ربنا يكرمك ياقمر ومبروك للقبك انتى كمان وان شاء الله نصالحهم على بعضاقتباس:
المشاركة الأصلية كتبت بواسطة YOUNG DEVIL
عرض للطباعة
ربنا يكرمك ياقمر ومبروك للقبك انتى كمان وان شاء الله نصالحهم على بعضاقتباس:
المشاركة الأصلية كتبت بواسطة YOUNG DEVIL
على فكرة الخناقات دى عاملة زى البهارات
من غيرها الحب مايحلاش
يسلام لو يمسيها بعلقة سخنة
:D:D
متابع معاكى يامنى وإن شاء الله يتصالحوا ويبقو زى
اى حاجة مع بعضيها
:)):))
هههههههههههه والله ياعوامى هى الدنيا ايه خلاف شويه خلافات فوق بعضيها ههههههههه ان شاء الله يتصالحو ربنا يسهلاقتباس:
المشاركة الأصلية كتبت بواسطة العوامى
اقوم لصلاة الفجر بعد ليلة مليئة بالدموع وبعد فشل محاولات امى فى جعلى اتناول العشاء معهم
كنت منهارة وفوق ذلك عندى امتحان بعد ساعات قليلة ولولا ذهابى للمزاكرة مع صديقتى ريم لما اعتقدت انى قادرة على خوض الامتحان
هل هو الوداع.......... يارب ارجوك انا لن احتمل وتتساقط دموعى وانا اصلى يارب انى احبه واشعر بالم شديد يسرى فى شراينى
اه يا قلبى الاحمق توقف عن ايلامى انت سبب كل هذا ان كبريائى يهان بسببك يا الله ارنى الحق حقا امنحنى خطا صائبة
وانتهى من الصلاة فأجدنى اهدأ نفسا وقلبى تسكن الامه وابدا فى ارتداء ثيابى كعادتى ثم اجلس واحاول ان اراجع شيئا من المادة قبل خروجى
وجلست على طرف سريرى وفتحت الملزمة و...اين قلمى اه ها هو بجوار المراة واهم لاخذه وفجأة .........لمحتها شىء صغير يلمع
دبلتى العزيزة.......... وسقطت الملزمة من يدى وتسمرت مكانى وعاود قلبى الالم
وبلا مقدمات اخذتها وقبضت عليها بشدة وجلست فى الارض ابكى لا لن احتمل ان اخلعك من يدى انتى قطعة من روحى فكيف ساحيا بدونك
ولكن لازالت الشجاعة لا تواتينى لارتديها فكبريائى لا زال مجروحا ماذا افعل ووسط بحر حيرتى ودموعى دخل ابى
لم يسعفنى الوقت لادارى دموعى او لانهض وفقط داريت وجهى بعيدا عنه انا اكره دائما ان يرى الناس دموعى وخاصة ابى الحبيب
وتجهم وجهه لرؤيتى بهذا الشكل لا حول ولا قوة الا بالله قومى يا فافى ليه العياط بس
اسفة يا بابا والله كنت ..... وينقطع صوتى فيقترب منى ابى الحبيب ويضمنى اليه
استعيذى بالله يا بنتى محصلش حاجه لكل ده فوزى زودها حبة بس انتى وامك زودتوها حبتين مينفعش كده
اصله شخط فيا يا بابا وانا معملتلوش حاجه انا ......... مش هتجوزه :( وانفتح فى البكاء مجددا
وللمرة الاولى اجد ابى ينظر لى بجدية وغضب ........ايه مش هتجوزيه يعنى ايه هو لعب عيال يا بنت :angry:
انا ربيتك مسؤلة عن قراراتك وعاقلة بس الجواز مفهوش تهريج وقام مغادرا الغرفة وقبل ذهابه
القى الى بكلمة اخيرة ولمحت فى عينيه شبح ابتسامة وهو يقول هو كل اللى بيحبو بيجننو
وكانت كلمته تلك هى كل ما فكرت فيه انا احبه فقط احبه ولن احتمل فقده
وبحركة واحدة كانت الدبلة تلمع فى بنصرى الايمن كيف دخلت لا ادرى هى فقط عادت لمكانها الصحيح :shy
وذهبت لامتحانى وانا اشعر بروحى تتعافى من دموعها وطوال الطريق انظر لدبلتى الحبيبة انا.........لن اخلعك مجددا
ومر الامتحان وعدت سريييعا الى البيت وكان الحمد لله امتحانا بسيطا لولا صورة فوزى التى كانت تنطبع على الورقة كل لحظة
وما ان وصلت حتى كان كل همى ان اعرف ان كان اتصل ليطمئن على ادائى فى المادة ولكن ..........لم يتصل :unsure:
وتلمح امى الدبلة فى يدى بعد ان رأتنى القيها امس فتنفست الصعداء ولكن هى ايضا قلقة من عدم اتصاله
ومر اليوم وانا اشاور نفسى هل اطلبه ام ........انتظر وفى المساء قررت ان اسال امى فان وافقت طلبته وكان جوابها
نااااااااااعم تكلميه ليه هو انتى غلطتى لااااا ده هو اللى يتصل ويجى يتاسف على النكد اللى عمله على الفاضى :angry:
ولم الح فى سؤالى حتى لا اسمع من كلمات امى ما يزيد الامر على نفسى سوء فانسحبت الى غرفتى حزينة تتلاعبنى الافكار السود
وعندما عاد ابى وجدته يسال امى هامسا لئلا اسمعه هل اتصل وحين اجابته امى نافية نظر الى الارض وغادر الى غرفته فى صمت
محدش يقلق هيتصالحو وهيبقو زى العسل مع البدنجان الأسود بالصلا على النبى
:D:D
يلا يامنى انا مش هنام غير لما يتصالحو
يالهوي امها دي رخمه وهيا مالها ما تتصل ولا لاء دي وليه معندهاش دم وانا الي كنت بقول عليها تمام الله يحرقها دي هتبقا حما ميه ميه
ده انتى بهدلتى الوليه دعا ياشيخه هههههههههههههاقتباس:
المشاركة الأصلية كتبت بواسطة YOUNG DEVIL
حرام عليكى ان شاء الله يتصالحو قريببببببببببب
متيلا بقا يا منون هو دا الي قريب يلا نزلي حلقه بقا
هل الامور تتطور هكذا هل سيتركنى فوزى نظرات ابى تحمل هذا المعنى وافتح خزانتى اطالع فستان الخطوبة هل لازال موجودا
لماذا اشعر الان انى كنت احيا حلما ورديا وان لى الان ان استيقظ على هذا الكابوس واخرج البوم الصور افتش ............عنه
عينيه تضحكان فى الصورة وروحى تبتسم هل هذا كله مزيف ...........اغلقت الالبوم والقيت به بعيدا كذب كل هذا كذب :(
انتظر اول بادرة خلاف ليحطم قلبى بقسوته وفى لحظة وجدتنى عاجزة ......عن كل شىء حتى عن البكاء
ومر ثلاثة ايام ولا جديد وكل يوم يزداد يقينى انه كان طيف اتانى فى ليلة نورانية ووهبنى اجمل لحظات الحياة وغادرنى بغير وداع
يا طيفه ...........اخبره بان الذكرى تقتلنى ...........يا طيفه ابقى معى ان كان صاحبك راحلا عنى للابد
وطبعا يحاول ابى وامى الا يتحدثا فى الموضوع امامى فصمتى وسكونى يقلقهما على كثيرا ويخافان من ان اكون على حافة الانهيار
وفى اليوم الرابع بعد صلاة العصر يدق بابنا ......ضيف
قام ابى ليفتح وانا فى غرفتى ارتب مكتبى من كتب الدراسة و.......سمعته
ترحيب ابى المتفاجىء وصوت فوزى ضعيفا باهتنا وهو يسلم وانا تحولت الى تمثال شمعى متسمرة فى مكانى اتسائل هل احلم ؟؟ :ph34r:
و تدخل امى مشرقة عارفة مين جه يا فافى ........مين يا ماما :shy
وطبعا لا يخفى حالى على امى هى علمت بالتاكيد انى اعرف انه هو نظراتها تخبرنى بذلك B)
يالا مستنية ايييه قومى البسى وابوكى هيناديكى واقوم لاستعد ولا ادرى ماذا ارتديت ولا كيف وكانت المرة الثانية التى اشعر بأن ما يفصلنى عنه .....جدار
ويأتى ابى الى غرفتى قائلا يا بنتى هو اعتذر وانا كمان اعتذرت عن والدتك وانتى لازم تتاسفى انك سيبتى السماعة وكلمتيه بطريقة متصحش
حاضر يا بابا وسعد ابى كثيرا حين اتى الى فوجدنى ارتدى ثيابى واحرجتنى ابتسامته الصامتة ........نعم يا ابى انا اكاد اطير شوقا للقائه :shy
واخرج اخييييرا اليه ولا ادرى لماذا لم استطع ان ارفع عينى اليه لا استطيع واسلم بصوت منخفض فيرد تحيتى بصوت ضعيف ايضا وابى واقف يراقبنا و........
بغير ارادة منى ارفع عينى اليه وتاهت منى كلماتى ولم اجد سوى الدموع تسيل منى غزيرة ولا املك ايقافها
يا فرحة لقائه ويا قسوته لتركى ثلاثة ايام كاملة
ويضطرب ابى من رؤية دموعى ويغادر بهدوء وينادينى فوزى .......فافى بلاش عياط :sadbye
انا ............اسف ارجوكى بلاش تعيطى وكلما طالبنى بالتوقف كلما ازددت بكاء
ازاى قدرت ......تزعق فيا .......وكمان تسيبنى ......ومتتصلش
انا اسف ...... انا كنت فاكرك هتفسخى الخطوبة وكنت ...........خايف اجى :(
ومن وسط دموعى انظر اليه يا الله هل هذه التى فى عينيه دموع؟؟ ام انها دموعى انا هل اتوهم :blink:
ويقترب ليجلس امامى مباشرة والان اتأكد انها دموع واطالع وجهه فاجده شاحبا مجهدا
اه يا خليل الروح هل عانيت مثلى توقفت دموعى وانا انظر فى عينيه وتوقفت عقارب الساعة فى زمنى
انظر اليه برموش مبللة بالدموع واحمل له نظرة واحدة ............لا تتركنى مجددا
وفى محاولة منه لابعاد الحزن عنى قال لا تبكى فأنتى ............عروسى
وتسللت ابتسامته الخجلى وانا ايضا ابتسمت .......هل لا زلت تقبليننى ..وبلا تردد اجابته عيناى ........نعم
مش قولتلكم :D:Dاقتباس:
محدش يقلق هيتصالحو وهيبقو زى العسل مع البدنجان الأسود بالصلا على النبى
:D:D
متابع يامنى وجيت أمضى مع إنى اتأخرت بس اعذرينى
=D>
الله اديهم اتصالحو
كدا بجد اوعدنا يااااااااااااااااااااارب
وعقبال ما يخلصونا ويتجوزو دا ايه دا
هههههههههههههههه ماشى ياساره هخليكى انتى المازون ولا تزعلى
انتباه ياعسكرى وبعدين فى تاخيرك ده بس يلا اخر مره سماح بعد كده مش هتاخد اجازه الاسبوع ده هههههههههههاقتباس:
المشاركة الأصلية كتبت بواسطة العوامى
تم تثبيت التوبيك
ربنا يخليك ياتيمور بجد شكرا كتيرررررررر للتثبيتتتتتتتتت
اخجلتم تواضعنا
مبروووووووووووووك يا بت يا منون علي التثبيت بس مليش دعوه انا عايزه حلقه فورا هديه علي التثبيت
اسبوع واحد فقط اقصر مدة تجهيز لعقد زواج على الاطلاق
كان فوزى قد حجز قاعتين فى احد الاندية منذ مدة ورغم المشكلة التى حدثت بيننا الا انه لم يلغى الحجز وظل متشبثا بالأمل هكذا اخبرنى (
وطوال الاسبوع كنت اخرج بشكل يومى مع امى وبنات خالتى وعمتى لشراء الفستان وحجز معاد فى مركز التجميل
اما فستانى فقد اشتريته وردى اللون مطرزا عند الاطراف وبحمالتين عريضتين ولكن ومنعا للااحراج اشتريته بشال حتى ارتديه امام فوزى
ومر الاسبوع سريعا جدا وكلما مر يوم كلما ازداد قلقى وترقبى يارب اجعلنى ابدو عروسا جميلة ........فقط لاجله
كانت امى طوال الاسبوع تعطينى كلمات تحفيزية من طراز كلى يا بت يا فافى اليومين دول بدل ما انتى ممئوته وهتبقى عود قصب فى الفرح
يا بت كلى حلاوة طحينية خلى وشك يرد شوية بدل ما انتى خاسه من نكد اليومين اللى فاتوا
وطبعا كل كلمة قالتها امى الحبيبة لم تزدنى الا خوفا من ان اكون العروسة الشبح يوم العقد (
وفوزى يرجع فى كلامه وميكتبش الكتاب و اعود بأذيال الخيبة الى بيتنا ()
او يكتب الكتاب ويدخل ليرانى فى القاعة وما ان يطالعنى بأطنان المكياج حتى ينظر لى نظرة فزع تحمل معنى انا اتدبست (
فاااااااااااااافى يا فااااااافى وافيق على صوت اخى الاصغر والذى اتى ليخرجنى من كمية افكارى المتشائمة
نعم يا مشمش عايز ايه ؟؟؟
مش عايذ حاجه يقولها بخيبة امل ( فانتبه اخيرا لما يرتديه انه جاء ليرينى البدلة الجميلة التى اشترتها له امى بدلة بيضاء بفيونكة حمراء كان جميلا بها جدا
الله حلوة خاااالص يا مشمش كأنك عريس فتنفرج اساريره بعد ملاحظتى تلك ويبتسم فى زهو خجل
وينظر الى فى خبث قائلا يعنى هتقعدينى جمبك فى الكوشة يا فافى
واجيب سريعا طبعااااااااااا وهنتصور مع بعض كمان ان شاء الله واقبله فى وجنته ويركض خارجا وهو فرح
انها اخر ليلة اقضيها كمخطوبة اتسائل كيف ساكون غدا بعد العقد هل سأصبح زوجة وتتردد الكلمة بداخلى واستغربها بشدة ما حقيقة معناها وكأنى اسمعها للمرة الاولى
وتدخل عمتى الطيبة فعائلتنا متواجدة فى منزلنا طوال الاسبوع للمساعدة فى التجهيزات وترانى عمتى شاردة اطالع دبلتى واحركها فى اصبعى
العروسة سرحانة فى ايييه ؟؟ وابتسم لها فور سماعى لكلمة عروس مفيش يا عمتى اتفضلى (
وتدخل عمتى وتغلق الباب بصى يا فافى انا عايزة اقولك كلمتين
اتفضلى يا عمتى طبعا وتجلس عمتى وبقلبى اشعر انها ستحدثنى في امر كبير
وبدأت حديثها بغير مواربة شوفى يا فافى انتى من بكرة هتبقى شرعا زوجة لفوزى والجواز يا بنتى حاجه كبيرة يعنى عقد لعمر بحاله
واجيبها بحياء ما انا عارفة يا عمتى يعنى يا فافى لازم تكونى عاقلة وتوازنى امورك واحنا يا بنتى محدش فى عيلتنا بعد الجواز بيفكر يرجع فى كلامه
جميلة هى عمتى لا ترد ذكر كلمة الطلاق امامى ولكنها خائفة على استمع الى حديثها وافهمه
يا فافى يا حبيبتى انتى بنتى مربياكى وعارفاكى كويس عايزة بس اطمن انك فعلا عايزة الشخص ده ولو عندك ذرة تردد يبقى نستنا يا بنتى وبلاش استعجال
وبحياء وجرأة لا اعرف كيف استطعت ان انطقها ..........اطمنى يا عمتى فتبتسم عمتى وتقبلنى فى وجنتى وتدعو لى بالسعادة وتغادر غرفتى وانا اشعر بأن قلبى اجبر لسانى على هذه الكلمات
انا احبه واريده زوجا هذا هو بيت القصيدة ومر اليل بطيئا جدا وبعد عدة محاولات يائسة تمكنت من النوم فقط ساعتين واستيقظت على صوت المؤذن لصلاة الفجر
انه يومى انا للعجب نهضت من فراشى نشيطة وفتحت شرفتى واطللت برأسى على الكون النائم وتباشير الفجر ونجوم السماء هما كل صحبتى فى هذا الوقت
هل تسمعون صوت الموسيقى ينبعث من قلبى هل احد فى هذه اللحظة بمثل سعادتى ......انا العروس
ألف ألف مبروك والله لو ينفع أزغرد كنت زغردت
متابع معاكى يامنى
=D>=D>
الله حلقه حلوه اوي وبالنسبه ليك يا عوامي انا ممكن ازغرط بدالك اختك برده
لولولولولولولولولولولولول ولولولولولولولولولولولولو لولولولولولولولولولوي البت فافي هتتجوز
يلا يا منون باقي الحلقات بسرعه بقا
مرسى لمتابعتكم ياعساسيل منورين الموضوع والله
يا طائر الفجر اذهب فايقظه واخبره بأننى افكر فيه ..............وانتظر
وارى باب غرفتى ينفتح قليلا انها امى تنظر ان كنت نائمة وحين ترانى انتى قمتى يا فافى ؟؟ ما باله صوت امى
وتدخل بهدوء وتغلق الباب وتبدا فى الحديث .........انا قلت زمانك صحيتى ولا تلاقيكى منمتيش زى امك (
تقول كلماتها تلك ببطء وعيناها تهربان منى ثم ...........تقوم امى الى وتعانقنى وتبكى واشعر بدموعها تغرق وجهى لقد كانت تبكى قبل دخولها غرفتى
وبسبب ظلام الغرفة انا لم الاحظ اعتقد انها جاءت فقط لتجلس بجوارى وانا نائمة تطالعنى وتبكى .....
ولم احتمل رؤية دموعها الغالية فضممتها بشدة وبكيت معها............. يا فرحة العمر اعلم انكى تقبلين بدموع الاحبة
يا فوزية كبرتى وهتجوزى يا حبيبة قلب امك قلبى وربى راضيين عليكى تعانقنى وتتحدث من وسط الدموع فى لحظة شعرت ان روحى اختلطت بروح امى وبوخزة فى صدرى تشعرنى بأن فراقها سيكون غاليا جدا
وترفع امى وجهى اليها تتأمله فترى دموعى فتتدارك قائلة متعيطيش يا هبلة فى عروسة تعيط فاجيبها ما انتى بتعيطى يا ماما (
دى دموع الفرح يا بت والله هطير من الفرح انا وابوكى مقدرناش ننام من الفرح ومع كلمتها الاخيرة تبكى مجددا وتضمنى
خليكى جدعة يا فوزية ارفعى راسى وراس ابوكى متزعليش حد منك وخليكى صبورة انا وابوكى عمرنا ما اتخانقنا اى خناقة وقلناها لحد بنحل مشاكلنا مع بعض
ربنا يسعد ايامك يا بنتى ويرضى عنك ويجعل فى وشك القمر النهاردة ياااااارب ويحميكى من عيون الحساد قادر يا كريم
وبعد سيمفونية الدعاوى من قلب الست امى الطيبة ابتسمت لها وابتسمت هى الاخرى وقبلتنى وغادرت......
وبقيت حتى اذان الضهر لا افعل الا الاكل طبعا بامر من والدتى وتحضير ثيابى واخيرا الاستحمام (
تقاليدنا لا غنى عنها ولاااازم استحمى عشان يقولولى يا خارجة من باب الحمام وكل خد عليه خوخة كانت قائدة الكورال وانا اخرج من الحمام امى الحبيبة وقائد الاوركسترا والدى الحبيب الكل يغنى وعماتى يزغردن
وصلى ابى الظهر فى المسجد وانتظر بعدها فى السيارة ونزلت اليه مع بنات عماتى وخالاتى الى مركز التجميل ولم تنسى والدتى الحبيبة ان تودعنى دامعة العين وان ترقينى على باب الشقة وعماتى وخالاتى فى مسابقة للزغاريد
وانا اشعر بان فى روحى قطعة من القمر تضيىء جوانبها اشعر بأشراق عجيب وبرغبة عارمة فى معانقة الجميع هل تسمعون صوت الفرح يدعونى نعم انه يدعونى انا ويعدنى بتحقيق حلم قديم...........
يااااااااااااااااااااه انا كنت معاها برده من اول ما كانت بتحلم انها تدلق الحاجه علي قرعه فوزي هتوحشني فوزيه والله:((
يلا يا منون تسلم ايدك عايزين الباقي بقي
يلا حد يسمعنا زغرودة
متابع معاكى يام ـنى
:D
تاني يا عوامي منا زغرطت الصفحه الي فاتت
انا نفسي اتقطع خلاص جوزيهم وخلصينا يا منون لولولولولولولولولولووي
ههههههههههههههههه ياربى على الجو بتاعكم رهيبببببببببببببببببببببب ببببببب
مرسى لمروركم يارب يكرمكم
ايه يا ست منوووووووووووووون فين الحلقه ياختييييييي وماتخلصي
اقتباس:
المشاركة الأصلية كتبت بواسطة YOUNG DEVIL
إيه دة هو فينا من ردح
:D:D
طيب يلا اشطفيها بقى يايونج
وانا هتفرج :D:D:D
زممكن أهدى النفوس لو العملية اتطورت
:D:D:D
وفى مركز التجميل تنافسن بنات عماتى على التقاط صور لى فى كل الاوضاع قبل ارتداء الفستان وبعد ان ارتديته وانا اضع المكياج وانا اصفف شعرى وكان كل حرصى الا تقترب الكوافيرة من حاجباى على الاطلاق
ان كان الفرح يغمرنى فأنه لن ينسينى فى لحظة ان سبب كل هذا هو الكريم من لا ينسانى فكيف انساه فى لحظة كهذه
وحرصت ان يكون مكياجى بسيطا والوانى هادئة فلم اكن يوما من المعتقدين بأن الجمال فى الالوان الصارخة وفى هذا اليوم تحديدا اطلب جمالا بلمساتى الخاصة وذوقى الخاص
ورفضت ان تضع لى الكوافيرة اى طلاء اظافر فأزالتها تكون صعبة وعندى صلاة تنتظر وبأى حال انا اطلب التميز واعرف كيف احصل عليه
وطوال الوقت وانا اشغل نفسى بالذكر فهو اكثر يوم احتاج فيه الى نور الله فى قلبى احتاج لدعمه احتاج لسكينته
وبعد العصر طلبت من قريباتى ان يتوقفن عن الانشاد والتصوير وبدأنا نردد اذكار المساء بصوت عالى فكانت مرتادات المركز كلهن يطالعننا بعجب واعجاب وكنت بقلبى استشعر كيف بمن تركت ساعة فى يوم كهذا لله
كان قلبى يحادث الله اشهد على يا الله تركت دنيتى لاذكرك وتركت فرحتى ولهوى لاستشعر انك شاهدى الان
وبعد الازكار كانت اللوحة قد اكتملت ونظرت لنفسى فى المراة فأذهلتنى صورتى حقا رايت فتاة ..............جميلة جدا (
ووسط كلمات الاعجاب من قريباتى كان صوت اخر يلوح فى الافق صوت سيارة عرس بوقها يعلن بكل اصرار انها قد جاءت.....
وشعرت بأنها تحمل عمرى فى داخلها تحمل قطعة من نفسى ولم يخب حدسى اذ جاءت امى وما ان رأتنى حتى اخذت تسمى وترقينى وتضحك ودموعها تسيل بغزارة اه يا امى الحبيبة كيف ساتذكر يوما كهذا اليوم (
كيف لقلبى ان يحتمل كل هذه المشاعر الباكية الضاحكة الحزينة الاثيرة الفرحة وتختزنها ذاكرتى........
ارتديت كابا ساترا لم يعد يظهر منى غير طرف فستانى الطويل وكان الكاب ابيض اللون فضفاضا وامسكتنى بنات عماتى وخرجن بى وسط زغاريد امى الحبيبة
وهناك على باب المركز كان يقف .....فوزى ينتظر خروجى ومن خلف حجابى نظرت اليه وكنت ارى عيناه تنطقان بفرحة وروحه تتوق الى رفع حجابى ورؤية وجهى وحيتنى عيناه وعجز لسانه ولسانى.........
وركبنا منطلقين الى القاعة فوزى يجلس فى المقدمة بجوار ابى وامى تجلس بجوارى وسيارة اخرى مزينة اتى بها فوزى تحمل باقى الفتيات
ووصلنا القاعة واستقبلتنى فرقة فتيات بزفة بالشموع وانشودة جميلة على الدف وانا اقف وسطهم اشعر بخجل عااارم كل الاضواء مسلطة الى وجهى وانا احببت دائما بقائى فى الظل
كان ضوء كاميرا الفيديو يلمع فى عيناى وتطاردنى العدسة بفضول وانا لحظتها افكر فى الفرار من كل هذا واجدنى متسمرة فى مكانى وقدماى عالقتان فى هذا الموضع
واخيييرا وصلت الى كرسى العروس (الكوشة ) وتذكرت كيف كانت امى تدعو دائما منذ طفولتى كلما ارضيتها فى عمل قائلة يااارب اشوفك فى الكوشة يا فافى يا بنتى
وبحثت عيناى لحظتها عن امى فوجدتها واقفة وحدها فى ركن تنظر الى بعينان فرحتان فخورتان وقد جفت دموعها وحلت محلهما نظرة اعجاب وحب نظرة تقول.......... هذه ابنتى
وتوقفت الفرقة عن الانشاد وتركز الصوت على قاعة الرجال الان اسمع صوت الماذون يقرأ اية الزواج ويقول وابى يردد خلفه زوجتك موكلتى على سنة الله ورسوله وعلى الصداق المسمى بيننا
ويجيب فوزى وانا قبلت منك يا وكيلها تزويجها هذا جزء مما سمعته وبعدها انطلقت الزغاريد تدوى فى القاعة وانا لم اعد معهم ........لقد ذهبت روحى الى هناك .....الي زوجى ......... (
جميلة هذه الكلمة حين رددتها نفسى واتى ابى يحمل دفترا وجعلنى اوقع وابصم و ساعتها فقط شعرت اننى زوجة ونظرت فى اصبعى الملون بلون الحبر وشردت هذه البصمة تعنى ..............الى الابد
وتابعت الفرقة انشادها وبنات خالتى اخذننى لمنتصف القاعة وبدان يرقصن من حولى على امل ان اشاركهم وكنت اكتفى بالابتسام وهز كتفى قليلا فقط معهم اعتقد ان فرحتى اكبر
من ان اعبرعنها بالرقص
وفى لحظة توقف كل هذا وانا لا اعرف السبب ووجدت احدى قريباتى تهتف العريس داااااخل وساعتها فقط شعرت برغبة عارمة فى الاختباء وانتبهت لانها المرة الاولى التى يرانى فيها بشعرى
عدت الى الكوشة وكلى امل فى ان تكون اشاااعة فقط وفوزى لن يدخل كيف اقابله يا الله ساعدنى
وارى ابى يدخل وفوزى من وراءه يبتسم فى خجل وعيناه فى الارض وفجأة ارتقعت عيناه بحثا عنى (ما كنا كويسيييين حط عينك فى الارض احسن لك )
وارتطمت نظراتنا للحظة وتوقفت الصورة فى عينى وعينه هل هو انت؟؟ هل هى انتى؟؟ ثم ابتسااااااااامة عريضة جدا ارتسمت على وجهه (IM
وفرحة كبيرة ارتسمت فى قلبى هى لحظة واحدة ولكنها حطمت كل خوفى من لقائه
يا فرحة اللقاء اقبلى علينا الان فحبيبى صار فى الجوار اخييرا............... وبعد طول انتظار ...........
الحوار مكتوب بطريقة جميلة جداً تخلى اللى بيقرأ يحس
كأنه عايش معاهم فى نفس الجو الجميل
شكراً م ـنى
=D>=D>
على فكره انتى مواضيعك حلوه اوى
و نفسى انا و انتى نبقى اصدقاء لانى حاسه انك لذيذه اوى
ممكن ولا يضايقك:-*
ده يشرفنى ياقمر بس كده نورتى التوبيك ياحبى واللهاقتباس:
المشاركة الأصلية كتبت بواسطة jasmeen
الله يا منون الحلقه حلوه اوي
وكمان يا بت انا كل مره برد علي الموضوع وجاسمين اول ما ترد علي طول تديلها بوسه وتقوليلها يا حبي اللي عمرك ما عملتيها معايا
عموما هاتي الحلقه بسرعه بقا ومتتاخريش
وايه يا عوامي بتحب تهدي النفوس اوي انتا صح؟ علي العموم عادي انا شايطه لوحدي:D
يتقدم نحوى ببطء وقد نسى كلا منا انه محاطا بالف عين ترقب نظراتنا انا لم اعد حتى اسمع الضجيج من حولى
صورة واحدة اراها بعينى واسمع موسيقاها بقلبى انه اتى الى اخيييرا وعينيه مثبتتان فى عينى لم يخفضهما مجددا
واخيرا يقف امامى وجعل يتامل وجهى وهو يبتسم ابتسامه اخجلتنى وجعلتنى اخفض رأسى وابعثر نظراتى فى مروحتى
ويجلس فوزى على الكرسى المجاور لى وتنطلق الزغاريد لتعيدنى الى قلب الصخب بعد ان كنت فى قلب..........زوجى
وتمر امى بعلبة الشبكة على الاهل والاصدقاء كما هى العادة واخيرا تأتى بها الينا ومجددا سيقوم فوزى بألباسى الشبكة كما فعل فى الخطوبة ولكن هذه المرة ........مختلفة جدااا
ويقترب منى وامد يدى اليه ليلبسنى السوار وبيد مرتجفة تلامست يدانا وكانت نظراته تبتعد عن مرمى نظراتى شعور لاذع بالفرحة الخجلى
انها المرة الاولى التى تتلامس يدانا فيها واشعر بدفء رهيب رغم ان يداى باردتان كقطعة ثلج الا انه لم يكن دفئا انه حريق يشتعل فى قلبى ويسرى فى روحى كلها
ويقترب فوزى اكثر ليلبسنى العقد واشم رائحة عطره مختلطة بأنفاسه قريبة جدا من وجهى واحنى راسى للارض اكثر فأكثر ايتها اللحظات الغريبة من فضلك مرى سريعا قبل ان يتوقف قلبى خجلا
كانت دقائق قليلة البسنى فيها شبكتى ولكنها كانت دهرا من المشاعر العجيبة والتى اراها تعترك فى قلبى للمرة الاولى
ويعود ليجلس على كرسيه وهذه المرة كانت عيناه مثبتتان على وجهى وفى عينيه نظرة جديدة
احاول قراءة نظراته هذه المرة فأعجز ولا استطيع الا ان اهرب من نظراته تلك وقلبى فى فرحة حذرة من نظراته الغامضة
ويقترب فوزى منى ليهمس ببضع كلمات لم اتوقعها على الاطلاق ..........ايه رأيك نقوم ؟؟؟
وتجمد لسانى وعجز عن ايجاد رد يريدنا ان نقوم والفرقة لم تنشد غير بضعة اناشيد والعرس لم يبدا سوى منذ ساعة
وكانت نظراتى البلهاء هى كل ردى عليه
ثم صارت خيبة الامل واضحة فى نظراته بعد سكوتى هذا
ألف مبروكـ ياجماعة وانا جبتلكم خالتى بهانة وخالتى سعدية
علشان يزغردو
http://www.masrawycafe.net/upload/up...e7d6e342a3.jpg
شالهوى على الفرح اللى انت عامله ياعوامى دى فضيحه ههههههههههههههههههههههه
بهانه بهانه ياشيخ ههههههههههههههههه بس والله ضحكتنى مرورك لذيذ اوىىىىىىىىى
هل يتوقع منى ان اقولها ببساطه اذن فهو يحلم سأحتفظ بها فى قلبى حتى اتأكد من انه يستحقها واجبته بضحكه منحتها قدرا كاف من الغموض
مما جعله يسالنى مجددا ايه مش هتقوليها ؟؟؟ وانا استمر فى سكوتى وضحكى الخبيث وهذه المرة كان حبيبى على وشك الجنون فاجاب بأقتضاب حزين
براحتك يا فافى افتكرت مشاعرنا متساوية
( اه لو تعلم كم انها غير متساوية على الاطلاق وانى احبك اضعاف حبك لى ولكن اننى امرأة اعشق كونى لغزا مستعصيا
ولكن سأخبرك بها يوما تتعادل فيها كلمتى مع الحياة ذاتها ساخبرك بها فتكون انت فى اشتياق لسماعها منى لانى لو قلتها الان فلن يشعر
فوزى مطلقا بقيمتها بل هى كلمة قالتها عروس من المفترض ان تقولها لتخبره انه رجلها الاول وفارسها المتوج وهذا لن يكون حتى
تعرفنى كما تعرف نفسك واعرفك كما اعرف نفسى )
وتمر سحابة افكارى تلك لتاخذنى بعيدا وانا لازلت انظر فى وجه فوزى واحادثه دونما كلمات وينظر لى بصمت محاولا فهم صمتى ومتسائلا فيما افكر
وتدخل امى فترانا بعكس المرة الاولى صامتين ننظر لبعضنا فى وجوم فتستعجب عيناها ولا تسال عما يحدث كعادتها وتتظاهر بانها لم تلاحظ وتتكلم بمرح جيبت لكو العشا اهو اكلى فوزى كويس يا فافى عايزينه يتخن حبتين
وحين ترانا نبتسم لدعابتها او نتظاهر بالابتسام تغادر سريعا وتغلق الباب وقد صار وجهها كله علامة تعجب
و حين غادرت وبدأ فوزى يمد يده للطعام (بلا نيلة همه على نفسه وبس)
يبدو اننى تسرعت كعادتى فأول لقمة فى يديه يمد بها ........لى
وبخجل يقول خدى دى منى يا فافى (يحميك لشبابك يا فوزى بس انت غاسل ايدك ولاااا )
واخذها من يده وكل ما افكر فيه اننى لن استطيع ابدا ان اطعمه بيدى ليس......اليوم
الايام بيننا يا زوجى ...........الحبيب واعدك بأن تعرف خلالها اى مخلوقه انا
ميرسى ليكى يا منون :-*و الله
بس ايه شكل فيه حد غيران منى هنا
و الله انا لسه جديده ما لحقتش
ع العموم ممكن نبقى كلنا اصدقاء عادى يعنى ولا انتوا ايه رأيكوا
طبعا ياقمر انتى تنورى انا هعاود تنزيل الحلقات بعد الحداد باذن الله
الله يعطيكي العافية ومشكورة
لالالا يا جاسمين دي مش غيره انا بحقد بس ههههههههههههه
متزعليش يا قمر انا بهزر معاكي ومع منون بس مش بحقد ولا بغير انا ممكن احسد هههههههههههههههه
يلا يا منون متتاخريش علينا بقا