اللى عاوز شرح اى قاعده فى قواعد الانجلش يطلبها

good night my teacher
have a nice time
thanks

Open god write his book on in in
please translate this Sentence My Teacher Amira







فتح الله كتب كتابه على فيفي
ههههههههههههههههههههههه
ولااضحك من الشمال لليمين

سبحان الله
كنت لسه هقولك انت متأكد ان دى جمله اصلا
طيب ياسيدى الف مبروك
لولولولوووووووووولى

طويب
verb to do
do معناها يفعل
فى المضارع بنستخدم do- does(ضَظْ)
وفى الماضى بنستخدم did بمعنى فَعَلَ
طبعا do بتجى مع الضمائر دى
I-we you they
وdoes بتيجى مع الضمائر المفرده اللى هى
he-she-it
اما did بقى فهى الماضى بتاعهم وبتيجى مع كل الضمائر
امثله فى المضارع:
I do my homework
Ahmed does his homework

فى الماضى:
I did my homework
Ahmed did his homework

أشكرك والله يااميرة اسلوبك سلس جدا وبالطريقه دي ان شاء الله هاكون perfect
from the Deepest Bottom of my Heart i thank you forever 'طبعا ما ينفعش اقول i;m thank you لاني بالطريقة دي اكون بنيت الفعل للمجهول بمعنى أنا شٌكرت ولا ايه يا ست الأستاذه معلهش اصل انا ضعيف في الجبر
هههههههههههههههههه
يعني لما تخطر على بالي حاجه كدا يا ريت توضحيهالي
تقبلي تحياتي
لك خالص ودي وتقديري واحترامي

طيب انت كده دخلت فى المبنى للمجهول فى المضارع البسيط
عارف بيتكون من ايه؟
am-is-are+p.p
p.p ده طبعا معناه past participle يعنى التصريف التالت للفعل
يعنى انت عاوز تقول ان انا اخبرت الا افعل او ان افعل كذا
يعنى حد هو اللى اخبرك
يبقى هتقول:
I am told not to play tennis
told دى التصريف التالت من tell يعنى يخبر
معنى الجمله
أُخْبَرت الا العب تنس
او اخبرونى الا العب تنس
ونفس الكلام مع باقى الضمائر
وعرفنا الضمائر اللى بتاخد is اللى هى ضمائر المفرد هو وهى والجمع بياخد are
He is told not to play tennis
we are told not to play tennis
وهكذا
دا اسمه المبنى للمجهول فى المضارع البسيط
بس لازم تكون عارف او حاقظ التصريفات التالته للافعال
لو مش عارفهم اقولهوملك

الله الله الله عليكي يا مبدعه كدا المعلومه دخلت دماغي وان شاء الله مش ح تخرج ولا حتى بالزمر البلدي
بالنسبة لتصريفات الأفعال الحمد لله عارفه بس مش حافظ كل الأفعال وطبعا مع الوقت كل حاجه هتتحفظ ومعاكي هاتعلم
أشكرك يا أميرة على شرحك السلس
تقبلي تحياتي
لك خالص ودي وتقديري واحترامي

المبنى للمجهول فى الماضى البسيط برضو
نفس النظام
ولكن فى اختلاف بسيط
بدلا من am-is-are نستخدم was- were
يعنى المبنى للمجهول فى الماضى البسيط بيتكون من
was/were+p.p
امثله
the fish was eaten
السمكه أُكِلَت
يعنى ماقالش مين اكلها لانه مبنى للمجهول
the dishes were washed
يعنى الاطباق غُسِلَت
انما لو قلت
the dishes washed
يبقى معناها ان الاطباق غسلت نفسها تبقى غلط

والله يا اميرة انا مش عارف اقولك ايه
اسلوبك سلس جدا وبكدا الواحد بيفهم واحدة واحدة
تقبلي تحياتي
لك خالص ودي وفائق احترامي

ميرسى يا حببتى على موضوعك

اقتباس:

---

المشاركة الأصلية كتبت بواسطة ELBRNSISA ESRAA

ميرسى يا حببتى على موضوعك

---

منورانى يانجمه
شكرا ليكى انتى ياقمر