
عايز تفسير للكبوس ده
الحلم ده من 3 سنين ونص
ساعتها قبل ما انام كنت بتفرج على كرتون :))
بجد عايز نفسير
كده انا مختصروا :D
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
انجي انتي فين؟ :(:(:(
سلام عليكم
اتمنى تعرفى تفسير لحلمى ياريت لحسن مخوفنى وقالقنى
انا حلمت انى انا وخطيبى ماشين فى جامع كبير جدا وانا كنت ماشيه من غير جزمه وهو كان لابس جزمه وبعدين كان ماسك اديا داخل الجامع وبعدين ساب اديا وخل على الصلاه على طول من غير ميتوضا وجت واحده صحبتى اتريئت عليا وقالتلى انتى ماشيه حافيه ليه الناس بقيت تلبس الجزمه عادى فى الجامع وبعدين الناس اللى فى الجامع كانو بيصلوا على شاطئى بحر
وتانى يوم حلمت انى على شاطئى بحر لوحدى وكنت بليل والدنيا ضلمه وورايا جبل وكنت خايفه اوى ومش عارفه اروح ارجوكى فسريلى من فضلك وشكرا
انا حلمت انى راحه المدرسه ولقيت بحر كبير اوى اصحابى قالو لى انه بحرقولت لا ده محيط قالوا دى بحر قلت لاده محيط ودليل على كده وطيط وجبت تراب ابيض وحدفتها فوق هاج ماء المحيط طلع لفوق وكتب على السماء المحيط قولت لهم مش قلتلكم
انا كنت بحلم انى باقف على البلكونه واحدف نفسى واقوم مفزوعه من الحلم
ارجو منكم تفسير الاحلام بسرعه وبدقه
فين تفسير الاحلام يا انجى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟X-(X-(X-(
السلام عليكم ورحمه الله وبركاته
عندى احلام كتير جدا انا ساعات بفسرها لنفسى على حياتى العمليه وساعات كتير ببقى صح بس انا لقيت الموضوع دا كويس ويمكن يوضح ليا الامور اكتر
بصى يا ستى :
حلمت ان انا ماشى وبعدين لقيت على الارض بريزه وعليها تراب فشلت التراب وونزلت اخدها لقيت جنبها بريزه تانيه باخدها لقيت ربع جنيه وبعدين بااخده بقيت جنيه ( محدش يضحك عشان دا اللى حصل ) وبعدين لقيتى كل اما انزل اخد حاجه الاقى جنبها حاجه اكتر وانا بنزل واخد وبعدين لقيت فلوس كتير رزم كدا 200 شلتها ووقفت ببص فيها كدا لقتها مزوره (هههههه) قومت ضحكت وقولت يبقى كل الفلوس اللى لقتها مزوره وكمان البريزه زمانها مزوره .... وصحيت وقعدت اضحك ..
اانا قعدت بعدها فكرت لقيت بفسر لنفسى ( انا شغال فى شركه بيبسى وباخد مرتب كويس وبعدين قرفان شويه فانا بفكر اسيبها واسافر السعوديه ) وخلاص قررت ومستنى اخر الشهر عشان اسيب ومحتار جدا انى اسيب او لا ... فانا قولت لنفسى حاجه من الاتنين يا سفرى غلط واللى هجيبه هيضيع وهتبقى زى الفلوس المزوره اللى فى الحلم ... او ان الفلوس اللى باخدها من بيبسى هى اللى مزوره عشان من يهود وكل اللى بجمعه بيروح ومش بحوش حاجه ...
فسرى يا قمر وقولى ليا .......................و شكرا يا عسل
انا نفسى اعرف انتى هتفسرى الاحلام ديه امته ؟؟؟؟؟؟؟؟؟؟؟؟؟؟؟؟؟؟؟؟ ولو مش هتفسريها كنت عامله الصفحه ديه ااساسااا ليه ؟؟؟؟؟؟؟؟؟؟؟؟؟؟؟؟
محدش يكتب حلمه هنا لان مفيش حد بيفسر
طبعا انا بتاسف جدا
لكل الناس
لانى قصرت فى حقهم
وطبعا ده بسبب ظروف زواجى وغيابى عن المنتدى
متاسفه اوى وفى انتظاركم جميعا
طبعا انا متاسفه مره اخرى لغيابى فتره عن المنتدى
واتمنى ان اراكم قريبا
ربنا يبارك فيكى يا ......... مش عارف إسمك
أنا عايز أعرف الموت فى الحلم يعنى أيه ؟
سواء الموت للى بيحلم
او موت حد صاحبه قريبه كدا يعنى ؟
وكمان عايز أعرف الدموع والبكاء فى الحلم تفسيرها ؟
وكمان يا ستى معلش بقى اطول عليكى القتل فى الحلم سواء قاتل او مقتول فى حاله دفاع عن النفس ؟
سورى طولت عليكى
اقتباس:
المشاركة الأصلية كتبت بواسطة A7med elsayed
اولا انا اسمى انجى
ثانيا
الموت
ليك ولاى حد طولت عمر
اما البكاء والدموع فرج من عند ربنا
بس يكون بكاء وليس صراخ
اما القتل فغالبا بيكون العقل الباطن او تفكيرك ان حد مثلا هايحاول يقتلك او انت تقتله من كتر الحوادت الى بتسمع عنها
اما فى تفسبر ابن سيرين
عن القتل
من راى انه يقتل نفسه تاب
ومن راى انه يقتل انسانا فانه بذنب
ومن راى انه يقتل يطول عمره
واخيرا مطولتش ولا حاجه
واحنا فى الخدمه فى اى وقت