اقتباس:
المشاركة الأصلية كتبت بواسطة دموع الاقمر
انتى الى جميله ياقمرايه
انتظرى باقى القصه فى الجزء
التانى ياجميله وتحياتى ليكى ياعسولتى
اقتباس:
المشاركة الأصلية كتبت بواسطة دموع الاقمر
انتى الى جميله ياقمرايه
انتظرى باقى القصه فى الجزء
التانى ياجميله وتحياتى ليكى ياعسولتى
يالهوووووووووووووووى عليكم
متخلونيش احرق الجزء التانى وبلاش التشاؤم دا اللى انتوا فيه
فيه قصص حب مش بتكمل لانها مش بتكون مبنية صح
بمعنى ان الاختيار ميكنش صح
او فيه تفاوت بين الطرفين ( التعليم + الحالة الاجتماعية ) ومحدش يقولى ان الحب بيلغى كل الحاجات دى
هاقولك اوكيشن ممكن يلغى الحاجات دى بين الطرفين فقط
طيب والأسرة والبيت والناس دي هاتلغيها ازاى ؟
متستعجلوش يا جماعه فى نهاية القصة اللى انا بسردها عليكم
طول ما ربنا كاتب ليك انك هتاخد البنت دى او البنت هتاخد الشاب دا
مستحيل ابدا حد هايفرق بينهم ولا قدر ولا زمن ولا حد
وزى ما قال ربنا " اللى بيجمعه ربنا مستحيل انسان يفرقه "
ـــــــــــــــــــــــــ ــــــــــــــــ
ميرسي على ردودكم جميعا بدون استثناء ميرسي للى رد وميرسي للى مردش وميرسي للى هايرد
اتمنى يكون الجزء الاول عجبكم
واتمنى ان تكون ردودكم فى الجزء الثاني اكثر تفاعلا
واخيرا اتمنى ان الجزء التانى يعجبكم اكتر من الجزء الاول
دومتم بخير
http://i42.tinypic.com/o0wfph.jpg
قصة جامدة جدا وانا عن نفسى هستنى الحلقة اللى جاية علشان اعرف هيعمل ايه وميرسى جدا على مجهودك وحودة بصراحة واد مشكلة
اقتباس:
المشاركة الأصلية كتبت بواسطة free boy
ميرسى ليك محمد
وعلى مرورك الجميل
ويارب تتابع معانا على طول تحياتى ليك
http://i39.tinypic.com/2m3pruo.jpg
وينسدل الستار عن الجزء الثانى من يوميات عمرو وياسمين
--------------------------------------
طبعا ظهرت شخصيات اخري فى الجزء الثاني مثل
( سامر - الشيخ العراف ) وشخصيات اخري ليسوا بالكثير .... هاتعرفوهم فيما بعد مع عرض الحلقات عليكم
نبـــــــــــــــــــــــ ـــــــــــدأ
الحلقــــــــــــــــة الاولـــــــــــــــى
يقولووون
ان لولا الحب ما كان الانسان تزوق طعم الحياه واحس بسعادة الدنيا ...
...
الحب مش مجرد كلمة بنقولها للانسان اللى بنحبه ... والسلام
دى مشاعر واحساس بكل دقة قلب جوانا فى اشد الحاجة انها تسمع كلمة بحبك
من الانسان اللى اختاره قلبنا قبل عقلنا ..
وعشان كدا المفروض اننا لما نقولها نبقى على اتم الاستعداد اننا نضحى باى حاجة فى سبيل الحفاظ على حبنا ..
حتى لو كان فراقنا هو التمن ...
من هنا ها نبتدى الجزء التانى من يوميات عمرو وياسمين
وان شاء الله تعجبكم
...,,...
بتبتدى حكايتنا
بعد مرور 13 سنة من العمر بدون اى حب
كل ما فيها عذاب لقلبين كان ذنبهم اخلاصهم لحبهم
قلبين عاشو على ذكرى جميلة.. وايام مش هاترجع
قلبين اتحدوا النسيان رغم مرور الايام
قلبين اتمنوا ان الايام ترجع لو دقيقة وتنتهى حياتهم بعدها
قلبين ذى ما عرفوا معنى الحب ... عرفوا طعم الفراق
قلب عمرو وقلب ياسمين
....
سامر :- يا عمرو اسمع كلامى والله يا جدع هاتندم لو ما جتش ديه بتبقى سهرة جميلة ...
على الاقل ترحم نفسك شوية من جو الشغل اللى انت عايش فيه ده ليل مع نهار
عمرو :- يا سامر انا مش ناقص وجع دماغ وعاوز ارتاح شوية
سامر :- طب تعالى المرة ديه بس وصدقنى مش هاتندم ..... وبعدين ده فيه حتة مفاجاه هناك
عمرو :- مفاجاه ايه ..!!
سامر :- بيقولوا فيه شيخ عراف هناك بيقرى الطالع والكف وعنده خبرة فى النجوم والابراج
عمرو :- ههههههههههههههه
انت بتصدق فى الكلام ده يخربيت عقلك هههههههه
سامر :- يا عم فاهم اللى انت عاوز تقوله بس تعالى وبعدين لو ما عجبكش الجو هناك ابقى امشى يا سيدى ماحدش هايمسك فيك
وعشان راحة البال وبدل وجع الدماغ قرر عمرو انه يروح مع سامر حفلة السمر ............................
وهناك كان الجو عادى جدااااااا ...
موسيقى وغنا ورقص
وكان الكل فى انتظار الشيخ العراف
حتى عمرو اللى ما بيصدقش فى الكلام ده هو كمان كان مستنيه
وفجاه دخل شيخ كبير فى السن
واضح عليه الهيبة والاحترام والذكاء والعلم
وكمان باين فى عنيه خبرة الايام والزمن
وصل الشيخ العراف واول ما وصل شاورله سامر من بعيد
وبدء سامر يوشوش الشيخ العراف ويشاورله على عمرو
قرب الشيخ من عمرو وهو بيقوله
الشيخ العراف:- تحب اجرالك (اقرا لك) الكف والطالع واجولك ( اقول لك ) على المستخبى واللى شاغل بالك يا ولدى
عمرو :- المستخبى .. وانت بقى ايه بتعرف الغيب
الشيخ العراف :- يا ولدى ما يعرف الغيب الا الله اللى خلجنى (خلقنى ) وخلجك ( خلقك )
عمرو :- امال ايه بقى ..!!
الشيخ العراف :- يا ولدى انا ها اجولك ( اقولك ) على اللى شاغل بالك واللى يريح حالك
واطمن جلبك ( قلبك ) اللى سار حزين من هااليوم اللى فارجت ( فارقت ) فيه محبوبتك
استغرب عمرو وبص لسامر وهو مستغرب
سامر :- يا عم انت بتبصلى ليه ..!! ما انا جمبك اهو ماقولتش حاجة
الشيخ العراف :- يا ولدى انت ماهتخسر شى وانا ما باخد منك شى وكلامى ها يفيدك ما ها يضرك فى شى
عمرو :- طب اعمل ايه يعنى ...!!!
الشيخ العراف :- اعطينى كفك يا ولدى
مسك الشيخ العراف ايد عمرو وهو بيقول كلام مش واضح............... من صوت الموسيقى العالية
وبيقلب ويعدل فيها وعمرو عين معاه وعين على صحبه
اللى باين عليه انه ورطه
وفجاه ساب الشيخ ايد عمرو طلع شوية حجر وصدف ورماهم على الرمل
وبص لعمرو واداله 3صدفات وقاله
الشيخ العراف :- جول ( قول ) للصدف على اللى واجع جلبك ( قلبك ) و شاغل بالك واللى تتمناه يا ولدى
مسك عمرو الصدف وهو كله فضول يعرف ايه نهاية ال هو فيه ده .. وشوش الصدف ورماهم على الرمل
الشيخ العراف :- بص يا ولدى ....
وهنا تنتهى الحلقة الاولى من الجزء التانى من
يوميات عمرو وياسمين 2
http://i43.tinypic.com/152ht04.jpg
الحلقــــــــــــــــة الثانيـــــــــــــــة
------------------------------------------
http://i42.tinypic.com/2pzflo7.jpg
كنا وصلنا للشيخ العراف والظاهر ان سامر ورط عمرو
فى حاجة كبيرة اوى هاتكون بداية لحكاية اكبر....
ونكمل مع بعض ...
الشيخ العراف:- انت جلبك ( قلبك ) ماهو فيك
وعجلك ( عقلك ) وبالك مشغولين باللى ليك
هادى البنية اللى ساكنة روح فيك
وانت ماهو معمولك عمل ذى ما صضيجك ( صديقك ) بيجول ( بيقول )
انت مافى شى فيك غير الهوى
حبيبتك هى دواك
ودواك تكونوا سوا
ومافى واحدة تجدر( تقدر ) تملى جلبك ( قلبك ) غير هادى البنية
اللى جلبها ( قلبك ) متعلج (متعلق) بيك
وعجلها ( عقلها ) مشغول فيك
بس ماهو بيدها ولا ذنبها
هى كمان حكم عليها الهوى بالبعد عنك
وتعيش مع واحد جلبها ( قلبها )ماهو رايده
وفرحك ادينى شايفه ودا اللى جال( قال )عليه كفك ..
ان خط جلبك ( قلبك ) جرب ( قرب ) من خط عمرك
وف نجطة ( نقطة ) جريبة ( قريبة ) هيتلاجوا ( هيتلاقو )... و ...
واثناء ما الشيخ العراف بيقول الكلام ده لعمرو
عمرو سرح ورجع بنفسه13سنة لوراء
.......
13 سنة ما عرفش فيهم قلبه طعم الحب
13سنة كتير حبوه
.. بس قلبه ما حبش غير واحدة بس هى اللى قدرت تسكن قلبه طول المدة دى رغم انها بعيدة عنه
13 سنة مانساش حبيبته ياسمين واللى بتزوره كل يوم فى منامه
بيكلمها وتكلمه ذى ما كان بيكلمها
حتى بعد ما بقى مدير فندق كبير جدا فى شرم الشيخ
وديه كانت الوسيلة الوحيدة اللي بيهرب بيها من تفكيره فى حبيبته اللى بقالها13 سنة مايعرفش عنها غير شوية اخبار كل فين وفين من صحابه اللى فى اسكندرية ....
اسكندرية اللى ما بقاش ينزلها غير بطلوع الروح
ومناهدة طويلة من مامته وباباه
اللى بيتمنوا انهم يشوفوه اسعد واحد فى الدنيا
ومتخيلين ان السعادة فى انه يكون اسرة .....
وكتير دارت ما بينهم مشاكل كبيرة بخصوص الموضوع ده
لانهم ما يعرفوش ان السعادة خلاص ما بقتش تعرف لقلبه طريق
قلبه اللى ما بقاش ملكه
وحكم عليه الزمن انه يعيش بقية عمره سجين الماضى والذكرى ....
مش بيفوق من تفكيره غير على ايد صحبه سامر واللى كان شغال معاه فى شرم الشيخ
سامر :- ايه يا ريس انت روحت فين
الشيخ العراف:- ايش يا ولدى سرحت فى ماضيك
فى حبيبة جلبك ( قلبك )
عمرو :- يا عم الشيخ قولى اعمل ايه وانا مش بايدى انساها ولا بايدى احب بعديها ...
اعمل ايه ؟؟ّّ!!
الشيخ العراف:- خلاص يا ولدى جلبك ( قلبك ) هاترجلعه الفرحة من تانى جريب ( قريب )
وجريب ( وقريب ) ها ترجعلك فرحتك وها يرجعلك عمرك ال فات ...
( ولسة ما كملش الشيخ العراف كلامه وبيقاطعه عمرو وهو كله لهفة وشوق )
عمرو :- نعم انت بتقول ترجعلى الفرحة .. بس انا خلاص فرحتى وسعادتى مابقتش ملكى يا عم الشيخ
الشيخ العراف :- عارف يا ولدى ان جلبك ( قلبك ) مات ووردتك دبلت من زمن
بس الطالع بيجول ( بيقول )ان سعادتك جية جية ..
حبيبة جلبك ( قلبك ) ها ترجعلك بس
ما تفرح يا ولدى
انت انكتب عليك الهوى طول العمر
وهواك مكتوب عليه الحزن
عمرو :- حزن ... انت مش بتقول هاترجع
الشيخ العراف :- ها تعرف فى وجتيها ( وقتها ) ان الحب مش اننا نبجى مع ال حبيناها
وان عذاب الفراج( الفراق ) اكبر بكتير من عذاب اللجى ( اللقى )
عمرو :- مش قادر افهمك يا عم الشيخ
الشيخ العراف :- ماتسبجش ( تسبقش ) الامور يا ولدى بس احب اجولك ( اقولك )كلمة اخيرة
ما تفرحش بالورد .. ده لكل وردة شوكها ذى ماليها ريحتها الطيبة.....
وقام الشيخ العراف بعد ما ساب عمرو فى حيرة واستغراب من الكلام اللى لسة سامعه ...
فضل عمرو قاعد مكانه ما اتحركش وهو بيفكر فى كل كلمة قالهاله الشيخ العراف ...
لحد ما فوقه سامر من اللى هو فيه وهو بيقوله
سامر :- اوعى تفكر فى اى كلمة قالهالك الراجل ده
عمرو :- ليه مش انت اللى جبتنى هنا وكنت عاوزنى اقابله .. وبعدين ايه موضوع العمل ده اللى الشيخ قال عليه انت قولتله ايه بالضبط
سامر :- ما قولتش حاجة ده شكله بيخرف
عمرو :- انا شايفك وانت بتوشوشه انت قولتله ايه ..!!؟؟
سامر :- بص انا كل اللى قولتهوله ان انا خايف يكون حد عملك عمل بخصوص الموضوع اللى انت بتفكر فيه ده
مش عارف انا فكرت كدا ازاى بس انا قولت اهو كلام وانت برده اوعى تصدق اى كلمة قالها ...
عمرو :- طب ايه اللى عرفه بالموضوع ده
سامر :- ياعم اهو كلام بيقوله لاى حد هو الكلام بفلوس ما تركزش عشان ما تهيسش وبعدين يا جدع ده انا شايف الفرحة فى عنيك اهو من مجرد شوية كلام راجل كبر وخرف
عمرو :- هههههههههه والله انت مجنون
سامر :- والله انت اللى مجنون .. ومتعلق بحبال دابت وان شاء الله ها تقع على جدور رقبتك
عمرو :- ههههههههههه .. وانت ايه اللى فهمك فى الحب يا بتاع الخواجات
سامر :- يبنى الحب انتهى وخلص من زماااان اوى
والعمر بيجرى وانت مش بتفكر فى موضوع الجواز ده خالص ممكن اعرف ها تفضل كدا لحد امتى ...
هى وخلاص اتجوزت
....
فوق بقى يا قيس
عمرو :- افوووووق .... ده شكلى انا اللى ها فوقك
واتحول الليل من سهرة مع شيخ كبر وخرف ذى ما سامر ما بيقول
لهزار وضحك بين الاتنين ... ونسوا موضوعهم الاصلى ...
وهرب عمرو من تفكيره فى كلام العراف لهزاره مع سامر
وهنا تنتهى الحلقة التانية من يوميات عمرو وياسمين 2
http://i40.tinypic.com/20h575w.jpg
جامدة جدا ياميرة وهنستنى باقى اليوميات
جلست والخوف فى عينيها تتأمل فنجانى المقلوب
قلبت يا ولدى لا تحزن فالحب عليك هو المكتوب
غنى يا حلم وقولنا بقيه الفيلم العربى
اقتباس:
المشاركة الأصلية كتبت بواسطة free boy
ميرسى ليك محمد على مرورك
الجميل والمتابعه الجميله
ويارب دايما منورنا كده على طول
تحياتى ليك محمد
اقتباس:
المشاركة الأصلية كتبت بواسطة A7med elsayed
هههههههههههههههههههههه
والله بئا كده ماشى ياحماده
بئا القصه فيلم عربى
ماشى ماشى والله لستناك
على باب المنتدا وسبتك
وكمان معايه سلح وهعرف
اخد حقى عشان بتتريق
على القصه الدميله دى
ماشىhttp://up.masrawycafe.com/upload/up7...17d71418b4.gif
عيزها ايه بئا اختار حته اعورك
فيها عيزها زوقا ولا عيئا ولا تحتارفيها الاطبه
:-P:-P:-P:-P:-P:-P:-P:-P:-P:-P
ههههههههاقتباس:
المشاركة الأصلية كتبت بواسطة ميره
حتى إنتى يا ميره وأنا اللى قولت انتى الوحيده اللى طلعت بيها من الدنيا
من كام يوم الرواتب إتسرقت وإضرب عليا نار وقولت ماشى
لكن كمان المنتدى
لأ بقى
أنا مبقتش أخاف زى الأول ........ أنا بقيت أخاف أكتر
اقتباس:
المشاركة الأصلية كتبت بواسطة A7med elsayed
:-O:-O:-O:-O:-O:-O:-O
ازاى ياحماده اضرب عليك نار
لاء ياعم خدبالك على نفسك
ياعم ومتحفش انا هعورك
تعوريه خفيفه:-P:-P:-P
كده عشان تبطل تريقه
عليه ماشى وربنا
يحفظك يارب ويحميك يااحمد
يارب فى رعايه الله وحفظه يارب
تحياتى ليك
الحلقــــــــــة الثالثــــــــــة
---------------
النهاردة ها نكمل مع بعض قصتنا
كنا وصلنا عند كلام الشيخ العراف وازاى عمرو بدء انه يتعلق بكلامه ويتعلق بيه يوم عن يوم وزادت ثقته فى كلام العراف وخصوصا ..
لما حلم عمرو بحلم غريب جداااااااا
....
حلم عمرو بياسمين..
بس ده العادى انه يحلم بيها وتجيله فى منامه بس الغريب
انه يحلم بياسمين مداله ايديها وهى بتغرق وبتستنجد بيه ..
وعمرو بيمسك ايديها ومش قادر ينقذها
وكأن فيه حد بيشدها من تحت وبتبصله فى عنيه جامد اوى
و بتقوله الحقنى يا عمرو ....
صحى عمرو من حلمه اللى اعتبره كابوس مش عادى
وبسرعة لبس هدومه وجرى على الشيخ العراف واللى بقى عمرو بيشوف مستقبله فى كلامه
راح يحكيله حلمه الغريب
وكان يتمنى انه يلاقى عنده تفسير لحلمه ....
بس كالعادة مطلعش منه بحاجة
كلامه كله عن حبيبته اللى هايلاقيها
واللى هاترجع الفرحة والبسمة تانى لحياته
ما بقاش عارف يعمل ايه ...
ياترى يلف ويدور على حبيبته اللى اظاهر انها مش موجودة غير فى احلامه وبس
ولا يستنى ذى ماهو
يتفرج على عمره وهو بيتسرب من بين ايديه سنة وراء سنة ..
واثناء ماهو بيفكر فى كلام الشيخ العراف
لقى مين بيتصل .....!!!!!
حـــــــــــــودة
..............
فاكرينـــــــــه
(( اكيد ده ما يتنسيش ))
حودة :- انت معفن على فكرة .. وخسارة فيك تمن المكالمة
بس اعمل ايه وحشتنى
عمرو:- ههههههه حبيبى والله واحشنى موت يا حودة
حودة :- ما تشوفش وحش يا خويا ...
عمرو:- ههههههههه واحشنى هزارك وضحكك وواحشنى الخطيب ووحشتنى اسكندرية والله يا حودة انا حنيت لكل حاجة كنا بنعملها واحنا سواء
حودة :- طب ما تيجى يا عم عاوز اشوفك قبل ما اموت
كح كح كح
عمرو:- هههههههه قريب والله بس الشغل ما انت عارف بقى
حودة :- يا عم ادينا شوية من وقتك ولا انت عشان خلاص بقيت مهم وماسك مراجيح مولد النبى
عمرو :- هههههههههههههههه
لا ابدا والله قولى بس ايه اخبار مراتك والعيال
( ما تنسوش دول 13 سنة )
حودة :- ليه بتفكرنى دلوقتى ياعم .... ربنا يسامحك
عمرو :- ههههههههههه
حودة :- اه ما انت بتضحك ... ايه اللى خلانى اتجوز بس يا ربى
المهم نسيتنى مش الواد الخطيب اتصل بيا وقالى انه راجع خلاص
(ملحوظة ..الخطيب كان مسافر امريكا بقاله 9 سنين ما نزلش مصر )
عمرو:- بجد ( بيقولها وهو طاير من الفرحة ) بجد نازل بجد
حودة :- اه والله ما انا عملت زيك كدا برده
انزل انت كمان بقى خلينا نتلم زى زمان ..
وبعدين فى موضوع كدا عاوزك فيه !!
عمرو:- موضوع ايه ..!!؟؟
حودة :- لا مش ها ينفع فى التليفون لما تنزل بس ضرورى ..
انا ما كنتش عاوز اقولك بس اللى ما بينا يخلينى ما اخبيش عليك حاجة ذى ديه
عمرو :- فيه ايه قلقتنى .!!
...
رفض حودة انه يقول لعمرو عشان يضمن انه ينزل ..
وبليل
...
كالعادة قاعد عمرو وحيد فى البلكونة
وكان اليوم ده القمر بدر كامل ..
قاعد بيفكر فى كلام العراف واللى بقى شاغله ليل ونهار وبيفكر فى كلام حودة ..
والموضوع المهم اللى رفض حودة انه يتكلم عنه ومعقول يكون بخصوص ....... ولقى نفسه بيفكر فى ياسمين
ياترى يا ياسمين عاملة ايه وفكرانى ولا لأ ..
ياااااه بقالى كتير اوى ما شوفتهاش ولا سمعت عنها اى خبر ..
ربنا يسعدك يا ياسمين
بقولهالك من كل قلبى
قلبى اللى اخدتيه معاكى يوم ماكنتى فى الكوشة مع واحد غيرى
وادينى اهو ..
لا عارف احب بعدك ولا حتى انى احقق امنية ماما وبابا فى انهم يشفونى عريس
......
وفى نفس الوقت اللى كان قاعد عمرو مع القمر
كان فيه واحدة سرحانه هى كمان مع نفس القمر
وبتقوله نفس الكلام
..
يا ترى يا عمرو انت دلوقتى مع مين وبتفكر فى مين
يا بخت اللى بتفكر فيها
ويا بخت مراتك بيك ...
( لان اللى وصلها ان عمرو خلاص اتجوز وسافر )
ياترى يا عمرو لو كنت ارتبط بيك كان ها يبقى ده حالى ...
وياترى انا باجى فى بالك ولا لأ
بس اكيد لا وهو معقول يكون لسة فاكرنى
معقول اكون لسة باجى فى باله
طب لو عرف اللى حصل معايا يا ترى ها يكون ايه رد فعله ..!!
كل قلب لسة متعلق بقلب حبيبه اللى مش قادر ينساه رغم العمر اللى عدى وهما بعاد عن بعض
لا بيشوفوا بعض ولا حتى بيعرفوا اخبار بعض ..
وهنـــــــــــا تنتهـــــــــــــــــــــ ي
الحلقــــــــــــة الثالثــــــــــــــــــة
تابعونـــــــــــــــــــ ــــــــــــــــا
الحلقـــــــــــة الرابعـــــــــــــــــة
--------------------------
عمرو راكب عربيته وراجع على اسكندرية وبيسرح بخياله
فى العمر اللى عدى(. بيشوف حبيبته .)
اللى ضاعت منه وبعدها ضاع منه عمره
وقد ايه كان انانى
فى انه يحرم كل اللى حوليه من الفرحة ...
وكانه بيعاقبهم هما على ال عمله الزمن فيه
....
(. بيشوف صحابه .)
اللى قضى معاهم اجمل ايام عمره
هو ده العمر اللى عاشه بدون حزن ودموع
هو ده العمر اللى كان مليان فرحة وسعادة
ياترى عشان كنا لسة مش حاسين بالمسئولية
بنضحك ونهزر وكاننا ضامنين بكرة
لحد ما صحينا على كابوس
الفرااااااااااااق
فراق حبيبته وفراق صحابه
فراق اهله واحبابه
كل واحد راح فى طريق ..
اللى هون عليه ان خلاص شايف قدامه اللمة راجعة من تانى
الخطيب راجع وحبيبتى اللى وعدنى بيها العراف خلاص هالاقيها
بيوصل عمرو البيت وهناك كانت مستنياه
مقابلة حاااارة جدااااااا
من والدته ووالده واخواته
حس عمرو بدفى وحنيه العيلة اللى بقاله كتير ما حسش بيه ..!!
بتبص والدة عمرو فى عين عمرو بتشوف جواه حزن كبير
رغم الابتسامة المرسومة على شفايفه
والدة عمرو :- يابنى ربنا بقى مش هايهديك وتريح قلبى وتحقق امنيتى فى انى اشوفك اب ... واشيل ابنك بايدى
بيبصلها عمرو وبيمسك ايديها ويبوسها ويقولها قريب يا ماما ان شاء الله
بتبصله وهى مش مصدقة من فرحتها
والدة عمرو :- بجد يا عمرو يعنى انت نازل عشان كدا
عمرو :- ان شاء الله يا ماما .. قريب اوى بس انت ادعيلى
( بتبوس راسه..... وهى بتقوله )
روح ربنا يسعدك يابنى ذى ما فرحت قلبى
....
حس عمرو قد ايه بقراره فى انه يهرب من الواقع
انه بكدا ما ظلمش نفسه وبس
لالالالا
ده ظلم ناس كل اللى طالبينه انهم يشوفوا سعيد فى حياته
....
ببيخوش عمرو اوضته
ياااااااااااااااااااااااا اااااااااه
لسة ذى ماهى بالضبط ..ما فيش ولا حاجة فيها اتغيرت
اول حاجة عينه بتقع عليها
دبدوب ياسمين
اللى ادتهوله يوم عيد ميلادهم
وهو ذى ماهو علي مكتبه
بيبصله وكانه شايف اللحظة قدامه
افتكر
لحظة ما لمس ايديها بكل حنية
لحظة ما بص فى عنيها وشاف جمالها
لحظة ما قالتله بحبك
فى اللحظة دى بس حس انه مالك الدنيا وما فيها
شاف سعادته اللى سجنها الزمن فى سجن بعيد
من غير قضبان او حراس
بس مليان عذاب والم الفراق
شاف لحظة ما شاف دموعها فى عيونها
فى اليوم اللى بتتمناه اى عروسة وهى قاعدة جمب عريسها
بكل حزن بص للدبدوب وحدفه بعيد
وكلمه وكانه شخص قدامه
لو مش بايدى اعيش سعيد مع الانسانة اللى حبيتها
يبقى على الاقل اسعد اللى حوليا
ساااااااااااااااااااااااا محينى
سا محينى يا حبيبة عمرى وسبب عذابى فى الدنيا
.....
وبيتصل بحودة وبينزل يقابله
وهناااااااك كانت المفاجاه
حودة :- يعنى انت خلاص نويت يبنى تتجوز ولا ناوى تكسفنا
عمرو :- لا خلاص ان شاء الله بس انت عندك ليا عروسة ولا ادور انا
( بيقولها عمرو ... وهو زعلان )
حودة :- طب والنبى افردها شوية بزمتك ده منظر حد ها يجوز
عمرو :- مالكش دعوة ... عندك ولا لأ
حودة :- عندى فرس عربى اصيل انما ايه ... ساكاموزااااا
عمرو :- ههههههههه هو انت بتجوز حصان ... وبعدين ازاى افكر فيها وانت عينك خرمتها كدااااااا
يعنى يا عم الغبى لازم يكون عندك زوق وانت بتتكلم على واحدة ممكن اتجوزها
حودة :- تصدق عندك حق ..
عمرو :- وبعدين انت مش اتجوزت واتلميت وربنا رزقك بابنك ( سيف )
حودة :- قصدك بيبرس ههههههههههه
عمرو :- ههههههههههه بيبرس ...!!!!! ميييين ؟؟!!!
حودة :- هو سيف بس اصله مغلبنى
كل يوم يبعتولى عامل مشاكل فى الحضانة
بيعاكس الميس بتاعته
ههههههههههههههههههههههههه ههههه
عمرو :- اومال طالع لابوووه
ههههههههههههههههههههههههه ه
والله انت اللى ها تبوظ الواد ده
حودة :- خليه يدردح من صغره عشان ما يتعبنيش ذيك كدا لما يكبر
عمرو :- الا صح ايه الموضوع اللى كنت عاوزنى فيه
حودة :- موضوع ...!!!!؟؟؟
عمرو :- اااااااه موضوع .. انت نسيت ولا ايه ؟؟
حودة :- لالالالا
بسسسسس .. خلاص بقى اعتبره انتهى
عمرو :- مش فاهم ما تفهمنى .. واتكلم دوغرى
حودة :- ياسمين
عمرو :- ( بكل دهشة )
مااااااااالها ..!! انت لسة بتشوفها
(( حودة عنده بوتيك ملابس .. وياسمين كانت بتروح تطمن على عمرو من خلال حودة .. بحجة الهدوم ))
حودة :- عمرو ياسمين اطلقت
(( طاااااااااااااااااااااااا اااااااااااااخ ))
عمرو :- ايييييه ... اطلقت
( بيقولها عمرو بكل استغراب وحزن وفرحة فى نفس الوقت )
حودة :- ااااااااه اطلقت من حوالى شهر
عمرو :- سرحاااااااااااااااااااااا ااااااااااااان
حودة :- بصراحة انا ماكنتش عاوز اقولك وخصوصا بعد ما عرفت انك خلاص نويت تكون اسرة وتحقق حلم والدتك اللى صبرت كتير اوى عليك وده حقها عليك بصراحة يا عمرو
عمرو :- سرحااااااااااااااااااااان
حودة :- انا عارف انك حبيتها ولسة بتحبها واخترت انك تشتغل بعيد عن هنا عشان تنساها ... بس واضح انك لسة ما نستهاش
عمرو :- مش قادر ...
حودة :- ما تخلنيش اندم انى قولتلك
عمرو :- ما انا كان لازم اعرف
حودة :- فوووق بقى يا جدع انت اصلا مش بتيجى فى بالها ولا بتفكر فيك
عمرو :- وانت ايه اللى خلاك تقول كدا ...!!
حودة :- ده الاكيد
عمرو :- لا انا متاكد انها بتفكر فيا
حودة :- هاتفكر فيك ازاى وانا قولتلها انك اتجوزت وسافرت
عمرو :- ( صددددددددددددددددمة )
اييه ..!!
حودة :- كان لازم اعمل كدا عشان اقطع اى صلة بينك وبينها
عمرو :- عشان كدا بقالها مدة مسالتش عنى ... صح ..!!
حودة :- صح
عمرو :-انت ازاى تعمل كدا ... انت .. ازاى تعمل كدا
حودة :- عشان مصلحتك
عمرو :- مصلحتى ... ..... .... ....
حودة :- اه مصلحتك وانت عارف انى اكتر واحد يخاف على مصلحتك .. انت عارف كدا كويس
عمرو :- انا عاوز رقم موبايلها وانت الوحيد اللى تقدر تجيبه
حودة :- وانا عمرى ما هاعمل كدا ... مش عشان ما اقدرش ...
لالالالالالالالالالالالال الا
عشان ما تضيعش فى دوامة انت مش قدها
عمرو :-لا هاتجيبه ..... عارف ليه ..!!؟؟
عشان ما فيش طريقة تانية تخلينى اسامحك على اللى انت عملته غير ديه ..
وساب عمرو حوووووووووودة وهو من جواه
شايف حلم بيتبنى من جديد
بس يا ترى ايه اللى ها يحصل
وياترى حودة ها يجيب الرقم ولا لأ ..؟؟!!
ولا عمرو ها يخسر صديق عمره عشان حبيبته
كل ده ها نعرفه فى
الحلقــــــــــــــــــة الخامســــــــــــة
استنونـــــــــــــــــــ ــــــــــــا
لما القصه تخلص
هقؤلك رأيى فى ياسيمين وعمرو !!!
اقتباس:
المشاركة الأصلية كتبت بواسطة A7med elsayed
ميرسى ليك حماده على مرورك والمتابعه الجميله
دى بجد انا سعيده انك متابع معايه بجد تحياتى ليك
وفى انتظار رائيك فى الشخصيتين تحياتى ليك
http://i40.tinypic.com/20u8nk4.jpg
الحلقـــــــــــــة الخامســــــــــــــــة
--------------------------------------
كلنا شوفنا قد ايه كان عمرو قاسى اوى على صاحب عمره حوده
بعد ما عرف الحقيقة .. الحقيقة اللى دمرت كل حلم كان بيحلمه
و سهر ليالى وسنين بيتمنى انه يتحقق
ودلوقتى وبعد ما اتحقق بقى محتار مش عارف يعمل ايه ..!!
عدت ساعات كتير على عمرو كانها سنين وهو بيفكر فى اللى بيحصل وهل ياترى دى دوامة ذى ما صحبه ما قاله ولا ده تعويض عن جزء صغير عن كل شئ حصل....
بعـــــــــــد يوميـــــــــــــن
عمرو قاعد فى البيت ولسة محتار بيفكر فى همه الكبير اللى بيزيد يوم عن يوم وخصوصا بعد ما عرف من مامته انها عندها عروسة وانه لازم يقعد معاها ويكلمها
ما بقاش عارف يقول لمامته ايه بعد ما شاف الفرحة فى عنيها
ازاى ها يرجع من تانى ينكد عليها ..!!
اتصل بحودة عشان يقابله ويصالحه ويفضفض معاه لانه مش لاقى حد تانى يشكيله همه
اتقابلـــــــــــــــــوا
عمرو :- اكيد انت طبعا عازرنى وفاهم انى ماكنتش اقصد اللى قولته ...
ماهو مش معقول فى الاجازة اللى يادوب بعرف اخدها من فين لفين نزعل من بعض وانت عارف ان دلوقتى انا ماليش غيرك ..
وان كنت قولت كلام زعلك فده كان من عشمى فيك وعارف انك لايمكن هاتشيل منى ابدا صح .؟؟
حودة :- ااااااه يا عمرو مش ممكن هاازعل منك .. بس انا عاوز اقولك على حاجة ان كنت قولت لياسمين كلام زعلك فده والله كان فى مصلحتك فى البداية ..
وخصوصا يا عمرو بعد ما عرفت انك خلاص نويت ترتبط ...
يا جدع انت يعنى كدا فرحان وانت شايف ان كل اللى فى سنك عندهم عيل و اتنين وانت كدا عمال تضيع عمرك سنة وراء سنة وعلى ايه ... على كلام هايف ..
على وهم انت الوحيد اللى مصدقه
فووووق يا عمرو ما بقاش فى وقت تضيعه تانى طب بزمتك انت مش عاوز يبقى ليك ابن كدا يطلع عينك ذى بيبرس
عمرو :- ههههههههه عارف يا حودة والله وفاهم كل اللى انت بتقوله بس انت مش حاسس باللى جوايا مش من السهل انك ترجع تحب اى حد بعد ما بتنجرح
وخصوصا لو كان جرحك مش من حبيبتك اللى حبيتها لا انت ولا هى ليكم ذنب فى اى حاجة
حودة :- انسى بقى يا عم خلاص ... شيلها من بالك ومن تفكيرك وبعدين انت مش هاتنساها غير لما تلاقى واحدة تانية تشغل بالك ..واحدة كدا تنسيك كل همومك ..
وتنسيك امك وابوك كمان لو تحب
عمرو :- هههههههههههههه مش ماما جايبالى عروسة
حودة :- ههههههههه لا بجد طب وايه موزة ولا ضاربها القطر هااا !!
عمرو :- لا لسة ما شوفتهاش
حودة :- طب وايه هاتتجوز كدا عميانى ..مش لازم تعاين الاول ههههههههه ...
(انتو عارفينه دلوقتى اكتر منى ....ساااااااافل )
ههههههههههههههه
عمرو :- طب اسكت بقى عشان انا كدا هااقوم اضربك
حودة :- واهون عليك .
امووووووواه
عمرو :- ههههههههههه
انت عارف يا حودة والله انا دلوقتى ما بقيت بضحك غير وانا معاك
حودة :- طب وتعمل ايه بقى لو نفذتلك اللى انت عاوزه
عمرو :- وهو ايه بقى اللى انا عاوزه يا فالح
حودة :- انا جبت رقم ياسمين ...
بس بشرط
عمرو :- ايه ده جبته من مين وامتى ..؟؟
حودة :- مالكش دعوة المهم انك توعدنى انك تكلمها مرة واحدة وتنساها خالص وان كلمتها يبقى كلامك عادى مجرد انك بتطمن عليها وبس
عمرو :- هههههههه طب وايه رايك بقى لو ما كلمتهاش خالص وادى الرقم
(( ومسك عمرو الورقة اللى مكتوب فيها الرقم وقطعها نصييين ))
عمرو :- خلاص مش عاوز اكملها بس لما تشوفها ياريت قولها انى بسلم عليها وخليها فاكرة ذى ماهى انى متجوز
حودة :- والله يا عم انت مجنون ....
والنعمة مجنون من يومين كنت ها تموت عشان الرقم ودلوقتى بتقطعه انت عايز ايه بالضبط
عمرو :- تصدق لو قولتلك انى عاوز سعادتها هى ومش مشكلة انا ..
لاننا لو قربنا من بعض هايحصل مشاكل كتير مالهاش عدد وانا مش عاوز اسببلها اى احراج او مشاكل
حودة :- طب اقولك انا على حاجة ...انت المفروض يحطوك فى متحف لان اللى ذيك انقرضوا خلاص
عمرو :- ههههههههههههههههههههههههه ه
خلاص بقى انسى الموضوع ده المهم انا مش عارف اعمل ايه فى العروسة اللى جايبهالى امى دى
حودة :- بقى مش مكسوف شحط ذيك وبتقولى عروسة جيبهالى امى طب ده انا الفرس اللى قولتلك عليه ده ....
صــــــــاروخ مفخـــــــــــــــخ
عمرو :- ههههههههههه والله انت الحريم لحست مخك المهم انى هابقى اخدك معايا وانا رايح ... هاااااا ما تنساش
حودة :- ياسلام ده انت تؤمر ......
بيروح عمرو وخلاص من جواه اقتناع تام انه لازم ينسى
ياسمين وينسى اى ذكرى لسة عايشة فى قلبه من ناحيتها
ونام عمرو
وبـــــــــــــــــــدأ
بيحلم نفس الحلم اللى حلمه قبل كدا وياسمين بتغرق منه وهو مش قادر ينقذها صحى عمرو فى نص الليل لبس هدومه ومن غير ما يقول لاى حد ركب عربيته
ونــــــــــــــــزل
للشيــــــــخ العراف
...
وهناااااااااك
الشيخ العارف :- يا ولدى ما انا جولتلك ( قولتلك ) علي يريح بالك.. وانت جاصد ( قاصد ) تتعب حالك
عمرو :- طب اعمل ايه قولى يا شيخ انا بتعذب لا انا عارف اقرب منها ولا قادر اعيش واانا بعيد عنها ..
الشيخ العراف :- جرب ( قرب ) يا ولدى ..ربنا اداك اكتر من علامة ... جرب يا ولدى
(( وكان عمرو من جواه فرحة ممكن تملى العالم كله وكانه اخد الاذن وانه خلاص مسموحله بانه يكلمها .. ))
وهو راجع بيلاقى اتصال من حودة
حودة :- ايوة يبنى انت فين ..؟؟
عمرو :- انا جاى اهو كنت بس بعمل حاجة فى شرم
حودة :- ايه ده انت سافرت شرم امتى وازاى
عمرو :- لا ده موضوع كدا فى الشغل وخلصته فى السريع
(ملحوظة :- عمرو لحد دلوقتى ما صارحش حودة بموضوع العراف لانه كان عارف ان اى حد هايسمع الموضوع ده هايتريق عليه )
وبليــــــــــــــــــــل
..........................
وصلت العروسة او المومياء ذى ماحودة اطلق عليها
حودة :- يا شيخ حرام عليك ده انت كدا هاتموت نفسك وانت حى دى عروسة دى ...
دى فيها شبه منى ههههههههههههه انت كنت اجوزت واحد صحبك احسنلك ياراجل
عمرو :- بس بقى كفاياك تريقة على عروستى
حودة :- عروستك ... تصدق انت لو عملت كدا لا هاحضر فرحك ولا اعبرك وانسى انى عرفتك من اصله ..
عمرو :- طب بص بقى عشان ما تقولش عليا مجنون ولا كلامك الغريب ده ... انا عاوز رقم ياسمين
حودة :- يالهوى يامه...
انت ياض عاوز تجننى ... يعنى فى الاول اتعاركت معايا عشان اجبهولك وبعدين قطعته تانى
ومشحطتنى وراك عشان عروسة استعمال طبيب .. وبعدين تيجى تقولى عاوز رقمها تانى ...
ما تريحنى وتقولى انت عاوز ايه من الاخر
عمرو :- عارف انك استحملتنى بس انا خلاص قررت انى هاتصل بيها
وبياخد عمرو رقم ياسمين من الاول وجديد
وبيتصل بياسمين وبتحصل مكالمة غريبــــــــــــــة جداااااااااااااوغير متوقعه تمامـــــــــــــــا
نكمل في الحلقــــــــــــــــة السادســــــــــة
http://i44.tinypic.com/nfir6r.jpg
الحلقــــــــــــــة السادســــــــــــــة
---------------------------------------
كنا شوفنا ان عمرو خلاص اتصالح هو وحودة
وجاب الرقم من تانى بعد ما قطعه وقرر خلاص انه يتصل وما حدش هايمنعه ابدااا ..... من قراره ده
عمرو فضل طول الليل سهران مش عارف يتصل يقول ايه
طب ياترى اول ما هاسمع صوتها هاعمل ايه .. !!!
طب يسلم عليها ويسيبها هى تفهم .. اللى جواه
ولا يصارحها كدا من اول مرة ..
وهى ايه هايكون رد فعلها على كلامه .. !!!
طب اقولها انا متجوز فعلا ولا لا
مش عارف ..
وكان حاسس ان ده اصعب قرار فى حياته كلها ممكن ياخده
افتكر عمرو من 13 سنة نفس اللحظة
اول ما شافها وكان عاوز يكلمها
بس الفرق انه ساعتها كان مفكره مجرد اعجاب بواحدة ذى القمر
ممكن تكون اجمل واحدة شافتها عنيه
الاعجاب اللى اتحول لحب من اول لحظة سمع فيها صوتها
من اول لحظة شاف فيها عنيها
من اول لحظة لمس فيها ايديها
الحب اللى فضل يكبر يوم بعد يوم
الحب اللى كان عامل من جواه ذى الشجرة
اللى كل يوم بتكبر ويطلع ليها جذع يثبتها فى قلبه اكتر
....................................
قرر عمرو خلاص انه هايتصل
وهايتكلم عادى جدا وكانه بيطمن عليها بعد اللى عرفه
عن طلاقها ...........
وانه مش هايجيب سيرة اى حاجة وان ديه تبقى بداية كلام يرجع ما بينهم تانى
وفعلا اخيرا عمرو قدر ينام
واول ما صحى من النوم اخد موبايله
وبيكتب رقم موبايل ياسمين
واللى مش مصدق انه ممكن يسمع صوتها
ومع كل رقم بيكتبه بتزيد دقات قلبه
لحد ما سمع صوت جرس
..............................
مش قادر عمرو يستحمل
بيعد كل جرس بيرن
بيتنفس وكانه اخر نفس ليه فى الدنيا
مش مصدق انه علم
لالالالالا
اكيد ده حلم
بس مش هايطول
لانه
فجأأأأأأأأأأأأأأأأة
صوت بيقوله الو بس اكيد مش صوتها
لانه صوت بنوتة صغيرة
بيعرف عمرو ان دى اكيد بنتها
( .... حبيبه .... )
حبيبه :- الووو
عمرو :- الووو
حبيبه :- ايوة مين معايا
عمرو :- انتى حبيبه
حبيبه :- اه انا حبيبه مين حضرتك
عمرو :- عاملة ايه يا حبيبه
حبيبه :- الحمد لله يا عمو مين حضرتك
عمرو :- عموو ..هههههه
( بيضحكلها عمرو بكل هدوء ومن جواه الف دمعة والف اااه على سنين عمره اللى ضاعت )
وعلى كلمة عمو اللى المفروض تكون بابا
عمرو :- (( فى باله ))
( مش كان زمانها دى بنتى انا ...)
حبيبه :- الووووو
عمرو :- ايوة معاكى ... ماما موجودة
حبيبه :- اه موجودة ... اقولها مين ..!!
( فى اللحظة دى اتردد عمرو انه يقولها اسمه وعاتب نفسه على الاتصال )
( طب اعمل ايه اقولها اسمى ولا لا )
وفجأأأأأأأأأأأأأأأأه
بيسمع صوت ياااااااااسمين جى من بعيد
ياسمين :- مين يا حبيبه
حبيبه :- مش عارفة يا ماما
ياسمين :- طب هاتى الموبايل وخوشى ذاكرى
ياسمين :- الووو .. مين معايا
(( يا خراااابى ))
مش قادر عمرو انه ينطق بكلمة واحدة
ولولا انه قاعد كان زمانه وقع من طوله
ياسمين :- الوووو
عمرو :- الووووو
ياسمين :- بتقولها وبكل تردد
مين معايا ...!!!!
عمرو :- واحد
ياسمين :-
( ومن جواها عارفة الصوت بس مش مصدقة ... نفسها )
مين حضرتك ..!!!
عمرو :- قولت واحد تعرفيه ومش تعرفيه
ياسمين :-
( جواها طايرة من الفرحة وخايفة الا ما يطلعش اللى فى بالها )
ياسمين :- حضرتك هاتقول مين ولا اقفل ..
عمرو :- تقفلى ...ازاى تقفلى
طيب ده انا استنيت 13 سنة عشان اعيش اللحظة دى
13 سنة عديتهم من عمرى بالشهر واليوم والساعة
ياسمين :- ...مييييييييين ...!!!!!
( بتقولها وعمرو بدء يسمع صوت دقات قلبها )
عمرو :- واحد حبك وكتب عليه الزمن يتعذب فى حبك ..
واحد حبك ولا همه الايام اللى بعدت ما بينكووو
وكان عايش على ذكرى جميلة ..
بيحلم وكان كل حلمه انه يرجع يوم واحد معاكى تانى وان شاء الله يموت بعدها ما يهمهوش عمره
اللى ما يتحسبش طالما بعيد عنها
ياسمين :- سكوووووت
عمرو :- انا اتصلت وماكنش فى بالى اى كلمة من اللى قولتها
وما كنتش اتمنى انى اقول الكلام ده .. بس مش عارف انا قولته ليه
يمكن عشان ده الحلم اللى حلمت كل يوم بيه .. وكنت كل يوم افوق من حلمى على عذاب يوم جديد ..
هاتصدقينى لو قولتلك
انى شايفك قدامى ... بتبتسمى ليا بوش ملاك
وما يهمنيش ردك على كلامى قد ما يهمنى انى سمعت صوتك
صوتك اللى نسانى عمرى اللى ضاع وانا مسجون فى حبك
ياااسمين :- سكووووت
( ولولا انه سامع دقات قلبها اللى صوتها مش اقل من دقات قلبه - كان قال انها قفلت )
عمرو :- عارف ان كلامى غريب عليكى ..بس مهما كان غريب اتمنى انى اسمع منك اى حاجة
ياسمين :- استغرب كلامك ازاى وانت قولت كل كلمة خبيتها جوايا سنين وخوفت الا تبان فى عنيا
بس ...الغريب انك تقوله دلوقتى
عمرو :-
( بدء عمرو قلبه يطمن ويستريح بعد ما سمع منها الكلام ده )
انا عرفت انك اطلقتى يا ياسمين
ياسمين :- وانت ...اتجوزت
عمرو :- ذى ما قولتلك من 13 سنة لو تفتكريها ...
ما اقدرش اظلم واحدة واتجوزها وانا عارف انها مش ها تكون سعيدة معايا لان قلبى ملك واحدة تانية
ياسمين :- بس حووودة قاااالى ....
عمرو :- عارف هو قالك ايه بس انا ما اتجوزتش ولا عمرى كنت هاتجوز غيرك
ياسمين :- عمرو اللى انت بتقوله ده صعب انه يتحقق وانا وانت عارفين ده كويس اوى
احنا حاولنا .. قبل كدا وكانت ايه النتيجة ..؟؟!!
ياسمين :- ودلوقتى غير الاول ..
ياسمين :- لو بايدى يا عمرو اكون جمبك طول العمر
عمرو :- مش كفاية اللى ضاع .. هانستنى ايه تانى ..!!
ما تخلنيش اندم على عمرى اللى ضاع وانا مستنى اللحظة دى
ياسمين :- انا اسفة يا عمرو
بس والله مش بايدى ... سامحنى
عمرو :- اسامحك ..... ههههه
سلام يا ياسمين
وقفل عمرو المكالمة ..وف عينه الف دمعة ودمعة
وما استناش يسمع منها اى كلمة تانى تجرحه اكتر ..
ايه اللى هايحصل ... ها نشوف ..
بس ياترى عمرو هايتصل تانى ...؟؟
ولا هاينسى ويكمل عمره اللى باقى من غير حب ..؟؟!!
وياسمين هاتسكت على كدا ولا هاتعمل ايه ..؟؟!!
كل ده هــــــــــــا نعرفـــــــــــــــــــــ ه
فى الحلقــــــــــــة السابعــــــــــــة
:((:((:((:((:((:((:((:((
هو انا هسانى الحلقه دى لحد امتى ياريت ياريت بسرعه دا لو بتحبينى
وااووووو قصة تحفة جدا بجد ميرسى على مووضوع
:((:((:((:((:((:((:((:((:((
اول مرة فى حياتى اتعلق بقصة كدة
انا عمالة اعيط مش عارفة اكتب
انا قريتها كلها مرة واحدة مش قادرة اقفل
ياريت يا ميرة باقى الحلقات بسرعة
هموت واعرف اية الى هيحصل
=((=((=((:(:(:(
اقتباس:
المشاركة الأصلية كتبت بواسطة اسلامى حياتى
معلش ياسومه طب انا هنزل حلقه
دلوقتى وتانيه بليل عشان خاطرك ياقمرايه
اقتباس:
المشاركة الأصلية كتبت بواسطة queen2010
ميرسى ليكى ياقمرايه
على مرورك الجميل
تحيات ليكى
اقتباس:
المشاركة الأصلية كتبت بواسطة الرومانسية
ميرسى ياجميله ويارب تتابعى
معانا ياقمرايه وانا هنزل حلقه دلوقتى وحلقه بليل
تحياتى ليكى وعلى مرورك الكريم الى اسعدنى ياقمرايه
:-*:-*:-*:-*:-*:-*
الحلقــــــــــــــة السابعــــــــــــــة
-----------------------------------------
كنا شوفنا صدمة عمرو فى حبيبه قلبه
اللى بعد العمر ده كله جايه تقوله
اســـــــــــــــفه
اسفة على ايه ولا ايه ولا ايه .!!!
سؤال عمرو مش لاقي اجابة ليه ؟
قعد عمرو بعد المكالمة حزين
مش عارف يعاتب نفسه ولا يواسيها
حزين مش على عمره ولا شبابه ولا حبيبته اللى حطمت حلمه
لالالالالالالالالالالالال الا
حزين على الفرحة اللى اتمناها وحلم بيها وشافها وهى بتتحقق وف ثانية اتحرم منها تانى
وفجأأأأأأأأأأأأأأأأأأأأأأ أأأأأه
رقم ياسمين بيظهر على الشاشة بس المرة دى هى اللى بتتصل
فكر عمرو انه ما يردش
بس يعمل ايه بقى فى قلبه
ياسمين :- عارفة انك مضايق من اللى قولته
بس انا قلبى ما طاوعنيش انك تزعل منى بعد كل اللى عملته عشانى
واللى عاوزة اكدهولك انى لا حبيت ولا بحب ولا هحب انسان ذى ما حبيتك يا عمرو
واللى كان مصبرنى على عمرى اللى ضاع مع انسان غيرك
انى كنت مستنية اللحظة دى
عمرو :- ياسمين انتى جاية دلوقتى تعذبينى بكلامك
مش كفاية العذاب اللى شوفته وانا عارف انك مع واحد تانى
واحد حقه عليكى انك تبقى ليه ولا تفكرى غير فيه
ياسمين :- بس .. مش عاوزاك تكمل ..
تصدقنى لو قولتلك انى كنت معاه كزوجة بس
وربنا اللى عالم عقلى وبالى وقلبى كان مع مين ؟
عمرو :- خلاص يبقى من حقك انك تبقى ليا
ياسمين :- مين قال انه بايدينا ...!!!!!!
عمرو :- طب لامتى هانبقى سلبيين ... لحد ما نلاقى عمرنا بيتسرب من ايدينا يوم وراء يوم ...
ياسمين :- لو مكتوب لينا نبقى لبعض هانبقى لبعض يا عمرو
عمرو :- بس انا مش هاقدر ابعد عنك تانى
ياسمين :- ما تحسسنيش بالذنب يا عمرو ... كفاية اللى عيشته طول السنين اللى فاتت
عمرو :- ماشى يا ياسمين هانصبر بس لامتى ..!!
ياسمين :- لحد ما ربنا ما يريد
عمرو :- بس ربنا ميرضاش بالظلم
ياسمين :- احنا اتظلمنا كتير واكيد فرج ربنا قريب انا حاسة بكده .
عمرو :- هاستنى يا ياسمين
بس ممكن نكلم بعض لحد ماربنا يحققلنا اللى بنحلم بيه
ياسمين :- طبعاااا .. ده اكيد ومش بمزاجك دا غصب عنك
عمرو :- هههههههههههههههه
وانتهت المكالمة بعد ما رجعت ياسمين الفرحة لقلب عمرو من تانى
اتصل عمرو بحودة عشان يحكيله على اللى حصل
وحودة كمان كان عنده مفأجاه لعمرو ....
وهى ان صاحب عمرهم خلاص راجع كمان يومين
وكأن الفرحة بتهل مرة واحدة
وعدوا اليومين وجه الميعاد اللى ها يتجمعوا فيه الصحاب ولاول مرة بعد 13 سنه
عدا عمرو علي حودة عشان ياخده بعربيته ويروحو المطار فى استقبال الخطيب
وفجأأأأأأأأأأأأأأأأأأأأأأ أأأأة
لمح عمرو القمر
مش القمر اللى بيسهر معاه كل يوم يشكيله همومه
لا لا لا لا لا لا لا
قمره هو لوحده ----- ياسمين
بيشوفها بيتسمر عمرو فى الارض
وبيلاقى ياسمين هى كمان مش قادرة تتحرك
الدنيا بتلف بيهم مش شايفين غير بعض
ياااااااااااااااااااااااا اااااه
عمرو :- شوفتى الصدف الحلوة
ياسمين :- ههههههه ازيك يا استاذ عمرو
عمرو :- استاااااذ ...ههههههههه
ياسمين :- بتشاور على بنوتة صغيرة وهى بتضحك
دى بنتى حبيبه
عمرو :- اااااااه استاذ عمرو ...ازيك يا حبيبة عاملة ايه ..!!
حبيبة :- الحمد لله
بتقولها وهى بتغمز ايد مامتها وبتقولها مين ده ..!!
وبيدخل حودة فى اللحظة دى
حودة :- ازيك يا مدام ياسمين ......؟؟!!
ياسمين :- الحمد لله .... ازى حضرتك عامل ايه ...!!
بيبص حودة لعمرو بيلاقي فرحة عمره ما شافها مرسومة على وشه قبل اللحظة دى
عمرو :- ههههه .... ازيك يا حودة ... انت وراك مشوار ولا ايه ؟!
حودة :- ايوة يا عم ... انت نسيت صحبك اللى مسافر ولا ايه ..؟؟!!
عمرو :- طب ايه ما تاخد تدور العربية
حودة :- ادور العربية ...... وماله يا عم
ال ادور العربية ال ... عليا اناااااااااا
ياسمين :- ههههههههه...طب استاذن انا عشان تشوفوا المشوار بتاعكم
عمرو :- تستاذنى ايه بس ... ده حودة بيهزر ده انا ما صدقت
ياسمين :- البنت يا عمرو خد بالك
عمرو :- ااااااااااه اسف ... بس معلش بقى بصراحة مش مصدق نفسى
ياسمين :- بصراحة ولا انا
(( طبعا حبيبة كانت مش واخدة بالها خالص ومركزة مع حودة اللى شغال مزاولة فى خلق ربنا ))
عمرو :- تعرفى انى كنت حاسس انى هاشوفك
ياسمين :- طب بس بقى عشان انا كدا هادهول على الاخر
عمرو :- هههههههه اه ماهو باين على وشك اهوووووه
حودة :- يا كابتن ... عندنا مطار هااااااا ما تنساش
عمرو ... ياسمين :- هههههههههههههههه
عمرو :- ما بيسترش فى اى مكان دايما فاضحنا
ياسمين :- هههههههههه ..لا بجد ربنا ما يحرمكم من بعض
عمرو :- ولا يحرمنى منك تانى يا ياسمين
حودة :- ممكن بقى اقطع اللحظة الرومانتيكية دى واخد الواد ده منك عشان هنتاخر
عمرو :- ربنا يخدك يا شيخ ويريحنى منك
ياسمين :- هههههههههههههههههه.
طب انا بقى هامشى عشان برضه انا اتاخرت
وبتلف ياسمين وبتنادى على حبيبة بنتها
وفجأأأأأأأأأأأأأأأأأأأأأأ ه
عربية بوووووووووووووم
و
و
و
نكمل الحلقة الجاية
ونشوف العربية دى بوووم فى مين ....!!!!
يا ترى فى مين .....؟!!!!!!
بصى يا ميره انا علشان بحبك اوى لو تعرفى تشيلى الصوره اللى فى اول الحلقه تشيليها
وثانيا انا مستنيه الحله الجايه على نااار
اقتباس:
المشاركة الأصلية كتبت بواسطة اسلامى حياتى
اولا انا اسفه بجد على الصوره
بس للاسف مش هعرف اشيلها
هطلب انها تتشال تحياتى ليكى ياسومه
وهنزل الحلق والله بليل
هههههه
أيه الصوره دى ؟؟؟
دا ينفع كدا أنتى فى منتدى محترم يا آنسه
يا خساره إتخدعت فيكى
كنت فكره مؤدبه
بس للأسف
.
.
.
.
طلعت مؤدبه جدا وعسوله جدا
.
.
.
.
بس دى الساعه 3 يعنى دا وقت غدا او نوم مش وقت .....................خالص
.
.
.
يالله ولا كأنى شوفت صوره ولا أى حاجه
اقتباس:
المشاركة الأصلية كتبت بواسطة A7med elsayed
:((:((:((:((:((:((:((:((:((
والله بجد يا احمد اسف عليه
بس هى نزله كده والله
انا اسفه بجد مش تزعلو منى
وبعدين انت بتقول عليه مش مؤدبه
شكرا شكرا اوى يا احمد
الله يهديكى هتودينى فى داهيهاقتباس:
المشاركة الأصلية كتبت بواسطة ميره
أنا بهزر معاكى والله
وبعدين بقؤلك كنت فاكرك مؤدبه بس للأسف طلعتى مؤدبه جدا
زى كنتى فاكرك زكيه طلعتى زكيه جدا
إحنا بنتعامل معا هواه ولا ياعم الحج
أدى اخر التعليم فى مصر
إنت فى كليه أيه يا فاشله إنتى ؟؟؟
اقتباس:
المشاركة الأصلية كتبت بواسطة A7med elsayed
ههههههههههههههههههههههههه ههههhttp://www.masrawycafe.com/images/smilies/20.gifhttp://www.masrawycafe.com/images/smilies/20.gifhttp://www.masrawycafe.com/images/smilies/20.gifhttp://www.masrawycafe.com/images/smilies/20.gifhttp://www.masrawycafe.com/images/smilies/20.gifhttp://www.masrawycafe.com/images/smilies/20.gifhttp://www.masrawycafe.com/images/smilies/20.gif
هههههههههههههههههههههه
هههههههههههههههه
هههههههههه
هههههه
ههه
ه
انا بهزر وعارف انك بتهزر يا حماده
والله وكمان غلط انى فاشله
بئا كده ماشىhttp://www.masrawycafe.com/images/smilies/20.gif:((:((:((:((:((
تحياتى ليك احمد
بت إنتى انا مش هرد عليكى خالص
بس أيه الصور الرمزيه الحلوه دى
أيه الإيمانيات اللى نزلت مره واحده دى
ولا أختك منى اللى حطت الصوره دى هههههههههه
"وربنا ما انا دى أختى منى " مش بقؤلك نايمه قدام التلفزيون
وخليكى كدا اوعى تحبى لغايه ما هتبورى
وامشى بقى من قدامى
اه دا موضوعك همشى انا خلاص
بجد جميلة اووووووى يا ميرة
بس هاتى الباقى بسرعة
احسن هموت اعرف مين الى اتخبط
مستنية الحلقة على ناااااااار
اقتباس:
المشاركة الأصلية كتبت بواسطة A7med elsayed
بئا كده يا حماده ماشى
والله ماشى بس هى الصوره
عجبتك قول انك عيزه بلاش
كده ها عرفاك ياحماده
فظيع وعلى فكره هترد عليه
يعنى هترد عليه انت فاهم
ولا لاء واستنه انا هنزل الحلقه
اهو متمشيش ماشى يلا سلاميش
عشانيش الحقيشن النزليشن الحلقهتيشن
اوكيشن تحياتيشن ليكيشن
اقتباس:
المشاركة الأصلية كتبت بواسطة الرومانسية
حبيبتى مش تقلقى وانا بردو تهونى عليه
انا هنزله ليكى دلوقتى ياقمرايه
ميرسى على متابعتك
الحلقـــــــــــــــة الثامنـــــــــــــــة
------------------------------------------
شوفنا فى الحلقة السابعة ازاى الصدفة جمعت ما بينهم
واتقابلو من غير اى ميعااااااااد
وازاى هما الاتنين كل واحد كان مشتاق اوى للصدفة دى
بس الغريب ...
ان الفرحة دايما مش بتكمل للنهاية
ياسمين بتنادى على بنتها حبيبة
وهى مش قادرة ترفع عنيها من على حبيبها
وكأن قلبها حاسس
وفجاااااااااااااااااااااا ااه
بتيجى عربية وتخبط ياااااااسمين ..... قدام عيون عمرو
بيشوفها عمرو وهى بتترمى على الارض والناس كلها بتتلم
بيجرى عليها ذى المجنون
بيمسك راسها .. ويرفعها من الارض
وهو بقى شايف وشها كله دم
وهو بيصـــــــــــــــــــرخ .....
وياسمين بقت فى عالم تانى ومش حاسة بأى حاجة
بلاش تضيعى منى ....خليكى معايا هنا .....انا ما صدقت لقيتك
بيحاول حودة انه يرفع عمرو من الارض مش قادر
بتقرب بنتها وهى عيونها كلها دموع وهى مش عارفة ازاى كل ده حصل فى لحظة
بيشيل عمرو ياسمين بين دراعه
وبيجرى حودة يفتح العربية
وبيدخلها عمرو
وبيجروووااااا على المستشفى
ماسك عمرو راسهاااا وهو بيعيط ذى الاطفال طول الطريق
و فى المستشفى
عمرو وحودة وحبيبه
مستنين اى حد يطمنهم
ياسمين جوه فى اوضة العمليات
وعمرو واقف مش مصدق اللى حصل وهو عمال يعيط
وحودة مش عارف يواسى عمرو ولا حبيبه
بنتها مش قادرة تعمل حاجة
بيديها حودة الموبايل وبيقولها اتصلى بحد عشان يعرفواااا
وعمرو رايح جى ومش قادر يتلم على اعصابه
ومش قادر يدارى دموعه
حودة :- اهدى يا عمرو مش كدا
عمرو :- اهدى ايه بس ... ازاى كل ده حصل .. ده انا كنت لسة بكلمها وفى لحظة .. جت العربية وووو
( ومش بيقدر عمرو يكمل ..... )
بيصرخ وينزل يقعد فى الارض
وهو بيقول انا السبب انا السبب
يا ريتنى كنت انا يا ياسمين
حودة :- في ايه يا عمرو
اهدى يا عمرو .. اهل ياسمين زمانهم جايين وماينفعش يشوفوك كدا ...
عمرو :- مايهمنيش حد .. المهم عندى ياسمين تبقى بخير
حودة :- مش تخاف ان شاء الله سليمة .. بس الخطيب اللى زمانه فى المطار دلوقتى مستنينا
عمرو :- مش عارف .. روحله انت واحكيله على اللى حصل وهو اكيد هايعزر
حودة :- واسيبك انت فى الحالة دى ... استحالة
..............................
بيقدر يقنع عمرو حودة انه لازم يروح للخطيب
وبيفضل هو وحبيبه واللى دار مابينهم حوار اثناء عملية ياسمين قدر يتقرب منها اكتر بكتير
وحست انه فعلا خايف على مامتها ويمكن اكتر منها
شاف عمرو الدكتور خارج من اوضة العمليات
وياسمين بينقلوها بس مش عارف على فين
بيجرى عمرو على الدكتور
الدكتور :- اطمن حصل خير الحمد لله .. بس هى دلوقتى محتاجة نقل دم
عمرو :- وبدون اى تفكير
انا اهوه يادكتور
بتبص حبيبه لعمرو وهى مستغربة
الراجل ده بيعمل كل ده ليه ..!!!!
الدكتور :- طب اتفضل معايا عشان نشوف فصيلة الدم
بيبص عمرو لحبيبه وبيقولها الحمد لله .. وبيحضنها ودموعه ماليه عنيه
بيغيب عمرو جوووووه
وبيجى اهل ياسمين
( باباها وماماتها )
الدكتور :- الحمد لله اطمنو هى دلوقتى فى العناية المركزة
هو الجرح كان صغير بس نزفت كتير .. والحمد لله ان استاذ عمرو قدر ينقلها دم فى الوقت المناسب
باباها :- عمرو مين ...!!!!!!!!!
وجوووووه فى العناية المركزة
كان عمرو نايم على سرير جمب سرير ياسمين
ومابينهم محاليل فى ايد عمرو عشان يعوضوا الدم اللى اتاخد منه
بيبص عمرو على ياسمين وهى نايمة
بيمسك شعرها بايد وبالايد التانية بيمسح دمع عنيه
وبيقولها ...
كنت عاوزة تروحى منى تانى يا ياسمين
عاوزة تاخدى روحى تانى بعد ما رجعتيلى
ولاول مرة مش قادر عمرو يحوش دموعه
وراح قايم براحة وباس عينيها وراسها
ياسمين فتحت عنيها ولسة دايخة وبتقوووول
ااااااااااااااااااااااااا اااه
عمرو :- سلامتك من كل اه يا قلبى وعيونى وروحى
ان شاء الله كنت انا وانتى عمرك ما تنطقى كلمة الاه
ياسمين :- انا فين ..؟!!
عمرو :- انت جمبى .. يا اغلى حاجة ف دنيتى ..
كل ده وهما فى الاوضة لوحدهم
بيخوش الدكتور ... وبيفك المحاليل من ايد عمرو
وبيقولوا خلاص انت كدا ممكن تتفضل
بس عمرو بيرفض وبيفضل جمبها
بيطمن الدكتور على ياسمين وبيطمن عمرو وبيخرج تانى
ياسمين :- عمرو ما تسبنيش تانى يا عمرو
عمرو :- انا عمرى ما سبتك وخلاص هافضل جمبك العمر كله
ياسمين :- انا مستعدة افضل هنا على طول عشان تبقى جمبى
عمرو :- بعد الشر عليكى .. هاتخرجى وهاتفضلى جمبى وهانقف قدام اى حد ...
ياسمين :- بحبك يا عمرو
وفى اللحظة دى بيمسك عمرو ايد ياسمين .. وبيبوسها
وفجأأأأأأأأأأأأأأأأأأأأه
........................................
ونكمل فى الحلقــــــــــــة التاسعــــــــــة
حرررررررررررررررررررررررر ررام يا ميرة
بجد حلاام انتى عمالة تشوقينا ليها اكتر
هاتى الباقى بسرعة بقى
هموت واعرف الباقى
الله يخربيت كدا
أيه حكايه الفجأااات دى معاكى
إوعى تعمليلى أى مفأجه تانيه بقى
ميرسي ليكي كتير بجد قصة جميلة مستنية الباقي :D:D:D:D:D:D
اقتباس:
المشاركة الأصلية كتبت بواسطة الرومانسية
ههههههههههههههههههه
براحه شويه هنزلك الحلقه ياقمرايه
اهو مش تقلقى بس
تحياتى ليكى ياحبى على متابعتك