حكاية أحمد وضحى

الحلقة الثامنة






ضحى قعدت تفكر مع نفسها شوية وتقول :

-انا خلاص بجد مش ناوية أدخل في أي تجربة جديدة كفاية عليا اوي اللي حصلي في اللي فات على الأقل لازم اخد هدنة شوية انا قلبي تعب اوي من كل اللي فات عليه ده



ضحى دخلت على النت وكان تاني يوم العيد ولقت أحمد موجود وفتحت عليه ودار بينهم الحوار ده



ضحى: ازيك يااحمد عامل ايه واخبار السيبر ايه

أحمد : تمام الحمد لله انتي فينك

ضحى: أنا اهو موجودة

أحمد : اصلك مدخلتيش من بدري ورنتلك مش رديتي الرنة

ضحى : أبدا أصلي كنت نايمة شوية

أحمد : منزلتيش اتفسحتي خالص في العيد ده يعني

ضحى : اه والله مش نزلت تيجي ننزلوا بكرة انا واختي والبت هبة وانت اهو نتفسح شوية

أحمد : لا مش هننزل:-P

ضحى: ........:-O.ليه كده:(

أحمد : لأني هنزل أنا وانتي بس

ضحى: ؟؟؟؟؟؟!!!!!:-O:-Oاشمعنى

أحمد : بصي بقا ياضحى من الآخر كده بجد انا مش هقدر أخبي أكتر من كده ضحى انا بحبك ومش هكمل حياتي مع انسانة غيرك وبس خلاص:x

ضحى::-O:-O:-O:-O:-O:-O:-O!!!!!!!!!!!!!!!!!!!!!!!!!!!!!!!!!!!!!!!!!!!!!؟؟ ؟؟؟؟؟؟؟؟؟؟؟؟إزااااااااااا ااااااااي يااحمد ازاي بتحبني انا!!!!!!!!!

أحمد : آه بحبك انتي والله سيبك من كل اللي فات عليكي ده بالنسبة لي كل ده لعب عيال ولا يهزني في شيء انا عرفتك بجد ياضحى عرفت أخلاقك وطيبتك وقلبك وبجد هعمل كل اللي اقدر عليه عشان أجي اتقدملك رسمي في أقرب وقت ان شاء الله:x

ضحى: أحمد انا مش عارفة اقولك ايه بجد:-/

احمد : تقولي انك هتقابليني بكرة عشان نتكلم في كل حاجة:D

ضحى: ماشي يااحمد:-O

أحمد : بجددددددددددددددددددددد هيييييييييييييه هييييييييييييه انا فرحان اوي اوي:D:D

ضحى : طب يااحمد براحة بس بكرة نتكلم ان شاء الله

أحمد : ماشي ياضحى

ضحى: سلام يااحمد

-وقعدت ضحى تفكر مع نفسها ازاي ده يحصل دي لسة كانت بتقول لنفسها انها عاوزة تاخد هدنة وترتاح شوية ومش عاوزة تدخل في أي تجارب تاني دلوقت طب ليه سكتت لما احمد اعترفلها يمكن عشان مش عاوزة تجرحه أو عشان المعزة اللي كانت في قلبها ليه اترجمت صح واخيرا حست بيه صح معقولة مكنتش فاهمة كل حبه ده من زمان:-O

واتقابلوا فعلا واحمد قال لضحى كل حاجة عن نفسه وعن ظروفه العائلية والمادية كمان وقال لضحى عن كل مشاعره بصراحة وكان بينهم الحوار ده :

أحمد : ضحى بصي انا هقلك كل حاجة عني بصراحة جدا ومش هخبي عنك أي حاجة وفي النهاية مستنى ردك بكل صراحة برضه ......بصي ياضحى انا عارف اني قدامي كتير اوي على ما اعمل حاجة وعارف ان شغلي في مركز الكمبيوتر وفي السيبر مش بيجب فلوس ولا هيجيب لكن ان شاء الله على شهر تلاتة اللي جاي همسك في شغل كويس اوي في شركة كويسة وان شاء الله نقدر نعمل حاجة سوا ....أما بالنسبة لظروفي العائلية بقا فانا عارف انها بالنسبة ليكي هتكون ملغبطة اوي وممكن تبعدك عني بس انا عندي أمل تفهميني وتفضلي جمبي بصي ياضحى أنا والدي ووالدتي منفصلين بقالهم مدة طويلة اوي من وانا صغير جدا ووالدي دلوقت متجوز زي ماانتي عارفة وانا عايش معاهم أي نعم مراته بتعاملني معاملة مش أد كده لكن أديني عايش ووالدي مش بيصرف عليا وملهوش دعوة بمصاريفي نهائي من يوم ما كبرت وهو قالي كفاية عليك كده بقا انت بقيت راجل مع انك عارفة اني مش كبير عندي عشرين سنة بس مكبرتش أوي ولا حاجة لكن أنا عادي نزلت اشتغلت وبصرف على نفسي الحمد لله ....أما والدتي بقا فهي بتحبني أوي لأني ابنها الوحيد وملهاش غيري لكني مقدرش اعيش معاها في نفس المكان لأن والدتي نفسيتها تعبانة شوية ومش بتبطل خناق معايا وكلام ملهوش لزمة لكني بزروها على طول وكمان بصرف عليها اللي ربنا بيقدرني عليه بعمله معاها ......وانتي عارفة اني وحيد ومليش اخوات والدي مخلفش غيري بس معرفش ليه بيعاملني كأنه مخلف قرطة عيال هههههههه ما علينا انا اتعودت منه على كده المهم دلوقت ياضحى انا عاوز اسمع ردك هتكملي معايا ولا مش هتقدري ولا بتحبيني ولا ايه بالظبط ؟؟؟ وبصراحة8-|8-|

ضحى: .............ونكمل المرة الجاية:D;;)

كده يانمنمه بتعلقينا
ماشى
متابعه معاكى ياقمر:)

اقتباس:

---

المشاركة الأصلية كتبت بواسطة jewel_lowis

كده يانمنمه بتعلقينا
ماشى
متابعه معاكى ياقمر:)

---

لا ياانجي ياحبيبتي مقدرش هنزل الحلقة التاسعة حالا اهو متقلقيش :D

الحلقة التاسعة
ضحى: .................................................. #:-S



أحمد : ضحى استنى متقوليش أي حاجة انا عاوزك تعرفي اني حبيتك بجد واني محتاجلك اوي معايا ومحتاج احس بالحنان اللي ملقيتهوش من أي حد في ا لدنيا دي على فكرة انا مش بضغط عليكي ولا بقلك كلام عشان أأثر عليكي لا انا بقلك اللي جوايا وهقبل بأي جواب هتقوليه وهتفضلي طول عمرك زي ما انتي في قلبي ومفيش أي حاجة هتأثر على زمالتنا وصداقتنا بس خلاص قولي بقا ردك ايه
ضحى: .................................................. ...سكتت كتييير وبصت لأحمد وقالتله
-أحمد انا مش عارفة أرد عليك أقلك ايه انت عارف اللي مريت بيه كويس اوي واني مجروحة أد ايه بس اللي أقدر أرد عليك بيه أني أقلك أنا كمان محتاجالك أوي وحاسة بحبك أوي اد ايه انت طيب يااحمد وحنين وألف بنت تتمناك وصراحة مكنتش متوقعة منك انك تقولي كده خالص خصوصا ان فيه يجي عشرين بنت بيكلموك غيري X-(.......بس اللي عاوزة افهمه بقا هو انت ليه اخترتني انا من وسط دول كلهم بالرغم من اللي انت عرفته عني ؟؟؟
أحمد : بصي ياضحى انتي انسانة جواكي حب وطيبة مش عند حد من دول كلهم وعندك اخلاص غريب في حبك وكمان باين اوي ان أهلك ناس طيبين وده اللي انا بدور عليه بالظبط يعني انتي قعدتي تحبي في واحد مشفتيهوش اصلا سنة ونص واخلصتيله اوي فايه اللي ممكن تعمليه لما تحبي واحد قدامك شفتيه وشافك وتعيشي معاه......؟؟؟ ضحى صعب أوي إن أي حد يعرفك بجد وميحبيكيش....بصي ياضحى بالنسبة للبنات انا ميهمنيش ولا واحدة منهم ولا حبيت ولا واحدة منهم واوعدك من دلوقت مليش أي علاقة بولا واحدة من دول واصلا هما مش في دماغي وهقطع علاقتي بيهم نهائي متقلقيش ومش هيكون كلام ده فعل بجد لأنهم لا يعنولي أي شيء صدقيني ...8-|
ضحى: أحمد لو ناوي اننا نكمل مع بعض بجد أرجوك متجبليش سيرة الحكاية دي بجد نهائي انساها خالص انا عارفة اني كنت حمارة اوي وجرحتك اوي لما خدتك تدور عليه معايا بس انا اسفة وارجوك انساها أما بالنسبة للبنات بقا فسبهملي انا اقدر عليهم كويس اوي/:)X-(
-قلب ضحى كان بيدق بسرعة:x:x أوي وكانت فرحانة اوي لأنها كانت بتحب أحمد ومتعلقة بيه وهي متعرفش إن كل المشاعر اللي كانت بتحسها دي كانت حب:x مش صداقة وخلاص والصراحة أحمد واد يتحب خالص يعني;;):D
أحمد : والله ياضحى هعملك كل اللي انتي عاوزاه وتتمنيه بس انا عاوزك تصبري معايا شوية انا عارف انك هتتعبي كتير اوي معايا واحتمال الموضوع يطول بس أوعدك والله العظيم اني أول ما امسك في شغل بجد هروح لوالدك فوراً
ضحى: انا مصدقاك يااحمد من غير ما تحلف بس تعرف انا لسة امبارح بس كنت بقول انا مش عاوزة ادخل في أي تجربة جديدة نهائي معرفش ايه اللي خلاني اسكت لما صارحتني بمشاعرك واضح ياأحمد اني كنت .......
أحمد : كنتي ايه ؟؟؟؟؟؟قولي:-S:-S
ضحى: كنت بحبك ياأحمد وانا مش حاسة كل ده:x
أحمد : أخييييييييييييييييييييييي ييييييييييييييييييراااااا ااااااااااااااااااااااااا اااااااااااااااا قولتيييييييييها انتي متعرفيش انا فرحان أد ايه بجد بجد فرحان فرحان فرحاااااااان ونفسي الدنيا كلها تسمعني دلوقت وتحس بيا:x:x:x:D:D
ضحى: بس يااحمد يامجنون :D............بقلك ايه انا جعانة :Dههههههههههههههههههه=))
أحمد : جعانة طب ثانية واحدة بس هروح أجبلك أحلى أكل ياأجمل ضحى استنيني هنا ولا اقلك لا تعالى معايا أحسن حد يعاكسك تاكلي من كنتاكي إيه رأيك ؟؟؟;;)
ضحى وأحمد دخلوا في قصة حب رائعة متتوصفش وضحى كانت في وقت قصير أوي بتعشق أحمد فوق الوصف وأحمد بعد ما اعترفلها بشهرين بس كلم أهلها وخلى هبة اتوسطت في الموضوع المهم أهلها كان ردهم طب لما يمسك في شغل كويس يبقا يجي يتقدم وفضلوا ضحى وأحمد مع بعض عايشين أجمل قصة حب وفي يوم ضحى اتصلت بأحمد في بيته و....



ضحى: آلو أيوة ازيك ياطنت عاملة ايه
مرات والده : الحمد لله ازيك ياضحى انتي عاملة ايه
ضحى: الحمد لله تمام ....أحمد موجود ياطنت
مرات والده : لا ياضحى مش موجود تحبي أقله حاجة لما يجي
ضحى: لا انا هبقا اتصل بيه وقت تاني انا بسأل عليه بس ...طنت هو صوت حضرتك ماله خير فيه حاجة
مرات والده : لا ابدا مفيش أًصل بصراحة الوضع ده مش عاجبني بتكلميه في التليفون وبيكلمك وبتخرجوا تتقابلوا على أي أساس طب وبعدين انتي عارفة أحمد قدامه أد ايه عشان يعمل حاجة ويقدر يجي يتقدم ولا عشر سنين كمان أظن إنك عارفة كده كويس أوي
ضحى: وكأن حد خبطها بحاجة على راسها .......... ايوة انا عارفة إن ظروف أحمد صعبة وإن الارتباط الرسمي ممكن ياخد وقت كبير اوي بس انا هصبر معاه
مرات والده : تصبري ....؟؟ انتي بتضحكي على نفسك يابنتي ولا علينا ولا عليه ولا ايه بالظبط انتي واحدة حلوة وأمورة هتقدري تستني معاه عشر سنين على مايعمل حاجة ويجي يتقدملك هتقدري ؟؟؟ بصي انا مش هقبل ابدا منك انك تيجي في نص الطريق بعد كده وتجرحيه وتسبيبه انتي متعرفيش هو بيحبك أد ايه فلو جيتي بعد كده سبتيه هتدمريه لأنه اتعلق بيكي جدا
ضحى: وانا عمري ما قلت اني ممكن اسيبه انا كمان بحبه وربنا يعلم ومش هسيبه مهما حصل
مرات والده : طب عموما لو عوزتيه بعد كده ابقي كلميه على الموبايل انما متتصليش في البيت تاني الا لما تبقا تحصل حاجة/:)

وقفلت ضحى وانهارت طبعا لأنها عرفت هي أد ايه مش بتحبها ومش عاوزاه تكمل مع احمد بس مش عاوزة تجرح أحمد أو تسببله مشاكل:((:((:((
ومن الجانب الأخر كان مرات والد أحمد قامت بالواجب مع أحمد كمان وقالتله متخليش ضحى تتصل بيك هنا تاني ووو الخ طبعا:((
فأحمد اتصل بضحى وقبل ما أحمد ما ينطق قالتله
ضحى: أحمد احنا مش هينفع نكمل مع بعض ....:(
أحمد : إيه ؟؟؟ ايه اللي بتقوليه ده ياضحى وازاي تقولي كده
ضحى: مش هينفع يااحمد أهلك مش حابني يبقا ازاي بس
أحمد : هي كلمتك قالتلك حاجة قولي انطقي
ضحى: مالهوش لزوم بقا المهم ان موضوع كده مش هينفع:-S

ونكمل الحلقة الجاية بقا :D

نمنمة
بجد قصة رووووووووووووعة
وشدتنى جدا ويلا بسرعة تعالى كملى بانتظارك
amase

رووووووووووووووعة يا نمنمة بجد رووووووووعة
وكملي واحنا في انتظارك

اقتباس:

---

المشاركة الأصلية كتبت بواسطة amase

نمنمة
بجد قصة رووووووووووووعة
وشدتنى جدا ويلا بسرعة تعالى كملى بانتظارك
amase

---

مشكورة amase لتشريفك الحكاية وهكمل اهو بسرعة على اد ما اقدر :D:D:Dومنورة المنتدى ;;)

اقتباس:

---

المشاركة الأصلية كتبت بواسطة حبيبة

رووووووووووووووعة يا نمنمة بجد رووووووووعة
وكملي واحنا في انتظارك

---

الله يخليكي يارب ياحبيبة حاضر والله هكمل اهو صبرك بس ;;)

جميله جدا
متابعه معاكى لسه
متتاخريش:)

الحلقة العاشرة




أحمد : طب اقفلي دلوقت ياضحى اقفليX-(X-(X-(
-وراح أحمد لمرات والده واداها اللي فيه النصيب وقالها كله الا ضحى انتي فاهمة انا بسكتلك كتيييييير اوي عشان خاطر ابويا لكن هتيجي عند ضحى ومش هسكت فاهماني مش هسكت وملكيش دعوة بينا ولا بعلاقتنا نهائيX-(X-(
وطلب أحمد من ضحى انه يقابلها دلوقت حالا واتقابلوا وو....
أحمد : كده ياضحى تقولي كلمة زي دي قدام أول مشكلة قابلتنا بجد مكنتش متوقع منك كده X-(وزعلت منك جدا
ضحى: انا اسفة يااحمد بس بجد اديك شايف اللي حصل واللي قالته طب كنت هعمل ايه
أحمد : هو انا مش قلتلك قبل ما ندخل في أي حاجة اننا هنشوف كتيير وهنسمع كتيير وكتير اوي هيكسروا مجاديفنا ضحى أرجوكي متزعليش منها وانا بتأسفلك بالنيابة عنها وحاولي متفكريش في أي حاجة من اللي قالتلهالك بس أرجوكي متعمليش معايا كده تاني واوعي تقولي كلمة زي دي تاني
ضحى: انا اصلا مكنتش هقدر انفذها ياأحمد انت مش عارف انا حبيتك أد ايه وبقيت بالنسبة لي ايه
أحمد : خلاص انا مش زعلان والله المهم انتي مش تزعلي بالله عليكي .........ضحى كنت عاوز اقلك على حاجة كده
ضحى: قول يااحمد خير فيه ايه ؟؟
أحمد : انا قدامي فرصة سفر للسعودية وبطلع الباسبور لو حصل وسافرت اوعى تسبيني ياضحى واستنيني انا هسافر عشانك
ضحى: سفررررررررر:-O:-O سفر ايه يااحمد لالالالالالالالالالالالال الا اوعى تسافر اوعى
أحمد : يعني هو انا مسافر عشان مين انا مسافر عشانك ياضحى مش عشان حد تاني هسافر عشان اقدر أعمل حاجة بسرعة أوي واكون جدير بيكي
ضحى: لا انا مش هقدر ياأحمد بجد والله ما هقدر انك تبعد عني مفيش سفر بجد
أحمد : يعني انتي مش عاوزاني اسافر ياضحى
ضحى: لالالالالالالالالا يااحمد عشان خاطري لو بتحبني بلاش تسافر بالله عليك
أحمد : والله كلامك بيقطع فيا من جوا بس دي فرصة ياضحى عموما اوعدك إني أفكر
وتاني يوم أحمد اتصل بضحى وقلها:
شفتي يابنتي اديني نسيت الورق امبارح في المسجد اللي كنت بصلي فيه كل الورق بتاع الباسبور واللي كنت مجهزه وكل ده نسيته في المسجد امبارح هو انتي يابت انتي شكلك كده فيكي حاجة لله اللي انتي عاوزاه بيحصل عاجبك كده
ضحى: هييييييييييييييييه هييييييييييييييييه احسن فيييييييييييييييك :-Pبجد فرحانة فيك أوي:-P الحمد لله انك مش هتسافر انت متعرفش انا كان ممكن يحصلي ايه لو سافرت انا ما صدقت لقيتك يااحمد أقوم أسيبك تسافر ....
أحمد : خلاص ياضحى حاضر مش هسافر عشان خاطرك بس مع إني كنت مسافر والله عشانك برضه
ضحى: انا متشكرة اوي يااحمد ربنا يخليك ليا يارب

-ومرت الأيام والشهور وكانت ضحى بتتعلق بأحمد أكتر وأكتر وكمان أحمد بقت روحه فيها لكن صحاب ضحى كانوا كتير منهم بيقولولها :
-نور: خلى بالك ياضحى مش كده ممكن أو ي يكون بيضحك عليكي زي اللي قبله
-ضحى: لالالالا أحمد عمره ما كان بيضحك عليا وبعدين هيضحك عليا ليه من قلة البنات في البلد يانور أحمد بيحبني بجد وانا مصدقاه أوي
-نور: ياضحى كلهم زي بعض ما انتي جربتي هو انا اللي هقلك على االعموم خدي بالك8-|
-ضحى: ماشي يانور هاخد بالي
وضحى من جواها اتهزت شوية وابتدت تاخد بالها حبة وطلبت من أحمد انهم مش يتقابلوا ولا يتكلموا لحد ما يحصل حاجة رسمي لكن أحمد مقدرش نهائي وسألها عن سبب التغيير وقالتله اللي اتقالها وقلها
أحمد : ضحى ملناش دعوة بالناس انتي عارفة انا بحبك أد ايه وكمان لازم تكوني واثقة فيا شوية ياضحى مش أي حد يقلك حاجة تصدقيها انتي شوفتي مني حاجة وحشة والله ياضحى انا بحبك ومش بضحك عليكي ولا بتسلى والله العظيم انتي أول حب حقيقي في حياتي وأرجوكي متفكريش في الناس لأنهم هيفرقونا
ضحى: وانا ياأحمد كل يوم بحبك أكتر من اللي قبله وربنا عالم
ومر كام شهر بعدها كمان ووكانت فترة ارتباطهم حوالي ست شهور بالظبط وأحمد فعلا مسك شغل في شهر تلاتة زي ما قال لضحى ومسك في شركة كبيرة أوي ومحترمة وكمان بمرتب كويس يقدروا يعملوا حاجة بيه ويبتدوا حياتهم وراح أحمد لوالد ضحى عشان يتقدم و......
نكمل الحلقة الجاية بقا ايدي وجعتني هههههههه........:D:D:D

اقتباس:

---

المشاركة الأصلية كتبت بواسطة jewel_lowis

جميله جدا
متابعه معاكى لسه
متتاخريش:)

---

وادي حلقة جديدة ياقمر :D

يسلموا كتير حكايه حلوه ومتابعه معك :)

جميلة أوى يا نمنمة انا مستنياكى:)

اقتباس:

---

المشاركة الأصلية كتبت بواسطة داليا

يسلموا كتير حكايه حلوه ومتابعه معك :)

---

تسلمي داليا ومنورة >:D<

اقتباس:

---

المشاركة الأصلية كتبت بواسطة حبيبة

جميلة أوى يا نمنمة انا مستنياكى:)

---

مشكورة حبيبة وانا بكمل اهو منورة ياقمر ;;)

تسلمى ياقمر على الحلقه
متابعه معاكى

اقتباس:

---

المشاركة الأصلية كتبت بواسطة jewel_lowis

تسلمى ياقمر على الحلقه
متابعه معاكى

---

مشكورة إنجي للمتابعة منورة حبيبتي ;;)

الحلقة الحادية عشرة







وراح أحمد اتقدم لوالد ضحى وضحى كانت كتيييير مطمناه عن والدها وانه مش هيقف قصادهم ان شاء الله ولما راح أحمد اتكلم عن نفسه بصراحة مع والد ضحى وحكاله انه لوحده ومفيش حد من أهله هيساعده وقاله كل حاجة عن شغله بصراحة وقله كمان انه مش يملك شقة ولا أي مقومات دلوقت بس هو طالب الموافقة وهو إن شاء الله هيعمل حاجة كويسة

والد ضحى احترم أحمد جدا لأنه اتكلم معاه بكل صراحة وقال لضحى:

-بصي يابنتي انا مش رافضه هو واضح انه انسان كويس جدا كفاية انه اتكلم معايا بصراحة لكن انا معترض على ظروفه لأنها متنفعش تفتح بيت دلوقت

ضحى: بابا انا هقف جمبه لغاية ما يعمل حاجة ونفتح بيت سوا مش لازم يجيلي عريس جاهز عشان اوافق فورا ويبقا فرصة ماهو العريس الجاهز كان موجود قدامي وانا اللي سبته وبرضه كنتوا بتقولولي ده فرصه يابابا انا اللي هعيش معاه وانا اللي هستحمله في حلوه ومره محدش هيشاركني أي شيء ومينفعش اني اتجوز واحد لمجرد انه فرصة مش أكتر أرجوك يابابا سبني أدخل التجربة



والد ضحى مكانش مقتنع نهائي بالكلام ده وكان رافض الموضوع وضحى كلمت أحمد وسألته هو كده خلاص هيسبها =((ومش هيفكر يتقدم تاني=(( قلها لا طبعا عمري ما هسيبك وهتقدم مرة واتنين وتلاتة وعشرة:)

واتكلمت ضحى مع والدتها وقالتلها انها مرتحااله وعايزة تكمل معاه بقية حياتها هي عارفة ان ظروفه صعبه بس مفيش حاجة بتفضل على حالها وطلبت منها تقف جمبها

ومن الناحية التانية أحمد فكر يعمل ايه عشان والد ضحى يوافق عليه ماهو لازم يلاقي حل ويلاقي حد يقف جمبهم هو وضحى;)

ففكر يروح لزميلة والدة ضحى في الشغل خصوصا إنها تعرفه كويس اوي وبتعزه كمان وراح فعلا وطلب منها تقف جمبه هو وضحى وبالفعل كلمت والد ضحى وراحت مع أحمد لوالد ضحى عشان يتفقوا على كل حاجة

وبعد فترة من الخوف والحزن عاشتهم ضحى وافق والدها مبدأيا على الإرتباط بس اشترط على أحمد شرط صعب أوي قاله طوال فترة الخطوبة مفيش دخول وطلوع كل شوية ومفيش انك تيجي البيت كمان معنديش الكلام دهX-(

وأحمد مع إنه عارف ان فترة الخطوبة ممكن تطول سنين وسنين وافق وكان هيتحمل عشان خاطر ضحى أي شيء واتفقوا مبدأيا لكنه قال لأحمد :

بص ياأحمد يابني انا استقبلتلك لوحدك وسمعت منك كل ظروفك لأن ده العادي انك تيجي الأول لوحدك لكن مفيش خطوبة ولا أي حاجة من دي وهعتبر الكلام ده كأن لم يكن لو أهلك مجوش هنا عشان يخطبوها معاك رسمي:->

-أحمد طمن عمه وقاله متقلقش هجبهم طبعا منا عارف الأصول برضه بس حضرتك انا حكيتلك على كل ظروفي وقلتلك إن والدي ووالدتي منفصلين فأنا هجيب والدي ومراته الأول وبعدين في مرة تانية هجيب والدتي معايا واجي

واتفقوا على الكلام ده وكل حاجة أصبحت واضحة لكن في عقبة دلوقت قدام أحمد وهي ازاي هيقول لأهله وهو عارف انهم مش موافقين على الخطوة دي دلوقت وشايفين انها لسة بدري عليها شوية وكمان مرات أبوه ده مش بترتاح لضحى طب هيعمل ايه ؟؟؟:(

راح أحمد لوالده وحكاله وسمعتهم مرات أبوه بالصدفة واتفجأت بالكلام ده وطبعا ثارت ثورتها عليه وو...

-إنت ازاي يااحمد تروح تعلم التصرف ده من دماغك كده ازاي؟؟؟؟ ازاي تروح تتقدم دلوقت وانت عارف انك لسة متثبتش في شغلك حتى ولسة قداااامك كتيييييرX-( اوي على ما تعمل حاجة طب خلاص مدام عملت الموقف ده يبقا انت تتصرف لوحدك وتعمل بقا كل حاجة لنفسك متطلبش مننا اننا نساعدك

أحمد : أنا اصلا كنت عارف من الاول انكو مش هتساعدوني في شيء انا بطلب منكو دلوقت انكو تيجو معايا لوالد ضحى عشان تخطبوهالي رسمي ولا ده كمان مش هتعملوه

والد أحمد :لا يابني انت ازاي تقول كده طبعا جايين:)



وراحوا لوالد ضحى فعلا ووضحوا كل حاجة لوالدها واتفقوا على كل شيء وحددوا معاد الخطوبة بس طبعا غصبن عن مرات أبوه ...........الود ودها لو كانت الجوازة اتفركشت أًصلها مش مصدقة إن كلامها طلع غلط :D:Dما علينا تعالوا نشوف أحمد وضحى عملوا إيه عشان الخطوبة>:D<

فضل أحمد كل ما يقبض يدي مبلغ كبير شوية من القبض لضحى عشان تحوشه معاها عشان يشتروا الدبل بتاعتهم وسعادتهم ببعض كانت فوق الوصف https://forum.masrawycafe.net/%5Burl...g%5D%5B/url%5Dوكل اللي حواليهم كانوا فرحانين بيهم:x وفي نفس الوقت مش مصدقين إن قصة حبهم نجحت برغم كل الصعوبات وكانوا بيدعولهم ربنا يوفقهم:)

وضحى قالت لأحمد انها مش عاوزة شبكة ولا كلام من ده هي كل اللي عوزاه دبلة صغيرة تقول للدنيا كلها إن ده خطيبي وحبيبي يعني مش هنجيب أكترمن دبلتين ياأحمد متفقين:->

أحمد : اللي تشوفيه ياضحى والله العظيم انا نفسي اجبلك الدنيا بحالها وأسعدك وافرحك بس انتي عارفة الظروف بس اوعدك قدام هجبلك كل اللي نفسك فيه ان شاء الله

ضحى: انا مش بتمنى من الدنيا دي كلها غيرك إنت ياأحمد انا بجد دلوقت بندم على كل لحظة من عمري فاتت وانت مكنتش معايا فيها:x

أحمد : ربنا يخليكي ليا ياضحى وتفضلي جمبي طوووول العمر:x



وكملوا مبلغ كويس كده وراحوا اشتروا دبلتين حلوين وأحمد جاب لضحى محبس صغير ورقيق كده أي نعم هما في عين الناس مش كتير طبعا لكن كانوا في عين ضحى بالدنيا وما فيها وكانوا فرحانين جدا جدا:D:D

وجه معاد الخطوبة وكان أجمل يوم في حياتهم كلها لقوا الدنيا كلها كانت فرحانة معاهم وعملوا خطوبة صغيرة كده في البيت وخرجوا اتفسحوا وبقوا طول الوقت مش مصدقين اللي حصل ده كله وانهم دلوقت اتخطبوا وبسرعة الحمد لله وإنهم مع بعض دلوقت بس اللي كان مأزمهم شوية:(انهم برضه مش هيقدروا يخرجوا كده قدام الكل ولا حتى أحمد هيجي البيت لكن كانوا واثقين في ربنا جداااا جدااا وانه هيديهم على أد نيتهم ولأن نيتهم كانت خير من البداية ربنا وفقهم ;;)وووو....



توتة توتة مخلصتش الحدوتة ونكمل المرة الجاية:D:D:D:D

الحلقة الثانية عشر









تاني يوم والد ضحى قالهم انه سمع عن شقق المحافظة وقالهم روحوا قدموا فيها بسرعة جايز ربنا يكرمكم بس خلوا بالكوا لازم تكونوا متجوزين عشان تقدموا فيها يعني لازم كتب كتاب

ضحى وأحمد سمعوا الكلام ده من هنا وطاااااروا من الفرحة ياترى حلمهم هيتحقق بالسرعة دي مش ممكن:D:D:D:)

المهم راح أحمد سأل عن الشقق وعرف الشروط وابتدوا يفكروا هيعملوا ايه وهينفذوا ازاي الكلام ده وازاي ممكن يكتبوا كتابهم دلوقت وكمان ازاي والد ضحى هيقتنع انهم يكتبوا الكتاب دلوقتي

وراح أحمد لوالد ضحى عشان يتناقشوا في الحكاية دي وقاله على شروط شقق المحافظة فوالد ضحى قله خلاص يابني عايز تكتب الكتاب يبقا لازم تمضي ايصال أمانة بمبلغ يعادل قيمة القايمة بتاعة العفش

فأحمد قاله فوراً وبدون تردد انا موافق ياعمي على أي حاجة تطلبها مني وهمضي على اللي حضرتك تؤمر بيه

ومضى أحمد على الوصل وبدأوا يجهزوا لكتب الكتاب فوراً وتخيلوا أحمد وضحى اتكتب كتابهم بعد ما اتخطبوا بشهر واحد حاجة مش معقولة فعلا بعد ما كانوا بيقولوا يارب بس دبلتين بقا كتب كتاب يااااااااه ربنا ده كرييييييييييم اوي اوي اوي فوق تخيل البشر كمان

بس بعد كتب الكتاب خدوا القسيمة وراحوا عشان يحجزوا الشقة طبعا وكالعادة بتاعة الحكومة بتاعتنا وقفولهم الموضوع عشان ناقص كلمة على الورقة يااااااااااادي الغلب بتاع الشباب:(

ضحي واحمد جالهم احباط شوية لكن سرعان ما زال كفاية انهم مع بعض دلوقت وضحى اقترحت على أحمد اقتراح انهم يسكنوا في شقة ايجار جديد وواحدة واحدة يبدأوا يفكروا يعملوا حاجة طبعا أحمد رفض في الأول عشان مش عاوز يبهدل ضحى معاه لكن بعد التدوير على أكتر من حل لقى ان مفيش غير الحل ده وابتدوا يحوشوا سوا وجاب أحمد وضحى عفشهم وأجروا شقة لذيذة أوي ودمها خفيف وعلى أدهم وبدأوا حياتهم مع بعض بعد سنة ونص من الخطوبة كانوا متجوزين وفرحهم كان تحفةةةةةةةة حكوا عنه كل اصحابهم وقرايبهم وعاشوا أجمل حياة مع بعض وأحمد كان بيحاول يعمل كل حاجة عشان يخلي ضحى دايما فرحانة وميشوفش مرة واحدة دمعة في عينيها وضحى برضه كانت بتعمل كل اللي في ايديها عشان تسعد أحمد ربنا يهنيهم ويباركلهم

لسة دي مش النهاية كده:-P

لو عجبتكوا القصة ممكن يكون ليها حلقات تانية بس هتبقا حلقات يوميات أحمد وضحى بعد الزواج برضه من تأليفي;;):D تابعونا على مصراوي كافيه مش هتقدروا تغيروا المنتدى:D:D:D:D

أوكى احنا معاكى ومستنيين الباقي
تسلمى يا نمنمة يارب

:-*:-*:-*:-*:-*:-*

اقتباس:

---

المشاركة الأصلية كتبت بواسطة حبيبة

أوكى احنا معاكى ومستنيين الباقي
تسلمى يا نمنمة يارب

---

مشكوووووووووووووووووووووو ووووورة كتييييييييير حبيبة والله دايما رافعة معنوياتي واوعدك قريب هتشوفي يوميات أحمد وضحى بس عاوزة رأيك بقا أول بأول تسلمي على المتابعة والرد حبيبة>:D<:-*>:D<

أكيدطبعا وانا أوعدك أول أما أشوف الحلقات هرد عليها علي طووووووووووووووووووول
:-*:-*:-*

راااااااااااااااااااااااا اااااااااااااائعة ايه الجمال ده ممكن تكملى

اقتباس:

---

المشاركة الأصلية كتبت بواسطة jian

راااااااااااااااااااااااا اااااااااااااائعة ايه الجمال ده ممكن تكملى

---

هكمل بإذن الله هتلاقيها قريب نازلة كيوميات لضحى واحمد بعد الجواز:D:Dومشكووور للرد والمتابعة :)

تسلمي نمنمة على المتابعه وتم التثبيت

:-/:-/:-/:-/:-/:-/

ايه دا يا نمنمه يومك مش معدي النهارده اول ما اغيب شويه كده تخليهم يحبو بعض وكمان ما استكفتيش بكده خطبتيهم والاكتر من كده كتبتي كتابهم والادهي والامر اتجوزو من غير ما احضر انا كل دا:-O:-O:-O

خلاص سماح بقي طلما النهايه سعيده وكمليها بقي;;)

اقتباس:

---

المشاركة الأصلية كتبت بواسطة طيف عابر

تسلمي نمنمة على المتابعه وتم التثبيت

---

ألف شكر طيف على التثبيت >:D<ربنا يخليكي لينا كده بقا انا هنزل اليوميات هنا ولا انزلها منفصلة :-/:D

اقتباس:

---

المشاركة الأصلية كتبت بواسطة Locked Heart

ايه دا يا نمنمه يومك مش معدي النهارده اول ما اغيب شويه كده تخليهم يحبو بعض وكمان ما استكفتيش بكده خطبتيهم والاكتر من كده كتبتي كتابهم والادهي والامر اتجوزو من غير ما احضر انا كل دا:-O:-O:-O

خلاص سماح بقي طلما النهايه سعيده وكمليها بقي;;)

---

معلش نسيت أعزمك على الفرح مش تزعلي بقا >:D<>:D<بس احضري اليوميات ان شاء الله مش تنسي بقا :D

اللي تشوفيه لو حابه تعمليهم منفصلين وممكن ندمجهم بعدين عادي يعني اعملي الاصح >:D<

اقتباس:

---

المشاركة الأصلية كتبت بواسطة طيف عابر

اللي تشوفيه لو حابه تعمليهم منفصلين وممكن ندمجهم بعدين عادي يعني اعملي الاصح >:D<

---

مشكورة طيف بتعبك معايا خلاص انا هنزل الحلقات في موضوع لوحده منفصل وبعدين ابقو ادمجوهم مع القصة لما الحلقات تخلص ان شاء الله طبعا ده بعد أن تحوز على اعجاب الجماهير :D:D:D مشكووووووورة طيف حبيبتي ووحشتيني جدا على فكرة ;;)

بصراحة .... بصراحة .....
الله يخرب بيت عسل أهلك
قصة رائعة وأكثر من رائعة تقبلي تحياتي وإحترامي

الاخت الغالية نمنمة المسلمة
وعلي فكرة الصورة بتعاتك جميلة جداً
أحـــــــــمد ،،،، بس مش اللي فى القصة مع أني بتمني أن أعيش فى قصة مثل هذه القصة مع أني متزوج :((:((:((:((:((

ارجوكي كمليها بسرعه انا بجد متشوقه لمعرفه باقي القصه
واشكرك عليها

روعه وننتظر المكمله