عايزة حل بسرعه انا قربت اموت من الخنقه

لى تعقيب بسيط على موضوع الاستخارة وهو :
الاستخارة ليست بين امرين محتارة تذهبى لأى منهم لا ليست هكذا
الامر الاخر يجب ان يكون عندك يقين بهذه الصلاة لا استهزاء بقدرها.
وانتى مش هبلة ولاحاجة بس انتى محتاجة ان تقربى من ربنا شوية وعليكى بالدعاء فانه امر يغفل عنه الكثيرون
وبقولك ايه اتقربى من ربنا بصيامك ال4 الايام القادمة من ضمنهم لانهم من السنة عن حبيبك النبى صلى الله عليه وسلم وتذكرى قول حبيبك النبى (لايصيب المسلم من وصب ولا نصب ولاهم ولاغم حتى الشوكة يشاكها الا كفر الله بها من خطاياه)ارايتى هذا الاجر ولكن يجب الصبر والله اذا أحب عبدا ابتله.
ولكى منى جميل الشكر>:D<>:D<

بصي يا قلبي كل اللي قالوه تمام
وخصوصا انك تتكلمي مع خطيبك دا عن تجربه نفس الموضوع بحب انسان واتقدملي انسان تاني خالص واهلي موافقين ورافضين التاني وبجد والله لما اتكلمت معاه وفهمتو انهم غاصبين عليا هومن نفسو جاب الرفض من عندو وانسحب بهدوء من غير اي مشاكل
اما الشخص اللي بحبو اتقدم اكتر من مرة ويترفض بس انا بقول لو لليا نصيب معاه اكيد ربنا هيسهلها وهيوافقو من غير اي حاجه ولسه عايشه عالامل انا وهو
بس واحدة صاحبتي واحد اتقدملها ورفضو وبعد محاولات وكان في مشاكل بين الاهالي اهلها وافقو والله ودلوقتي عندهم بنوته قمرايه زيك كدة بس لسه نونو طبعا يعني متفقديش الامل انا حبيت اقولك علشان تتمسكي بحبك وتشيلي الافكار اللي فدماغك والانتحار والحاجات دي كلها
وصلي صلاة استخارة اكيد مش هتلاقي احسن من ربنا تستشاريه واكيد ربنا عارف حيرتك وهيريحك احسن مني ومن اي حد تاني
واهدي ياقلبي وصلي وادعي ربنا كل صلاة وربنا يعملك الخير والاصلح
والموضوع كلو ياقلبي نصيب فالاول والاخر بس نعمل اللي علينا واللي ربنا عايزو هيكون
بتمنالك كل خير ياااااااااااارب وراحه وسعادة مع اللي بتحبيه:-*

انا عمرى ما هتجوز من غير ما يكون اهلى موافقين بس انى اقول لخطيبى انا خايفه اجرحه وخايفه افضل معاه كدة اظلمه معايه وخايفه ربنا يحاسبنى على كدة لان اكيد ده حرام بس انا والله غصب عنى ويا جماعه انا عايزه حل لللامى بتعمله معايه ده كمان نفسى افهم ليه بتعمل كدة معايه ونفسى اعرف الدنيا فيها ناس مخلصة وصادقه ولا انقرضوا

رجاء ان تهدى وتأخذى الأمور ببساطة ،صدقينى مافيش ام بتكره اى من ابناءه ولكن هى تنظر للامر من وجهة نظرها على ان وجهة نظرها هى الصحيحة ،كما تنظرين انتى كذلك على ان وجهة نظرك هى الصحيحة .
رجاء لا تزعلى منى فى الذى اقوله الان الا وهو :
ان الحب ليس مقياس كافى لنجاح الزواج ،وهل من تحبيه هذا والشخص التى انتى مخطوبة ماهى اساس المقارنة التى قارنتها بينهم هل هى على اساس قول حبيبك النبى صلى الله عليه وسلم (من جاءكم من ترضونه دينا وخلقا فزوجوه الا تفعلوا ففسادا فى الارض كبير)او كما قال النبى
هل هذا حقا هو المقياس ام كان المقياس هو العشق المحرم فى هذه المرحلة.
ولكى منى جميل الشكر>:D<>:D<

فى سؤال

انتى بتسعديها فى البيت ولا طول النهار على النت والنوم

انا لما بلاقى حاجه تتعمل بعملها بس اصلا البيت عندنا اخواتى كلهم متجوزين ومفيش غيرى انا وماما وبابا بس ومفيش حاجه تتعمل اوى بس لما بلاقى حاجه بعملها بس مش دايما

انا مقياسى مكنش الحب والدليل انى بعدت عن اللى بحبه لما اتخطبت بس والله يا ماعه خطيبى رغم انه عنده 28 سنه الا انه مبيعرفش ياخد قرار ابدا وشخصيته ضعيفه لابعد الحدود واى حد بيأثر عليه بسهوله جدا ومبيعرفش يتصرف فى اى موقف فى حياته لدرجه ان مامته بتنقيله لبسه وانا شخصيتى مستقله عن الدنيا كلها وليه رأى فى كل حاجه فى حياتى وعمرى ما هقبل اتجوز واحد الناس كلها تقول انى انا راجل البيت وهو ولا حاجه

عجبا لأمر المؤمن ان امره كله له خير وليس هذا الا للمؤمن ان اصابته سراء شكر فكان خيرا له وان اصابته ضراء صبر فكان خير له.
هذا قول حبيبك النبى صلى الله عليه وسلم.فهل انتى من المقصودين بالحديث اتمنى.
ولكى منى جميل الشكر>:D<>:D<

يابنتي انتي دماغك ايه
سيبيها علي الله واللي ربنا عايزو هيكون وزي ما قال مهيس كلامو صح
ازاى مامتك بتكرهم يابنتي بس هيا اكيد شايفه الصح في حاجات الاهل بيشفوها غيرنا احنا هما بيبصو من جميع الزوايا احنا بنبص من جهه القلب بس
واكيد خايفه عليكي مش اكتر..وعايزة تطمن عليكي حاولي تتكلمي معاه تصاحبيها واتكلمي معاها بالراحه وخليهم يشوفو اللي بتحبيه دا ويتكلمو معاه يمكن نظرتهم تتغير
سايسيها يابنتي وشيلي من دماغك انها بتكرهم وكل الحاجات دي استحملي شويه المهم بس تخلصي الاول من خطيبك وبعدين بعد كدة حلي المشاكل التانيه
ومامتك حاولي تصاحبيها

بصي يا قلبي كل اللي قالوه تمام
وخصوصا انك تتكلمي مع خطيبك دا عن تجربه نفس الموضوع بحب انسان واتقدملي انسان تاني خالص واهلي موافقين ورافضين التاني وبجد والله لما اتكلمت معاه وفهمتو انهم غاصبين عليا هومن نفسو جاب الرفض من عندو وانسحب بهدوء من غير اي مشاكل
اما الشخص اللي بحبو اتقدم اكتر من مرة ويترفض بس انا بقول لو لليا نصيب معاه اكيد ربنا هيسهلها وهيوافقو من غير اي حاجه ولسه عايشه عالامل انا وهو
بس واحدة صاحبتي واحد اتقدملها ورفضو وبعد محاولات وكان في مشاكل بين الاهالي اهلها وافقو والله ودلوقتي عندهم بنوته قمرايه زيك كدة بس لسه نونو طبعا يعني متفقديش الامل انا حبيت اقولك علشان تتمسكي بحبك وتشيلي الافكار اللي فدماغك والانتحار والحاجات دي كلها
وصلي صلاة استخارة اكيد مش هتلاقي احسن من ربنا تستشاريه واكيد ربنا عارف حيرتك وهيريحك احسن مني ومن اي حد تاني
واهدي ياقلبي وصلي وادعي ربنا كل صلاة وربنا يعملك الخير والاصلح
والموضوع كلو ياقلبي نصيب فالاول والاخر بس نعمل اللي علينا واللي ربنا عايزو هيكون
بتمنالك كل خير ياااااااااااارب وراحه وسعادة مع اللي بتحبيه
ميرسى ليكى على ردك بس انتى اتكلمتى مع الانسان التانى وخلتيه ينسحب ولا عملتى ايه ؟