فنجان قهوه لاستضافــة شعراء .. نجوم منتديات مصراوي كافيه...

ازيكم يا جماعه

والله برافو عليكو

خليتو الموضوع حلو اوي بمجهودكم الجميل

وشكرا يا طيوفه علي مشاركتك وردودك واجاباتك الحلوه

ويالا يا استاذه شمس الاصيل احنا في انتظار ردودك

اقتباس:

---

المشاركة الأصلية كتبت بواسطة شيخ البلد

اسمحولى يا شباب مصراوى كافية ان ندعوى السيدة و الاستاذة الشاعرة العبقرية والمتألقة شاعرة تعجز الاحاسيس عن وصف كلماتها كلماتها التى دائماً تدخل الى القلب كسهم الكيوبيد إله الحب كلماتها التى تخدر المشاعر وتنعش الفؤاد احياناً وتحرج الروح معاها كلمات تصلك كاملة بما تبغية وتفهم مرماها البعيد صاحبة قلم كالسيف ورئى كالنسيم و قرار كالبرق فلا تمزح إلا بهدف ولا تنصح إلا لغايا انها استاذتى
شمس الاصيل

طبعاً يا ستاذتى هطح على سعتك بعض من الاسألة واتمنى ان لا اتجاوز حدودى القريبة مع حضرتكم .

- متى كتبتى اول كلمات خاطرة او شعر ؟

- هل ما ذلتى تحتفظى بأول شيئ حضرتك كتبتية ؟

- وان كان موجود هل من الممكن ان تطلعينا علية ؟؟

- هل تعلمتى كتابة الشعر ام انها مهارة و خبرة ؟؟

- ما هى الاجواء المفضلة لحضرتك لكتابة الشعر ؟؟

- كيف يمكنك تقيم الشاعر ؟ ومتى يصل الشاعر عند حضرتك الى مرتبت ممتاز ؟

- هل تستطيع فى سطور ان توجهى نصيحة لكل كاتب شعر وخاطرة فى مصراوى كافية تدلية فيه على عيبة فى الكتابة وتقدمى له نصيحة لتفادى هذا العيب ؟؟

اعتذر عن الاطال واترك الساحة والمساحة لمن بعدى

---

مين ازاي@-)

ده أنا :)

وبعدين ايه الكلام الكبير أوي ده

هو كلام لذيذ كفاية انه تعبير صادق جدا من قلب صافي

لكن بجد كتير جدا

أنا ما بعتبرش نفسي شاعرة ولا حاجة

كل الحكاية هواية مش أكتر ولا أقل وحب للغة العربية واحترام ليها

بس ده الموضوع باختصار

بس الجميل في الموضوع بجد

وجودي معاكم

نرجع لأسئلة شيخ البلد


- متى كتبتى اول كلمات خاطرة او شعر ؟
مش فاكرة بس أعتقد كنت في تانية ابتدائي http://q8yat.net/images/icons/1/007.gifكنت بكتب حاجات صغننة وكانت أمي بتشاركني اللي بكتبه وكانت بتشجعني هي وجدي اللي كان شخصية مثقفة جدا وقارئ رهيب كنت بحبه جدا وبحترمه علمني حاجات كتيرة علمني ان الانسان كلمة والكلمة بتتوزن بميزان الدهبhttp://tbn0.google.com/images?q=tbn:...ser_online.gif



- هل ما زلتى تحتفظى بأول شيئ حضرتك كتبتية ؟

تفتكر ممكن لا ما أظنش :)


- وان كان موجود هل من الممكن ان تطلعينا علية ؟؟
ده لو كان موجود:-SS



- هل تعلمتى كتابة الشعر ام انها مهارة و خبرة ؟؟

الشعر في الأول وفي الآخر موهبة بس أي موهبة في الدنيا محتاجة دراسة وخبرة وأكتر حاجة عملتها غلط وبحاسب نفسي عليها :-SSاني دخلت قسم فرنسي مش لغة عربية ولو اني درست الشعر الفرنسي وهوه مش مختلف كتير عن الشعر العربي

لكن الشعر العربي قمة ما وصلهاش أي شعر عالمي




- ما هى الاجواء المفضلة لحضرتك لكتابة الشعر ؟؟
شوف الكلمات عامله زي حد فجأة بينده عليك في أي وقت مش لازم نعد النجوم ولا نبحلق في القمر:D كل الحكاية فكرة تحرك عقلك واحساسك مع بعض



- كيف يمكنك تقيم الشاعر ؟ ومتى يصل الشاعر عند حضرتك الى مرتبت ممتاز ؟
أولا أنا مأدرش أقيم شاعر لأني ماوصلتش للمرتبة اللي تديني الحق في تقييم شاعر[-( كل الحكاية من خلال دراسة بسيطة بساعد بيها وفي الحدود اللي أحس ان اللي بكلمه ممكن يتقبلها مني .. سلمة سلمة يعني عشان أقدر أوصل شئ والكاتب ياخده مني برضا نفس:)

المرتبة اللي لازم ترضي الكاتب نفسه هو شخصيا عن نفسه =D>يوم مايحس انه لازم يدور ويتعلم وكلمة ماتهدش جواه بداية صح.. ناس كتيرة جدا هدفها الهدم مش البنا وبتقتل في ناس تانية هدف وأمل عشان كده لازم نرمي ناس زي دول ورانا ونحاول نكبر ونكبر هدفنا



- هل تستطيع فى سطور ان توجهى نصيحة لكل كاتب شعر وخاطرة فى مصراوى كافية تدلية فيه على عيبة فى الكتابة وتقدمى له نصيحة لتفادى هذا العيب ؟؟

مش من منطلق اني أحسن منهم حالا ولا أفضل من أي حد
لكن من منطلق أخت بتحب اخواتها في الله

حاجتين مهمين جدا

الأولى أوعي تيأس وتحس ان اللي بتكتبه مالوش قيمة

أما قواعد الكتابة فمفيش حاجة صعبة اننا نتعلمها

التانية وكان نفسها أقولها لكل الشباب

ياجماعة أنا عارفه انكم في سن مشاعر الحب والرومانسية فيه كبيرة وضخمة جدا واللي مزود ضخامتها الزمن اللي انتوا بتعشوه والضغوط اللي من كل جنب سواء اعلام أو أصحاب أو مدارس مالهاش دعوة بالتربية أو أهل توراثوا أفكار الأجداد

لكن الشعر مش سكة واحدة

الشعر مليون طريق أنا فاكرة اني وأنا أدكم كتبت في كل حاجة

وطني اجتماعي هزلي تعليمي ثقافي الكتابة سواء شعر أو زجل أو خاطرة أو مقالة أو قصة قصيرة لها مليون طريق

ليه نحدد ونقيد نفسنا بسكة واحدة ونعطل عقلنا ونجمد مشاعرنا


يارب ما أكونش أنا اللي طولت عليكم


http://images.google.com.eg/url?q=ht...u7yBNUeno1NOqg

http://vb.uae88.net/images/smilies/T12.jpg

أنا :-SSجيت يا جماعة

طيوفة الحلوة وورقة العسولة والعفريتة الشيطانة الصغيرة وBA7IBAK YA BOY

بس يارب مايكونش دمي تقيل

ايه دا مامتي جت انا بقي يا ماما مش هتقل عليكي هما شويه اسئله صغنونين وكلهم اختياري طبعا مقدرش اقولك اجباري بس برده هتحليهم ان شاء الله [-(ههههههههه

المهم بقي

قوليلي يا مامتي

صحيح وانتي هتقوليلي يا مامتي ليه ما علينا قولي وخلاص

ما هو الشعر في وجهة نظر حضرتك يعني؟;;)

الشعر انواعه ايه؟:)

اكتر حاجه كتبتيها وحبتيها كانت ايه؟ خاطره ولا قصه ولا نثر ور زجل ولا ايه بالظبط يعني؟:D

وكانت بخصوص ايه؟ وكتبتيها امتي؟ وكان معاكي كام ساعتها؟ واشتريتي بيهم ايه؟ واشترتيه ليه؟ هههههه لا سيبك من الكام سؤال دول دا ترفيه بس في وسط الامتحان:))

يلا يا مامتي يا ريت متتاخريش علينا ومتزعليش مني انا بنوتك الصغنونه برده بس كان لازم اسال اصل الاسئله فضلت تلح عليا:D

انا بس جايه اقلك بحبك كتير وبحترمك اكتر
وبحب اقرالك واتعلم منك
والله يوفقك

سيدتي شمس

تواجدك معنا بيسعدنا طبعا كتير

اسألتي ستكون خفيفه كروحك الجميله بيننا

ارى انك تنتقدين اعمال اخوانا الاعضاء بخلق وطريقه رائعه مميزة --فلماذا لا تحظى الفتيات منكِ بنقد
هل لان البنات حساسات اكتر لموضوع النقد خاصه من إمرأة؟؟؟
ام لانك لم تري اعمال للبنات على المنتدى تستحق ؟؟؟
ام لان الفرصه لم تسنح لكِ بعد بالاطلاع على اعمال وكتابات البنات ؟؟

هل كتبتِ يوما شعراً عاطفياً ؟؟؟
من يعجبك من شعراء العصر الحديث ؟؟؟
هل تقرأين لاديبات معينات ؟؟ ممكن نعرف ل مين بتقرأي من الاديبات

وشكرا لكِ
يبارك بقلبك

اقتباس:

---

المشاركة الأصلية كتبت بواسطة YOUNG DEVIL

ايه دا مامتي جت انا بقي يا ماما مش هتقل عليكي هما شويه اسئله صغنونين وكلهم اختياري طبعا مقدرش اقولك اجباري بس برده هتحليهم ان شاء الله [-(ههههههههه

---

اقتباس:

---

المشاركة الأصلية كتبت بواسطة YOUNG DEVIL

المهم بقي

قوليلي يا مامتي

صحيح وانتي هتقوليلي يا مامتي ليه ما علينا قولي وخلاص

ما هو الشعر في وجهة نظر حضرتك يعني؟;;)

الشعر انواعه ايه؟:)

اكتر حاجه كتبتيها وحبتيها كانت ايه؟ خاطره ولا قصه ولا نثر ور زجل ولا ايه بالظبط يعني؟:D

وكانت بخصوص ايه؟ وكتبتيها امتي؟ وكان معاكي كام ساعتها؟ واشتريتي بيهم ايه؟ واشترتيه ليه؟ هههههه لا سيبك من الكام سؤال دول دا ترفيه بس في وسط الامتحان:))

يلا يا مامتي يا ريت متتاخريش علينا ومتزعليش مني انا بنوتك الصغنونه برده بس كان لازم اسال اصل الاسئله فضلت تلح عليا:D

---

شوفي يا مامتي

زي ماقلتي أهه

أولا قبل ما أرد

الصورة الرمزية بتاعتك تجنن

أنا سبت الموضوع وقعدت أتفرج عليها

جبتي العسل ده منين

شبهك خالص لذيذ زيك كده

حلوة الفرو اللي لابسه ده

نيجي للأسئلة هموا سؤالين صحيح لكن الرد عليهم عايز صفحاااااااااات

وخاصة بتاع أنواع الشعر

ما هو الشعر في وجهة نظر حضرتك يعني؟;;)

الشعر من وجهة نظري في كلمتين

احساس ولغة

مش شرط تكون لغة عربية فصحى طبعا



الشعر انواعه ايه؟:)

أنواع الشعر كتيرة جدااااااااااااااااا ومتعددة

مش عارفه بالتحديد تقصدي ايه بأنواع الشعر

عامة

فيه القصيدة وفيه الألفية وفيه الزجل وفيه فن الشعر الحديث

وفيه اتجاهات الشعر

مثلا

الرثاء والفخر والوطني والاسلاميالجاهلي وكمان الشعر العالمي نقدر نصنفه لأنه بأى فيه أشعار مترجمة دلوقتي

وفيه الغزل العفيف والصريح وعلى فكرة أنا برفض النوعين

حتى لو كان البعض شايف ان الغزل العفيف لا يتطرق الى الكلمات خادشة الحياء

الا ان النوعين مش حلوين

وفيه الرومانسي


وفيه الاجتماعي والسياسي كمان

ده طبعا غير أنواع بحور الشعر نفسها

الطويل , المديد , البسيط .
الوافر , الكامل .
الهزج , الرجز , الرمل .
السريع , المنسرح , الخفيف , المضارع , المقتضب , المجتث .
المتقارب , المتدارك .



اكتر حاجه كتبتيها وحبتيها كانت ايه؟ خاطره ولا قصه ولا نثر ور زجل ولا ايه بالظبط يعني؟:D

عارفه الكلمات كلها بتبأى زي الولاد

مفيش أم بتحب ابن لها أكتر من التاني

كلهم حبهم واحد

كل حاجة ممكن تكتبيها بتبأى شايله معها ذكرى خاصة بيها

لو حلوة لو وحشة بس شايله جزء من حياتك معاها


وكانت بخصوص ايه؟ وكتبتيها امتي؟ وكان معاكي كام ساعتها؟ واشتريتي بيهم ايه؟ واشترتيه ليه؟

شوفي احنا نروح الاسم أحسن :D

شكلك كده ليكي أرايب هناك :-SS

اوعي تكوني مخابرات والواحد مش داري:D

اقتباس:

---

المشاركة الأصلية كتبت بواسطة ساندرا

انا بس جايه اقلك بحبك كتير وبحترمك اكتر

وبحب اقرالك واتعلم منك
والله يوفقك

---

بحبك كتير وبحترمك اكتر

تتوزن الكلمة دي ازاي ؟؟؟؟؟؟؟؟؟

وتساوي ايه في الدنيا ؟؟؟؟؟؟؟؟؟

والله أنا كمان بحبك يا ساندرا

بحبكم كلكم في الله حب خالص لوجه الله

وبرجو من ربنا انه يوفق كل واحد فيكم في حياته

في دينة ودنيته وآخرته

والحمد لله كلكم هنا شباب زي العسل

وأحلى وأصفى وأنقى من العسل

صورة رمزية باسمك دورت عليها و لقيتها على النت يارب تعجبك

http://tbn0.google.com/images?q=tbn:...%8A%D8%AF6.jpg

مش لازم تحطيها

كفاية انك تقبليها مني بس

اقتباس:

---

المشاركة الأصلية كتبت بواسطة طيف عابر

سيدتي شمس



تواجدك معنا بيسعدنا طبعا كتير

اسألتي ستكون خفيفه كروحك الجميله بيننا

ارى انك تنتقدين اعمال اخوانا الاعضاء بخلق وطريقه رائعه مميزة --فلماذا لا تحظى الفتيات منكِ بنقد
هل لان البنات حساسات اكتر لموضوع النقد خاصه من إمرأة؟؟؟
ام لانك لم تري اعمال للبنات على المنتدى تستحق ؟؟؟
ام لان الفرصه لم تسنح لكِ بعد بالاطلاع على اعمال وكتابات البنات ؟؟

هل كتبتِ يوما شعراً عاطفياً ؟؟؟
من يعجبك من شعراء العصر الحديث ؟؟؟
هل تقرأين لاديبات معينات ؟؟ ممكن نعرف ل مين بتقرأي من الاديبات

وشكرا لكِ
يبارك بقلبك

---

الغالية طيف

أنا من يسعد حقا بوجودي معكم

وبما أنك دخلت الى صلب الموضوع مباشرة فسأرد بشكل مباشر

ارى انك تنتقدين اعمال اخوانا الاعضاء بخلق وطريقه رائعه مميزة --فلماذا لا تحظى الفتيات منكِ بنقد
هل لان البنات حساسات اكتر لموضوع النقد خاصه من إمرأة؟؟؟
ام لانك لم تري اعمال للبنات على المنتدى تستحق ؟؟؟
ام لان الفرصه لم تسنح لكِ بعد بالاطلاع على اعمال وكتابات البنات ؟؟


بداية النقد ليس بالأمر السهل الهين

ولايمكن تقبله بسهولة

وبخاصة أننا نرى من النقد الهدام جبالا لاترينا وجه شمس النقد البناء

ناهيك عن سن الشباب الفتي

حيث يتقبل الشباب النصيحة بشئ من القلق

لذلك أحب أن أكون حذرة جدا

فلا أحب أن أفقد ثقة أي منكم

فلقدج صارت لكم بقلبي مكانة كبيرة

لذا أتحسس خطاي بينكم

وربما لاحظتي أن كلماتي لم توجه الا لقلة ضئيلة أولهم شيخ البلد مما شجعني قليلا على الاستمرار

أما البنات وبالتحديد

فلا يمكن أن أتجاهلهن على النقيض تماما

أقرأ لهن ولكن أتحين اللحظة المناسبة للرد

وبخاصة أن البنات أكثر شاعرية وأحساسهن كالزجاج

ولو لاحظتي أني أعلق على الموضوعات التي تحمل فكرا ولو قليل خارج الرومانسية البحتة

فن الكتابة لايرتبط بالحب بين الجنسين وحسب

وحينما أعلق

أعلق على المضمون وأسلوب الكتابة

يهمني المضمون كثيرا لأنه يمثل فكر الشباب اليوم

وأما أسلوب الكتابة

فلا أتعمق في فن كتابة الشعر كثيرا

بل أضع قليل علامات

حتى لا أثقل على كاتب يبدأ الطريق

فأعقد الأمور أمامه

وبدلا من أن أمد له جسور الطموح

أهدم له معبره الوحيد لانطلاقة أفكاره

والفتاة بطبيعتها كما قلت سهل أن تهيم في عالم الخيال

وبخاصة عالم الرومانسية لذلك لا أحب أن أصدمهن بحديث مفاجئ

وأتحين فرصة للدخول لأي أخت هنا

ولكن من باب محبب

حتى أكتسب ثقتها ومحبتها أيضا

ليس المهم أن تعطي النصيحة

الأهم

أن تتمكني من كسب ثقة الآخرين

وبعدها افعلي ماشئتي







هل كتبتِ يوما شعراً عاطفياً ؟؟؟







نرجع للعامية
شوفي يمكن لأني أحببت القراءة بشكل واسع جدا

وقرأت من سن صغيرة جدا وبدأت في قراءة الأدب العالمي

أول كتاب قرأته لا أنساه

كان قصة توم سوير لو تعرفيها

خلت ليه نظرة مختلفة شوية في الشعر حتى العاطفي

وكمان دراستي للشعر من فترة الثانوية العامة واهتمامي باللعب في تنويع اللي بكتبه

خلى كلمة عاطفي مش مميزة قوي عندي

لكن تقدري تقولي آه كتبت بس مش بنفس المفهوم الرومانسي البحت

يعني الخالص جدا النايم قوي السرحان اللي تحسي انه متشعلأ في الهوا:D






من يعجبك من شعراء العصر الحديث ؟؟؟



بأمانة عصر حديث مفيش

لأني مش من عشاق الشعر الحديث حتى لو قرأته

يمكن الوحيد اللي يشدني شوية

بيكار

لأنه عبارة عن توليفة عجيبة من القديم والحديث

لكن كلهم عندي حتى مؤلفين الأغاني

كله عصر ماقبل السبعينات









هل تقرأين لاديبات معينات ؟؟







في الوقت الحالي أنا بطلت أقرأ خالص

يعني الفراغ الوحيد بأقضيه هنا معاكم

لكن قبل كده كنت بقرأ للبعض منهم

وبرضه كلهم ماقبل السبعينات









ممكن نعرف ل مين بتقرأي من الاديبات







الأدبيات مش مميزين قوي

لكن أكتر قراءاتي الأدبية كانت أدب عالمي

أما العربي فيمكن تستغربي كنت بحب أقرأ جدا لتوفيق الحكيم

قرأت معظم مؤلفاته

رغم انه يقال انه عدو المرأة

أنا العدو الحقيقي اللي حسيت انه فعلا عدو المرأة

كان نجيب محفوظ

لأنه صورها في أبشع صورة ممكن تتصور فيها



عداوة توفيق الحكيم عداوة مفيهاش تمثيل بالأخلاقيات

أما نجيب محفوط فمثل بكل الأخلاقيات



معلش الناس الحديثة على الساحة الأدبية

مش عارفه ليه مش بتشدني

بحس انهم بيكتبوا حاجة مالهاش دعوة بالأدب

ضايع منها الاحساس

الاحساس بالكلمة اللي بيكتبوها



حتى لما بيستضيفوا الأدباء النهارده في الاعلام

تحسي انهم أكلوا أكلة جامدة قوي وكبست على أنفاسهم ومش عارفين يعبروا بكلمتين صح على بعض


يمكن تستغربي أكتر شاعر عجبني شعره

رغم الحزن اللي فيه ورغم انه ديوان واحد بس اللي صدر له

هوه

أبو القاسم الشابي

ديوان

أغاني الحياة

كمان ديوان

الطريق الى الله

للشاعر محمود حسن اسماعيل


أرجو ان اجاباتي تكون مفيدة وما تزهأش

شكرا ليك ياطيوفة

وشكرا ليكم كلكم انكم استحملتوني الشوية دول:)

http://tbn0.google.com/images?q=tbn:...o10/roses1.jpg

هما سألوا تقريبا كل اللى كنت عايزة اقوله ..


بس احب اعرف راي حضرتك فينا ..

او رائيك فى كتابتنا ..

فى كتابات طيف .

و كتابات شيخ البلد ..


و ملك الشطرنج

هارى بورتر

the lost

و انا ..

؟؟


و اكتر شاعر بتحبى تقريله ؟؟


بيت شعر اقرب الى قلبك ..

و اكثر نوع شعر اقرب اليكى

اقتباس:

---

المشاركة الأصلية كتبت بواسطة ورقه

هما سألوا تقريبا كل اللى كنت عايزة اقوله ..



بس احب اعرف راي حضرتك فينا ..

او رائيك فى كتابتنا ..

فى كتابات طيف .

و كتابات شيخ البلد ..


و ملك الشطرنج

هارى بورتر

the lost

و انا ..

؟؟


و اكتر شاعر بتحبى تقريله ؟؟


بيت شعر اقرب الى قلبك ..

و اكثر نوع شعر اقرب اليكى

---

أما رأيي فيكم

كلكم حقيقي

ولا أزكيكم على الله تعالى

بنات وولاد قمة في الأخلاق

=D>=D>=D>=D>=D>=D>=D>=D>=D>=D>=D>=D>




أما رأي في كتابتكم

وده في حد ذاته كتير جدا

وشرف ليه وسعادة

ان رأيي المتواضع يهمكم

بس عشان أقول رأيي

لازم أقوله بشكل عملي

مش لمجرد قراءة لموضوع واحد أو حتى اتنين ولا تلاتة

أقول رأيي

لازم أكون ملمة بجوانب كتير لكل واحد فيكم

ولو لسه رأيي يهمكم مع الأيام

هتلاقوه عملي في موضوعاتكم

بس بشكل عام وبدون أدنى مجاملة

انتوا عندكم حاجات حلوة كتير =D>

سواء مشاعر أو أفكار أو بداية طيبة على طريق الفن الأدبي

بس محتاجين تفكوا قيد الفكر ذو الاتجاه الواحد

اتجاه الحب العاطفي

محتاجين تفجروا طاقات كتيرة جواكم

انتوا نفسكم هيجلكم حالة ذهول

من اللي هتكتبوه

لأنكم هتلاأوا كنوز كانت مستخبية

http://www.darlila.com/forums/style_...lt/emTE81_.gif

ونفسها حد يرفع من عليها جبال تراب

اتركنت واتذوت افي مكان عميق جدا

انتي بالتحديد يا ورقة عندك بداية حلوة لفن الخاطرة

ممكن تعبري عن حاجات كتيرة يساعدك فيها القلم

http://tbn0.google.com/images?q=tbn:...9%252525E2.jpg


لأنه مش مقيد لابوزن ولا بقافية ولا بنوع أو اتجاه شعري

الخاطرة فن مرسل

سهل لين التشكيل

تقدري تعبري بيه ويتشكل معاكي زي ماانتي عايزه

على فكرة يمكن ماردتش في موضوعات ليكي لكن متابعة لبعضها

الرد في أي موضوع سهل جدا

الا التعليق على ابدعات انسان

صعب جدا جدا
:-SS




و اكتر شاعر بتحبى تقريله ؟؟


مش مهم اسم الشاعر

أنا اللي يهمني الكلام

ممكن نفس الشاعر القلم يخونوه والفكر يغدر بيه

ويخرج عن نمط هو اتبعه لأنماط تانية

أنا بحب الشكل الأدبي نفسه

عشان أقول الشاعر ده أو الكاتب ده بتعجبني كتاباته يبأى كل كتاباته بتعجبني

وأنا شوية بحب التحديد

ما بحبش التعميم

قرأت لناس كتير وعجبني ليهم حاجات كتير ومعحبنيش ليهم برضه حاجات كتير





بيت شعر اقرب الى قلبك ..


نعيب زماننا والعيب فينا.... وما لزماننا عيب سوانا

للامام الشافعي رحمه الله




و اكثر نوع شعر اقرب اليكى


أقرب نوع اللي كلمته

تخلي دايما العقل صاحي ومتحد مع المشاعر

وأبعد نوع اللي كلمته

تضيع العقل وتلهيه وتسرق المشاعر وتخطفها

وتسيطر عليها @-)وتخليها ضعيفة وبدون حيلة

تسلمى يا ماما شمس ..


و انا بحاول استفيد و بجد نفسى انمى الحاجه دى فيا

بحاول ..


تسلمى

اسمحوا لي جميعاً أن اشكر بالنيابة عنكم وبالا صالة عن نفسي الأستاذة الجليلة شمس الأصيل وان نمنحها حق من حقوقها علينا وهو برهة من الراحة ولنا عودة مرة أخرى إن شاء الله .

واسمحوا لي أيضا إن أدعوى شاعرة رائعة تتميز عن باقي الشاعرات أنها تلملم نهايات كلماتها لتجعل منها بداية لقوافي جديدة فتجذبك مع أبياتها إلى حلقة مغلقة تجعلك تدور فيها دورة كاملة و دواة أخرى و مع كل دورة وكلمة وبيت تكتشف كل مرة شيء جديد . أنها بحارة قديمة تستطيع إن تبحر بداخل أحاسيسك ومهجتك بكلماتها البسيطة غير المفحلة تجيد تفادى تلاطم الأمواج بسفينة فصائدة وتحترف التخلص من صخور الحروف وتخلو دائماً كلماتها من اى طحالب فتراها شفافة مثل الماء العذب . فكلماتها قد تراها مباشرة ترمى لهدف واحد كالقناص وترها تارة أخرى صعبة المنال منها كالثعلب . أنها البحارة الشاعرة الهاوية الواعية المحترفة
اختنا العزيزة العضوا المميزة و الممتازة

ورقـــــــــــــة

فلتتفضل احتساء فنجان قهوة عربي مع التمر .
وإليكى بعض الاسئلة :

1- كيف شعرتى انك تمتلكى القدرة على الكتابة ؟؟

2- ما هى الطريقة التى تتبعيها لتقوية قدراتك الكتابة ؟؟

3- كم مرة ممكن ان تكتبى الخاطرة حتى تصلى بها الى افضل حالتها ؟؟
4- شاعرك المفضل وكاتبك و كتابك ؟؟

5- من هم الشعراء الذين قد قرئتى لهم ؟؟

وهذا يكفى واترك المساحة و الساحة لمن يأتى بعدى

اختيار موفق شيخ البلد وبانتظار ورقه لاستكمال الحديث معها
ان شاء الله

اقتباس:

---

المشاركة الأصلية كتبت بواسطة شيخ البلد

واسمحوا لي أيضا إن أدعوى شاعرة رائعة تتميز عن باقي الشاعرات أنها تلملم نهايات كلماتها لتجعل منها بداية لقوافي جديدة فتجذبك مع أبياتها إلى حلقة مغلقة تجعلك تدور فيها دورة كاملة و دواة أخرى و مع كل دورة وكلمة وبيت تكتشف كل مرة شيء جديد . أنها بحارة قديمة تستطيع إن تبحر بداخل أحاسيسك ومهجتك بكلماتها البسيطة غير المفحلة تجيد تفادى تلاطم الأمواج بسفينة فصائدة وتحترف التخلص من صخور الحروف وتخلو دائماً كلماتها من اى طحالب فتراها شفافة مثل الماء العذب . فكلماتها قد تراها مباشرة ترمى لهدف واحد كالقناص وترها تارة أخرى صعبة المنال منها كالثعلب . أنها البحارة الشاعرة الهاوية الواعية المحترفة
اختنا العزيزة العضوا المميزة و الممتازة
ورقـــــــــــــة

---

بس دا كتير اوى .. بجد اشكرك على كلماتك الرققيقه دى
:)

وإليكى بعض الاسئلة :

1- كيف شعرتى انك تمتلكى القدرة على الكتابة ؟؟
الورقه و القلم صحابى من زماااان ..

و يمكن سبب اختيار اسم ورقه كان نابع من كتر ما الورقه و القلم صحابى ..

بس انا ماكنتش اتوقع ابدا انى بعرف بجد اكتب خواطر او شعر او حاجه زى دى خااالص ..
لحد ما يوم كتبت خاطره اسمها لماذا .. ؟
ساعتها بس ابتديت احس انى بعرف اكتب .. و لما ورتها لماما ماصدقتش انى انا اللى كاتبها ..

2- ما هى الطريقة التى تتبعيها لتقوية قدراتك الكتابة ؟؟
بحاول استفيد من اخطائى السابقه . و بحاول اقرا شعر .. و بحاول يبقى عندى ليا حصيله كلمات كويسه .. دا بجانب احساسى ..


3- كم مرة ممكن ان تكتبى الخاطرة حتى تصلى بها الى افضل حالتها ؟؟
هى مرة واحده .. بس ممكن اعدل فيها كلمات بعد كدا .. الكلام لما بيطلع منى بيطلع عن احساس فبلاقى نفسى بكتبه على طول ..


4- شاعرك المفضل وكاتبك و كتابك ؟؟
شاعرى احساسى .. و كاتبى قلمى الرصاص .. و كتابى ورقتى ..


5- من هم الشعراء الذين قد قرئتى لهم ؟؟
الاستاذ فاروق جويده .. ( فى قصيده ليه انا بعشقها اسمها اعاتب فيكى عمرى )

متى تشعر ورقه انها يجب ان تكتب وفورا؟؟

لمن من الشاعرات تقرأين ؟؟

هل تحبين قراءة القصص ؟؟؟

متى بدأتِ الكتابه اول مرة وعن ماذا كتبتِ ؟؟؟

ما رأيكِ بكتاب مصراوى كافيه ؟؟

هل حاولتِ ان تنتقدى اى محاوله على الركن الادبي وترددتِ في هذا؟

متى تشعر ورقه انها يجب ان تكتب وفورا؟؟
لما أحس اوى ..
و مواخرا اكتشفت انى لما اشوف صورة معبره عن حاجه فيا بلاقى نفسى بكتب على طول .. يمكن دا ظهر من موضوع صورة و مقطوعه ..

لمن من الشاعرات تقرأين ؟؟
بصى عشان ماكدبش عليكى و اعمل مثقفه اوى و اكدب مش فاكره اى اسم ..
بس اكيد مر عليا و قريت

هل تحبين قراءة القصص ؟؟؟
ااه جدا .. بحب قريات القصص ..
بيبقى فيها اسلوب جيمل يشدك تكملى القصه و بعد كدا تبداى تحكمى عليها ..
مش زى الشعر ..
الشعر الحلو بيبان من اول سطر ..

متى بدأتِ الكتابه اول مرة وعن ماذا كتبتِ ؟؟؟
من تلت سنين تقريبا .. و كتبت خاطره عن بعد شخصيه غاليه عندى ..


ما رأيكِ بكتاب مصراوى كافيه ؟؟
كلهم بيبكتبوا كويس و كل واحد له اسلوبه .. بس الجميع مشترك فى الاحساس العالى .. و الكلمات اللى بتدخل القلب على طول ..


هل حاولتِ ان تنتقدى اى محاوله على الركن الادبي وترددتِ في هذا؟

لا .. انتى عارفه لما بيكون فى اى حاجه بقول على طول ..

للاسف لا استطيع ان اجد طريقه لاقدم فيها الانسان الذي اثبت تواجده معنا باحترام
واستطاع اثبات وجوده معنا من اول مشاركة باخلاقه اولا واحترامه للجميع
ومشاركاته المميزة في الشعر والخواطر
وردوده الطريفه تارة والجادة تارة اخرى

انه شاعر اخر من شعراء المنتدى

شيخ البلد

وابدأ واقول

ممكن نتعرف بالاول ببطاقتك الشخصيه

متى اكتشفت ان لديك القدرة لتكتب وماذا كتبت حينها

لمن من الشعراء تقرأ

كيف قررت الانضمام لمنتدى مصراوى كافيه؟؟

من العضو الذي تحب ان تقرأ له ومن الذي تشعر انه يعبر عنك وعن احاسيسك؟

نصيحة وجهها لمن يكتب معنا في الركن الادبي ....

لي عودة ان شاء الله

وانا رح اسئل بردو

. كيف كانت بدايتك في عالم الشعر؟
. هل لديك احد من افراد عائلتك يكتب الشعر؟
. شاعرك المفضل من هو؟
من من الاعضاء تشدك كتاباتهم الشعريه لقراءتهاا؟

.متى تشعر انك بحاجه ألى ان تكتب مابداخلـــك ..؟؟؟

.وهل جميع كتاباتك تعبر عن حياتك او موقف مر بها او مجرد نسج خيــال..؟؟؟

شكراً سيدتى العزيزة طيف على المقدمة والتقديم الطيب

اقتباس:

---

المشاركة الأصلية كتبت بواسطة طيف عابر

ممكن نتعرف بالاول ببطاقتك الشخصيه

الاسم : عمر القبانى و ينادونى اصحابى ( عمر قبانى )
الجنسية : مصر ى - مدينة المنصورة
تاريخ الميلاد : 20 / 1 / 1985
المهنة : كنترول قسم الحجز والطيران و الفندقة بشركة دار السلام للسياحة الدينية - المنصورة
الحالة الاجتماعية : اعزب
المؤهل الدراسى : بكالوريوس نظم معلومات ادراية وادارة اعمال بتقدير جيد جداً واخذ بالك انت من جيد جداً دى ههههههههههههه

متى اكتشفت ان لديك القدرة لتكتب وماذا كتبت حينها

هى مش قدرة هى ممكن ان جاز التعبير موهبة و موهبة غير مرتب لها . كان عندى 15 سنة كتبت اية حينها ؟؟ حاجة كان فى مطلعها بيقول : ارجوكى دعينى ان اعبر لكى عن حبيى بطريقتى فحينما اراكى يضرب قلبى اظام صدرى يريد الخرج ليأتكى طوع ولكى وفى حبك طمعاً .. تقريباً يعنى هدور عليها وهنزلهلكم و على فكرة كانت كلها اخطاء لغوية و منيلة بندية ههههههه

لمن من الشعراء تقرأ

بقراء للستاذ فروق جويدة و للاستاذ عبدالرحمن الابنودى و ايمان بكرى و نزار قبانى و صلاح جاهين و بيرم التونسى و شوقى احيناً و اخرون..

كيف قررت الانضمام لمنتدى مصراوى كافيه؟؟

هو مش قرار هو دعوى من اخى الواد المهندس /محمود الصباغ و طبعاً سبب استمرار الفترة الطويلة دى هو تواجد آل الصباغ و اجمل مفجأة انى وجت الاستاذ ابى احمد الصباغ هنا و لا انكر زوق واخلاق و ادب و رقة و رقى كل اعضاء منتدنا من اهم الاسباب

من العضو الذي تحب ان تقرأ له ومن الذي تشعر انه يعبر عنك وعن احاسيسك؟

و الله انا بشتهى اشعار الاستاذة / شمس الاصيل
و سيدتى العزيزة / طيف عابر
ورقة كمان و عطوة و كل شاعر لدية طريقة تعبير ووصف يخترق الصدر ويضرب القلب مشاء الله عليهم كلهم
الشاعر إللى بيعبر عن احساس هى سيدتى العزيزة طيف عابر لانها دائماً بتكتب و توصف احساس بطريقة اول مرة اقرئها .. فى احيان كثير بحقد كل مرة اقرء لها و بقول كان نفسى اكون انا إللى كاتب الكلام دة ..
نصيحة وجهها لمن يكتب معنا في الركن الادبي ....
انا اقل من انى اقول نصيحة بس فى نصيحة دائماً انى اقدس الكلمة و ان لا اربيها على الورق فتموت وتذهب هباءً

لي عودة ان شاء الله
ان شاء الله ترجعلنا بالسلام من الحجاز و عمرة مقبولة

---

وانا رح اسئل بردو
اسئل ومالة ياختى دانتى تشرفى وتنورى . بس جبتيها منين بردو دى ؟؟

. كيف كانت بدايتك في عالم الشعر؟
كانت بسبب انى اتغربت عن اصدقاء الطفولة و لم اجد اصدقاء فى اخلقهم و جدعنتهم فقررت اعتذال مصاحبة البشر واصبح اعز اصدقائى الورقة و القلم ومن هنا و حدة وحدة بصبحت اكتب كلام منظم .. لا اعدة شعراً انما شعور.
. هل لديك احد من افراد عائلتك يكتب الشعر؟
عندى خال احمد سعفان فى ناس كتير عرفاه انما ميعرفوش انه شعار عظيم جداً هو إللى متب معظم كلمات الشعر إللى بأسم الاولنية و الاخرنية فى غرام طامية و خال التانى خالد اسماعيل فى ناس فى المنتدى تعرفة واخواتى الكبار ..

. شاعرك المفضل من هو؟
هما كتير بس انا متيم بالاستاذ صلاح جاهين و الابنودى
من من الاعضاء تشدك كتاباتهم الشعريه لقراءتهاا؟
السؤال مقرر .. الاستاذة / شمس الاصيل و سيدتى العزيزة طيف عابر و ورقة و كل الاعضاء

.متى تشعر انك بحاجه ألى ان تكتب مابداخلـــك ..؟؟؟
حينما يضيق صدرى و اشتاق
.وهل جميع كتاباتك تعبر عن حياتك او موقف مر بها او مجرد نسج خيــال..؟؟؟
بنسبة 90% و بعضها نسيج خيال بضع نفسى فى موقف و اتخيل و اطلق العنان للخيال

اتمنى انى ما اكون قصرة

=D>=D>=D>

شكرا كتير شيخ البلد على اجاباتك
وممكن نستكمل معك الحوار رغم انى بعرف انه اكيد عندك ما يشغلك حاليا عن المنتدى

ممكن اعرف مدى تأثير الظروف التي تمر او مررت بها على نوعية ما تكتب؟؟؟

هل ترى ان الشعر يحتاج دراسه ام انه يأتي بالفطرة ؟؟؟

كيف تستطيع ان تنصح اى شخص لو وجدت له مشاركة دون المستوى؟؟
هل ترى ان الشاعر يستطيع ان يكتب الكثير من القصائد ام ان القصيدة تحتاج لوقت وتفكير لذلك لا يستطيع ان يضيف
الا عدد محدود كل مرة ؟؟؟

اى انواع الشعر تحب اكثر؟؟

ولى عودة
وان شاء الله يا سيدي تكون عودة من الحج او العمرة :D:D:D

شكرا كتير شيخ البلد على اجاباتك
العفو دا واجب علينا

وممكن نستكمل معك الحوار رغم انى بعرف انه اكيد عندك ما يشغلك حاليا عن المنتدى
وانا تحت امر معاليكم ويسعدنى
ممكن اعرف مدى تأثير الظروف التي تمر او مررت بها على نوعية ما تكتب؟؟؟
السؤال مقرر مع أختلاف صيغتة وتشابه جوهرة تأثيرها على ما اكتب فالظروف هى التى تدفعنى للتعبير عن ما بداخلى فما الشعر إلا نقد الحياة في حالات تلائم هذا النقد بتأثير قوانين الحقيقة والجمال الشعريين . اما نوعية ما اكتب فيبنى على حسب الحالة المزاجية لذلك الظرف حزن فرح ....
هل ترى ان الشعر يحتاج دراسه ام انه يأتي بالفطرة ؟؟؟
فى المقام الاول القادر على صياغة وو صف ما بداخلة بأسلوب جيد يحتوى على اللفظ السليم والوزن الصحيح والمعنى العميق المجسم والقافية المضبوطة فهو بطبيعة الحال يمتلك موهبة الكتابة و الادب دا لو شعر اما لو كاتب فيكفية المعنى والتجسيم و التصوير و الالفاظ . فالكتابة والشعر موهبة تحتاج من الهاوى الى تطلع و دعم ونصحنى احد الشعراء اننى لو حفظ 1000 بيت شعر يمكننى اجادة فن الشعر . اما ان كان لدية موهبة ومحترف فى كتابة الشعر فلا يجوز لشاعر ان يجهل اصول الشعر ...
كيف تستطيع ان تنصح اى شخص لو وجدت له مشاركة دون المستوى؟؟
لست اهل لتقديم النصيح ولكننى دائماً افضل عدم التعليق لاسباب فنية ...

هل ترى ان الشاعر يستطيع ان يكتب الكثير من القصائد ام ان القصيدة تحتاج لوقت وتفكير لذلك لا يستطيع ان يضيف الا عدد محدود كل مرة ؟؟؟
الاهم من ان يكتب ان يثقل ما سيكتب .. الاستاذ فروق جويدة كتب قصيدة واحدة فى عام 2007 مثلاً وانا ارجو كل كاتب ان يحتفظ فى مشاعرة ولا ينثرها هباء على الورق حتى لا تفقد معناها ( و احب كل شاعر يقدس الكلمة )

اى انواع الشعر تحب اكثر؟؟

بصراحة مكذبشى على حضرتك مش فاهم هل حضرتك تقصدى نوع الشعر بمعنى : التعليمى او الملحمى او التمثيلى
اما ان حضرتك تقصدى : شعر جاهلي و الشعر النبطي و العربي و الشعبي و الغزلي و الفصيح و الحر و الحديث و الاندلسي و ابيات القصائد و النثر....
انا عموماً احب النثر و الشعر الحر و عرفت الشعر الحر من الاستاذة شمس الاصيل ولا انكر فضلها فى هذا . وايضاً الشعر التفعيلى . و الملحمى

ولى عودة وان شاء الله يا سيدي تكون عودة من الحج او العمرة
ان شاء الله وانا اعرف شركة بتقدم خدمة على اعلى مستوى فى السياحة الدينية .. احم احم و هنعملك خصم كويس
فى انتظار معاليكم ...

شكرا كتير على اجاباتك وقبولك الدعوة حتى تكون ضيفنا
واترك المجال لغيري لو بحبوا يسألوا
تسلم يا رب يا شيخ البلد

السلام عليكم ورحمة الله

ومن الشعر اللي بيتميز فيه شيخ البلد

الزجل

شعر العامية المصرية

مبدع جدا اااااااااااااافيه

أولا شكر خاص لطيف عابر

وهوه سؤال واحد بس

ياشيخ البلد

يعني سؤال صغنن

في ظل عصر الرخاء الذهبي

والقوة والحرية والتقدم والازدهار

العلمي والمعملي [-(

لو نادك الورق

هتقول للقلم يكتب ايه؟

شكراً سيدتى العزيزة شمس الاصيل
ودى شهادة اعتذ بها استاذتى العزيزة ووسام شرف على صدرى
واول مرة اعرف انا بكتب اية زجل ههههههههه
اولاً السؤال بتاع حضرتك كبير جداً و معقد جداً و صعب جداً و خلانى افكر جداً جداً
وممكن اقول للقلم اكتب لا فهى تعنى لى الحرية ومن يقدر على ان ينطق بكلمة لا يقدر على ان يفرض رئية ويناقش اراء الاخرين

شكرا كتير شيخ البلد لتفاعلك معنا وبالمناسبه نتمنى فعلا ان نرى لك مشاركات معنا في القسم قريباً
ان سمحت لك ظروفك واتيح لك الوقت

السلام عليكم ورحمة الله وبركاته
على فكرة انا لسة جديد على المنتدى وبارين ماكنش تقيل عليكم
اما بالنسبه للموضوع اللى ريم عامله فهو جميل وبشكر طيف على انها هى اللى عرفتنى على الباب الجميل دة فى المنتدى
وعلى فكرة انا شوفت كل الردود اللى الجميله اللى فيها خفه وبساطه بس شايله فى معانيها حب كبير بين الاعضاء شكرا ليكم
كامننا

اقتباس:

---

المشاركة الأصلية كتبت بواسطة كامننا

السلام عليكم ورحمة الله وبركاته
على فكرة انا لسة جديد على المنتدى وبارين ماكنش تقيل عليكم
اما بالنسبه للموضوع اللى ريم عامله فهو جميل وبشكر طيف على انها هى اللى عرفتنى على الباب الجميل دة فى المنتدى
وعلى فكرة انا شوفت كل الردود اللى الجميله اللى فيها خفه وبساطه بس شايله فى معانيها حب كبير بين الاعضاء شكرا ليكم
كامننا

---

يا مليووووووووووووووووون اهلا وسهلا فيك كامننا واتمنى تشعر انك اخونا وتشاركنا كل شيء

تسلم يا رب على كلامك الطيب وتواجدك معنا شرفنا كتير

ازيكم
انا عايزة اقول لكم اخر الابيات هذة من تاليفى انا مايسة ( يا حبيبى ) اذا اردت صيد الشوق اصيدة من بحر عينيك واذا اردت اذوب شوقا ذبت بين شفتيك واذا غرقت لن ينجينى غير شوقى اليك اضحى بنفسى واموت فداءالك او عليك واذاقابلت رجال العالم لم اجد فيهم مثل رجولتك ياحبيبى الا تقبل عتابى لديك سارحل واعود يوما عسى شوقى يصل اليك

اقتباس:

---

ضحى بنفسى واموت فداءالك او عليك واذاقابلت رجال العالم لم اجد فيهم مثل رجولتك ياحبيبى الا تقبل عتابى لديك سارحل واعود يوما عسى شوقى يصل اليك

---

حلو كتير يا اش اش
تسلم الايادي يا رب
مشكورة جدا