عرض للطباعة
انا صابرة بقالى 3 شهور ولما جيت اتكلم مع امى هددتنى ووقعت بينى وبين اخواتى علشان معرفش اخدهم لصفى وانا معاكوا ان مفيش ام بتكرهه اولادها بس بردو بتحاول تشوف هما عايزين ايه وتوصل معاهم لحل وسط وهى نفسها شايفه ان خطيبى دة مينفعش بس هى مش عايزة تدى فرصه لحبيبى انه يتقدم تانى وعموما انا هصبر تانى لما اشوف النصيب هيودينى لفين بس فى الحاله دى انا هبقى سلبيه مبحاولش اغير الغلط اللى فى حياتى =((=((=((=((=((
L-)اسف العيب عندك وليس عند اهلك وانتى لاشخصية قوية ولاحاجة فين شخصيتك دى لما جاء خطيبك لكى يخطبك ولا نستى شخصيتك لما وجدتى نفسك هتكونى ممنوعة من الخروج والذهاب للكلية ةالسينما وتروحى وتيجى
شوفى الحقيقة المرة ضحتى بعشقيك اسف هذا اللفظ الصحيح ،وسعادتك من اجل امور زاءلة وتافهة .
اسف ولكن هذه هى القيقة المرة اللى انتى بتحولى تغمضى عينك عنها ارجعى الى عقلك والى صوابك وسيبك من حالة الحزن الى انتى عاشها دى وماتنسيش انتى لستى صغيرة على كلام الانتحار وماشبه ذلك وصدقينى انتى بعيدة كل البعد عن الله بل انتى لاتصلى وان كنتى تصلى فعلى سطر وتتركى صفحات.
اسف جدا على هذا الكلام
اه كلمتو طلبتو منو اني اشوفو بره البيت وهو طبعا وافق
علشان اتكلم براحتي
وقابلتو واتكلمنا قولتلو اني اسفه فكلامي اللي هقولو ليك بس غصب عني
انت والله ما فيك اي عيب واي واحدة تتمناك انا مستهلكش شويه حركات كدة تثبيت يعني
احنا مش هينفع نرتبط ببعض لاني بصراحه مرتبطه بانسان تاني وبحبو وبيحبني
هو متكلمش خالص مستمع بس
قولتلو بس اهلي موافقين عليك علشان شايفينك كويس وعارفين اهلك ومفيش احسن منك بس انت عارف القلب ودي حاجه مش باديا قبل ما اكمل باقي كلامي قالي انا اسف كنتي صرحتيني من اول يوم شوفتيني فيه بدل تعذيبك الايام اللي فاتت دي
قالي المطلوب مني ايه قولتلو انا قولتلهم اني مش مرتاحه للشخص دا قالولي مع العشرة الحب هييجي وكلام الاهل انت عارفو ومش موافقين ومصممين عليك
قولتلو يعني لو الرفض يكون منك انت هيكون احسن بدون مشاكل واسهل
قالي دا اللي هيحصل بكرة لاني مينفعش نستمر بعد اللي قولتيه دا وانا اتمنالك ال خي ولو احتاجتي اي حاجه فاي يوم انا موجود
بس بجد كان متفاهم وعندو كرامه ميقبلش انو يستمر بعد اللي قولتو ليه كرامتو متسمحلوش شكرتو جدااا وقولتلو ان دا سر بنا
وفعلا تاني يوم مامتو جت وكلمت ماما واتاسفتلها واتحججت بحاجات مش لازم اقولها
المهم انو كبر فنظري وبجد انسان محترم جداا
بس ياستي دا الحوار اللي حصل كلووو
دا بيتوقف علي شخصيه كل واحد في ناس تانيه غبيه بقي بتلاقي ردودها حاجه تانيه
ربنا معاكي بجد ويكون خطيبك دا متفاهم ويقدر كلامك
بس
انتى مش هتخلصى بل بالعكس
وياريت تفكرى شوية مع نفسك
بس لو أمك شفتك بتصلى وبتقرأى قران وتمام
أكيد 100% المعمله هتتغير كتير
وربنا يوفقك
سلام
اقتباس:
المشاركة الأصلية كتبت بواسطة أسوو
على فكرة انا مش اسمى مهيس ولكن الاسم كالتالى maahesوهو اختصار ل5اسامى واسمى هو محمد
وشكرا
الله الله الله احنا فينا من الزعل ولا ايه
انا معرفش اسمك والله
سوري يا ماستر محمد هو الموضوع هيوقعنا فبعض والله
دا من كلامك والله وردوك احترمتك وكلامك كلو مظبوط بس دا الاسم اللي مكتوب ولا انا بقرأغلط ولا ايه يادي النيله عليا
سوري يا ماستر محمد مرة تانيه
اقتباس:
المشاركة الأصلية كتبت بواسطة أسوو
:-O:-Oايه يابنتى انا ايه كوكتيل اللخبطة دى انا مازعلتش ولاحاجة بس انا حبيت اوضح الامر فقط
ولكى منى جميل الشكر:)>:D<>:D<
ماشي ياعم جميل افتكرت اضايقت ولا حاجه
يجرالك حاجه بسببي اشيل زنبك يلا جت سليمه
هيا اسمها ايه دي راحت فين؟؟؟؟
اقتباس:
المشاركة الأصلية كتبت بواسطة أسوو
بينى وبينك مش عارف شكلها كده زعلت من ردى الاخير ربنا يهدينا ويهديها اخرتنى عن النوم عشان الفجر والشغل ربك يستر.
ولكى منى جميل الشكر>:D<>:D<
انا مزعلتش ولا حاجه انا بصلى وبانتظام والحمد لله ولما بكون نايمه بظبط الموبايل على الصلاة واقوم اصلى واكمل نوم وانا اللى كنت عايزة ابعد عن حبيبى علشان كدة وافقت على خطيبى وكنت عايزة ابقى معاه وانسى التانى نهائى بس انا لقيته لا يصلح بكل المقاييس لقيته مينفعش زوج ولا انه يفتح بيت نهائى واضح انك لا تقدر الحب يا استاذ محمد الحب الصادق الطاهر احنا حبينا بعض حب صادق طاهر بعيد عن اى غرض علشان تطلق عليه لقب عشيق ولو سمحت الكلمه دى عيب اوى انا متربيه كويس ومش معنى انى حبيته يبقى خلاص عشيقى وايه بقى الحاجات التاهفه اللى تقصدها ياريت توضح وياريت يكون اسلوبك احسن من كدة وبلاش كلام عشيقك والكلام ده
اسو انا خايفه اتكلم معاه يروح يقول لاهله اللى الكلام اللى هقوله ليه واهله طبعا هيقولوا عندى فى البيت انا مش بثق فيه نهائى لانه كل كلمه بقولها ليه بيقولها لمامته وانا خايفه بكدة اعقد الموضوع اكتر وهو مش هيقدر كلامى وهيحكى لكل الناس وانا واثقه من كدة لان موقف مشابهه لده حصل قوتله على حاجه جوز اختى كان قايلى عليها وقولتله متقولوش راح قاله واختى وجوزها زعوا منى هو مبيعرفش يفكر اصلا ويفرق بين اللى ينفع واللى مينفعش
بليز يا جماعه اللى هيتكلم فى مشكلتى يتكلم باسلوب مهذب او يحتفظ برايه لنفسه وبلاش كلام جارح
بصى ياستى انتى تتكلمى معاهم فى البيت وتحاول بكل الطرق تقنعيهم انك نسيتى التانى خالص وانك مش عايزاه وانك عايزة تسيبى خطيبك علشان انتى مش مرتاحه معاه وانتى بينك وبين نفسك حددى موقفك قبل ما تخسرى كل حاجه يعنى شوفى انتى عايزة ايه وابعدى عن اى كلام ممكن يأثر على اعصابك وربنا يوفقك بس ملحوظه لازم تبعدى عن حبيبك زى ما هتوعدى اهلك واياكى والكذب ميرسى ليكى وتقبلى مرورى
ماشى ياستى هاكلم بأدب وهكون مهذب مش عشان انتى عايزة كده لا ولكن لأنى فعلا كده .
اما بالنسبة لكلمة عشيق هى الاصح لغة لأن الحب ليس هذا هو شئتى ام أبيتى وعموما هى مجرد مسميات ولاتمس تربيتك من قريب ولا بعيد.
اما عدم تقديرى للحب فأذا كنتى تعنى بكلمة حب هذه مايحدث الان بين الشباب والفتيات فى المدارس والجامعات وغيرهم ،فمرحبا بانعدام التقدير مرحبا تماما وللأسف ده لا حب طاهر ولاحاجة (استنى ماتزعليش)افترض معاكى جدلا انه طاهر وشريف طيب اين هو من رضا الله هل امرنا به الله هل مايحدث بينك وبين ( )يرضى الله اليس مايحدث بينكم من مصافحة ومزاح وتميع (اسف)وخلافه اليس هذا مانهى عنه ديننا الحنيف ولاأنا غلطان الستى تصلين الا تعلمى هذه الأمور قولى لى عندما يأمرنا الاسلام بعدم الخلوة بين الخطيب وخطيبته الا بوجود احد معهم ، اليس هذه علاقة يعلمه الاهل والجيران والاقارب ورغم ذلك فيه نهى عن الخلوة الا بعد كتب الكتاب
اليس من الاولى انعدام العلاقات الخارجية مهما كان الشعور الذى بينكم اين هى الطهارة عندما اتصلتى بهذا الشخص وانتى مخطوبة اين مروءة هذا العشيق او الحبيب او اى كان اسمه بالله عليكى لو اباكى او اخاكى رأكى وانتى معه ماذا يكون شكلك بلاش دول لو أحد من الجيران ماهو موقفك فضلا عن ان الله يراكى فى السر والعلن .
فيأختاه عودى الى صوابك واهدائى وفكرى جيدا وادعى الله وان شاء الله ستجدى الحل وهيكون بيدك وصدقينى ان اكثر الوقت ظلاما هو الوقت الذى يسبق الفجر وبعد يأتى النور فأبشرى ان مع العسر يسر وماضاقت الا فرجت
اما ياعزيزة اقصد بالامور التافهة السينما وماشبه ذللك.
كلمة اخيرة جايز كلامى يزعلك وجايز ترفضى ان تأخذى رأيى اوبنصحيتى ولكن اعلمى ان الصديق الحق هو من صدقك واختم بقول الله عزوجل (الأخلاء يومئذ بعضهم لبعض عدو الا المتقين).
ولكى منى جميل الشكر>:D<>:D<>:D<>:D<
انا احب اقولك انك ممكن تقولى لمامتك انك مشهينفعك ده ولاده لأن مشينفع واحد عديم الشخصية او انك تغضبى اهلك لان اللى اهله يغضبوا عليه ربنا مش هيرضى عليه واتمنى لكى التوفيق والسداد
بصي ياقلبي مفيش حد بيتجوز غصب عنو دا حرااااااااااااااام شرعا ربنا مقلش كدة ولا اي حد فالدنيا
والجواز غصب يعتبر باطل وباباكي ومامتك اكيد عارفين دا هما بس بيحاولو يقتعوكي
اولا اتمنى افيدك بس ليه مش تجمعيهم كلهم اخواتك ومامتك وبابا وياريت يكون حد كبير ف العيله ويحاول تتكلموا وتحاولوا تلاقوا حل للمشكله
انا اخدت قرار وعايزة اعرف ان كان صح او لا ياريت تعرفونى انا هبعد عن الانسان اللى بحبه لان ماليش اى فرصه معاه وهحاول اغير خطيبى ولو مقدرتش يبقى هقوله ان كل شىء نصيب
انتى كدا جبتى الخلاصة
وربنا معاكى ويوفقك
واحنا كلنا اصدقائك
انا مش عارفه اقولك ايه بس بجد انا مستغربه جدا لان مشكلتك نفس مشكلتي بس الفرق اني سبت خطيبي لو عايزه تسبيه صممي علي رايك انك مش عيزاه ومظنش انهم هيجوزهولك غصب عنك او سوئ الهبل علي الكل
لو لسه هتتقبلى منى كلام تانى فأنا معاكى فى هذا القرار لكن ارجوا تنفيذه بدون افتعال اى مشاكل مع الأهل وخاصة أمك وصدقينى مافيش احسن من حل الأمور بهدوء وربنا معاكى.
اسف على شدتى فى بعض الردود السابقة لكن والله ماقلت هذا الا من خوفى عليكى ومن باب حرصى على اختى المسلمة ان تفعل شيئا يغضب الله عزوجل ، وبالنسبة للتقديرى للحب من عدمه فارجوا منك ان تتقبلى دعوتى لقراءة موضوع بسيط بعنوان لو يعلمون قدر الحب كتبته من فترة قريبة فى المنتدى بسبب قصة قريبة من قصتك.وشكرا
ولكى منى جميل الشكر>:D<>:D<>:D<>:D<>:D<>:D<
ميرسى يا محمد انا عارفه ان كلامك مزعلنيش بس كنت حابه انى الاقى تقدير لمشاعرىة اكتر من كدة ووميرسى ليك وانا فعلا لازم انفذ قرارى لان خطيبى قالى انه مريض وانا خلاص مينفعش انى اتخلى عنه
بجد يا بروكين ربنا معااااااكي ويوفقك وان شاء الله ربنا حيسعدك وخلي ثقتك في ربنا كبيره وان شاء الله حتلاقي الانسان اللي تحبيه ويحبك وتتجوزوه ومزعليش نفسك لان مفيش حاجه في الدنيا تستاهل الزعل يا قمر
تقبلي مروري ويارب مكونش طولت عليكي وكمان يا رب ميكونش في كلمه زعلتك مني وربنا معااااااااااااااكي
اقتباس:
المشاركة الأصلية كتبت بواسطة broken_heart
انتى فين قلقتينا عليكى ، شكرا على عدم زعلك .
وبالنسبة لتقديرك لمشاعرك واحاسيسك فأنا أعلم هذه المشاعر جيدا لأنى مرت بتجربة مماثلة الى حدا ما وعارف أزاى يكون الأنسان مجروح خاصة لما يحس ولو بالخطأ ان كل اللى حواله ضده ، ولكن عندما يهدى الأنسان ويفكر بعقله وبالمنطق يجد ان فيه امور كان يغفل عنه لانه كان ينظر لأمور بقلبه فقط ، ولكن الفائدة ان الواحد خرج من هذا الموضوع بأمور كثيرة مفيدة واصبح الشخص اقوى من الاول . ولهذا حبت ان لاتقعى فى نفس الامر وان تفوقى بسرعة ولا تضيعى من حياتك أيام بدون فوائد تعود عليكى وعلى اللى حواليكى ، وصدقينى ليس كل مايتمناه المرء يدركه. وهذه سنة من سنة الحياة واهم شىء الرضا بقضاء الله وقدره .
بالنسبة لموضوع مرض خطيبك انا مش فاهمة ارجو التوضيح وازاى هتنفذى قرارك وماهى أخبار معاملة أمك لكى؟
ولا ميرسى على واجب:)
على فكرة انا ان شاء الله خلاص مقبل على الزواج وصدقينى انا بحمد الله انه رزقنى خطيبتى هذه . وارجو ان تدعى لى بالهدية والتوفيق فى الأيام المقبلة.
ونسأل الله العظيم رب العرش العظيم ان يصلح لكى حالك ويهدى لكى أمك ويوفقك مع زوج صالح يسعدك ويرزقك بالذرية الصالحة وينفع بهم الامة الاسلامية اللهم أمين.
ولكى منى جميل الشكر>:D<>:D<>:D<
خطيبى طلع عنده فيروس سى نشط يعنى خلاص لازم افضل جنبه ومينفعش اتخلى عنه بعد ما وثق فيه وقالى كدة حتى لو ده هيخلينى تعيسه طول عمرى والف مبروك ليك يا عسل وبجد انا بدات اتاقلم مع الواقع وطلعت من دماغى الاحلام الرومانسيه بتاعت المراهقين بالنسبه لوالدتى انا بحاول افهم منها هى ليه بعيده عننا وليه مبتحاولش تصاحبنا انا واخواتى البنات كمان بحاول اقرب منها وافهم وربنا يسهل كدة
انا لئيتلك حل كويساول حاجة قربي من ماما وبابا وحسسيهم انك بتعشئيهم.كل امايطلبو حاجة جيبيهالهم ماما عايزاكي فالمطبخ ساعديهاواوعي تزعلي ماما بذات....
لان الام لها تاثير على الاب في اخد القرار.المهم اوعي برضه تعملي مشاكل فالبيت وحاولي تحلي المشاكل اللي بين اسرتك.خلاص؟.خشي باه على خطيبك حسسيه انك طبعك وحش.صحيح اكتر حاجة الراجل يكرهها فخطيبته انها تتنطط عليه مش تبططه يعني لا.تتعنطظ تحسسه انها متكبره يعني توأعي الموبايل كأنك مش قصدك وتكوني مدياله شنطتك وتؤوليله لو سمحت ممكن الموووبااااااايل طبعا البيه هينشل دا لو بيحس وهيؤولك انتي اتغيرتي كدا ليه هتؤوليله انا كدا اللي هتجوزه يخليني فوق محدش معايا يعني بالعربي انا اكون ملكة محدش يمشي كلمته عليا
ولو حاسه انه هيفتن لابوكي بلاااااااااااااش دي.
خشي عالتانيه الراجل لما بيحس ان الست بتفهم عنه بينشل مالاخر حسسيه انه حماااااااااااار جاهل يعني هيعرف على طول فرق السرعات اللي بينكم وساعتها هوا اللي هيسيبك.
وفي النهايه لا يسعني الا ان اقول استرها عالرجااااااااااااالة
اي خدمة يا قمر بس يارب بعد اما تخلصي من خطيبك,متندميييييشباي
السلام عليم ورحمة الله وبركاته
ميدو=)):)):-B
ايوا كدا فكري فخطيبك وربنا يعدله بس بجد الف سلامة عليه انا زعلان عشانه وعشان الرسالة الاولانية اللي بعتها سامحيني بجد كان نفسي اخدم
متزعليش يا......اولتيلي اسمك ايه؟
عموما
كل سنة وانتي طيبةوخطيبك يجوزك ويخف ياااااااااااااارب
بوسيهولي بس يوم الدخلة مش قبل كدا يعني وؤوليله اخوك ميدو بيسلم عليك
سلامو عليكم
:))م@O:-)ميدو=))
مرسى يا ميدو على كلامك اللذيذ ده وثانكس على الاهتمام وان شاء الله هوصل الامانه بس بعد سنه لما نتجوز بقى اما بالنسبه ان ربنا يشفيه هو طبعا الامل فى ربنا كبير بس الفيروس ده بالذات صعب حد يخف منه وربنا يستر بقى ويعمل اللى فيه الخير
والله مشكلتك اترت في بس صعب اي حد يعطيك حل
الحاجة الوحيدة اللي اقدر اقولها متجوزيش حد مبتحبهش لانك حتندمي ندم كبير الجواز عشرة عمر وانت اللي حتعشيها مش اهلك
نصيحتي الوحيدة المضمونة بادن الله انك تصلي و تطلبي رب العالمين انه يساعدك لانه ربنا كبير ووحده القادر على مساعدتك تضرعي لله سبحانه وتعالى وسترين فرجه بادن الله
على فكرة انا كمان مخنوقة وعندي مشاكل بس املي الوحيد في رب العالمين الله ينورلك طريقك للي فيها الخير
شيماء حبيبتى ممكن تعتبرينى صحبتك
انا اسمى نهله و انشاء الله راحه اولى جامعه و من المنصوره
و انا شيفاكى بنت كويسه قوى
و اتشرف لو قبلتى اننا نكون اصحاب
و صدقينى هتلاقى حل طول ما انتى مش بتفكرى لوحدك
و فيه ناس بتفكر معاكى و لسه فى ناس كويسه كتير
و حبيبه قلبى حاولى تقربى من ربك هو و بس اللى هيساعدك
ميرسى ليكى يا نهله سورى انا مكنتش بفتح وطبعا اتشرف اننا نكون اصحاب انا من القاهرة بس فى تالته جامعه الزقازيق واتمنى اننا نكون صحاب
يا حبيبتى يا شيماء اخيرا رجعتى وحشتينى اوى والله
انتي موضوعك صعب اوي وربنا يكون في عونك بس انتي مفيش حد من اقاربك يقدر يدخل ويحول يحل الخلافات بين اهلك واهل حبيبك او اي حد ع الاقل يتكلم مع ممتك ويخليها تقرب منك ياريت متوقفيش حياتك وتقربي من ربنا واعرفي ان ربنا هيسرلك الخير وكل اللي عليكي انك تصلي وتدعي ربنا يفرج كربك وانتي ممكن تعتبريني صاحبتك وانا اسفه اني طولت عليكي
اول شيء الحيرة دة سببها المقارنه اللي انتي عملها بين حبيبك وخطيبك لو علي اللبس والكلام تقدري انتي باسلوبك تغيره طالما انو بيحبك ومستعد يتغير عشانك
تاني حاجة انا عايزة اوجة ليكي نصيحة احضني سرك جوة قلبك عشان انتي لو ماعرفتيش تحافظي علي سرك متتطلبيش من حد انو يحافظ علي اسرارك ويارب اسمع عن ميعاد فرحك قريب
تقبلي مروري
بسم الله الرحمن الرحيم
اولا مفيش حاجة اسمها مش بتكلمى مامتك مامتك نور عيونك وانتى كمان اغلى من كده عندها
واوعى تحكى لحد على اللى بيكى
احكى لحد ميعرفكيش عشان مش هيجرحك او يفرح فى جرحك
واسمعى يابنت الناس
انتى لازم تحددى موقفك وانا رايى الشخصى المتواضع جدا خليكى مع نفسك وفكرةى الف مرة
وحبيبك ده مش نصيبك يبقى بلاشه الحب ده يابنت الناس
لانه مش هيجى من وراه غير وجع قلبك انتى وبس
وهو ولا هنا خليكى مع خطيبك وقوليله العيوب اللى فيه على فكرة كده يبقى انتى بتحبيه
انا حاسس بيكى واقسم بالله
لانى اتحطيت فى موقفك تمام بالضبط وبالنسخة كمان
ولو منفعش يبقى مش تكملى
وخدى بالك من روحك ومن قلبك
عشان متبقيش ذكرى
فى رعاية الله وطمنينى عنك بالله عليكى ياريت
عزيزتى شيماء ممكن يكون كلامى قاسى ولكنها الحقيقة انتى
تريدين ان تجدى حل وان ترتاحى من همومك ولكن كيف تريدين هذا
وانتى تعصين الله سبحانة وتعالى هتقوليلى ازاى هقولك انتى قولتى
انك مش بتكلمى مامتك هقولك دى اكبر معصية لله دا ربنا قال حتى لو
هى عايزاكى تعصية لا تقولى لهما اف ولا تنهرهما وصاحبهما فى الدنيا معروفا يعنى مينفعش مش تكلميها ومينفعش متكلميش باباكى مهما
كانت حجم المشكلة ومهما كانوا هما السبب صدقينى لو صلحتى امورك مع اهلك هتلاقى ربنا سبحانة وتعالى بيسهل كل شئ وقربى
دايما من ربنا بالصلاة والدعاء احسن ما تفكرى فى الانتحار لان مجرد
التفكير فية معصية وحاولى دايما تقوى قلبك بالأيمان دى اول حاجة
انما تانى حاجة انتى غلطتى غلطة كبيرة لما حاولتى تنسى حبيبك
بخطيبك مينفعش تنسى حد بحد لان تعبك يزيد وعملتى مقارنة كبيرة
بينهم فى الوقت الى مينفعش تعملى فية مقارنة حاولى متعمليش
المقارنة دى هترتاحى اكتر وكمان اوعى تنسى حد فيهم بالتانى لانك هتتعبى اكتر اما بقى تالت حاجة اتكلمى مع اهلك واوصلوا لحل
وسط قوليلهم اكيد ربنا هيقدملك الخير والحل صلاة الاستخارة لو ليكى
نصيب مع حد فى الاتنين ربنا هيرشدك لطريقك وخلى اهلك هما كمان
يصلوا الاستخارة علشان يقتنعوا بكلامك واكيد ربنا هيقدملك الخير
اما بالنسبة لصحبتك دى مش صحبة انتى مش احسنتى فى اختيارها
ودى حاجة تعلمك انك عمرك ما تقولى سرك الى اى حد فكرى
كويس اوى فى الانسان الى يحفظ سرك ممكن يكون عندك صحاب كتير
بس مش فيهم غير واحدة بس هى الى قريبة ومعاها سرك خلى سرك
مع الانسانة الى تستاهل علشان متتجرحيش تانى وحاولى تقربى
من اهلك ربنا هيسهلك كل الامور
يارب اكون قدمتلك مساعدة بكلامى واسفة لو كان كلامى
قاسى او فى ملامة ليكى
وان شاء الله خير ويارب يقدملك الخير كلة
ملحوظة هامة برجاء عدم تحويل الموضوع لشات
حتى لا يتم غلقة من قبل الادارة لان لو حد من
الادارة شافة اكيد هيقفلة لانة اخذ شكل الشات
تقبلى مرورى
حاجتين ياشيماء
الأولى : أجازة تخلعي نفسك من كل القيود وروتين الحياة اليومية لمكان تاني هادئ منعزل عن أي شئ يفكرك بالروتين الحالي
الثانية : و ربما تكون متزامنة مع الأولى قراءة القرآن بتأني و تمعن بدون اللجوء لتفاسير و أقامة الليل