=))=))=))=))
مع ان في حاجات مجتش وحاجات انتي عدتيها
بس ماشي ماشي يا شيري :-P
على العموم هنطق بقى عشان متشيطوش اكتر من كده :)):-P
************************************************** ************
بسم الله الرحمن الرحيم وبه نستعين نبدا نقص عليكم يومنا :D
اول الخط ان نايمه امبارح الساعه 4 ونص بليل وانا طبعا عندي مدرسه
الساعه 6 الصبح بس تقولوا ايه بقى النت وعاميله وبالذات مصراوي كافيه ده :D
المهم يعني صحيت على صوت المنبه وهو نازل رن في ودني، وانا اكيد اللي بقوم اول واحده في البيت ده فا قومت بعد غسيل الوش والصحصه
دخلت على المطبخ عشان اعمل شاي وبعدين روحت شديت اخويا من على السرير عشان هو كمان عنده مدرسه (لسه بيبهات احنا :D ) وصحيت ماما عشان هي كمان عندها مدرسه لوول اقصد يعني انها مُدرسة في نفس مدرستي...وبعدين لبسنا وشربنا الشاي ونزلنا وصلنا اخويا الاول
لمدرسته وبعدين روحت انا وماما المدرسة بتاعتنا
اول ما وصلت ودخلت الصف كان يوم باين من اوله يوم نتن ومعفن
عشان المكيف بتاع الصف بايظ وطبعا مينفعش نقعد في الصف من غير
مكيف نومت فيها والله.(اصل الحر هنا لا يطاق بجد)#:-S
وبما ان البنات الكويتين مدلعين زياده حبتين فا ضيعوا نص الحصه الاولى فا الزعيق مع الابله والناظره عشان يشوفلنها صف تاني نقعد فيه
وقعدنا نلف المدرسة كلها ندور على صف لحد ما لقينا كانت الحصه ضاعت اصلا :D
وفضلنا على كده طول اليوم في كل حصه نلف المدرسة عشان ندور على صف لحد ما صلحوه في الحصه الرابعه.
وحصل بقى حتة موقف في حصة الانجليزي..انا قاعده في اخر ديسك في الصف وطبعا نازله رغي رغي مع اللي جمبي فا وانا بتكلم انا والبت
اللي جمبي الابله قفشتنا لا وقفشتنا بايه بقى مش عادي !!!=))
قفشتنا وانا هي كنا بنتكلم وبنرسم في ورقه معانا كده تريقه على الابلات
ومكتوب كلام يموت من الضحك فا طبعا وقفنا طول الحصه والورقه الابله شدتها مننا بس الحمدلله اننا كنا كاتبين التعليقات بالمعرب مش عربي ولا
انجليزي كنا روحنا في داهيه وطبعا الابله مش بتفهم معرب :))
فا خدتهم وشرمتهم في الزباله بعد ما قعدت تبص فيهم ساعتين وهي مش فاهمه ايه اللي مكتوب وانا هموت من الضحك وانا صاحبتي دي =))
المهم يعني خلص اليوم ده على خير وعدى عادي خالص ومحصلش اي
مضاعفات ولا كدمات من اي حد :D
روحنا البيت وانا مش شايفه قدامي وهموت وانام، رميت الشنطه ومن غير اكل وطلعت جري على السرير نمت.
صحيت على زعيق الاستاذه والدتي وهي بتزعق للافندي اخويا عشان قاعد على البلاي ستيشن 27 ساعه ومش بيذاكر ولا بياكل ولا بينام ولا اي حاجه :D
اول ما صحيت قالتلي يلا يا حلوه على المطبخ ادخلي اغسلي الاطباق دي
قولتها كالعاده والله العظيم يا ماما انا ورايا حاجات كتير هعملها ومش فاضيه خااااالص معلش يا حبي اغسليهم انتي انهارده وانا اغسلهم بكره:-P
ودخلت كلت شوية حاجات على السريع كده عشان مش فاضيه بقى :D
وبعدين قولتها يلا يا كتوموتو طلعي فلوس عشان نازله اصور شوية ورق
كده ادتني الفلوس ونزلت عشان اصور الورق في مطبعه جمبنا
روحت المحل وصورلي الورق وبعدين بقوله عايز كام !!؟
كانت هنا مفاااجأه كبرى اتصدمت فيها، قالي الحساب ( 3,50) دينار
:-O:-O:-O:-O انا كنت هضربه وربنا
طبعا مش عارفين 3 دينار ونص دول كام بالمصري، اقولكم انا يعني
70 جنيه بالظبط :D
تخيلوا 18 ورقه صورتهم ب 70 جنيه...المهم يعني اعطيته 2 دينار(40 جنيه) بس
وقولتله كفايه عليك اوي وابقى قابلني ان صورت عندك تاني وعشان هو
هندي فا اهبل وخد الفلوس وسكت :))
روحت البيت بقول لماما حصل كذا كذا كانت هترميني من البلكونه :((
وبعدين عدى موضوع التصوير ده على خير
بعد كده بقى قعدت اكتب الواجبات اللي ورايا وبعدين قولت افتح النت بقى شوية اكلم العيال اصحابي وفتحت الفيس بوك وبعد كده فتحت مصراوي لقيت الحاجه شيري مجهزه الطلبات ومستنية اكتب اليوم الرخم ده
وانا بكتبه بقى دخلت الحاجه والدتي عليا من شوية وسمعتني كلمتين
حلوين كده عشان سيبت المذاكره وقاعده على مصراوي حبيبي:D
كانت هتكسر اللاب عليا والله :))
وبس خلاص :D
وهو ده اليوم رخم وحر وومفيش فيه اي حاجه جديده
طبعا طولت عليكم واتكلمت كتير بس انتو اللي عايزين بقى
ملاحظه اخيره ( اللي عنده كلمه يخليها لنفسه ومش عايزه اسمع صوت اي حد نوهااائي )X-(:-P
فوتكم بعافيه بقى ;;)
