عندك موقف ظريف حصلك او حصل لحد من اصحابك

اقتباس:

---

المشاركة الأصلية كتبت بواسطة حرف مشتعل

دى حاسه سادسه
ولا جرس انذار يويو
ههههههههههه
المهم وقفى الانذار اليومين دى
ورحله سعيده ان شاء الله

---

ههههههههههههههههه
ربي يخليكي يا رب
مرسي على ذوقك

اقتباس:

---

المشاركة الأصلية كتبت بواسطة محسن البدراوى

ايام ثانوى
على السريع كدا
كنا شله مرعبه مكونه من 11 طالب جايبين كل التخت ورصينها جنب بعض فى اخر الفص من ورا وعاملين الركن الخاص بتاعنا وكنا علمى علوم وكانت فيه مدرسه رقيقه قصيره بتديلنا تربيه فنيه
طبعا ً حصتها كنا بنستناها من الاسبوع للاسبوع
كنا مسمينها حصه الفرفشه والتهريج
والمدرسه طبعاً لسه متعينه جديد ولا حول لها ولا قوه وسط طلبه اقل ما اقول عاهات
بس كنا شطار جداً :D:D:D
المهم فى حصه االمدرسه دى كان بيحلالنا المقالب والهرج والمرج وعن فكرا الفصل كان مشترك بنات وولاد
حتى لما كنا بنختار رائد للفصل فى الانتخبات اللى بتتعمل كنا بنعيدها كذا مره والمدرسين بيزهقوا مننا علشان كان عدد البنات قد عدد الاولاد وكنا بنطلع تعادل دايماً
المهم فى يوم من الايام دقينا مسمار فى الكرسى من تحت بتاع المدرسه
دخلت المدرسه السلام عليكم وع السلام
وراحت قاعده
طبعاً قمت ناطه ووقفت
الفصل كلوا قعد يضحك :D:D:D:D
راحت معيطه
وخرجت جرى من الفصل
مين قابلها بره
يا ترى مين
الاستاذ حمدى مدرس التاريخ
وحاصل على كذا بطوله فى البوكس
:Dيا عينى علينا:D:D
المهم فيه ايه اقعدت تحكيلوا على كل اللى حصل معاها من اول السنه
قام دخل الاستاذ حمدى وقفل الباب وراه ؟؟؟؟
وقال ركن الخراب قيام طبعاً بيقصدنا احنا ال 11
وقفنا قال تعالولى بره على السبوره
بقينا نزق فى بعض اخرج يا فلان خرجنى وعاملين اننا مش عارفين نخرج
راح مزعق فينا خرجنا بسرعه
المهم زنقنا كلنا فى ركن قدام البنات وعينك ماتشوف الا النور
عملنا عجينه فى ايدوا وكان بيضرب بقلب يعنى ادين ورجلين وزى ما تيجى
اطحنا بجد طبعا صوتنا كان جايب اللى فى الشارع بره جه المدير والمدرسين افتح يا استاذ حمدى ولا هو هنا
المهم فتحوا الباب واخدونا بره اللى سنه اتكسرة واللى اتفتح حاجبه واللى اطحن على الصح
فى نفس الوقت كنا سامعين اصوات غريبه وحاسين المدرسه هتنهد علينا احنا كنا فى الدور الاول
لقينا الاربع ادوار تحت والعيال بتصرخ وحاله غريبه فى وشوشهم ووشوش المدرسين
احنا اللى انضربنا بقينا مستغربين فيه ايه
اتارى فيه حد لما سمع صراخنا قل لكل الفصول انزلوا بسرعه فى حريقه تحت فى المدرسه
وعلى اثر هذا الخبر نزلوا بيزقوا بعض على السلالم واصيب 33 بنات وولاد وفيهم ناس كانت اصاباتهم خطيره كسور وكدا
وكانت تحقبقات ونيابه وقضينا اسبوع ربنا ميوريه ليكم بقا
المدرس اتوقف سنه واحنا اتفصلنا ثلاث ايام مع حضور ولى الامر
ودومتم
وده اخرت الهزار فى المدرسه والتريقه على المدرسين

---

هههههههههههههه
ياعيني ياعيني ياعيني ع الوله
هههههههههههه
بجد الله يكون ف عونكم
واضح انكم اتشئلطو جامد

اقتباس:

---

المشاركة الأصلية كتبت بواسطة ~eyo~

مرة كنا طالعين رحلة احنا اساسا في العاصمة الرياض وكنا رايحين على الدمام

وخلاص جهزنا حجاتنا ومستعدين ورحنا على المحطة اول ما ركبنا الباص حسيت

احساس بجد غريب قلت لاختي مش عارفة ليه حاسة ان فيه حاجة هتحصل .

حاجة ازاي يعني؟!! حاسة ان الباص هيعطل بالطريق. قالت لي خليكي ساكتةواستمتعي بالرحلة.

رضيت بالامر الواقع وحطيت سماعات الموبايل في وداني وغمضت عيني و بعد شوية وقف الباص

في نص الطريق وكل شوية السواق ينزل يحاول فيه مفيش نزلوا الرجالة يساعدوه مفيش وبما ان مفيش

حل نزلنا كلنامن الباص في وسط الصحراء في نص الليل واحنا سامعين صوت الديابة والكلاب ومش

شايفين اي حاجة والاطفال يجروا من امهاتهم وهما يرجروا وراهم واتحولت بجد الرحلة اللي

كنا بنستناها الى كابوس الواحد نفسو يخلص منو وكل شوية ابص لاختي الاقيها تبصلي وتبتسم

وانا جالي هستريت ضحك غريبة في موقف اغرب صحابي بقى بيقولو لاختي اختك هنجت خلاص .

__ __ __ __ __ __ __ __ __ __ __ __ __ __ __ __ __ __ __ __

في مرة تانية كنا مسافرين من السعودية لمصر دار ما بيني وما بين اخويا نفس الحوار

اللي دار ما بيني وما بين اختي في الرحلة اللي فاتت واختي سمعتنا قالت لي لا الله يخليكي

المرة اللي فاتت كان باص المرة دي طيارة ناوية تودينا لفين ؟!!

المهم توكلنا على الله والحمد الله محصلش حاجة في الوقت ده ولما وصلنا

للقاهرة كان المفروض ناخد مواصلة منها للمحافظة اللي احنا منها والطريق

ما بينهم 4 ساعات يعني حاجة مش سهلة وانا اول ما جينا نركب قلبي يدق بطريقة

رهيبة بس مرضتش اكلم ساعتها مهو مش كل مرة هاخد كلمتين يحبطوني

يعني مشينا ووصلنا لنص الطريق تقريبا وفجأة سمعنا صوت يخرم

طبلة الودن ودخان مشوش الدنيا طلع الكوتش فرقع..!!

ساعتها بردو جالي نفس هستريت الضحك

سبحان الله ..!! زي ما يكون السيناريو بيعيد نفسو و اخواتي

فضلو يضحكو معايا والسواق بيصلنا باستغراب ايه الناس البردة دي..!!

__ __ __ __ __ __ __ __ __ __ __ __ __ __ __ __ __ __ __ __

وانا الوقت مسافرة يوم الحد اللي بعد الجاي اخواتي

كل يوم يجوا يسألوني مش حاسة

بحاجة اقولهم لا يقولو متأكدة..؟!!

ههههههههههههههههههههههههه

دعواتكم بقى في السفرية دي .

.

ربنا يعديها على خير..


الحكاية دي كتبتها قبل كدا في موضوع

الانشاء وعجبت الابلة

مفكراني مألفاها

ههههههههههه

---

هههههههههههه
لا ان شاء الله
هتيجي بالف سلامه ياقمر:-*

اقتباس:

---

المشاركة الأصلية كتبت بواسطة ~eyo~

ايه الموقف ده !!!
مينفعش اقول غير الف سلامة

عليك وعلى اصحابك ^_^

---

الله يسلمك بس بجد كل ما اتفتكر اقول كنا نستاهل
وعن فكرا بعد الموقف ده حالنا اتصلح خالص
مش علشان العلقه بس
علشان كمان اتبهدلنا اوى فى التحقيقات
وكمان فيه كتير ناس ملهاش ذنب اصيبت




عطرتى صفحتى بمرورك
وبقلك تسافرى وترجعى بالف سلامه
وحاولى تستخدمى احساسك العالى فى حاجه تانيه
بلاش من التشاؤم خلى توقعاتك الوحشه جواكى
وتوقعاتك الخير بوحى بيها
دومتى ودام مرورك
لكى منى اطيب الامنيات
وبالتوفيق

فكره جميله جداااااا

والحمد لله ان موفق المدرسه دا مش تطور عن كدا


كان هيبقي فيها كلام تاني ..ربنا سترها الحمد لله

لي عوده لرؤيه الموضوع ...

ارجو تقبل مروري

تحياتي وتقديري...

اقتباس:

---

المشاركة الأصلية كتبت بواسطة قطره ندي

هههههههههههههه
ياعيني ياعيني ياعيني ع الوله
هههههههههههه
بجد الله يكون ف عونكم
واضح انكم اتشئلطو جامد

---

اتشئلطو
ههههههههههههههههه
انتى جبتى اتشئلطو دى منين
ههههههههههههههههه
بس بقلك احنا الصراحه اتشئلطنا جامد

نورتى الصفحه
وفى انتظار مشاركاتك
اللى عندوا اتشئلطو دى اكيد عندو مواقف جامده طحن
ومستنين مواقفك
دومتى ودامت اطلالتك
لكى منى اطيب الامنيات
وبالتوفيق

اقتباس:

---

المشاركة الأصلية كتبت بواسطة البنت الجديده 1

فكره جميله جداااااا

والحمد لله ان موفق المدرسه دا مش تطور عن كدا


كان هيبقي فيها كلام تاني ..ربنا سترها الحمد لله

لي عوده لرؤيه الموضوع ...

ارجو تقبل مروري

تحياتي وتقديري...

---

اكتر من اللى حصل فيه كلام
هههههههههههههههه
بجد نورتى صفحتى المتواضعه
وفى انتظار عودتك
ومواقفك
لكى منى اطيب الامنيات
وبالتوفيق