اية اللى نفسك تغيره فى مصر ؟

نفسي ان يتم تحقيق كافه مطالب شباب الثورة :
اولا : نرشح رئيس المستقبل من قائد وابن قائد عظيم من تاريخ نظالي وجسور
ثانيــــا : مطلب وكل الشباب ان يتغير النظام السابق و خاصة من اعيان المخلوح مبارك
ثالـثــــا: الرجوع والحوار مع الاهالي الذينا فقدوا ابنائهم في الثورة المباركة من استحقاق
رابـــعأ : يتم الانتخابات الرئايسي والمحافظين وبرلماني عاجلة وفاصلة ومشاركة وسائل الاعلام و القنوات الفضائية
خامسـا: تسهيل لشباب لزواج دون اي تكاليف وتحد يد الاسعار وزيادة المرتبات وتشغيل الايدي العاملة ومراقبة المخلين والمرتشين في كافة الدوائر الحكومية والامنية والخاصة وتحسين المعيشية للفقراء فتح لهم صندوق لرعاية الفقراء وكذا الايتام والمكفوفين والطلاب الجامعيين وغيرها .
سادســا:ان يتم نشر كافة هذه البنود مصراوي كافيه من شتاء المجالات الاعلامية حتى يتنعم كافة الشباب للتعبير عن حقوقهم

انا مازلت طالبه والصراحه مستائه جدا من نظام التعليم في مصرونفسي جدا النظام يتغير ابسط مثال أقوله ان المدرس لما يلاقى الطالبه مستواها ضعيف مش بيحاول معاها ببساطه مبيضيعشي وقته الغالى معاها هو يدخل يملى السبوره كلام كتير وشرح قليل والله حرام دى حاجه بتمنى تتغير انا عن نفسى بكره مدرستى وسعيده جدا بتأجيلهابجد نفسى احبها بجد بتمنى الظام يتغير نفسى اعمل حاجه لبلدى وأبقى فخوره بفسى ...............

نفسي حاجات كتييييييييييييير تتغير ، نفسي : ضمير الناس يصحو ، الغش يروح ، و الطمع يخلص، الرشوة تنتهي ، السرقة اللي حتى لجار من جاره ، نظام الغابة اللي ساد بين الناس ، و كل واحد و شطرته ، تصدقوا يا جماعة ، أنا مغتربة و بنزل مرة في السنة أو السنتين ، اشتريت مرة بطة و طلبت من الراجل يقطعها و هرجعله ، في البيت اكتشفت أنه سارق بطن البطة و سايب لنا عظمها ،و كله و الجيران اللي عاوزاني أجهز بناتها و كله مش محتاج، والبركنج بقى بالحديدة ، و نظام انا احط عافية كده و انتم دوروا ، و الشتائم الغريبة في الشارع، نفسي في قانون رادع لمتعاطي المخدرات ................................. أه : نفسي ابني اسيبه مع أصحابه من غير ما خاف من الإدمان .................... نفسي في شارع نظيف ، و احترام و حب بين الناس ............................... ممكن يحصل كل ده ، نفسي أحب أرجع مصر تاني و اشتاق لترابها زي الأول ، نفسي العالم كله يحلف بمصر ، و يتكلموا عن شعبها بطريقة كويسة .

نفسي نسكت شوية ونستني علشان نشوف ايه الي حيحصل كفاية كلام كتير في المنتديات والفيس بوك وتويتر كلام من غير معني اتخنقنا

السلام عليكم

انا نفسي الناس تتغير ......... طيب تقوللي ازاي الناس تتغير .......... الحل بسيط جدااااااااااااااااااا

احنا بنعرف ان الامام محمد عبدة لما سافر احدي الدول الاوروبية ورجع قال كلمتة الشهيرة ( عندما ذهبت وجدت اسلام بلا مسلمين ولما عدت وجدت مسلمين بلا اسلام ) ... طيب نعمل اية علي شان الصورة تكون كالتالي ( ......................... و عندما عدت وجدت اخلاق الاسلام )

احنا نعرف انة فية مصريين كتير موجودين في الدول الاوروبية ومعظمهم ناس تحتل مناصب مرموقة وتقريبا اكتسبوا صفات كتير مش موجودة عندنا زي الحرية والاحترام والنظافة وحب العمل والصدق ........
طيب ولية احنا منستعينش بالناس دول ( وخاصة الوطنيين والشرفاء منهم ) ونتيح لهم الفرصة لكي يتراسوا مناصب ومواقع ذات تاثير كبير علي الناس
وليكن من ضمن وزارة الثقافة , وزارة البيئة , وزارة التربية والتعليم ...يعني الاماكن اللي ليها تاثير في عادات الناس واخلاقهم وسلوكهم وممكن تكون فية اماكن تانية كتير مهمة في نفس السياق ولاتخضرني حاليا المهم... بكدة نكون نقلنا الاشياء اللتي راها الامام محمد عبده في الدول الغربية واللتي هي اساسا والمفروض ان تكون هي اخلاقنا , اذن هو ((((( نداء عاجل : من شباب مصر الي ابناء مصر العلماء في الخارج , مصر تمد يدها اليكم كي تنقذوها من الفساد والفقر والحهل وتساعدوها في بناء المستقبل قلاتخذلوها )))))))))))))) .................................................. .... وشكرا


وائل شبانة

انا نفسي كلشي يتغير حتى نشعر فعلآ بالتغيير نفسي الناس تحب بعض من دون مصالح نفسي الأغنياء يساعدو الفقراء ولو بجزء يسيير من الصدقة
نفسي كل المظلومين يوخذو حقهم
وكل المنفيين يرجعو عابلدهم
نفسي الحكومة الجديدة تنتشل كل أحلامكم من الضياع عشان تبدأو عصرجديد وقلب جديد ودم جديد كأنكم انولدتو من جديد نفسي تتكسر كل الحصون العالية
نفسي نتعامل مع بعض بدون سلبيةومانتفرج عابعض ونتجاهل صرخات المحتاجين
نفسي ماحدا يعرف يستغلناويحولنا لفريسة سهلة نفسي تروح ملامح البؤس الي شفناها مع الثورة نفسي حدا
‏ يعرف يحكي الحكايات الجميلة عن ابطال الثورة عشان ماننساها
فأنتم حقآ قمتم بدور البطولة في المعاناة
وفزتم بوسام الشرف

نفسي في :
1 أن يحكم مصر نظام وليس فرد أو عائلة
2 أن تكون مدة الرئاسة خمسة سنوات ولا تزيد الرئاسة عن مدتين وبعدها يسقط حقه في الترشح مدى الحياة
3 الحكم رئاسي وليس برلماني حتى لا تؤثر الخلافات في البرلمان على مسيرة لحكم
4 أن يرتفع مستوى المعيشة لكل المواطنين
5 أن تنشئ هيئة خاصة مستقلة لإجراء الاتخابات وتكون من المجلس الاعلى للقضاء
6 الغاء الحزب الوطني حتى يمكن مسح جميع اثارة المخربة بعد ذلك
7 تأمين صحي قوي يؤمن العلاج للمواطنين بشكل تلقائي بعيدا عن القرارات اياها
8 حفظ حقوق المواطنين وعدم سقوطها بالتقادم
9 تفعيل القانون ليكون قوي يحمي الوطن من كل مارق مهما كان
10 أن تعود مصر للمصريين وان يكون المصري مميز في بلده
11 الاهتمام بالتعليم الاساسي لضمان مستقبل الوطن في ابناءه
12 الاهتمام بالبحث العلي الطريق الوحيد لخلاص مصر من مشاكلها المتراكمة
13 الاهتمام بالملكية الخاصة والغاء مسائل وضع اليد وتكون الملكية وفقاً لعقود لها اساس لا غير
14 ألية لمحاكمة كبار المسئولين حتى لا تتفاقم مصائبهم
15 الغاء الفصل التعسفي ومعاقبة المتسبب فيه

نفسي مصر تبقي نظيفه في شوارعها في كل شبر في مصر
نفسي نبطل الروتين في المصالح الحكوميه ايلي بيعذبوا بيه المواطن المصري
نفسي التعليم يتصلح
ونفسي المرور يتصلح
ونفسي ناكل اكل مافهوش رش ولاكيماويات
نفسي نحافظ علي النيل ونشرب ميه نظيفه
نفسي يصلحوا المستشفيات ويتعاملوا مع المريض برحمه وخوف
نفسي ان الشعب يحب بعضه يتعامل بذوق وادب مع بعضه
نفسي الحاجه ترخص والشقق ترخص والمرتبات تعلي والشباب يشتغلوا
حاجات كتير اوي نفسنا فيها يارب تتحقق

موضوع فى غاية الروعة لانه هادف
صراحة نفسى اغير حاجات كتير اوى
اولهم نفوس البشر والعلم
نفسى العدالة الاجتماعية ويقلالفوارق الاجتماعية
يعنى ابن الغفير زى ابن الوزير
و تتحقق العدالة بجميع اشكالها سواء بالمعنى الاخلاقى
او ان الجميع يكونوا سواسية امام القوانين
ده غير ان الشر يقل
الزمن الجميل الى بنقول عليه يرجع
ترجع النخوة والشجاعة والاحترام والثقافة
قالو ان العصر الجاهلى سمى بالاسم ده لانتشار الحماسة الى بتصل لحماقه
بس كان عندهم ادب وعلوم وفعلا انجزوا
بس احنا دلوقت الى بقينا عايشين ايام الجاهلية مش للحماقة
لا للجهل والمرض والتطرف والكره
موضوع مميز استاذ على مدكور
وباذن الله كله بينتهى ومصر تكون احسن وتبقى من تقدم لتقدم
تقبل تحياتى
DREAM

السلام عليكم ورحمة الله وبركاته

الاهتمام بالتعليم ، والبحث العلمى.
نغير معاملاتنا مع بعض نحترم بعض نتقبل الراى الاخر .
منقبلش ان اى حد يهبن او يدوس على كرامتنا.
نحافظ على كل حاجة شوارع ،مدارس ،ممتلكات عامه ،خاصة نظيفه ونحميها.
مصلحة بلدنا قبل مصالحنا الشخصيه.
عدم استغلال الاجانب من بعض الاشخاص.
ميزانيات المحافظات تنفق بما يرضى الله.
تعميييييييييييييييييييييي يييييييييييييييييييير سيناء.
مش عايزين السنه اللى جايه "ان شاء الله" نسمع عن مولد ابو حصيره.
مانعممش على اى حاجه يعنى نقول فى بعض او قله من كذا.
فى قائمة طويله نفسنا تتحقق.

عايزينها تبقى خضره الارض اللى فى الصحراء
ونقدمهالمصر هديه حاجه جميله ومعتبرة

اغنية جميله لمحمد ثورت

nfsy masr tkon a7sn balad f el donia w kol masry y7trm a5oh w kol wa7d y3rf 7a2o w ydawr 3leh 7tta lw 3la r2bto w yfhm kwys en el saket 3an el 7a2 shytan a5rs w kol masry yfakr f masla7t balado 2bl maslato hwa

>:D<اهلا بمصر الحرية

نفسى اولا ترجع الكرامة للمصرى فى اى مكن بالعالم الحاجة التانية نفسى يرجع الجنية بقوة ويكون الجنية المصرى متربع على عرش العملات الاخرى نفسى نحب بعض وتكون يدا فى يدا نفسى يكون هناك خير فى البلد للكل ولا نحتاج اى معونات خارجية نفسى لا اسمع عن بطالة او جشع او قتل او صرعات

نفسى..........:-/ مصر يختفى منها النفاق وكلمة انت عارف بتكلم مين ؟
نفسى كلنا نعرف ان فية حساب بس مش حساب البشر حساب الخالق الجبار نفسى .........مصر تبقى نمرة 1 فى كل شى ونفتخر اننا نقول انا مصرى من القلب مش نفاق
بس كفاية كدة وربنا معانا

سلام عليكم نفسي مصر تكون اجمل شعب في العالم كلو منخربش فيها كلنا نكون ايد واحده ونحافظ عليها ويكون كل حاجه بانتظام ويكون فيه عدل مش ظلم وخراب وفساد

نفسى مصر تكون أحسن بلد في الدنيا في كل حاجة عايزين السلبيات الموجودة فيها دى كلها تتلغى زى الرشوة والواسطة عايزين كل واحد ياخد حقه وكل الناس تعيش في عدل وأمان مايبقاش فيه محتاج في البلد نفسي كمان أن الناس تراعى ربنا وضميرها في اللى بتعمله عشان بلادنا تتصلح وتبقى أحسن :x

تحيا مصر ام الدنيا

نفسى مايبقاش فى بطالة وكل الشباب يشتغلوا
نفسى ميبقاش فى عداوة بين الشرطة والشعب ويكونوا الاتنين يد واحدة
نفسى نلغى الوسطة فى اى شئ واللى يقدم فى شغل يتقبل لشخصة مش لأنه ابن فلان أو أخو علان
نفسى البلد تبقى ارقى بلد فى المستوى التعليمى
نفسى كل الناس تفضل يد واحدة كدة على طول مش وقت الثورة وبس
وأخيرا بقول ادخولوا مصر ان شاء الله آمنين

:xصدقنى حاجات كتير مش تتعد مرسى على سؤالك وموضوعك تسلم الأيادى

EGYPT::::::::EGYPT:::::::::::EGYPT:::::::::::::::: :EGYPT=((=((=((:x:x:x

حاجات بجد واحلام جمنيلة جدا
اتمنى ان تتحقق جميعها
شكرا للجميع

عوزين نفكر فى بكره احنا هنعمل ايه وياريت نبقى ايد وحده كلنا ونفضل على كلمه وحده هيه التوحيد لله والنصر لمصر بس وياريت اسمع راى الناس كلها

اظن مفيش بعد اللي اتقال وان شاء الله الخير قريب

بعد تاكل الأرض الزراعية و استيلاء كبار الزمن الماضى على مساحات شاسعة تمنيت لو كانت الأرض المصرية ملكا لكل المصريين فمن أراد أن يستغل أرضا معينة فكل ما عليه أن يتقدم بطلب ألى المحافظة التى تقع فيها تلك الأرض كى تخصصها له مجانا فإذا أراد المواطن أن يستغل الأرض لنفسه كل ما عليه هو تحمل تكاليف استصلاح تلك الأرض و إذا أراد المواطن أن يستغل الأرض استغلالا تجاريا فيتوجب عليه دفع نسبة من عقود البيع التى يبرمها ضريبة للدولة ( أعتقد إذا حدث ذلك فسيتهافت الجميع على استغلال الأرض و اعمار مصرنا الحبيبة ( سواء استغلال شخصى أو تجارى )

أجمل ماسمعة وقرأة ويريت يكون حيز التنفيز والأجمل أن يخصص مساحة تضم أهل بلدخ أو مركز ما حتى يكون الأنسان تغلب على الغربه وأن يجد من يعاونه ويستأنس بهم فى مكان الأستصلاح ولو تخصص لكل عائله من المركز وأن تكون الأرض المستصلحه ليست للبيع ولاكن للأسغلال الزراعى للفرد الذى تخصصت له الأرض وشكرا لأدارة المنتدى أن أعطتنى الفرصه للتعبير عن رأئى أرجو من الأداره ملف جوجل أيرث أخر أصدار لعام 2011 وشكرا جزيلا

يريت تكون الأستصلاحات فى الصحراء الغربيه لأنها أكبر صحراء فى مصر ومميزاتها لا تحصر ومن أهم المميزات تكمن المياه الجوفيه فيها ومتدفقه ولانها فى العصر الفرعونى كانت مخزون مصر من القمح منها وكان يوجد بها نهر وردم وكان يمر بواجة الداخله حيث سماها أهلها أنذاك <<بموط >>وهذا أسم فرعونى ويعنى هذا الأسم بأرض البقر نسيه لوجود البقر بها وكان يغزو على تللك لأرض من التشاد وشمال السودان مارا بطريق رب الأربعين فهذه الصحراء غنيه بكل الأشكال التى تتصورها <<<< الشكر الجزيل للأداره >>>

السكان وتعداد السكان لابد من أعادة توزيع السكان على الخريطه بنسبه وتناسب على الأرض الجديده لانها هى الملاز لنا الأخير لأن تزاحم السكان فى المناطق والمحافظات التى تجاور القاهره والجيزه تزايد السكان المستمر فى هذه المحافظات يسبب مشاكل فى المرور ومشاكل فى القضايا ومشاكل فى العمل ومشاكل فى الصحه ومشاكل فى التعليم فأغلبية المشاكل المعاصره وقضايا العصر حلها فى أعادة توزيع السكان على خريطة الجمهوريه وهذا لن يتم فى الظروف الحاليه للبلاد ولاكن لابد من وضع حجر الأساس وليكن نبدء فى تسمية أسماء المراكز للجمهوريه أو عدد منها على سبيل المثال فى مناطق متفرقه من الأرض الجديده وتوزيعها كما هيا صحراء على الراغبين من أبناء المركز القديمه وأن تصطصلح بأيديهم وتكلفتها على حسابهم الشخصى لذيادة الرقعه الزراعيه مع العلم <<< مراعاة الرى بالطرق الحديثه لأستغلال المياه الجوفيه أحسن استغلال >>> والله ولى التوفيق

بازب تكون مصر احسن بلد فى العالم بشبابها ومثقفيها وكل الشعب وفيه انطباط فى كل مكان وفى الشارع وفى المصلح الحكومية وتعيين العاطلين والحب والرجمة بين الناس

نفسي احنا نتغير من جوانا ونحافظ علي مكاسبنا ونحترم بعض في الطريق وفي المواصلات ونساعد بعض وننكر الذات اظن ده مش عاوز حكومه ولا ميدان تحرير ولكن اعتقد انه مكسب من مكاسب ثوره 25 يناير واهم حاجه نقضي علي آفه القزاره وننظف البلد كل واحد من مكانه

اولا : اشوف مصر عروسه جميله متزينه بشبابها العظيم من غير حقد ولا اكراه وخاليه من الفاسدين المخربين والحراميه اللى سرقةا ونهبو ثروات مصر العظيمه
ثانيا : اشاهد ومن ميدان التحرير ( الشهداء ) محاكم سفاح مصر الاول محمد حسنى مبارك هو واولاده وزوجته عما بدر منهم فى حق الشعب ومصر كلها لانهم نهبو ثروات مصر وحولوها فى حساباتهم بالخارج وايضا هم الاساس فى كل شىء

انا نفسي ياجماعه وبلذات المنصورة تبقي احسن بلد في مصر ونفسي مصر متبقاش مصر واللكس بس مزار سياحي نفسي المنصورة كمانن ونفسي يبقي في مترو في المنصورة ..بس الاكيد اوي نفسي كل جمهوريه مصر العربيه تبقي احسن وتبقي مفيش رمي زباله ومفيش حد يكسر اشرة ومفيش حد بيدي رشاوووي....بجد انا اما بشوف الامارات او غيرها من دول الخليج بجد نضيفه جدااااااااااااااااااااااا اااااااااااااا يارررررب شوارعنا تبقي كدةةة;;)

انا عايشه في دوله من دول الخليج لو حبيت اقارن بين مصر ودول الخليج هادوخ
الانسان كان بيستعر يقول ان هو مصري بس بعد ثورة الشعب
المصريين رجعتلهم الاعتزاز بمصريتهم بس مصر عايزة تتبنى من اول وجديد

***
مع حبي
روح الله معاك

نفسى يكون فية شفافية ومساواة فى كل شىء لو حصل دة الناس كلها يحبو بعض بدون غاية ولا مصلحة

نفسى كمان يتم توزيع الارضىالزراعية على الشباب الى موش عاوز وظاءف حتكون مصر من اكبر الدول المنتجة للغزاء وبلتالى تقوم عليها التجارة والصناعة وفى خلال3سنوات تكون مصر من اغنى دول العالم واللةالموفق

السلام عليكم ورحمة الله وبركاته

اكيد كل واحد مننا نفسه يشوف مصر بشكل معين وفي ظواهر وعادات كتير نفسنا تتغير
والتغيير ده ان شاء الله هيبدأ بينا كلنا
وان شاء الله متفائل ان مصر .. هتبقي زي ما تستاهل ان شاء الله
وان شاء الله هنتغير .. للأحسن
..

اية اللى نفسكم تغيروه في مصر ؟ واللى انت تحلم تشوفه في مصر الفترة اللى جايه دي ؟

منتظر ردكم .. نفسي كرامة المصري ترجع ... و الرشاوي والكلام ده كله يتلغي
نفسي ظابط الشرطه يحترم الناس .. وتتلغي اي حاجة اسمها واسطة
نفسي في حاجات كتير اوي .. ان شاء الله هنشوفها فى مصر و كمن مستوت التعليم يتغير ويشرف عليم العلماء العظماء مثل العالم فاروق الباز و احمد زويل و تسهيل الاجراءات داخل المصلح الحكومية

[/QUOTE]

السلام عليكم
اتمنى ان يسود العدل والمساوه
فلا فضل لاحد على احد الا بلعمل الصالح

نفسنا نكون انسان واحد لا فرق بين مسيحى ومسلم وغنى وفقير نحب بعض بجد نخاف على بعض وربنا يرعا مصر من كل شر

كل واحد فينا يتقى الله فى عمله - من الكناس إلى الرئيس - وبس
carate

نفسى بجد ان مصرنا الحبيبه تكون احسن وانظف بلد فى الدنيا هى دائماً فى عيوننا كذلك ولكن مع انعدام الثقافة العامة والتعليم السئ انحدرت كل المفاهيم فأنا بتمنى ان يكون فيه منهج دراسى سلوكى يغير من سلوكياتنا السيئه مثل عدم الإنضباط و إحترام الأخر مهما كان فكره والرحمه والصبر واحترام اشارات المرور والإلتزام بالقانون وتحقيق العداله العامه والمساواه والعداله فى الأجور وعدم التظاهر لأى سبب فى الوقت الحالى للوصول ببلدنا الغاليه لبر الأمان وايضاً شن حملات تثقيفيه على شاشات التلفزة وخاصة التوعيه على عدم رمى القمامه فى الشوارع وارجو من الناس يكونوا مسئوليين عن امن وسلامة ونظافة بلادنا فمصر تستحق مننا ذلك فنحن اذا كنا بلأمس بنعمل حاجات وحشه كتييييير فمن الأن نحاول ان نفكر ونفكر فى كيفية الوصول بمصرنا الغاليه لبر الأمان يارب احرص بلدنا الحبيبه والغاليه لو البلد دى خربت مش هايكون لنا بلد تانى ولا وطن تانى نروح له هى كل ما لدينا فابالحب والتفاهم والتراحم نساعد بعضنا بعضا وننصح بعضنا بعضا لأن مصر محتاجه لنا زى ما احنا محتاجين لها واتمنى ايضاً انه مايكونش فيه حزب وطنى تانى للأبد وربنا يقوى د. عصام شرف وحكومته .

مصر بلد الخير والبركة والحب والدين وكل شىء جميل بلدالتسامح والامان بلد يعشقها كل من عاش فيها اتمنى ان اراها اعظم بلد فى الدنيا وتكون قدوة لجميع البلدان اتمنى ان يقودها عادل وان يكون الجميع سواء لاللمحسوبية لاللنفوزمصر للجميع

نفسى قبل كل دة سلوك الناس يتغير للاحسن لان الثورة غيرت النظام ولكن لم تغير سلوك الشعب