اقتباس:
المشاركة الأصلية كتبت بواسطة brokenheart
ان الحمدلله نحمده ونستعينه و نستغفره و نستهديه
وحسبي الله ونعم الوكيل :D
1\موقف حسيت فيه ان كل الناس بتحك؟
المكان : الشرقية .. بلد والدي
الزمان : 2 اعدادي .. عيد الفطر المبارك .. ما يعادل عام 2004
في الحدود دي يعني
الشخصيات : العبدلله .. والدي .. والدتي .. اختي .. جدتي .. اعمامي و عمتي .. اولاد اعمامي
.. بعض الاقارب من بعيد ( اصلا لما بروح بلد والدي كل يوم بكتشف قرايب جداد كل واحد يقولي انا قريبك ) :D
الاحداث : ( مش سجن الاطفال .. لا دي هقول اللي حصل يعني )
بعد ما قلبت الحاج و العيلة كلها و اللي طالع واللي داخل في العدية
والفلوس كترت بقي والخير زاد وبقي معايا غلة كويسة
قولت ادلع نفسي و قررت اركب فسبة ( موتوسيكل صغير عشان اللي ميعرفش )
روحت انا و ولاد عمي نتأجر .. الراجل قالنا لا يجوز لازم بطاقة
يا عم هو احنا جايين نتجوز خالتك
طب هندفع فلوس زيادة ( ابن الحرامية المرتشي وافق)
المهم فضلنا نلف كتير ونخلص ونرجع ندفع تاني و يحط بنزين
خدنا الثقة بقي و بدأنا نسابق بعض و نسابق العربيات
فابن عمي الصغير قال عايز اركب فخدته ورايا ( ثقة بقي منا فاكر نفسي طيار )
يدوب ركب و لفتين و لاقيت نفسي تحت كاوتش عربية و الجبان اول ما شاف العربية نط محصلوش حاجه :D
بس العيد اللي بعده اترفع تقريبا حسدته :D
المهم ايدي الشمال من الحك في الاسفت شبه ولعت
ولاد عمي اتلمو وودوني البيت وانا اساسا شبه متخدر يدوب بمشي بالعافية
لما شوفت قلق العيله وقرايبي والدي و والدتي بغض النظر الحادثة كان يوم جامد لما شوفت قد ايه بيحبوني :)
2\موقف استحقرت نفسك فيه؟
لما اتفصلت من المدرسة وبدون ذكر اسباب :D
3\موقف حسيت ان امك عايزة ترميك من البلكونة بعده؟:D
علي طول انا اساسا واخد توكيل مع البلكونة
بس اكتر المواقف بتبقي عشان المزاكرة
ليلة امتحان الكيمياء دخلت فيلم هي فوضي
بعتبار ان في درس ورجعت علي اساس كدا
ف بحكي لصاحبي في التليفون و اتقفشت بقي
وعينك ما تشوف الا النور هو فيــــن هاتوهووولي :D
4\موقف عرفت ان امك او ابوك قريب منك وانت مش حاسس ؟
والدي قبل ما ربنا يتوفاه قالي كلام بجد والله بعدها ندمت علي كل لحظه دايقته فيها
5\موقف حسيت فيه انك في نص هدومك؟
لما اتأخر برة للفجر و امي تقولي روح مكان ما كنت بقي :D
باخد جولة سياحية قد ساعتين كدا وارجع بتنسي وتفتح :D
5\موقف حسيت فيه انك زي ما تكون شارب حاجة؟:D;;)
لما موبايلي اتسرق و خدت موبايل ابن عمي
وفضلت اسمع اغنية عمرو دياب " تقدر تتكلم عن روحك يا حبيبي خلاص "
وانا مندمج بقي في الدور
وياعيني ولاد عمي هيموتو بحصرتهم من اللا مبالاه اللي انا فيها و عمالين يدورو
و اقولهم يلا نمشي و مفيش فايدة مصممين يدورو :D
6\موقف عملتو في مدرسك واتقلب ضدك؟
اللي اتفصلت فيه ما تبطلو احراج بقي :D
7\موقف حصل مع بنت لو كنت ولد ومع ولد لو كنتي بنت؟
nothin imporTanT
8\موقف عملته في ابوك او امك وحسيت انو مش هيعدي على خير؟:-O
كل المواقف بس بتعدي الحمدلله
تأخير
حكاية الفصل من المدرسة دي بردو
ضيعت مفاتيح الشقة 3 مرات :D
لما الموبايل اتسرق 3 مرات بردو
منهم مرة امي اللي كانت واخداه مني عشان ازاكر شوية بس لبستهالي صح :D
كفاية احراج بقي ده انا شردت نفسي :D
9\موقف حصل مع اخوك او اختك وكنت حاسس انك شوية و هطلع السكينة؟:D
لما بقلب علي اي فيلم هندي ( ودايما بتعمد عشان بكره الافلام الهندي )
ايه لازمة فيلم واحد يضرب برشاشات و وطيارات وبعدين يطلع صابع رجله في خدش
وبعد كدا يطلع ينط من ع الجبل ع الطياره و يقتل الطيار و يعيش بقي :D
افلام هندي .. ام الاجنبي
10\موقف حصل لك في لجنة الامتحان؟:D
الحمدلله مبغشش مهما يحصل
بس بغشش :D
ف جاري كان معايا في اللجنه و ياعيني مكنش عارف حاجه خالص و هيسقط
و كان بعيد اووووي
ف كل شوية الفله الورقة يقولي مش شايف مش شايف
ف بدأت اقوله بصوت
و المراقب كل شوية يقولي هسحب منك الورقة و اطردك
اقولة يا مستر هديه سؤالين بس عشان ينجح يقولي لا
اقوله طيب
ودقيقتين و اغششه تاني
اخر ما زهق نده مدير الدور و قاله عايزين نعمل محضر غش للكابتن ده :D
بعد حوار طويل قصير رخم جدا مرضيش يديني الورقة ابن الجزمه
و كان فاضلي سؤال بس معمليش محضر غش وصاحبي نجح :D
11\موقف اضربت فيه؟:D
اي خناقة لازم تضرب و تضرب اكيد مش سوبر مان يعني
بس دايما بسيب علامه في الخناقة .. عمري ما اتعلم عليا :D
بقالي يجي سنتين متخانقتش و بفكر اتخانق مع صاحب الموضوع
بما انك بنت يبقي جهز نفسك يا كيمو :D
12\موقف ندمت انك اتكلمت فيه ؟
لما قولت للي انا بحبها
مش فاهم انا مكنش في حد عاقل يعني يلطشلي يقولي ايه الي هتنيله ده :D
13\موقف حصل معاك وحلمت بيه؟
مش فاكر بصراحة
_ _ _ _ _ _ _ _ _ _ _ _ _ _ _ _ _
كفااااارة يا راجل
يا رب ابقي كنت ضيف خفيف عليكو :)
واللي شايف غير كدا يريت ميقولش .. يحتفظ برأيه لنفسه :D
_ _ _ _ _ _ _ _ _ _ _ _ _ _ _ _ _ _ _
شكرااا يا آية ع الاستضافة
وموضوع جميل
يارب دايما متألقة
تحياتي
يا جامد بجد اجابات جامده
و تموت من الضحك
