اقتباس:
المشاركة الأصلية كتبت بواسطة A7med elsayed
ههههههههههههه
هى كلها مفأجات اصلا
بس تابع انت بس وشوف
الى بيحب بيعمل
ايه عشان حبيبه
تحياتى ليك استاذذذذ
اقتباس:
المشاركة الأصلية كتبت بواسطة A7med elsayed
ههههههههههههه
هى كلها مفأجات اصلا
بس تابع انت بس وشوف
الى بيحب بيعمل
ايه عشان حبيبه
تحياتى ليك استاذذذذ
اقتباس:
المشاركة الأصلية كتبت بواسطة nourhan_nour
انا بجد الى ميرسى ليكى اوى
على مرورك وردك الجميل ده
وانتظرى الباقى تحياتى ليكى ياقمرايه
الحلقـــــــــــــة التاسعــــــــــــــة
------------------------------------------
شوفنا فى الحلقة التامنة
ازاى عمرو كان هيموت على حبيته ياسمين
بعد ما رجع يحس بقيمتها فى حياته
وبعد ما سمع منها احلى كلام
بس المشكلة اللى هانشوفها دلوقتى
وندخل على الحلقة التاسعة
....................................
الباب بيخبط وبتدخل ...
حبيبه ووالدة ياسمين
في اللحظة اللى كان عمرو ماسك فيها ايد ياسمين وبيبوسها
بتشوف ياسمين بنتها على طول بتسحب ايديها
( ده وقته يا جدعااااااااااان )
بتجرى حبيبه على ياسمين وبتبوسهاوتطمن عليها
وعمرو مركز فى حاجة واحدة بس
فى عيون مامتها اللى مانزلتش من على عمرو من الثانية اللى دخلت فيها الاوضة
عمرو :- ازاي حضرتك عاملة ايه ..!!
والدة ياسمين :- الحمد لله ازيك يا عمرو
ياسمين :- اشكرى عمرو يا ماما لولاه الله واعلم كان ممكن يحصلى ايه ..!!
والدة ياسمين :- اااااااه ... طبعااا ...
الف شكر يا عمرو
عمرو :- بعد الشر عليكى يا ياسمين
ربنا عالم ايه اللى كان ممكن يحصلى لو حصلك حاجة
وبياخد عمرو حبيبه وبيطلع بيها برة وهو بيهزر معاها
والدة ياسمين :- انتى عاملة ايه دلووقتى يا ياسمين
ياسمين :- الحمد لله يا ماما
والدة ياسمين :- انت شوفتى عمرو فين ..؟
ياسمين :- صدفة
والدة ياسمين :- اااااااه صدفة .... طب باباكى على باب المستشفى مستنى وليد
ياسمين :- وده ايه اللى جابه هنا
انا تعبانة يا ماما .. ومش عاوزة اشوفه
والدة ياسمين :- مش عاوزة تشوفيه ولا عشان عمرو هنا
ياسمين :- سكوووووووووووووت
.................................
وبرة كان عمرو بيكلم حودة فى الموبايل
حودة:- وهى عاملة ايه دلوقتى
عمرو :- الحمد لله احسن بكتييييييير
هات الخطيب اكلمه
الخطيب:- اه يا ندل بقى كدا متجيش
عمرو :- حبيييييييبى والله انا نفسى اجرى دلوقتى واجيلك
واحشنى يا خطيب واحشنى اوى
الخطيب :- وانت والله يا عمرو ..
عاملة ايه ياسمين دلوقتى
عمرو :- طيب الحمد لله ان حودة حكالك ..
واكيد انت عازرنى
الخطيب :- اه طبعاانا عارف اللي عندك يا عمرو
عمرو :- انا خلاص شوية كدا اطمن عليها واجيلكو على طوووول
الخطيب :- طب يلا روح اطمن عليها وتعالى بسرعة
.....................................
بيدخل عمرو الاوضة وماسك فى ايده حبيبه
وبيقعد جمب ياسمين على السرير عشان بس يثبت لمامتها ان خلاص ...
مافيش حد ها يفرق ما بينهم تانى ابدا
وفى اللحظة دى
بيدخل والد ياسمين ومعاه وااااحد ( وليد )
وليد :- انت مين ...؟؟!!
( بكل قلة زووووق )
عمرو :- انت اللى ميين ...!!!
ياسمين :- انت ايه ال جابك هناااااااااا ....!!!
وليد :- مش جوزك يا هانم ولا نسيتى
ياسمين :- قصدك طليقى وكل اللى يربطنى بيك هى دى
( وبتشاور على حبيبه )
حبيبه بتعيط وبتجرى على حضن مامتها
والد ياسمين :- خلاص يا ياسمين مش وقته اللى بتقوليه ده
وليد :- انت ايه اللي مقعدك كدا ... اتفضل .. متشكرين لخدماتك
والد ياسمين :- احنا اسفين جدا والله يا استاذ و متشكرين على اللى عملته مع بنتنا...
بيقوم عمرو يقف
وبيقف قداااااااااااااااااااام وليد
وكل واحد بيبص فى عين التاااااااانى
وكأن ما بينهم تار قديم
ياسمين بتقذ الموقف قبل ما يتطور
ياسمين :- عمرو ... عشان خاطرى يا عمرو اتفضل انت دلوقتى وانا هابقى اتصل بيك اطمنك عليا
.......
بيخرج عمرو ... وهو حاسس ان كل الموجودين عارفين حاجة
هو الوحيد اللى ما يعرفهاش
بيروح عند الخطيب وبيقضوا احلى ليلة بيرجعوا فيها كل الذكريات من جديد
وهناك ...
اخد عمرو قرار سريع
صحابه استغربوووه منه اوى اوى
...............................
وده اللى هانعرفه فى الحلقة العاشرة
http://i26.tinypic.com/339iuk4.jpg
دا تاريخ ميلادك ولا أيه ؟؟؟
معلش أصل ساعات بيبقى عندى فضول كدا
المهم عمرو بقى هيروح يتجوزها دا المتوقع ..
اقتباس:
المشاركة الأصلية كتبت بواسطة A7med elsayed
انت منهم حبيب هارت
هههههههههههههه
مش هقولك دى بتاعت ايه:-P:-P
وعلى فكره هنزل الحلقه التانيه كمان شويه
http://i42.tinypic.com/16ghjmf.jpg
الحلقــــــــــــــــــة العاشــــــــــــــــــــ ـرة
-----------------------------------------------
شوفنا فى الحلقة التاسعة
تصرف وليد اللى كان باين عليه نار الغيرة
وازاى كان بيكلم عمرو بكل قلة زووووق
وازاى عمرو اعتبره غريمه اللى فاز بحبيبته فى اول جولة
بس خلاص من هنا ورايح ما فيش استسلام
وده اللى كان باين على عمرو من تصرفاته وكلامه قدام
والدة ياسمين
وقداااام وليد ووالد ياسمين
اخد عمرو قرار مفاجئ
وقرر انه يفاجأ بيه كل اللى يعرفه حتى ياسمين
وخصوصا بعد ما حس عمرو ان فيه حاجة هو ما يعرفهاش
يا ترى ايه هى المفاجاه دى ...
هو ده اللى هانعرفه
( بتتصل ياسمين بعمرو تطمنه وكمان تتأسف على اللى عمله وليد )
..............................................
عمرو :- المهم انت عاملة ايه دلوقتى يا ياسمين ..؟؟
ياسمين :- انا الحمد لله يا عمرو .. مش عارفة من غيرك كان ممكن يجرالى ايه يا عمرو ..؟
عمرو :- بعد الشر عليكى يا روح قلب عمرو
ياسمين :- ...... ايه ...!! عدها تانى كدا
عمرو :- يا روح ونبض وعقل وقلب عمرو
ياسمين :- انا بحبك اوى يا عمرو .. ومش عاوزة ابعد عنك تانى ابدا
عمرو :- وانا استحالة هاسيبك تبعدى عنى تانى ...
وبعدين ده احنا دلوقتى بيجرى فى عروقنا دم واحد ولا نسيتى ..!
ياسمين :- ههههههه ... لا طبعا مانستش
عمرو :- ياسمين ..... انا عاوز اشوفك
ياسمين :- ما ينفعش خالص دلوقتى يا عمرو ... وبعدين عاوز تشوفنى تانى عشان اعمل حادثة تانى
عمرو :- هههههههههههه لا متخافيش هاخلى بالى منك كويس اوى المرة دى
ومش هاخليكى تغيبى عن عينى لحظة واحدة
ياسمين :- بجد ..!!
عمرو :- اصلك ماشوفتيش نفسك وانتى نايمة وكنتى ذى القمر بوش زى الملاك ...
كان نفسى اخطفك من كل عيون الناس
ونعيش انا وانتى وبس
ياسمين :- تعرف ان انا ساعات بحسد نفسى على حبك ده ...
عمرو :- طب تعرفى انتى بقى ان انا ساعات بسال نفسى واقول لما انا بحبك كل الحب ده وانا بعيد عنك ...
طب لما نبقى مع بعض
واصحى من نومى اشوف ابتسامتك اللى بتنسينى كل دنيتى ومش ببقى عاوز اقول غير بحبك ...
ساعتها انا هاحبك قد ايه ...
اكيد حب الدنيا كله مش ممكن يكفيكى
يااااااسمين :- سكوووووت
عمرو :- انا ممكن اضحى باى حاجة فى الدنيا دى حتى عمرى ... اضحى بيه بس اعيش لو ساعة جمبك
ياسمين :-
بحـــــــــــــــــــــــ ــــــــــــــــــــــــب ك
عمرو :- اااااااااااااااااااااااه ...
لو تعرفى الكلمة دى بتعمل فيا ايه وقد ايه حلمت واتنميت تقوليها وتعديها
ياسمين :- بحبــــــــــ . بحبك . ـــــــــــك
عمرو :- بمووووت فيكى ... يا اجمل هدية بعتها القدر ليا
بحبك .. بحبك .. بحبك
ياسمين :- فاكر يا عمرو .. يوم عيد الميلاد
عمرو :- اااه طبعا فاكر... ده كان احلى يوم فى عمرى
ياسمين :- انا كنت كتير اوى بفكر فى اليوم ده وكنت بتمنى انه يرجع تانى .. واعيشه معاك من تانى
عمرو :- يبقى خلاص اشوفك وماتقوليش ماينفعش
ياسمين :- عمرو انت اكتر واحد عارف ان انا بتمنى اشوفك ... بس دلوقتى مش هاينفع ... صدقنى
عمرو :- يبقى خلاص هاشوفك بطريقتى
ياسمين :- وده ازاى بقى ..؟؟!!
عمرو :- لا دى بقى مفاجأة مش هاقولك عليها
ياسمين :- لا قوووول
عمرو :- لا مش هاقول وخليها مفاجاه
.............................................
وبتنتهى المكالمة وياسمين عاوزة تعرف عمرو هايشوفها ازاى وياترى ايه هى المفاجاه اللى شايلها لياسمين
وتانــــــــــــــــــــى يـــــــــــــــــــوم
عمرو :- انا عاوزك تيجى معايا بكرة فى مشوار مهم اوى
حودة :- هانروح فين .؟
عمرو :- هانروح نطلب ايد ياسمين
حودة :- نننننننننننعم ياخويا
عمرو :- مالك استغربت كدا .. ما انت عارف ان ده كان هايحصل هايحصل
حودة :- بس مش بالسرعة دى .. وبعدين انت قولت لحد
عمرو :- لا انت اول واحد يعرف ومفيش حد هايعرف غيرك
انا عاملها مفاجاه حتى ياسمين متعرفش
حودة :- ومش خايف من رد فعل كل الناس دى
عمرو :- لالالا
ومش هاستنى حد يقول تعمل وماتعملش
حودة :- مفيش حد قالك تستنى حد ياعم السوبر جيت
بس المواضيع دى مش بتيجى كدا
عمرو :- اومال بتيجى ازاى ..!! يا عم الخفيف
حودة :- لازم فى الاول تقول لياسمين ...
وتقول لاهلك وبعدين ما تنساش ان ياسمين كانت متجوزة وعندها بنت
اهلك هايوفقوا على كدا
عمرو :- مش هما اللى حرمونى منها زمان ..
وهما سبب كل اللى انا فيه دلوقتى ...
وبعدين خلاص انا قررت والموضوع ده مافهوش نقاش ....
هاتيجــــــــــــــــــــ ى ولا لأ
وطبعا بعد إلحاح عمرو .. وخصوصا ان الخطيب كان مشغول كتير اليومين دول ... وافق حودة
حودة :- ربنا يستر .. والنعمة عارف ان انا نهايتى على ايدك الكريمة دى .... والنبى لتدهانى ابوووسها
...........................................
وفى اليوم الموعود
بيروح عمرو لبيت اهل ياسمين ومن غير اى ميعاد سابق
ضرب البدلة ... وبوكيه الورد
وشد حودة فى رجله
وكان بيتسابق عشان يوصل وهو طاير من الفرحة اللى مش مصدقها..... وكانها حلم وخايف يفووووق قبل مايوصله
ووووو
ووو
هناااااااااااااااااااااك
...........................................
عمرو وحودة بيسلموا على والد ياسمين وبيدخلوا
والد ياسمين :- طبعا يا ابنى احنا بجد اسفين جدا على اللى حصل فى المستشفى ...
( حودة بيغمز عمرو ... هو ايه اللى حصل )
( عمرو بيضربه بكوعه ... اسكت )
عمرو :- لا خلاص يا عمى كأن مفيش حاجة حصلت
انا اللى اسف انى جيت من غير ميعاد
والد ياسمين :- لا يا ابنى انت نورتنا والله ... كفاية اللى عملته مع بنتنا
عمرو :- دي اقل حاجه يا عمي
وفي اللحظة دى بيشوف عمرو ياسمين وهى واقفة وراء الباب
بيروح مبتسم ومدور وشه ....
( وبيغمز عمرو حودة ماتتكلم يابو لسانيين ولا انت جاى تتفرج )
حودة :- بصراحة كدا ياعمى ... انا وعمرو كنا جايين النهاردة عشان نطلب ايد بنت حضرتك ياسمين لاستاذ عمرو
بيبص فى اللحظة دى عمرو لياسمين وهو طاير من الفرحة
وكان الحلم اللى اتمنوه سواء خلاص فاضل خطووووة
ويتحقق
والد ياسمين :- نـــــــــــعم
وووو
ووووووو
وووووووووووو
وووووو
وووو
نكمــــــــــــــــــــــ ــــــــــــــل
فى الحلقة ال 11
http://i43.tinypic.com/20upnck.jpg
الحلقـــــــــــــــــة الحادية عشـــــــــــــــر
------------------------------------------
شوفنا ان خلاص عمرو مبقاش قادر يستنى يوم كمان
وشوفنا المفاجأة اللى حضرها لياسمين
وازاى بدون ميعاد عمرو راح لياسمين يطلب ايدها من والدها
وهناااااااااااااااااك
كان رد فعل والد ياسمين غريب جداااا
وده بعد ماعرف ان عمرو مش جاى ذى ماهو فاكر يدوب يطمن على صحة ياسمين
لا
ده جاى عشان يتقدملها وكمان مرتب كل حاجة ..
وكان رد فعل والد ياسمين مفاجاه غير متوقعة لكل الموجودين
ســـــــــــــــــــــواء
عمرو .......... او ياسمين .......... او حودة
ياسمين
اللى كانت واقفة وراء الباب عاملة ذى الاطفال
بأبتسامتها الجميلة المرسومة على الشفايف
وعيونها اللي كانت من الفرحة منورين
كسوفها اللى كان باين عليها من احمرار خدودها
وعمرو مراقبها من مكانه والفرحة من جواه مش قادر يحوشها..
كل ده راح فى لحظة واحدة .. لحظة ما والد ياسمين فجر المفاجاه بكلمتين
اسف ماعنديش حد للجوااااز
؟؟؟؟؟؟؟؟؟؟؟!!!!!!!!!!!!!!!
كل دى كانت علامات استفهام وتعجب على وش عمرو وحودة
وبيبصوا لبعض وهما مش مصدقين اللى بيسمعوه
حودة من كتر استغرابه بيبتسم وهو مش عارف يقول ايه
عمرو :- ممكن اعرف سبب رفضك يا عمى
والد ياسمين :- اسف انا قولت اللى عندى
عمرو مبقاش قادر ينطق بولا كلمة وكانت الدنيا بتلف من حواليه ومش حاسس بجسمه نهائيا
بيبص على ياسمين
وهو مش شايف السعادة اللى كانت من ثوانى مرسومة على وشها
مش شايف غير دموعها اللى غرقت خدودها
وايدها اللى بتكتم صرختها لحد يسمعها
وعنيها اللى اتملت حزن من بعد الفرحة اللى كانت ملياها
بيقوم عمرو يقف .. بيبص لوالد ياسمين والكلام مش راضى يطلع وكأن فى سكينة منعاه وبتقطعه من جواه
عمرو :- انا مش هاسالك انت ليه بتعمل كدا ... وكأن اللي ما بينى وبينك تحدى او طار...
طيب بلاش انا ....
ليه مش عاوز سعادة بنتك وانت عارف انها مش هاتحس بالسعادة غير وهى معايا .. ليه حرمتونا من بعض طول السنين اللى فاتت وكأنكم بتعاقبونا على حبنا لبعض
ضيعتوا مننا نص عمرنا وكمان عاوزين تسرقوا الحلم اللى كان الحاجة الوحيدة اللى بتصبرنا على العمر اللى ضاع واللى حلمنا نعيش بيه العمر اللى جاى
بيقاطعه حودة وبيحاول يهديه بس خلاص عمرو مش قادر يخبى الكلام اللى جواه ...
وكأنه بركان خامد بقاله سنيين وجيه الوقت اللى هايثور فيه
مش بنتك دى ... مش شايف دموووعها ... زمان غصبتوا عليها تتجوز واحد مش بتحبه ودلوقتى هى لوحدها اللى بتتحمل نتيجة اختياركم.. هى لوحدها ومفيش حد برضه حاسس بنار الظلم اللى جواها ...
زمان ماكنش بايدى حاجة اعملها واستسلمت وسلمت امرى لله وهو لوحده اللى عارف انا عيشت عمرى ازاى بس خلاص دلوقتى انا مش هاسكت ومش هاستسلم ومش هاسيبها ضحية فى ايديكم تانى تلعبوا بيها ذى مانتم عاوزين ...
قرارنا احنا اخدناه ... ومستقبلنا خلاص حددناه ومفيش حد مهما كان وبقولها تانى مهما كان هايقدر يفرق مابينا وسواء وافقتوا او رفضتوا ..
هانكون لبعض ...
وبيمشى عمرو ناحيه الباب وقبل ما يمشى
بيبص عمرو وراه يمكن يشوف ياسمين .. بس للاسف مش شايفها .. سامع صوتها اللى بيقطع قلبه من جواه وهو بيبكى ...
بيبص لوالدها اللى كان باين عليه ملامح الدهشة من الكلام اللى اول مرة يسمعه
بيبصله عمرو وبيقوله
فكر كويس فى الكلام اللى قولته ... لانى مش هاتنازل عنه
وبيخرج عمرو وهو شايف حبيبته بتنكسر من تانى قدام عنيه
بعدها محسش عمرو باللى هو فيه ..
بيخرج عمرو وبيخرج حودة اللى مبقاش عارف حتى ينطق يواسى عمرو ازاى .. كل اللى بيقدر يعمله انه بيبص لعمرو وبيضحك ويسقفله
( هههههههههههههههههههه )( عجبنى الواد ده )
بيتصل حودة بالخطيب عشان يتقابلوا ويحكيلوا اللى حصل
وبيتفقوا انهم يتقابلوا فى الكافيه بتاع زمااان
وهناااااااااااااااااااااا ك
الخطيب :- ها طبعا أقول الف مبروك
حودة :- مبروك .... تصدق ياض انا بدات اشك فيك
اول يوم حطيت رجلك المبروكة فى البلد دى ...
العربية خبطتها... ومن ساعة ما جيت والمصايب عمالة ترف على دماغتنا حتى الموضوع اللي كان ماشى سكينة فى الحلاوة بفقرك الدكر ده باظ
ودلوقتى جى تتنطط ذى الارجوز وبتقول مبروك
انت الغربة غيرتك يا خطيب .!!!
عمرو :- ههههههههه .. والنبى اسكت انا اللي فيا مكفينى
حودة :- يا عم فرفش كده.. ده انت اديت للراجل كلام زمانه فى غيبوبة للسنة اللى جاية
الخطيب :- هو ايه اللى حصل بالضبط
حودة :- تعالى يا فقرى احكيلك
وبعد ما بيعرف الخطيب كل الحكاااية
بيفكر فى فكرة هايعملوها سواء يمكن تنفع ويمكن ماتنفعش
بــــــــــــــــس كــــــــــــــــــل ده
هانشوفه فى الحلقة الجااااااااااية
الحلقة ال 12 من
يوميات عمرو و ياسمين
يوميات ميره اللى مجننانى
والله بجد كنت هعيط خلاص بس كلام حوده ضحنى بجد
ها انا مستنيه بس طمنينى هتتاخر ولا
اه
نسيت اقولك
عمرو عجبنى اوى وجرئ جدا وعسل اوى هو عمرو ده اخوكى اصلو لو اخوكى احجزيهولى حتى لو انا اكبر منه:x:x
متتاخريش عليا الحلقه اللى جايه
تسلمي
علي فكرة قصة جامدة جدا وانا متشوق جدا جدا عشان اعرف كماليتها ياريت بسرعة
اقتباس:
المشاركة الأصلية كتبت بواسطة اسلامى حياتى
لما هتكملى اخر القصه شوفى
هتكونى عوزه عرك تجوزى ولا لاء
ولا هتقولى خاليه انا مش عيزه
ياقمرايه تحياتى ليكى ياحبى
وبجد انتى عسوله اوى ومتابعتك جميله
زايك ياعسولتى انا هنزلك الحلقتين انهرده
وره بعد عشان خاطرك وامبارح نزلت تلات
حلقات كونت عمللكو اوبشن امبارح
تحياتى ليكى ياقمرايه
اقتباس:
المشاركة الأصلية كتبت بواسطة M.GLGL
بجد ميرسى لمرورك الجميل
ده وانك متابع معايه القصه
تحياتى ليك وانا هنزل حلقتين
دلوقتى فى رعايه الله
http://alfaris.net/up/58/alfaris_net_1273828560.jpg
الحلقــــــــــــــة الثانية عشــــــــــــــــــر
------------------------------------------------
افكركم بالحلقة اللي فاتت
شوفنا عمرو ازاى كان قريب من انه يحقق حلمه ويتقدم لياسمين وقد ايه هى كانت سعيدة وطايرة من الفرحة
بس للاسف كل ده ضاع فى اللحظة ال رفضه فيها والد ياسمين
وشوفنا الكلام الجامد اللي قاله عمرو من النار اللي كانت جواااه لوالد ياسمين
...........................................
اتقابل عمرو والخطيب وحودة
وكان عند الخطيب فكرة جديدة هانشوفها النهاردة
الخطيب :- طب اسمعونى بس للاخر
انا هاروحلوا تانى وهاحاول اقعد معاه واقنعه وانتوا بقى عارفينى لما اقنع واحد
( ده ال كان معروف بيه الخطيب ...الاقناع ..)
وهاحاول افهمه انه مايجيش على سعادة بنته وكدا
حودة :- يامغفل طب افرض رفض تانى
الخطيب :- مالكش دعوة انت بس انت كل اللى هاتعمله انك تيجى معايا
حودة :- ياعم الراجل ده لو شاف وشى تانى لو صدفة حتى بعد الكلام اللي عمرو قاله هايجرى ورايا بالجزمة ... عاوزنى اروحله البيت
دى تطير فيها رقبتى يا اسطة
عمرو :- معلش يا حودة عشان خاطرى شوف الخطيب يمكن يقدر يعمل حاجة
حودة :- عليا النعمة انا نهايتى هاتبقى على ايدك ... وصيتك العيال وامهم ...
الخطيب :- ههههههههه ياعم متخافش
حودة :- والله انا ما خايف الا منك انت يا نحس
عمرو :- انا كل اللي قالقنى دلوقتى هى ياسمين اللي موبايلها مقفول
قلقان عليها اوى ...
(( نسيب عمرو ونرررررررروح لياسمين ))
حالة ياسمين كانت وحشة جدا بعد اللي حصل وخصوصا انها كانت لسة تعبانة من الحادثة ..
وتعبت اكتر بعد اللي حصل وهى اللي رفضت انهم يجيبولها دكتور ... وحاولت والدتها انها تهديها بس مفيش فايدة
واللي مزعلها اكتر بنتها حبيبة اللي جدها ضمها لصفه وبقت هى كمان ضد مامتها
حاولت ياسمين تفهم بنتها اللي بيحصل بس هى رافضة مبدا الكلام معاها من البداية ومش عاوزة تسمع منها اى كلمة
وتــــــــــــــــــــانى يــــــــــــــــــوم
عمرو قاعد لوحده بيفكر في اللى بيحصل ده ... قلقان على ياسمين اللى مش بترد عليه ...
وخايف على صحابه اللي دلوقتى هما فى بيت ياسمين .. مستنى يعرف اللى حصل على نار ومش قادر يتلم على اعصابه
فى اللحظة دى بتدخل عليه والدته
والدة عمرو :- مالك يبنى فى ايه !!!! احكيلى يا عمرو ..
عمرو :- مفيش يا ماما والله
والدة عمرو :- على ماما برضه ... والله لتحكيلى
(( وفعلا حكى عمرو لمامته كل حاجة واللي كان رد فعلها ميختلفش كتير عن والد ياسمين ))
والدة عمرو :- يا لهوى يا عمرو انت عاوز تتجوز واحدة كانت متجوزة وكمان عندها بنت ..
ليه يا ابنى كدا مش كان انتهى الموضوع ده من زمان ..!!
( وكأن المطلقة حرام عليها انها تفكر فى الجواز من تانى )
عمرو :- يمكن يكون انتهى بالنسبة ليكم بس بالنسبالى انا عمرى ما نسيته ...
وبعدين مالها ياسمين ايه اللى يعيبها ... عشان كانت متجوزة ... وفيها ايه..!! حراام ...!!!!
والدة عمرو :- لا مش حرام ... بس ليه تظلم نفسك ... ما تتختار اى واحدة تانية .. ووووو .....
عمرو :- اختار اى واحدة تانية وخلاص ... يعنى اى واحدة محترمة بقى مش محترمة ... بتحبنى مش بتحبنى ... هاعيش معاها في سعادة ولا لا ... كل ده مايهمكمش كل اللى يهمكم واحدة تانية وخلاص
والدة عمرو :- يا عمرو يا ابنى يعنى هو اللي خلقها مخلقش غيرها ... وهاتلاقى يا عمرو اللي تحبك وتسعدك
عمرو :- مش وقته يا ماما انا لازم انزل دلوقتى
ونزل عمرو بعد ما زاد همه برفض مامته
وهو لسة بيفكر
يا ترى ايه اللي بيحصل دلوقتى ..؟؟
يا ترى هاييجو يفرحونى ولا يبكونى ..؟؟
يا ترى ياسمين دلوقتى عاملة ايه ...!!
طب حتى لو وافق والد ياسمين انا هاقدر اقنع والدتى ازاى بيها ..؟؟
واسئلة كتير اوى جت فى باله وهو بيمشى ومش عارف على فين رجله مودياه
عمرو :- يا رب اقف جمبى ياااااا رب
بيروح عمرو يقعد على الكافيه المعتاد
وهو لسة بيفكر وايده على الموبايل كل شوية يتصل بياسمين بس للاسف ما فيش اى رد
بيرمى الموبايل على التربيزة بعد ما فقد الامل فى انها ترد عليه
وهو لسة بيفكر فى اصحابه وفى المشكلة اللى حط نفسه وحط اصحابه فيها
.............................................
بيلاقى موبايله بيرن
دى ياسمين وصوتها كمان بيعيط
http://alfaris.net/up/58/alfaris_net_1273828662.jpg
ياسمين :- انا اسفة يا عمرو انا عارفة انى كتير اوى عذبتك معايا وتعبت كتير اوى اوى بسببى بس انا اسفة
عمرو :- من فضلك يا ياسمين بلاش تعيطى ... وفهمينى براحة ايه اللى حصل
( بيقولها عمرو وهو حاطط ايده على قلبه )
ياسمين :- بابا رفض تانى ... ودخل من شوية وعمال يهزق فيا وانا مبقتش صغيرة على كل الكلام ده ... انا تعبت اوى يا عمرو
( بتقولها وهى مش قادرة تاخد نفسها من العياط )
عمرو :- متعيطيش ... مفيش حد هايقدر ياخدك منى .. خلاص احنا هانبقى لبعض حتى لو وقفنا قدام العالم كله .. هانبقى لبعض ولا عمرنا حد هايقدر يفرقنا ابداااا ..
اللى نفسى اعرفه
هو باباكى ليه بيرفض
انا متاكد ان فى حاجة وانتوا مخبينها عليا
انا متاكد طريقة الكلام اللى كانت فى المستشفى ورفض باباكى اللى مالوش اى تفسير ... اكيد ف حاجة
ياسمين :- ساكتة
عمرو :- لو مخبيين عليا حاجة قوليهالى يا ياسمين وريحينى
ياسمين :- عمرو انا لازم اقابلك
.......................................
وبيتفق عمرو وياسمين انهم يتقابلوا وبيقفل معاها وهو بيفكر يا ترى ايه الحاجة اللي ياسمين رافضة انها تقولهالى فى الموبايل ولازم تشوفنى عشان تقولهالى ...
وده اللى قلقه اكتر واكتر
http://alfaris.net/up/58/alfaris_net_1273828718.jpg
وده اللـــــــــــــــــــى هـــــــــــــــــانشوفه فـــــــــــــــــــــــي الحلقــــــــــــــــــة 13
http://alfaris.net/up/58/alfaris_net_1273828250.gif
http://alfaris.net/up/58/alfaris_net_1273867400.jpg
الحلقـــــــــــــة الثالثة عشـــــــــــــــــــر
------------------------------------------------
قفل عمرو مع ياسمين وهو بيفكر فى اصحابه اللي كتير تعبهم معاه
واللى بدأ يحس انهم هما بس اللى بيحسوا بيه وبيقفوا جمبه
كل اللى حواليه بيحاولو يبعدوا مابينه وبين حبيبته
الا اصحابه
............................................
بعد شوية ... بيوصل الخطيب وحودة
وبيحكوله علي اللى حصل
وان الراجل ده مش بيرفض كدا وخلاص ... لالالالا
ده اكيد فيه سبب وانه كان متفاهم جدا معاهم ... وكان بيعتزر عن اللى صدر منه وانهم اعتزروله عن الكلام اللى عمرو قاله
وهو كان مقدر جدا الحالة اللى عمرو كان فيها..
بيحكى عمرو لصحابه اللى حصل .. مع والدته ,.. ومع ياسمين
وانه هو كمان اتاكد ان فى حاجة هو الوحيد اللي ما يعرفهاش
بس خلاص هانت لانه خلاص هايقابل ياسمين
ولما روح عمرو
والد عمرو :- عمرو انا عاوز اتكلم معاك شوية
عمرو :- عارف عاوز تكلمنى فى ايه ...
( وهو بيبص لمامته )
والد عمرو :- طب ده ينفع يا عمرو يعنى بعد صبر السنين دى كلها
ينفع اللي انت عاوز تعمله ده ...!!!
عمرو :- بابا انا عاوز اسالك سؤال واحد بس
انتوا ايه اللى عاوزينه غير سعادتى .. مش كل اللى انتوا عاوزينه انى اعيش مبسوط وسعيد ... انا عمرى ما هاحس بسعادة غير وانا مع ياسمين
والد عمرو :- بيتكلم وبدا صوته يعلى
ليه عاوز تكسر قلب امك وماتفرحهاش بيك .. ليه غاوى تتعبنا
عمرو :- وانتوا ليه مش حاسين بيا ...
ليه عاوزنى اضيع عمرى اللى باقى واكمله من غير فرحة تملى حياتى ...
لو انتو عاوزين كدا ... انا ماقدرش .. دى حياتى وانا اللى اقدر اقرر
وعارف كويس فين مصلحتى وسعادتى انا مبقتش صغير
والد عمرو :- ياريتك كنت صغير يا عمرو ... كنا قولنا مش فاهم حاجة
(( بص عمرو لوالده ووالدته اللى بقت ظاهرة دموعها فى عنيها ))
عمرو :- انا اخدت قرارى خلاص يا بابا ومفيش حد هايقدر يخلينى ارجع فيه
..........عن ازنكم
ودخل عمرو اوضته بدون اى كلام
وكل ما الوقت بيعدى المشاكل والهموم بتكتر اكتر واكتر
مقدرش عمرو ينام طول الليل ... قاعد بيفكر فى اللى بيحصل وياترى اللى بعمله ده صح ولا غلط
.....................................
مسك عمرو الموبايل واتصل بالخطيب
عمرو :- ايوة يا خطيب انا اسف لو اتصلت متاخر كدا
الخطيب :- لا ولا يهمك يا عمرو انا كنت سهران .. خير
حكى عمرو للخطيب اللى حصل مع اهله وازاى هما رافضين تماما اللى عاوزه عمرو
وكانهم مش عاوزين لابنهم انه يعيش سعيد
حاول الخطيب انه يهديه .. وانه يستنى لبكرة لما يقابل ياسمين ويعرف كل حاجة ....
الخطيب :- طب بقولك ايه ... انا معزوم عندك بكرة .... ولا هاتقولى لا
عمرو :- لا طبعا ههههههههههه
انت تشرف بس ليه مرة واحدة كدا
الخطيب :- ملكش دعوة بقى انا هاقدر احللك المشكلة اللى فى البيت دى .. خلاص
عمرو :- خلاص اوكي ......
قدر عمرو انه ينام شوية .. وهو منتظر مقابلة ياسمين بفارغ الصبر
واخيرا جيه الميعاااااااااد
وهناااااااااااااااااك
كانت اجمل لحظة لما عمرو شاف ياسمين بتقرب عليه
وهو بيمدلها ايده يسلم عليها وكأن دى عنده كانت الفرحة اللى ممكن تنسيه كل همومه
عمرو :- ازيك يا ياسمين
ياسمين :- مبقتش عارفة ياعمرو
عمرو :- ششششششش مش عاوزين نكد كدا من اولها صح ولا ايه ..!!!
ياسمين :- بتقولها وهى بتبسم لعمرو ... صح
عمرو :- تعرفى ان دى اول مرة اقابلك ونكون لوحدينا
وتعرفى كمان ان انا اول مرة اعرف انك جميلة اوى اوى كدا
انتى اجمل واحدة انا شوفتها فى حياتى كلها
ياسمين :- بس يا عمرو كفاااية
عمرو :- هو ايه اللى كفاية ... هو انا بشوفك كل يوم ولا ايه ..!!
ياسمين :- اهو انا حاسة ان الناس كلها بتبص علينا وشايفينى كدا وانا مكسوفة ووشى عمال يحمر ...
عمرو :- هههههههههههههههههه
بحبك يا ياسمين
ياسمين :- ساكتـــــــــــة
عمرو :- بحبك ونفسى اقولها باعلى صوووتى واسمع العالم كله
ياسمين :- وانا بموت فيك يا عمرو ومش هاقدر ابعد عنك تانى
عمرو :- ومين قال ان القمر ده حد هاياخده منى
ياسمين :- هههههههه انت بكاش اوى صح
عمرو :- انا بكاش ...... طب استنى
متر .... لو سمحت
المتر :- ايوة يا افندم تأمرنى بحاجة تانية
عمرو :- لا انا عاوز اشهدك بس على حاجة
المتر :- اتفضل يا افندم
( وياسمين عمالة تضرب رجل عمرو من تحت التربيزة )
عمرو :- مش بزمتك المدام زى القمر
المتر :- ههههههه اه طبعا يا افندم ربنا يخلهالك
عمرو :- يارب
ياسمين :- انت مجنون ... ههههههههههه
عمرو:- والله لو الجنان اللى فى الدنيا كله بيبقى كدا .. يبقى انا اجن واحد فى العالم كله .... مجنووون بحبك
ياسمين :- ههههههههه
بحبك اوى يا عمرو
قعد عمرو وياسمين والوقت سرقهم بس ما سرقش حبهم
ونسوا يتكلمو فى الموضوع اللى جيين علشانه
عمرو :- اهو انا كدا مش عاوز اى حاجة تانى من الدنيا ... طول ما انتى جمبى ... وعاوز افضل جمبك على طول ... بس اللى نفسى اعرفه ليه باباكى رفض
ياسمين :- هاقولك يا عمرو بس عشان خاطرى تسامحنى انى خبيت عليك
عمرو :- قولى يا ياسمين
ياسمين :- انا بعد ما اطلقت بحوالى اسبوع او اتنين تعبت ... ولما روحت للدكتور ..
قالى انى حــــــــــــــــــــــام ل
ولما عرف وليد انى حامل جيه عندنا البيت وفضل يتكلم مع بابا كتير
ومكنش عاوز ابنه اللى جى ده انه يتربى بعيد عنه
ولما شافك فى المستشفى وحس باللى ما بينا كان هايتجن اكتر
واكتر
وقال لبابا انى لو فكرت اتجوز هياخد حبيبه منى ويحرمنى منها طول العمر ....
( بدات ياسمين تعيط اثناء كلامها مع عمرو )
وعمرو ساكت بيسمع كل كلمة بتقولها......
عمرو :- كملى
ياسمين :- واللى كان مخلينى ما اقولكش كنت خايفة تبعد عنى لما تعرف
وفضلت كل ليلة ادعى ربنا انه يقرب ما بينا
لحد ما قابلتك يوم الحادثة
ولما نقولنى للمستشفى الدكتور اكتشف انى كنت حامل بس الحادثة كانت جامدة وانا سقطت
بس انا قولت للدكتور انه ميقولش لاى حد عن الموضوع ده
حتى بابا وماما ميعرفوش لحد دلوقتى
لانى خوفت يعرفوا ووليد يعرف ...
ويفكر انى انا اللى نزلته وياخد حبيبة منى ....
بس والله يا عمرو انا كنت هاقولك ... والله يا عمرو كنت هاقولك بس كنت مستنية الفرصة المناسبة ..
لحد ما انت ماجيت البيت وطلبت ايدى ...
وبابا رفض لانه مفكر انى لسة حامل
ساعتها حسيت انك لازم تعرف الحقيقة
وصدقنى يا عمرو والله انا عمرى ما حبيت حد غيرك ولا اتمنيت انى اكون مع حد غيرك ... بس القدر هو اللى دايما بيفرقنا
وعارفة انك هاتسامحنى عشان بتحبنى ... وهاتعزرنى ... وتحس بيا
عمرو بيتنهد وهو بيبص فى عنيها ومش عارف يقولها ايه ..
لاول مرة بيقف لسانه مش عارف ينطق
ياسمين :- عشان خاطرى يا عمرو ماتسبنيش كدا ... اتكلم
عمرو :- عاوزانى اقول ايه ..!!
ياسمين :- عاوزاك تسامحنى عشان انا خبيت عليك بس والله ما كان بايدى .... وكل حاجة كانت غصب عنى
عمرو :- وليه ما قولتليش يا ياسمين ... بتخبى عليا انا
ياسمين :- انا عارفة انى غلطانة بس عارفة انك هاتسامحنى
والنبى يا عمرو وحيات الحب اللى ما بينا تسامحنى
عمرو :- وليه ما قولتيش لاهلك
ياسمين :- كنت خايفة من وليد .... خايفة ياخد منى حبيبة
انا ام يا عمرو .... حط نفسك مكااانى .... انا اكتر واحدة شافت ظلم انت ماشوفتش الايام اللى كنت عايشاها من غيرك ...
انا ماصدقت انك رجعتلى تانى وكنت عارفة انك هاترجعلى لان ربنا عمره ما هايكتب علينا نعيش طول العمر نتعذب
بيمد عمرو ايده وبيمسح دمع عنيها وبيقولها
تتجوزينى يا ياسمين
بتمسك ياسمين ايد عمرو وتبوسها وهى بتقول
ربنا مايحرمنى منك ابدا يارب
وعمرو واخدها فى حضنه أوى
.....................................
بيتفق عمرو وياسمين انهم ينسوا كل المشاكل دى
وان ياسمين تقول لاهلها الحقيقة
وانها ما تحطش وليد فى دماغها .. وهو هايعرف يتصرف معاه.
يا ترى ايه اللى هايحصل ..!!
وياترى بكدا المشاكل اتحلت وانتهت ..!!
طب وليد يا ترى هايعمل ايه بعد ما يعرف اللى حصل ..!!
وايه اللى ها يدور فى بيت عمرو ..!!
http://www.ct-7ob.com/vb/imgcache/2/17157alsh3er.jpg
كل ده هانعرفــــــــــــــــــه فـــــــــــــــــى
الحلقــــــــــــــــــــ ـــــــــــــــــــة ال 14
من
يوميات عمرو وياسمين
http://alfaris.net/up/58/alfaris_net_1273867447.gif
http://alfaris.net/up/58/alfaris_net_1273867447.gif
دى أنا فهمتها يعنى طول ما الحياه موجود فيه أمل موجود
لكن دى بقى
لالالا انا كده خلاص هتجنن
بس صراحه احمد عنده حق ايه الارقام دى كلها
وفى الانتظار
اقتباس:
المشاركة الأصلية كتبت بواسطة A7med elsayed
كويس انك فهمت حاجه
عقبال ماتفهم التانيه
يارب:-P:-P:-P
مش هقولك بردو
اقتباس:
المشاركة الأصلية كتبت بواسطة اسلامى حياتى
سومه حبيبتى الى منورانى كل يوم
بمتابعتها الجميله حبيبتى واللحتى انتى ياسومه
مش فهماها فكرى فيها شويه
عشنا لو قولتها هو هيعرف
اصلا هو عندو فضول
وانا بموت فى الناس الى
كده ومقولهمش على حاجه
ميرسى ليكى ياقمرايتى
وانا هنزلك الحلقتين دلوقتى
الحلقــــــــــــة الرابعة عشـــــــــــــــــر
-------------------------------------------
ولما روح عمرو ... بيتصل بياسمين ... يطمنها ويحكيلها اللى حصل
وبعد ما حكلها
......................................
ياسمين :- بحبك ... بحـــــبك ... بحبك وبموت فيك ومقدرش استغنى عنك لحظة واحدة .
ولو حياتى كلها ثانية .. اتمنى اعيشها معاك وفى حضنك ... بموت فيك يا عمرو ..
.. بـــــــــحبك ..
عمرو :- هههههههههههههههه
كل ده عشانى انا
ياسمين : طبعا كل ده عشانك انت واكتر كمان ...
عمرو :- يبقى خلاص كدا كل حاجة اتحلت ومفيش اى حاجة ... تخليكى تأجلى ...
عشان انا ممكن اطير دلوقتى .. واجى اخطفك
ياسمين :- هههههههههههههه
ماشى تعالى يلا... بس الاول انا مستنية .. باسم عشان ييجى يكلم معايا حبيبة ...
عمرو :- تانى حبيبة ... اجبلك الواد الخطيب يقنعها
والله صحابى دول تعبو معايا اوى اوى
ياسمين :- ربنا يخليهم ليك.. متقولش كدا عشان الحسد
عمرو :- ههههههههههههه
انتى عارفة انا نفسى الوقت يجرى يجرى ... واشوفك واقفة قدامى
واخدك الف بيكى الدنيا دى كلها ... وننسى كل اللى فات من عمرنا
ياسمين :- طب كفاية بقى عشان كدا انا اللى ها اجى اخطفك
........................................
بيتفق عمرو وياسمين ان خلاص مفيش اى حاجة تانية ممكن تقف فى طريق سعادتهم .... وفرحتهم
عمل عمرو اللى عليه والواجب دلوقتى انه يعمل احلى واجب لصحابه اللى طول العمر وقفوا جمبه ومفيش يوم اتخلوو عنه
اتفقوا انهم يرجعوا لايام زمان من تانى
خرجوا يتمشو على الكورنيش ... والضحكة مش بتفارقهم
بيفتكروا ايام زمان لما شاف عمرو ياسمين اول مرة .. وحاول انه يكلمها .. وقد ايه تعبوا معاه من يوم ما حبها لحد دلوقتى
وفى لحظة بينقلب حال الكل بمكالمة واحدة لعمرو ...
وكأن سعادتهم بقت متوقفة على عمرو
يفرح ......يفرحوووووا
يحزن .....يحزنوووووا
بيستأذن عمرو وبيقف على جمب وهو بيتكلم بكل هدوء
بس ياترى ليه ياسمين بتعيط ... ؟؟!!!
وليه الدموع دى كلها بعد ما كانت اسعد واحدة فى الدنيا..؟؟!!
بتتكلم ياسمين .. وكانها عايشة لوحدها ..
وانها هى لوحدها اللى تقدر تكمل أو توقف ... تقبل اوترفض
وفجــــــــــــــــــــــ ـــــــــــــــــأة
بيسمعوا صوت عمرو اللى بداء كل الناس يسمعوه وهو بيقول
عمرو :- حرام عليكى عاوزانى اعمل ايه تانى اكتر من اللى بعمله عشانك ... بجد حرام عليكى ...
انا ضيعت كل حاجة عشانك ... خاطرت بكل حاجة عشانك
محبتش حد غيرك ... ماتمنتش حد غيرك ....
والمشكلة ان مفيش حد بيجرحنى غيرك ... مفيش حد بيخلينى اكره دنيتى وحياتى وايامى غيرك ...
مفيش حد بيظلمنى قد ما انتى بتظلمينى ...
الايام بقيت بكرها وبحبها عشانك ..
مبقتش فاهم ليه انا بعمل كل ده ... عشان بحبك ....
لو بايدى هاشيل حبك بايدى من قلبى ... بس مش قادر
ياسمين :- كفاية يا عمرو انا ما استهلش كل ده منك ... انا مش بايدى حاجة يا عمرو ... عشان تقولى كل الكلام ده ...
بتقول انت اتظلمت ... وانا ايه ما اتظلمتش !!!...
ما عشتش عمرى مع واحد انت ما طقتش انك تقف معاه ثوانى...
كل يوم كنت بتعذب وانا بعيدة عنك ... كل يوم كنت بنام وانا دموعى على خدودى ... دموعى يا عمرو اللى وعدتنى انها ما تنزلش طول ما انا وياك ...
واللى برده ما عرفتش غيرها يا عمرو بسببك ....
انا استحملت كتير اوى يا عمرو ... وصبرت لانى كنت عارفة قد ايه انا وانت كنا بنحب بعض وعيشت عمرى كله على امل اننا نكمل مع بعض ...
وعمرى ما اتخيلت انك تقول كدا ... وانك انت كمان تظلمنى بالشكل ده
( مش بتقدر ياسمين تكمل وبتنهار من العياط ... )
دى بنتى يا عمرو ... فاهم يعنى ايه بنتى يا عمرو .... يعنى مقدرش ابعد عنها ... ذى ما انا مش قادرة ابعد عنك ...
عمرو :- يعنى ايه ها نضيع..!!!!!!
طب كل اللى عملناه ... !!!!!!
هنضيع حلم حلمنا انه يتحقق واحنا سواء.... ولا الحلم طلع وهم ... وصحينا منه على الفراق يا ياسمين
معقـــــــــــول هنتفــــــارق تانــــــــى
ياسمين :- حرام عليك يا عمرو ما تعذبنيش اكتر من كدا
عمرو :- مش ها اعذبك يا ياسمين ... بس اظاهر ان القدر هو القدر ... وانه مش مكتوبلنا نبقى لبعض ...
وان الفراق هو الحاجة الوحيدة اللى بقيالنا فى حياتنا.....
اسف يا ياسمين لو كنت جرحتك او ظلمتك
اسف لو كنت عذبتك معايا
بجد اسف يا ياسمين على كل لحظة خليت دموعك تنزل فيها عشانى ...
اسف على كل لحظة ضيعتيها من عمرك وانتى ندمانة عليا
بس اعرفى ..
انى عمرى ما حبيت حد غيرك ولا اتمنيت حد غيرك ...
ولو ربنا كاتبلى اعيش مع واحدة غيرك ... مش ها اقدر اعترض ...
بس اوعدك ..
انى ها افضل فاكرك اللى باقى من عمرى
بحبك وياريتنى ما بحبك
سلام يا ياسمين
........................................
بيقفل عمرو السكة ودموعه ماليه عنيه بيقول لصحابه وهو بيبتسم من كتر الالم اللى مش قادر يستحمله او يخبيه
خلااااص .... خلاااااص
بيفهموا اصحابه كل حاجة ... من غير ما يتكلم وخصوصا بعد الكلام اللى سمعوه منه
كل اللى بيقدر يقوله عمرو ....
روحونى البيت
مش بيقدروا اصحابه انهم يتكلموا معاه او حتى ينطقوا وكان الكل مش قادر ينطق من الصدمة اللى هما فيها
وفعلا بيروح عمرو البيت ... ودموعه لسة ما فرقتش عيونه
بعد ما شاف كل حاجة حلوة وكل حلم حلمه بيموت قدام عنيه ...
ومافيش اى امل فى انه يرجع يفرح من تانى
وبليل ...
بيقرر عمرو انه يرجع يسافر من تااانى
يمكن ... ينسى ... يمكن ... ينسى
بيتصل باصحابه وهو بيودعهم ... وهما مش مصدقين اللى بيسمعوه
بس خلاص ... مبقاش باقى حاجة لعمرو هنا
.......................................
يا ترى تتوقعوا ايه اللى ممكن يحصل ؟
وياترى فعلا خلاص القدر هايفرقهم تانى؟
ويتحقق كلام الشيخ العراف ...!!
خصوصا بعد ما عمرو رجع من تانى وسافر..!!
ولا فيه احتمال انهم يرجعوا تانى لبعض ..!!
انت / انتى
ايه رايك فى تصرف عمرو ..!!
ايه رايك فى تصرف ياسمين ..!!
عمرو..... ولا ..... ياسمين
.........................................
وبكدااااا تنتهى الحلقة ال 14 من يوميات عمرو وياسمين ...
انتظروووووونااااااااااااا اااا
فى الحلقة القااادمة
(((((((((((((( والحلقة الاخيرة )))))))))))))))))
من يوميات عمرو وياسمين
مش هقؤول رأيى فى عمرو ولا ياسمين غير يوم السبت
لأنى مش هقعد نت غير السبت
http://i26.tinypic.com/339iuk4.jpg
دا إنتى بتحبى تاريخ ميلادك مثلا
ما انا شوف تاريخ ميلادك من صفحتك الشخصيه
اصلى شوفت ملفك الشخصى بعد إذنك طبعا سورى لو مكنتش إستأذنت
مواليد 89
بس بردو مش فاهم !!!!!!!!
ههههههههههههه
انا مش مخلينى اضحك بقى الا فضول احمد
وانا عن نفسى عاجبنى الاتنين يارب يتجمعوا تانى مانا بقى مش اول قصه اتابعها اتصدم فيها ولا ايه يا ميره
اقتباس:
المشاركة الأصلية كتبت بواسطة A7med elsayed
ههههههههههههههههههههههههه هههه
ههههههههههههههههههههه
ههههههههههههه
ههههههه
هههه
ه
يالهوى على الفضول بردو مش هقولك
بس عادى يعنى انك تخش ملفى الشخصى
عيب انك تستأذن ياحماده خاليك متابع بس
هنول الحلقه الاخيره دلوقتى سلاميشن
اقتباس:
المشاركة الأصلية كتبت بواسطة اسلامى حياتى
شوفتنى ياسومه الفضول
عشان كده مش هقوله
هخاليه كده صح ياحبيبتى
هههههههههههههه
استنى الحلقه هنزله دلوقتى ياقمرايه
:-*:-*:-*:-*:-*:-*:-*
http://i47.tinypic.com/o5ok8x.jpg
الحلقــــــــــــــــة الاخيــــــــــــــــرة
من يوميات عمرو وياسمين 2
----------------------------------------------
اليوميات اللى مبقاش عمرو عارف ايه هى اخرتها
يا ترى هو فعلا ظلم نفسه وحياته واهله واصحابه
ولا هو كان بيحاول انه يحافظ على حبه اللى
مش عارفله نهاية .. ولا عارفله طريق
وخصوصا بعد ما خلاص ساب اسكندرية بكل ما فيها
الاهل ... الصحاب .. الحبيبة
لاول مرة بيندم عمرو على كل شئ فات
على عمره .... وحياته ..
على قلبه اللى عذبه كتير وياه
بيندم من كل قلبه على كل حاجة عملها عشانها
وهى ما قدرتهاش ... ولا اهتمت بيها
وكل اللى اهتمت بيه حياتها هى وبنتها
انـــــــــــــــــانيـــ ـــــــــــــــة ....
فعلا انانيه اللى تلاقى كل الحب ده وما تحاولش انها تضحى عشانه
(( وتفضل انها تعيش هى وحبيبها دور الضحية
يبقى اكيد انانية وغبية كمان ))
حال عمرو خلاص اتغير مبقاش لاقى اى سبب يعيش عشانه
باع كل حاجة ورماها وراء ضهره
وقرر انه يعيش لنفسه وبس وقلبه ها يعتبره من النهاردة .. مــــــــــــــــــات
.........................................
بعد ما بيوصل عمرو شغله
بيقابل سامر
وبيحكيله الحكاية من طأطأ لسلامو عليكو
بيحاول سامر انو يهديه ويقف جمبه ويخرجه من اللى فيه
سامر :- ايه يا عم .. انت كمان
طب قولت مش ها تشتغل كام يوم قولنا ماشى
لاكن تفضل نايم ليل ونهار كدا .... لالالالا
قوم يلا يلا ... تعالى نخرج شوية
عمرو :- على فين بس انت يا عم
سامر :- قوووووم ... يلا
هانروح حفلة السمر ..
عمرو :- هانلاقى الشيخ هناك!
سامر :- اكيد
افتكر عمرو فى اللحظة دى كلام الشيخ العراف فى اول مرة قابله
الكلام اللى كان مصدقه وعاش فيه اجمل حلم وكابوس
لبس عمرو ... ونزل مع سامر وطول الطريق مش بيتكلم غير فى ياسمين
عمرو :- انت عارف يا سامر ... انا كل اللى مزعلنى بجد وواجعنى اوى ... انى مش قادر اعيش من غيرها
بعد ما اتعودت على صوتها وضحكتها .. ورجعت ليا من تانى الفرحة اللى معاها وبفرح من قلبى
والضحكة اللى فارقتنى ورجعتلى من تانى معاها
وكأنها يا سامر زى الشمس لما تشرق
الاقى دنيتى كلها نورت وحياتى الاقيها بتضحك واتملت فرحة وسعادة
واول ما تغيب
... حياتى كلها تسود ... وما اشوفش قدامى غير سواد لا ببقى عارف اذا كنت عايش ولا خلاص موت
سامر :- انت بتحبها اوى كد يا عمرو
عمرو :- بحبها ... هههههه
انا حياتى كلها ابتدت فى اول يوم شوفتها جاية عليا من بعيد
اول ما شوفت عنيها ... ضحكتها
حسيت انى بقيت ملك ايديها
عشت احلى ايام حياتى ... وانا معاها
وعشت احلى حلم ... لما حلمت انها بقت ليا
واصعب يوم عيشته يوم ما اتكتبت النهاية
سامر :- مفيش حد عارف ايه اللى ممكن يحصل لسة يا عمرو مين عالم ايه اللى هايحصل بكرة
عمرو :- هايحصل ايه يعنى !!!
خلاص هى اختارت ... وانا المكتوب عليا اتحمل نتيجة اختيارها
سامر :- كلها شوية وهاتقابل الشيخ العراف اللى بيريح قلبك
ولما بيوصل عمرو للشيخ العراف
بيكتشف انه ...... ماااااااات
هنا بيحس عمرو بالندم .. وبيفوق من وهمه اللى كان مصدقه وكلام العراف اللى كان بيريحه ...
وبيستغفر ربنا.... لانه فى يوم صدق ومشى وراء كلام عراف ومنجم ... وهو من جواه كان عارف ان مهما كلامه
كان شبيه بالواقع فهو مش اكتر من مجرد تخاريف راجل كبير
سامر :- ها ... ايه رايك فى الحفلة بقى
عمرو :- لا انا هاتمشى شوية ... وانت لما تخلص ابقى اتصل بيا
..........................................
وقعد عمرو لوحده مع ...... القمر
بيفكر فى كل اللى حصل .. وهو من جواه بيتقطع والدمعة مش بتفارق عينه
ليه يا ياسمين بيتعملى فيا كدا وانتى عارفة انى اكتر واحد فى الدنيا حبيتك ... وانتى الوحيدة اللى اختارها قلبى
ليه الفراق ... وانتى عارفه انك معايا وقلبى معاكى على طول
ليه الفراق وانتى عارفة ان الفراق ده اصعب حاجة على قلبى ...
ليه .. ظلمتينى بحبك !!!!!!!!!!!!!!!!!!!!
ليه والف ليه !!!
بتدور فى بال عمرو
........................................
بيعدى الوقت .. وهو لسة لوحده
شايف حبيبته فى خياله ... بيفتكر كل ذكرى حلوة ما بينهم
بيبص عمرو لفوق وهو من جواه بيدعى
... يا رب سامحنى ورجعنى ليها .. انت عارف انى ما اقدرش اعيش من غيرها
يا رب انت مش بترضى بالظلم ..... ما تخلنيش اعيش بقية عمرى فى عذاب
بعد ما قعد عمرو .. لوحده .. ودعا ربنا .. حس انه استريح كتير
وان ربنا اكيد هايسعده قريب
وبعد شوية ... بيرجع سامر .. وبيتفاجا لما يلاقى عمرو ... اتغير
عمرو :- انا هانزل الشغل من بكرة ...
سامر :- وايه اللى خلاك تغير رايك مرة واحدة كدا... وبعدين ايه الفرحة اللى فى عنيك دى
عمرو :- متاكد ان ربنا هاينصرنا ... ويرجعنا لبعض
سامر :- انت مالك يا حبيبى .. انت سخن
عمرو :- بقولك ايه مش عاوز تريقة ... ابقى عدى عليا الصبح صحينى وانت رايح الشغل
...
وروح عمرو ... وهو شايف القمر وكانه بيبتسمله وبيوعده بوعد غير وعد العراف
........................................
وتااانى يوم ..
صحى عمرو على صوت جرس الباب
عمرو :- ايوة جاى يا زفت ... انت ايه اللى جابك بدرى كدا
واول ما بيفتح عمرو الباب
بيلاقى ياسمين ... واقفة قدامه .. وهى بتبتسمله
ياسمين :- اخر مرة تبعد عنى ... ثانية واحدة ... انت فاهم ولا لا ..؟؟
وبتترمى فى حضنه وهى بتعيط
وبتقوله
بحبك اوى ... انت بقيت كل حاجة فى حياتى
وكل ده عمرو واقف مش مصدق نفسه ...
وكأنه بيحلم
بيرجع عمرو لوراء... وبيسالها
ياسمين اوعى اكون بحلم ...
ياسمين :- لا مش بتحلم ... الا لو كنت غيرت رايك بقى ومش عاوز تتجوزنى
بيحضنهـــــــــــــــــــ ــــــــــــــــــا
عمرو جامد اوى ... وبيلف بيها
وهو بيقولهـــــــــــــــــــ ـــــــــــــــا
بحــــــــ( يا ياسميـــــن )ــــــبك
ياسمين :- ههههههههههه
حزر فزر مين معايا
حودة :- ايه رايك فى المفاجاه دى بقى ..... حلوة صح
الخطيب :- اكيد طبعا حلوة .... وهو فى احلى من كدا
عمرو :- هههههههههههههههههههههه
بيضم عمرو .. الخطيب وحودة بين دراعه وهو بيضحك
انتو كل اللى ليا فى الدنيا دى .... ربنا يخليكم ليا على طول
بيرن موبايل ياسمين ...
ياسمين :- خد يا عمرو كلم ...
عمرو :- وهو مستغرب مين !!؟؟
عمرو :- الوو
حبيبه :- ازيك يا عمو عمرو
عمرو :- هههههههههههه
حبيبه :- الف مبروك يا عمو ... مبروك عليك ماما
عمرو :- ههههههههه ربنا يخليكى يا حبيبه
حبيبة :- خد بالك منها بقى ... حطها فى عنيك
عمرو :- لا متخافيش ... ماما هى عينى اللى بشوف بيها
حبيبه :- خد كلم جدو
والد ياسمين :- ازيك يا عمرو يابنى ...
عمرو :- الحمد لله يا عمى .... ربنا يخليكم ليا كلكم
والد ياسمين :- ... ربنا يسعدكم يا ابنى .... واوعى تزعل منى يا عمرو
خد حماتك ..
والدة ياسمين :- زورونا بقى يا عمرو ...
عمرو :- انا مش عارف اقولكم ايه .... انتو مليتو عليا الدنيا كلها... واكيد مش ها اعرف اردلكم كل ده
والدة ياسمين :- انت تستاهل كل خير يا عمرو
... على دخلة .... باسم ......
انــــــــــــا جيـــــــــــــــــت
ومعايا المأذون ....
الحقوووه بقى ... لانو كان نايم طول الطريق
هههههههههههههههههههه
.......................................
فى نفس اللحظة .. موبايل عمرو بيرن
وكان والده ووالدته ... بيباركوله .. وكأن كل الدنيا كانت مخبية عنه الفرحة ....
والدة عمرو :- انا هاسيبك بس شهر العسل ... بس تيجى انت وعروستك ... تعيشوا هنا معانا .... قولت ايه
عمرو :- ربنا يخليكى ليا يا امى .... انا ما اقدرش ابعد عنكم ابدا
........................................
بييجى المأذون .. وبيشهد باسم وحودة .. على جوازه
من حبيبة قلبه ياسمين ..
اللى ذى ما الدنيا ما فى يوم فرقت ما بينهم سنيين
جمعت ما بينهم فى يوم ...
عشان تكمل فرحتهم وسعادتهم وحبهم
ويعيشوا اللى باقى من عمرهم وهما جمب بعض
......................................
وحاليا عمرو متزوج ياسمين ومعاه ولدين وحبيبه كمان معاهم
وحوده عايش مع مراته حبيبته ومعاه ولد زي ما شوفنا فى القصة ومراته اليومين دولا حامل تانى
اما الخطيب بئا وهو الان مسافر خارج مصر وعلى اتصال دايم بعمرو ومراته وبحوده ومراته .
وهنا بتنتهى يوميات عمرو وياسمين نهائيا ... بكل سعادة وفرحة وحب
*************************************
يا ريت يكون التوبيك عجبكو و بجد أنا كنت فرحانه أوى بالردود بتاعتكم كلكم يا أحلى وأجمل أعضاء فى الدنيا و يا ريت متكونوش زهقتو منى!
ميـــــــــــــــــــــــ ـرسي للجميع
http://i49.tinypic.com/35c31bp.jpg
اشوفكــــــــــــــــــــ ـــــــــــــــــــــــم
علـــــــــــــــــــــــ ـــــــــــــــــــــــي
خيـــــــــــــــــــــــ ـــــــــــــــــــــــر
فــــــــــــــــــــــــ ـــــــــــــــــــــــي
موضوعــــــــــــــــــــ ــــــــــــــــــــــات
جديــــــــــــــــــــــ ــــــــــــــــــــــدة
علي فكره انا مش رومانسيه خالص ودبش في كلامي :D:D:D
بس بجد احلي قصه اريتها :x:x:x:x:x:x
انا كنت متبعاها من الاول وعجبتني اويييييييييييييي
بجد تسلم ايدك
وتقبلي مروري
هههههههههههههههههه
الله الله الله
ايوه كده
مانا بقول بردو
يارب يارب تبقى اسعد انسانه يا ميره وتعيشى فى احلى قصه حب
زى مخليتينى احب الحب كده بس على فكره انا بجد بحييكى عالقصه الروعه دى
لكى منى ارق تحيه
يا اجمل ميره
اقتباس:
المشاركة الأصلية كتبت بواسطة Lovely Dina
ميرسى ليكى ياجميله وعلى متبعتك
الجميل زايك دى ياقمرايه بس كده
بعد متابعتك اكيد بئاتى رومانسيه
تحياتى ليكى ولمرورك الجميل ده ياقمرايه
اقتباس:
المشاركة الأصلية كتبت بواسطة اسلامى حياتى
بجد بجد انا الى كونت بفرح بردودك
الجميل ومتابعتك الاجمل بجد وانا
زعلانه انها خالصت عشان مش هكون
اشوف الردود الجميله دى ياحبى ويارب
انتى كمان تكونى اسعد الناس يارب
ويفرحك يارب ويحميكى ربنا ويعافيكى يارب
تحياتى ليكى ياقمرايه وبجد بجد انا سعيده
بيكى جامد موت انك كونتى متابعانى ياحبى ونتقابل فى قصه جديده
بقى كدا ماشى خلاص مش عايز أعرف بس كل واحد له زنقه
المهم بقى خلينا أقؤلك رأيى :
عمرو:
مش لاقى كلام أقؤله غير إنى عمرى ما أقبل أصاحب حد زى دا
ياسمين :
بنوته رومانسيه وجميله بس لو مفيش غيرها فى الدنيا مقبلش اتجوزها لانها خانت زوجها وبنتها
إزاى تفكر فى حد وزوجها معاها مهما كانت بتحبه وانتى اللى قولتى بالحرف قالتله انا كنت بفكر فيك طول الوقت اللى فات لو فعلا كانت بتحبه كانت تقف قدام باباها وتقوله مش هتجوز غيره مهما يحصل
مفيش حد بيعمل حاجه غصب عنه فى الدنيا
حوده :
واد عنيه زايغه ومحبش اصاحبه
والدة ياسمين :
مش تصرفات أم كبيره وعاقله أبدا
معلش أنا عارف إن كلامى قاسى عليهم شويه بس دى الحقيقه
سيبك إنتى بقى من عمرو وياسمين نيجى بقى لرأيى فى
شخصيه صاحبه القصه:
أقول ولا .........:-/
رقيقه ,
رومانسيه ,
طيبه ,
دمها خفيف ,
ساعات بحس انها عاقله اوى
اسلوبها جميل جدا فى الحوار
كفايه عليها كدا يا تتغر فى نفسها
وفى النهايه بقى
ربنا يحفظك ويحيمكى ويرزقك الزوج الصالح اللى يقدر يساعدك>:D<
اممممممم قولتيلى دى يعنى أيه
http://i26.tinypic.com/339iuk4.jpg
ايوة كدة هى دى النهايات ولا بلاش لو مكنوش اتجوزا
انا كنت اموت دا مفيش قصة فى الرومانسية دى
تحفة احلى قصة واجمل احداث واروع نهاية بجد بجد
تسلم ايدك يا احلى ميرة على القصة دى
حاولى بقى تجيبلنا قصص تانية زى كدة مستنينك يا قمر
دمتى مبدعة ومتميزة
اقتباس:
المشاركة الأصلية كتبت بواسطة A7med elsayed
ميرسى على ردك ياحماده ومتابعتك الجميله
بجد انت انسان جميل وعسول وشخصيه جميله
جدا ربنا يحميك يارب ويخاليلك ماما الى انت بتحبها
اوى وميرسى على وجهات نظرك على الاشخاص بتوع
القصه وميرسى ميرسى بجد على رائيك فيه بجد
وانا بجد بحترم رائيك جدا جدا وانا الحمدالله مش بتغر فى نفسى
ياحماده عشان من تواضع لله رفعه والحمد وبجد انا اسفه على التأخير
فى الرد عشان كونت فى المصيف سورى احمد بجد كونت عيزه اقولك على
حاجه بنزيه للصوره الى انت عيز تعرف دى ايه هى انا معرفش هى عباره
عن ايه بجد بس مش تضحك عليه ها فاهم تحياتى ليك احمد بجد
اقتباس:
المشاركة الأصلية كتبت بواسطة الرومانسية
ميرسى ليكى ياقمرايه
على مرورك الجميل والى
بجد بيسعدنى وانا مبسوته
ان القصه عجبتك ياجميله
تحياتى ليكى ياجميله
ههههه
يعنى كل دا وتطلعى فى الآخر مش عارفه ماشى يا أميره
وعلى فكره أنا كنت هعمل موضوع النهاردا عشان أسأل عليكى
بس تصدقى أنا كنت متأكد إنك فى المصيف
لأنى واثق إنك مش ممكن تغيبى عن الكافيه ولا حبيبك اللى انت بتكتبيله فى مصراوى كافيه " زى ما انتى قولتى "
نبقى نشوف موضوع المصيف دا بعدين ونزل الميه بالحجاب واللى قولنا نفسك شويه ولا أيه ؟؟؟
حمد لله على السلامه
و
ح
ش
ت
ى
الناس اللى فى الكافيه كلهم
اقتباس:
المشاركة الأصلية كتبت بواسطة A7med elsayed
بجد بجد انا مبسوطه بردك ده اوى يا احمد
وسعيده بيك جدا بس عيزه اوضحلك حاجه
انا ماليش حبيب فى الكافيه انتو كلكوحبيبى
الى مقدرش استغنا عنكو وبجد وحشتونى
اوى وحشنى الردود بتعاتكو الجميله اما بنزبه
للمصيف وى الميه الحمدالله بنزل بى الحجاب
وربنا يهدى الجميع وميرسى على سؤالك عليه
ياحماده تحياتى ليك احمد
حلو اهو الواحد يعرف الاولاد بيتكلموا عن البنات ازاى بس خلص على ايه بقى
اقتباس:
المشاركة الأصلية كتبت بواسطة shaza only
ميرسى ليكى ياقمرايه بس كملى بئات القصه
للاخر تحياتى ليكى ياجميله