هو أنا كده أنسانه متسلطه و صعبه ولا أطاق؟؟؟؟

كلمه من اختك الكبيره-
المهم الان تسيبك من الكلام ده كله لان اللى فهمته انك ثانويه عامه يعنى مذاكره وتحديد مستقبل0
ردى بسيط وبدون مجامله مفيش حد حيخاف عليكى قد ماما وبابا هما دول الدايمين اللى عايزينك تتغيرى للاحسن جربى هما عايزين اسراء ازاى هاديه مطيعه بنوته حاولى تتقربى منهم وابتدى بماما لان قلب الام لايتعوض ودعواتها كنز 0
لاحظت انك بتوصفيهم ببطئ رد الفعل وكمان فيه حد عندك كداب وانهم يشلوا مهما كانت معاملتهم منقلش عنهم كده لازم تكونى بتحكى مع حد وهو اللى مقويكى عليهم واكيد طبعا بتردى عليهم 0فى حاجه حصلت هى اللى خلتهم كده حاسبى نفسك اولا وانت حتلاقى السبب 0وابتدى متحكيش عنهم حاجه لاصحابك لان مش كل الصحاب عايزين مصلحتك 0
سؤال ليكى بتصلى قد ايه العمار بينك وبين ربنا بتدعيله كام مره فى اليوم
محجبه ولا 0صلاح الحال من افعالنا
ابتدى مع كل فرض من الان تصلى ركعتين بنية هداية الحال ومن مصروفك كل يوم تطلعى صدقه ولو ربع جنيه وادعى ربنا يصلح الحال مع بابا وماما 0
فى حكمه بتقول قل لي من صاحبك اقول لك من انت00000
حاولى طباعك تتغير واشربى نعناع كتير 00انت خايفه على نفسك من الضغط طيب الاولى نخاف على ماما وبابا
حاولي تبصلهم بنظاره تانيه خالص لونها وردي وليست سوداء

معلش طولت بس انا خايفه عليكي

اقتباس:

المشاركة الأصلية كتبت بواسطة khalouda

DANKE يا اسراء 8-|

على فكرة طول ما الواحد فى مصر اكيد لازم يبقى فاشل

ولا انتى بتعترضى على بابا وماما بس ومش

بتعترضى على البلد

أنا لا عاجبنى أحوال البلد ولا بابا و ماماولا حتى أحوالىلأن أنا قدراتى أكبر بكتير من أنى أمسك كتاب و أحفظ منهج ملوش لازمه و فى الآخر أرميه فى الأمتحان و خلاص على كده

بصى يا أستاذه طله القمرأنا بخلص أولى ثانوى و لو كنت فى تانيه أو تالته مكنتش قعدت على النت و لا على أى حاجهو اللى بوصفهم ببطىء رد الفعل مش بابا و ماما و إلا كنت أبقى منفعتش فيه تربيه اللى قصدى عليهم أخواتى اللى بيزودوا عصبيتىو أنا محجبه من زماااااااااااااااااان من قبل ما أكبر بكتير لدرجه أن الكل عارضونى على القرار دهو بصلى الصلاه كلها و الوحيده اللى بقوم حتى لو منمتش ساعه على بعضها عشان أصلى الفجر يعنى مش مقصرهو بدعى ربنا يوفقنى و يهديهم و يرزقهم فى كل ساجدهأما بقى حكاية النعناع فأنا مش بشرب حاجه من الحجات دى و الحاجه السخنه اللى بشربها كاكاو نسكافيه غير كده مش بستحملو فى ناس كانوا بيقولولى أشربى حلبه عشان بتهدى الأعصاب بس مستحيل الله يمسيهم بالخيرو شكراً جداً لأهتمامك

انا بدات بكلمة اخت وانت بدات بكلمة استاذه

اتمنى لك كل خيييييييييييييييييييييييي يييييييييييييييييير

الاخت طله الامر انا بايد كلامها
.
انا عندى نفس المشكله برده بيعملونى كانى واحد غريب
.
انا تيته وجدوا هما اللى مربيينى(ام وابوا ماما) وكنت مدلع اخر حاجه
.
ومارحتش بيتنا الا لما ابتديت اروح المدرسه وفى الاجازه بروح اعد معاهم
.
عاوز اقولك انى انا بعامل بابا وماما زى اخواتى يعنى اى حاجه يقولواهالى تديقنى بكبر دماخى من نحيتها (واقولهم حاضر(:|)
.
بس بيكون فى حاجات عندهم حق فيها وبعد مع نفسى وحاول اصححها
.
عاوز اقولك يعنى مش اى حاجه يقولواهالك تخليها تاثر فيكى
.
وقوللهم حاضر ونعم

اسراء حبيبتى الموضوع ابسط من كدا بكتير هى مش مشكلة انك عصيبة وصريحة
انتى بتقولى انك فى اولى ثانوى يعنى لسة داخلة على الحياة الجد يعنى الثانوى وتحديد المستقبل ممكن تكونى مشدود وقلقانة من المستقبل
وشايلة همو خصوصا ان باباكى بيقولك من دلوقتى اخت طلعت الاولى والكلام دا انتى لسة قدامك كتير وهتشوفى وتتعلمى اكتر كل ماتكبرى
هتتعلمى وتتغيرى للاحسن طبعا
كل واحد فى الدنيا دى لية طبع والذكاء اننا نفهم اللى قدمنا ونعرف نتعامل معاة من غير ما نتعصب ولا نتنرفز اة فى مواقف بتخليك تتعصبى بجد
بس مش كل حاجة مش عجبانا هنتنرفز ونتعصب كدا اكيد مش هنهدى ابدا والحياة مع اصحابنا والحياة برة البيت غير جوة البيت خالص اصحابنا دول من سننا يعنى فاهمين لغتنا وطريقنا واسلوبنا بس جوة البيت غالبا التعامل بيبقى رسمى شوية وبحساب لانو مع ماما وبابا مش اى حد
بيجى بقا لموضوع الصراحة هى طبعا اجمل صفة فى الانسان الصراحة والوضوح لانها بتتريح وبتوفر كتير بس عارفة اية الاهم الاسلوب اللى تعرضى بية رايك بصراحة يعنى ازى تنقدى حد وتقوليلو رايك بصراحة وتختلفى معاه فى الراى وتلاقية بيبص ليكى نظرة احترام وتقدير على تفكيرك ونظرتك للامور بعمق فهمانى على فكرة انا حاسة انك ذكية جدا وتقدرى تعملى كدا بس دا هيبقى مع الايام مش هقولك حاولى تتفاهمى معة وتهدى نفسك شوية مينفعش دى حاجات احنا بنتعلمها ونكتسبها مع الحياة هى اللى بتعلمنا
تقبلى مرورى

اقتباس:

المشاركة الأصلية كتبت بواسطة parkour2009

الاخت طله الامر انا بايد كلامها

.
انا عندى نفس المشكله برده بيعملونى كانى واحد غريب
.
انا تيته وجدوا هما اللى مربيينى(ام وابوا ماما) وكنت مدلع اخر حاجه
.
ومارحتش بيتنا الا لما ابتديت اروح المدرسه وفى الاجازه بروح اعد معاهم
.
عاوز اقولك انى انا بعامل بابا وماما زى اخواتى يعنى اى حاجه يقولواهالى تديقنى بكبر دماخى من نحيتها (واقولهم حاضر(:|)
.
بس بيكون فى حاجات عندهم حق فيها وبعد مع نفسى وحاول اصححها
.
عاوز اقولك يعنى مش اى حاجه يقولواهالك تخليها تاثر فيكى
.
وقوللهم حاضر ونعم

أنا مش بحب تكبير الدماغ و السلبيه دى مش هطنشهم كده عيب لو فى حاجه هقول غلط ميهمش بقى دى شخصيتى أنا و حره فيها مش عايزه أطلع نسخه زى بابا فى سلبيته و نصب الناس عليه من كتر طيبته الزياده و قال أيه عيزنى أعمل زيهم زمان ده بيقولى جدى لما كان يخدل البيت مكنش بيبقى فى نفس و كل واحد فى أوضطه أيه التفكك ده و الأفكار المتخلفه الرجعيه دى و لا زى ماما عندى و دماغى ناشفه و مليش كلمه على عيالى و بيتهيألى مش غلطانه فى حاجه ولا أيه؟

على فكره يا ساره أنا فى أولى ثانوى بس مش عارفه أصاحب حد قدى أصحابى الأتنين فى تالته كليه و صراح معايا و عمر ما فى حد منهم و كل المحيطين بيا بردو مش بيزعلوا اللى بيزعل بابا لما بقوله كده غلط أو عيب يعنى لما يشتم حد أسكتله أمال هو قالى زمان متشتميش حد قالها ليه ولا هو يقول الحاجه و ميعملهاش و بعدين أيش عرفه أن الشخص ده غلطان و يشتمه و هو مش موجود ربنا يعمل فيه أيه بقى أنا عايزه لما أدعيله ربنا يستجيب بس بالعمايل دى مش هينفع و على فكره عمرى ما أتعصبت إلا إذا لقيت دماغ ناشفه و المسايسه مش نافعه و دى أنا مستنيه رأيك فى كلامى

اقتباس:

المشاركة الأصلية كتبت بواسطة esra2

على فكره يا ساره أنا فى أولى ثانوى بس مش عارفه أصاحب حد قدى أصحابى الأتنين فى تالته كليه و صراح معايا و عمر ما فى حد منهم و كل المحيطين بيا بردو مش بيزعلوا اللى بيزعل بابا لما بقوله كده غلط أو عيب يعنى لما يشتم حد أسكتله أمال هو قالى زمان متشتميش حد قالها ليه ولا هو يقول الحاجه و ميعملهاش و بعدين أيش عرفه أن الشخص ده غلطان و يشتمه و هو مش موجود ربنا يعمل فيه أيه بقى أنا عايزه لما أدعيله ربنا يستجيب بس بالعمايل دى مش هينفع و على فكره عمرى ما أتعصبت إلا إذا لقيت دماغ ناشفه و المسايسه مش نافعه و دى أنا مستنيه رأيك فى كلامى

انا كمان اللى بيديقنى فى بابا وماما ان لما يقولوا على حاجه انت عملتها غلط متعملهاش وهما بيعملوها
.
وبتحصل مشاكل بينى وبينهم بسبب كده ان لما اجى اعمل حاجه وهما يعملوها ويكونوا مزعئنلى عليها
.
بجد حاجه تدايق وبابا مش بيحب اعلى صوتى وانا بكلمه بس غصب عنى والله مش بحب حد يطلعنى غلطان ومش بحب اتظلم

اقتباس:

المشاركة الأصلية كتبت بواسطة esra2

على فكره يا ساره أنا فى أولى ثانوى بس مش عارفه أصاحب حد قدى أصحابى الأتنين فى تالته كليه و صراح معايا و عمر ما فى حد منهم و كل المحيطين بيا بردو مش بيزعلوا اللى بيزعل بابا لما بقوله كده غلط أو عيب يعنى لما يشتم حد أسكتله أمال هو قالى زمان متشتميش حد قالها ليه ولا هو يقول الحاجه و ميعملهاش و بعدين أيش عرفه أن الشخص ده غلطان و يشتمه و هو مش موجود ربنا يعمل فيه أيه بقى أنا عايزه لما أدعيله ربنا يستجيب بس بالعمايل دى مش هينفع و على فكره عمرى ما أتعصبت إلا إذا لقيت دماغ ناشفه و المسايسه مش نافعه و دى أنا مستنيه رأيك فى كلامى

لية يا اسراء ملكيش اصحاب من سنك وكمان اصحابك فى تالتة جامعة بس عارفة دا يثبت ان انتى تفكيرك اكبر من سنك بس لازم تصاحبى مش معنى ان انتى تفكيرك وعقلك اكبر من سنك ان اصحابك دول تافهين ممكن انتى تكونى سرهم ووقت ما يكون حد منهم محتاج نصيحة او راى يجيلك يعنى حاولى تقربى من كل اللى حوليكى بالحب وانا عارفة انك هتقدرى تعملى كدا
بابا بقا قالك مش تشتمى حد علشان دايما اهلنا بيحبو نكون احسن منهم فى كل حاجة اسراء مينفعش نقول لبابا كدا عيب او كدا غلط ممكن باسلوب تانى خالص يخلية بينو وبين نفسو يحاسب على اى حاجة غلطت قوليلو مثلايا بابا انت فى عنية كبير اوى وصورتك مش بحبها تتهزر انت مثلنل اناواخواتى بزعل اوى يا بابا لما تقول كذا اوى تعمل كذا كوليه بكلمين كدا بس تقولى يابابا انت غلط وكدا عيب مينفعش اتعلمى السياسة
وقربى منو هتلاقية بيقرب منك وممكن تكونو اصحاب لان دايما الاب بيميل للبنات اكتر وعلى فكرة ممكن انتى وباباكى تكونو اصحاب اوى ولو لقاكى بتقربى منو هيقرب منك
وبتقولى ان انتى مش بتتعصبى وتتنرفزى غير لما تلاقى دماغ ناشفة وتعبتى من المسايسة معاها يعنى كدا عادى اوى ومفيش مشكلة:)