دعوه لأعضاء المنتدى لرحله الى مدينة الفيوم

اقتباس:

---

المشاركة الأصلية كتبت بواسطة samamasr

أنا آسفة إن أنا بتدخل وبعلق والله معلهش علشان لسة جديدة بس :)

آسفة معلهش..بس ليه بتقولوا مفيش رحلة بس

علشان مفيش إقبال لسة على الرحلة


طيب ما انتم حطوها زي إعلان في بداية المنتدى كدة زي الصورة اللي انتم حطينها عن طلب مشرفين ..هيشوفوها أعضاء كتيرة أكيد


واعملوا رسالة جماعية في الرسايل الخاصة كمان لأعضاء المنتدى...كدة هتضمنوا إن توصل الدعوة لكل شخص ويعرف عن الرحلة


ومش تتضايقوا كدة وتقولوا مفيش رحلة

إن شاء الله هتم وبعدد كبير زي ما انتم عاوزين


وابقوا صوروا الرحلة ونزلوا صورها كمان :)


وحتى لو مش جه ناس كتيرة..برضه مناسبة تتجتمعوا وتتسجل للمنتدى كأول اجتماع لاعضاء المنتدى..وبعد كدة تتكرر رحلات واجتماعات المنتدى..حتى لو واحد جه من برة...مش كتير..ضايفوه برضة..بس تمموها على خير وبعد كدة تتكرر :)


YOUNG DEVIL ..ممكن أسألك سؤال يا حبيببتي لو مش هتتضايقي..هو انتي منين :)

بصي..عارفة لو هيعملوا رحلة في يوم للمنصورة...تعالي بجد عندنا وانا اقابلك والله :)




آسفة والله اني اتدخلت كدة ورديت وانا لسة بقالي يومين بس :)

---

مش عارف ايه كميه الاسف دي؟=))

انا افتكرتك هتشتميني في الاول من كتر الاسف:D

لا انشاء الله في رحله انا بهرج وبعون الله على هيعمل اعلان في الصفحه الرئيسيه

نصيحه اخويه بقى ..

بلاش كميه الاحترام دي كلها

انتي قولتي اسفه يجي عشرتاشر مره

عادي ده موضوع مفتوح للمناقشه واللي عنده حاجه بيشارك برأيه

والله فكرة جامدة جدأ حتي الواحد يتعرف علي اثار بلدة الجميلة

متاسف جدا يا جماعة على التاخير فى الرد انا لسه شايف الموضوع و لما شفت العنوان فكرته دعوة للزيارة حاتعرضوا صور و كده على المنتدى للفيوم الرحلة على ما اظن انها اتحددت يوم 21/2 زى الاستاذ الصباغ ما كاتب فى توقيعه انا عندى اقتراح بسيط ما تخلوها اول الشهر علشان القبض و المرتب و كده هههههههههههههههههه احنا ناس موظفين برضه بس انا مش حاجى لوحدى حاجيب مجموعة الغد كلها معايا موافقين ولا لا

اقتباس:

---

المشاركة الأصلية كتبت بواسطة احمد التيتى

متاسف جدا يا جماعة على التاخير فى الرد انا لسه شايف الموضوع و لما شفت العنوان فكرته دعوة للزيارة حاتعرضوا صور و كده على المنتدى للفيوم الرحلة على ما اظن انها اتحددت يوم 21/2 زى الاستاذ الصباغ ما كاتب فى توقيعه انا عندى اقتراح بسيط ما تخلوها اول الشهر علشان القبض و المرتب و كده هههههههههههههههههه احنا ناس موظفين برضه بس انا مش حاجى لوحدى حاجيب مجموعة الغد كلها معايا موافقين ولا لا

---

الاخ العزيز / احمد
سلام الله عليكم ورحمته وبركاته
اولا اهلا بك وبكل اصحابك من اعضاء حزب الغد وبجميع اعضاء المنتدى الحبيب فى بلدك الفيوم
ثانيا انا لم احدد بعد موعد الرحله انما المكتوب فى توقيعى هو 17 / 2 / 2008
هذا ليس موعد الرحله ولكنه يوم عيد ميلادى اذكر به الاعزاء اعضاء المنتدى للاحتفال به مع انها بدعه ولكن نسأل الله العفو والعافيه لاننى اعرف ان الاحتفال لن يخرج عن كلمات التهنئه وارسال صور للورود والتورتات ولكن ذلك على سبيل التواصل والتقارب بين اعضاء المنتدى
وبالنسبه لموعد الرحله نحن ننتظر اقتراحاتكم للموعد واكثر موعد سيلائم الجميع ويناسبهم فسوف يتم اختياره
مع خالص تحياتى

فكرة رائعة وجميلة جدا
تسلم ابى الغالى على الفكرة
الاكثر من رائعة وبصراحة انا كنت احسب انك
بتكلم بهزار لكن مكنتش اعرف ان الموضوع بجد
بس فكرة جميلة جدا
وبالنسبة لكلام الاخت samamasr الكلام ده

اقتباس:

---

واعملوا رسالة جماعية في الرسايل الخاصة كمان لأعضاء المنتدى...كدة هتضمنوا إن توصل الدعوة لكل شخص ويعرف عن الرحلة

---

كلام جميل جدا والمفروض على يعمله لانه هيعمل شغل جامد جدا
بالنسبة للموضوع
ولا ايه رأيكم ....

شكراً ابى العزيز وان شاء الله الكريم انا معاكم وعلى اتم الاستعداد بعمل تجمع فى مدينة المنصورة للسادة الراغبين فى السفر وعلى العموم انا هجيب اختى وبنات خالى وبعض اصدقائى من الشركة وازواجهن وبأعتبارى موظف بشركة سياحة سيتم تجهيز سيارة ( H1) للانتقال مباشرتاً الى مكان الاجتماع بالفيوم يمكن للسادة اعضاء مصراوى كافية من الانسات اصطحاب فردين بحد اقصى من اسرهم فليس هناك ادنا مانع وهذا بالطبع بعد اذن اللجنة المنظمة ( الانتقال مجاناً هدية من شيخ البلد ) ولا مانع من استبدال السيارة الى اتوبيس والله الموفق فالاهم هو ان نلتقى .. وربنا يتممها على خير .

اقتباس:

---

المشاركة الأصلية كتبت بواسطة YOUNG DEVIL

والله ياحمد ماقصد حاجه وكمان انا مش شريره اوي كدا شيطانه دا اسم بس والله

وبجد لو في بنات هتطلع وهيكون المعاد مناسب ممكن اروح معاكم

---

لالالا ازاى انت بس مش شيطانة انت......................

يعم انا مالى انا خالينى فى حالى احسن الشيطين بيضروا

على العموم انا حظى زى الزوفت على طــــــــــــــــول

ولا يهمك

اقتباس:

---

المشاركة الأصلية كتبت بواسطة كارثه

لا بقى شريره :D

وده مش اسم بس بقى:D

ومفيش بنات هيه:))

ومفيش معاد:|

ومفيش رحله:D

ومفيش مصراوي كافيه خالص هنقفله=))

اعزائي المشاهدين

كنتم مع مشهد من مسرحيه

كيف تصبح خنيق

=))=))=))

---

على فكرة يا شيطانه اسمحى لى انا ارد ما دام الاستاذ كارثة رد بقى الاستاذ كارثة ده احنا على طول بنتحاما فيه

هو صدق المسرحية خلصت خلاص والمنتدى هيتقفل دلوقتى =D>

اعزائنا المشاهدين الكرام مشاهدى قناة ومنتدى مصراوى كافيه تم الغاء الرحلة

بسبب الاستاذة الفاضلة شيطانه بس بس :((:((:((:((

معلش يا جماعة وممنوع البنات

انا بقترح بجد يكون فيه فرقتين رحلة للبنات فى يوم ورحلة اخرى للشباب فى يوم آخر


وده هيكون افضل

كان معكم معلققم من هنا وهناك وفوق وتحت ومن كل مكان من على مسطح الارض

احمدطه

اقتباس:

---

المشاركة الأصلية كتبت بواسطة شيخ البلد

شكراً ابى العزيز وان شاء الله الكريم انا معاكم وعلى اتم الاستعداد بعمل تجمع فى مدينة المنصورة للسادة الراغبين فى السفر وعلى العموم انا هجيب اختى وبنات خالى وبعض اصدقائى من الشركة وازواجهن وبأعتبارى موظف بشركة سياحة سيتم تجهيز سيارة ( H1) للانتقال مباشرتاً الى مكان الاجتماع بالفيوم يمكن للسادة اعضاء مصراوى كافية من الانسات اصطحاب فردين بحد اقصى من اسرهم فليس هناك ادنا مانع وهذا بالطبع بعد اذن اللجنة المنظمة ( الانتقال مجاناً هدية من شيخ البلد ) ولا مانع من استبدال السيارة الى اتوبيس والله الموفق فالاهم هو ان نلتقى .. وربنا يتممها على خير .

---

على فكرة يا شيخنا ده كرم من عندك وارجوا منك لتحدث مع الاستاذ احمد (الاب الروحانى)

والتنسيق معه وانا افضل ان انتوا تشوافى باص افضل

موضوع جامد جدا وفكره اجمد ودا يدل على تواصل الصداقات والحب بي الاعضاء ويارب يوفقكوا يارب وانشاء الله اكون معاكواااا

طيب أيه؟؟؟


مستنين ايه ؟؟


حددوا الرحلة يلا وانا أولكم وعلى العموم هى فكرة جامدة جدا وتسلم افكارك يا استاذ أحمد وكل سنة وانت طيب

ايه ده يا جماعه طب وانا مفيش حد عزمنى خلاص مش هاااااااااااااااااااااااا اااااااااجى

اقتباس:

---

المشاركة الأصلية كتبت بواسطة سلمى

ايه ده يا جماعه طب وانا مفيش حد عزمنى خلاص مش هاااااااااااااااااااااااا اااااااااجى

---

لا والنبي تيجي:D

احنا هنتحايل عليكم عضو عضو ولا ايه؟:-w

في ايه يا جدعاااااااااااااااااااااا ااااااان:-O

يا شباب

يا فتياات

يا رجالتنا

هو في اكتر من الاعلان الطويل العريض اللي في الصفحه الرئيسيه؟

مهي دي عزومه اهي

واحنا لسه بنتفق على المعاد والتفاصيل

حرام عليكم بقى صوتي اتنبح:D

اخوانى الكرام اعضاء المنتدى اتمنى ان تنجح الفكره ويتم الموضوع لكن والله الميعاد بالنسبه لى غير مناسب ارجو ان تقبلو اسفى ذلك كما ارجو ان تتم الرحله ونشوف صوركم مع بعض وبالتوفيق انشاء الله وففى رعاية الله

يا جماعه شوفو بقي ..

دلوقتي في حاجات اتحددت من قبل عض الاعضاء ..

وهم ..

شيخ البلد .. هيجب الباص ..

magman... الـ DJ ..

باقب بي علي الاستاذ احمد الصباغ ان يحدد موعد الرحله ...

واللي عنده حاجه ممكن يقدمها لنجاح هذه الرحله ممكن يتفضل ويقدمها ...

ولا احنا هنتحايل عليكم علي رأي كارثه ...

ولا هوا كلام وبس ...

خليها اول الشهر يا رجالة انا عندى ضغط شغل بطريقة وحشة الشهر دا اول اسبوع فى مارس يكون الجو اتحسن كمان شوية عن دلوقتى ولا ايه رايكم

فكرة روعة جدا يا احمد والله
تسلم يا بنى والله
والناس حتى اللى شغالة دى تكون مبظبطه نفسها ويكون جيوبها تقيلة كدة وتمام عشان المصاريف
وانا ان شاء الله هشوف ، ولو فى اى حاجة هقدر اقدمهالكم هبقوا اقول لكم عليها علطول
ولا انتوا ايه رايكم ومنتظرين الموعد من الاب الروحى
بس انا مع احمد فى كلامه نخليها اول الشهر فكرة جامدة

انا هنا وهناك على طول
انا معاك ياحمادة ومعاك يا تريكة وهى فكرة حلوة
مع الرغم انى مش هكون معاكم
بس اتمنى لكم حظ سعيد

شكرا كتير يا اخونا الكبير واستاذنا كلنا الاستاذ احمد وانا ان شاء الله معاكم وهاعمل الى عليا وزياده كمان ان شاء الله

والله العظيم فكرة جميلة جدا
بس انا رأى
بأذن الله لما تنجح الرحلة دى تتعمم على باقى المحافظات كل قترة نتجمع فى محافظة شكل

بس المهم تفاصيل الرحلة ايه لكى ارى اذا كانت متوافقة معى ام لا
بس اله ينور على الفكرة دى واتمنى ان رأى يشمله الفحص

يا ريت تقولوا بقى على برنامج الرحلة بالتفصيل
علشان انا عاوز اجى معاكم ولا اييييييييييييييه؟؟؟؟

شكرا الابن الغالى ابن الغاليين شيخ البلد نوارة المنصوره والفيوم والروضه والرى واصلان والزربى
الاصل غلاب والاصل بيبان وقت اللزوم ومعدنك الماسى ظهر فى وقته فلك منى كل تحيه وكل حب وكل شكر اخو كفر شكر
اما بالنسبه لموعد الرحله فقد تحدد الاسبوع الاول من شهر مارس القادم وقد تحدد بشكل مبدئى يوم السيت الاول من شهر مارس موعدا مبدئيا
فعلى الساده الذين يرغبون الاشتراك تأكيد اشتراكهم حتى يتم تحديد البرنامج والميزانيه والامور المتعلقه بالرحله
ومنتظر اقتراحاتكم ووجهه نظركم ومره ثانيه لابد من تأكيد الاشتراك

المهم الوكل يا بوى
فيه اكل ولا لا
عشان الواحد يعمل حسابو بس
انشاءالله لو انا فاضى هاجى
وهجيب معايا تمن دسته اشرار
امبابه فور ايفر

اقتباس:

---

المشاركة الأصلية كتبت بواسطة samakooof

المهم الوكل يا بوى
فيه اكل ولا لا
عشان الواحد يعمل حسابو بس
انشاءالله لو انا فاضى هاجى
وهجيب معايا تمن دسته اشرار
امبابه فور ايفر

---

خربت :-SS

فريق امباهه عاوز يجي الرحله:D

طب مايجيش ليه
يا ألف ألف مرحب
بامبابة كلها
وانا بأكد اشتراكى للمرة الثانية
ولا مش عايزنى اجى معاكم
هههههههههههههههههههه
مين تانى هيجى الرحلة

بوصوا يا جماعه الرحله اتحددت بشكل مبدأي اول يوم جمعه من شهر ابريل

لاسباب كتير

يكون الاعضاء جهزوا نفسهم وشاورا عقلهم

ويكون الجو مناسب لان الجو لسه برد

والاماكن اللي مقترح اننا نروحها في الرحله هيكون الجو ابرد فيها

واول الشهر اهو زي ما قولتوا

بس يا ريت يا جماعه

الوقت معانا اهو

اللي ناوي يجي الرحله

يقول

يدخل يعمل مشاركه الكلام مش بفلوس

بقول تاني اهو

اللي هيجي يعرفنا

وطبعا الموعد قابل للتعديل لأي ظروف

الله يوفقكم
ولو بتعملو كمان رحلة تانيه بالصيف بشهر 8 بنقدر نجى ماما قالت
بنجى مع خالو واخي

اقتباس:

---

الله يوفقكم
ولو بتعملو كمان رحلة تانيه بالصيف بشهر 8 بنقدر نجى ماما قالت
بنجى مع خالو واخي

---

انتى تشرفى وتنورى مصر والفيوم وكل مكان فى مصر
انتى ومامتك واختك وخاليك والعائلة الكريمة كلها
ان شاء الله هيكون فى رحلات كتير هنعملها بأذن الله
وانا بقول للمرة الثانية انا ان شاء الله معاكم فى الرحلة

انا اولكم ....

magman

وكمان الــــ DJ عليا .....

ياريت تتم ......

لني شاكك في الناس اللي منظمينها ....

اقتباس:

---

المشاركة الأصلية كتبت بواسطة treka777

انتى تشرفى وتنورى مصر والفيوم وكل مكان فى مصر
انتى ومامتك واختك وخاليك والعائلة الكريمة كلها
ان شاء الله هيكون فى رحلات كتير هنعملها بأذن الله
وانا بقول للمرة الثانية انا ان شاء الله معاكم فى الرحلة

---

يجزيك الخير اخى تريكة على حسن الكلام والزوء
وان شاء الله رحلتكم بتكون حلوة وبتنبسطو يا رب
متنسوش الصور :)

اقتباس:

---

يجزيك الخير اخى تريكة على حسن الكلام والزوء
وان شاء الله رحلتكم بتكون حلوة وبتنبسطو يا رب
متنسوش الصور :)

---

ميرسى كتير على كلامك الجميل يا ساندرا
وده واجب علينا كلنا
وان شاء الله الصور سترفع لجميع الاعضاء
وباذن الله هتكون رحلة جميلة

انا جاااااااااااااااااااااااا ااااااااااااااااااااااااا ااااااااااااااااى اكيد ان شاء الله

الاخوه والاخوات اعضاء المنتدى تم الاتفاق على ان يكون الموعد النهائى لرحلة
مدينة الفيوم
هو الجمعه الاولى من شهر مارس القادم باذن الله
والدعوه عامه لجميع اعضاء مصراوى كافيه واقربائهم واصدقائهم والله الموفق
وسيتم موافاتكم بالتفاصيل والبرنامج وكيفية التجمع قبل الرحله بوقت كاف

اقتباس:

---

المشاركة الأصلية كتبت بواسطة elsabagh172

الاخوه والاخوات اعضاء المنتدى تم الاتفاق على ان يكون الموعد النهائى لرحلة

مدينة الفيوم
هو الجمعه الاولى من شهر مارس القادم باذن الله
والدعوه عامه لجميع اعضاء مصراوى كافيه واقربائهم واصدقائهم والله الموفق

وسيتم موافاتكم بالتفاصيل والبرنامج وكيفية التجمع قبل الرحله بوقت كاف

---

مارس؟

يا استاذ احمد مش اتفقنا على ابريل؟:D

عمالين نتوه في الناس :))

دنا انا نفسي شكلي مش هطلع كده:D

مــــــــــــــــــــــــ ـارس ؟؟؟؟
يا باشا مش احنا حضرتك متفقين فى ابريل ؟؟؟
وبعدين حضرتك فين الوقت الكافى سعتك ؟؟اكيد فى شخص ما دفع حضرتك لإتخاد هدا القرار !!

اقتباس:

---

المشاركة الأصلية كتبت بواسطة شيخ البلد

مــــــــــــــــــــــــ ـارس ؟؟؟؟
يا باشا مش احنا حضرتك متفقين فى ابريل ؟؟؟
وبعدين حضرتك فين الوقت الكافى سعتك ؟؟اكيد فى شخص ما دفع حضرتك لإتخاد هدا القرار !!

---

كلام الليل بئه =))
انا ولا اعرف حاجه
دى حتا الدنيا برد فعلا
اربعه يا جماعه بجد افضل :)

يا جماعة ابى اكيد أخطأ فقط
مش قصده اكيد كان قصدة ابريل
بس هى جت كدة (( غلطة مطبعية ))
فأكيد الرحلة شهر 4 مش 3

اسف جدا جدا يا جماعه
حصل خطأ مطبعى
الرحله الجمعه الاولى فى شهر ابريل وليس مارس
الظاهر ان انا كنت سارح شويه
معلهش العتب ع الذاكرة

ان شاء الله جاى الرحلة معاكم و حاكد برضه قبلها و ابريل معاد كويس جدا

.......I'm in