عرض للطباعة
اقتباس:
المشاركة الأصلية كتبت بواسطة thesniper_12007
رضيت بالذكرى ياواقف على عرشى
وريحت العيون ديا ففرَشِتْ للهوى فرشى
يافاهمنى وحالف يوم ماتظلمنى
وراضى ببعدى على عينك وبتقول اوعى يوم تمشى
انا سامعه ندا قلبك فماتخافشى
لا هنسى الذكرى ولا بايعه
مادمت لصوتها ولشوقها كمان سامعه
ولا هنسى بإن الدمعه فى عيونك مابتنامشى
ورغم دا كله عاذرنى وهتودعنى لما امشى
اقتباس:
المشاركة الأصلية كتبت بواسطة out of love
ايمى
حبيبتى
والله انتى اللى قمر
وسعيده جدا بتعليقك وردك الجميل
ربنا يخليكى
عشان سامعه ندا قلبي فمش خايفاقتباس:
المشاركة الأصلية كتبت بواسطة اميره بلا وطن
لانك جوا في كياني كما الكعبه
وانا جواكي على وفد الحروف طايف
عشان شايف
بأني فيكي زي المطرة بتندّع
فلو حتى البحور جفت فسيل قلبي
على قلبك بحور واصله وما بترجع
ولو حتى الشموس طفيت ففيه بينا
شموس تانيه تنورنا وما بتهجع
فلو فكرتي في كلامي باقولهالك
لحد ما اموت وجودك فيا زي سيوف
تقطع فيا ما بتوجع
فقولي ازاي يكون حبي إليك طاغي
وجايه تقولي هتودع؟
قدرتي ازاي وقولتيها بدون عنيكي ما تدمع
يا جبروتك
وقوة قلب حبيته على قلبي
خلاص هتمشي وتودع؟
خلاص امشي
وقلبي معاك
عشان ما اكونش ليك باخدع
انا حابك ومش هسمح لقلبي فيكي يظلمني
ولا يودع
ومش ح اعملها ولا اودع
اقتباس:
المشاركة الأصلية كتبت بواسطة thesniper_12007
فراق جامد رفضت معاه كده وداعى
خلاص خليك هروح وحدى مفيش داعى
أشوف دمعه فى نن العين ولا تشوفها
ومين قالك عليا قاسيه او جامده
دا فرقاك انت كسرتنى ..لوت بعزمها دراعى
ياجبروتى؟؟
تصدق انى كنت اتمنى يوم موتى
ولا أسيبك ولا تسيبنى
لكن حكم الزمن ارحل وشوقى اليك يعذبنى
وجاى بتقول ياجبروتى؟
تصدق إن حزن الحزن فى سكوتى
كسر حَلْقى وشرخ صوتى
لكن إسمع
وداعك ليا لو ينفع
بدون القلب ولاّ العين مايوم تدمع
فودعنى
بلاش وانا ماشيه اخر مره دى تبيعنى
وصدقنى دموعى هتبقى جوايا ماتنزلشى
وماتفكرش مااقدرشى
انا هقدر ولكن بس اوعدنى
تودعنى وتسعد قلبى بصمودك لغاية حتى لما امشى
كان نفسياقتباس:
المشاركة الأصلية كتبت بواسطة اميره بلا وطن
وكان بالود اقولهالك
لكني مهما اوصفلك أو احكيلك
ففيه اشياء كتيرة ف قلبي
انا لسه شايلهالك
حاولت كتير ما بين نفسي وبين نفسي
اقول هامشي
أقول ودع
اقول فارق
الاقي الروح مخاصماني ولايماني
وبتقولي دا لو تقدر
ساعيتها موتي مش فارق
واعمل ايه
ما انا وهيه من غيرك حطام غارق
وشوق حارق
بيسرق مني لياليا وأمانيا
ويرمهم على بابك
وفي رحابك
اشوف في عنيا لون حبك
ما انا بحبك
فيبقى حكمتي فيا بموته لو سابك
كتير حاولت أنا احلمها أو اقبلها
زعق حلمي وزلزلني ورجني رجه ما انساها
أوعاك مرة تنساها
في عز النوم بقيت هايم وقلبي فيكي بيفكر
وكل ما فكري يسرح فيك الاقي باحن ليك اكتر
ومش قادر افوق واهمس دا قلبي فيكي كان اشطر
كتبت انا فيكي
لغات الشعر وبيانها
ولسه قلبي بيسطر
وبيكتب
أول كلمة ف اول سطر
وأسمك أول الدفتر
وأول نقطه تبني الشطر
فلو فكرت في وداعك
يدوسوا عليا ويعدوا
هنا ميت قطر
فما تحاوليش
خلاص هتودعي إمشي
وانا عايش لذكراكي
لحد ما يساوي التراب رمشي
ومش نادم
لأنك دمتي جوايا
وحبي فيكي انا ما دامشي
رووووووووووووووووووووووعه يا ميره دمتي متالقه
وتسلم ايدك ياقمررررررررررررر توبيك جامد جدااااااااااااااااا
اقتباس:
المشاركة الأصلية كتبت بواسطة thesniper_12007
ولسه كلامك الجارح بيجرحنى
مادام مش راضى تنسانى فإيه ممكن يفرحنى
انا همشى بقى براحتك
ولكن بس اوعدنى تسامحنى
ماهو فراقى شئ مكتوب
وماأقدرشى عن الفرقه بجد أتوب
لإن انا همشى علشانك
كفايه لحد يومنا ذنوب
ماكنت فاهمنى ايه صابك
وليه شوق الفؤاد جابك
وماغلبتوش وقولتله لأ
وبإدين الفراق تمسح عذاب واقف على بابك
سواء تقبل ماتقبلشى
أنا همشى خلاص همشى
فسامحنى وودعنى
وإوعدنى ماتزعلشى
:(:(:(
عشان مش قادر انساكي بقيت جارحاقتباس:
المشاركة الأصلية كتبت بواسطة اميره بلا وطن
تصدقي اني حلمت بقولك امبارح
حلمت بأن قلب عزيز بيجرحني
وطول الليل يمرجحني
ويحدفني بكلام جارح
حلمت برمشك الساهي
بيطعن عزتي وجاهي
كلام بصدق والله
فمش فارق
هتمشي او هتستني
في كلتا الوضع هتفارق
لكني ليكي مش حاقد
وهاعملك في جوايا بدل فاقد
فلو حسيتي جواكي
هتعرفي اني انا مسامحك
فسافري واقتلي الماضي
وادفني قلبي في ملامحك
واعتبريني زي الفار
دخل أرضك
وصلى في البراح فرضك
وأكل الحب من قمحك
فلو رفعتي للفراق رايه
انا خافض
وكل حرف انا حافض
خلاص هتودعي امشي
ولكن اعرفي مني
عشان اودع
انا رافض
انا رافض
انا رافض
اقتباس:
المشاركة الأصلية كتبت بواسطة thesniper_12007
اكرام
الاحساس بالموقف بيخلينا نكتب أحسن
بجد انا حاسه انك عايش الموقف اوى
وده من مميزات الشاعر الناجح
عشان كده بجد ابدعت
احييك على ابداعك
اقتباس:
المشاركة الأصلية كتبت بواسطة thesniper_12007
نهاية القول كانت رافض .. أنا رافض
وقولت انك لكل حروفنا دى حافض
ولكن..الوداع ممنوع
وجوا القلب نار ودموع
لكن برضو أنا مسامح
كلامى ماعادش م اللحظه يكون جارح
وهتنازل عن الحب اللى كان بينا
عن الحلم اللى مستنى يقابلنا
وعن شوقى وحبى اللى اتولد جامد
وهعملّك فى نن العين بدل فاقد
فإمشى يلا وانسينى انا هنسى
لكنى عليكى مهما قسيتى مش هقسى
وانا بقولك وإسمعنى
هروح وحدى كده يعنى؟
وداعك ليا كان اثبات على النسيان
ورفضك ده ياريته ماكان
لكن ماشى
مادمت نويت مايجراشى
وسلملى على قلوبنا وشوقنا زمان
لعله يداوى آلامى ويكسر عندك الأحزان