اسمك:
ايسل التركى
سنك:
22سنه وخمس شهور
ساكنه فين:
فيصل
وظيفتك او كليتك:
ليسانس اداب فلسفه جامعة القاهره
B
كام اخت وكام اخ :
اخت واخين
ساكنه فين :
اهه ايه يا به متركزى معايا منا قولت هههههههه
مكان نشئتك :
فى عابدين للى مش عارف هى منطقه فى وسط القاهره
الاكله الى بتحبيها:
مسقعه بالباشمل حبيبتى:x
بتحبى اعضاء مصراوى كافيه قد ايه:
بحبهم لدرجة انى كل يوم ادخل ابص فى المتواجدين اطمن
عليهم انهم موجودين بكون سعيده على الرغم اننا مش بنكلم
بعض فى المنتدى بس بحس اننا قاعدين مع بعض فعلا
نفسك فى ايه:
نفسى ابقى زى منى الشاذلى مذيعه برنامج العاشره مساءا
عبر عن الكلمات الاتيه
الدنيا :
غرفه كبيره مليئه بالأبواب المغلقه واحنا مش عارفين خلف
الأبواب فى ايه كل واحد فينا بيختار باب يدخل منه وعليه ان يتحمل اختياره
مامتك:
تحسينا كده مولودين فوق روس بعض او القط والفار او ناقر ونقير
على طول مش طيقانى ومستقصدانى حاجه غريبه قوى
الست دى ههههههههه امى صحبتى حبيبتى وهى بركتى
ربنا يخليها ويخلى ليكم امهاتكم يارب
باباك:
حبيب قلبى:x ده صديقى الصدوق استاذى ومعلمى ومثلى
الأعلى
ربنا يحفظه يارب
حبيبك :
اها /:)احنا فينا من كده:">
الحبيب عندى هو الأب والأخ والصديق والحنان والأمان
البحر:
صديقى وكاتم اسرارى ومستمع جيد لى ولكن احذر غدره
مصر:
واحده جميله لابسه جلبيه وقاعده على الارض ومربعه رجلها
بتنرفز عليها كتير واقولها قومى نفضى اللى فى حجرك وارميه على الارض حرام عليكى بقى ريحى نفسك وريحينا
كرسى الاعتراف ته:
يمكن انا رديت مره فيه بس كنت متابعه الاعضاء علشان
بكون حابه اعرفهم كويس وفعلا سولى كرسى الاعتراف
بيقربنا من بعض اكتر مجهودك رائع فيه يا سولى
مصراوى كافيه:
ظهر ليه فى وقت كان صعب قوى وخرجنى من اللى كنت فيه
شغلنى وخلانى اعرف ناس كتير بقوا اصحابى واخواتى
ومصراوى غالى عليه بجد
اكتر حاجه بتحبيها واكتر حاجه بتكرهيها:
بحب الناس الطيبين قوى
الناس اللى قلوبهم سوده وجواهم غل بكرهم قوى
اكتر عضو هنا مدايقك:
محدش يقدر يدايقنى بالصلاة على النبى;)
لا اللى بيدايقنى العضو اللى مش بيحافظ على مشاعر
زمايله
ويدخل يدب الكلام ويجرحهم ويحرجهم ده بدايق منه قوى
اكتر عضوه بتدايقك:
الاموره اللى بتدخل تسجل وتكتب اميلها على الهواء مباشرة وتقول احب التعارف ببقى نفسى تكون قدامى وقتهاX-(
اكتر عضو بتحبى موضوعاته:
يووووووو كتير على فكره منتدانا فى ناس كتير مبدعه وفى كتير قوى بحب مواضيعهم
وبرضه اكتر عضوه بتحبى موضوعاتها:
بالنسبه للبنات بحب اللى اسلوبها فى موضيعها تلقائى
وعفوى وتوصل المعلومه بسرعه تحسيها بتكلمك من قلبها
بيوصلنى الكلام
وفى بردوا كتير عضوات
اكتر عضو و عضوه بيعجبك اسمهم :
ماليش غيرك يارب ــــــ ربى مالى سواك
براكودا ــــــــــــ سكريم
اكتر عضو وعضوه بيعجبك توقيعهم :
البت عفريته تواقعها بتموتنى من الضحك هى وعفريت
وانتى تواقيعك بيعجبنى فيها الرقه والأنوثه وابو اسماءسعيد توقيعه بيعجبنى قوى
اكتر عضو و عضوه بيعجبك ردودهم :
لو ركزتى مع الردود يا بنبون دلوقتى هتلاقى كله تخلى
على ميرسى على التوبيكX-(
بقوا يردوا بجد ويعلقوا على اللى انتى كاتباه ويناقشوا فيه
وملاحظه انهم كتير بيعجبنى ردودهم
لى عوده ياقمر;)
عوده:-O استنى هنا هولعلك فى الكرسى X-(X-(انا تعبت هو فى تانى اوعى تعودى يابت ههههههههههه
عموما هريح انا شويه على بال ماتعودى ياختى بالسلامه:-*:-*:x
