عرض للطباعة
مش تتأسف يا عمار حتى لو كلامك جامد فهو حقيقه وبجد شكرا لمساعدتك وربنا يقدرنى انى اخرج من اللى انا فيه ده ويهدينى..وطبعا يا عمار احنا اخوات وبجد شكرا ليك ولمتابعتك لمشكلتى.ربنا يوفقك....niemonda wieich ميرسى ليكى وربنا معاكى انتى كمان ويوفقك فعلا مينفعش الواحد يعيش طيب اوى ربنا ما يحطك ف الموقف ده ابدا ان شاءالله..بس بجد عايزه اسألك ع حاجه انتى فعلا قعدتى 3 شهور متعرفيش عنه ولا سمعتى صوته ؟ياريت بجد انا نفسى ابقى كده والله العظيم نفسى قلبى يجمد شويه عليه ..ربنا يهدينا
انا كنت برن عليه رنات كده وهو كمان لكن قعدت 3 شهور معرفش هو عامل ايهاقتباس:
بس بجد عايزه اسألك ع حاجه انتى فعلا قعدتى 3 شهور متعرفيش عنه ولا سمعتى صوته ؟ياريت بجد انا نفسى ابقى كده والله العظيم نفسى قلبى يجمد شويه عليه ..ربنا يهدينا
ولا فكر حتى يكلمني دقيقه واحده بس انا اللي كلمته مرتنين وبعد كده قولت
زي ما هو بيتقل انا لازم اتقل عشان كرامتي عندي مهمه جدا
لكن والله العظيم انا كنت بموت من جوايا ولحد دلوقتي هموت واسمع صوته
بس مش قادره ومش عارفه اعمل ايه لدرجه اني بقيت بعيط في اليوم
يجي ميت مره وحياة ربنا ونفسي اعرف احساسه بيا راح فين !!!!
على العموم ربنا معاكي يا جميل وتقدري تنسيه وتعدي المرحله دي على خير وياريت
تخدي بالك من نفسك وتنسي اي حاجه تانيه:)
انا اسفه على الاطاله
انا تقريبا ف نفس موقفك ده بس الفرق انه هو بقى لغيرى وهى مش زنبها حاجه..صدقينى انا ولا عايزه اتقل عليه حتى صوته مش عايزه اسمعه لو ده مضايقه .انا كل اللى كنت عايزاه منى يبعتلى حتى رساله كل فتره يقولى هو عامل ايه ويطمنى عليه..اخر مره كلمنى قالى اوعدينى ان دموعك متنزلش تانى متنزلش ازاى اذا كان والله العظيم هو اكتر واحد سبب لعياطى ده وهو عارف انى اكتر حاجه هتتعبنى ايه وبيعملها .هو فعلا زى ما عمار قال عايش حياته ونسى اللى كان بيقول انها حب عمره ...انتى كمان متزعليش نفسك وان شاء الله ربنا هيهدينا
يا خسارة علي الدنيا مش عارف أيه اللي بيحصل وأزي حد يلاقي حد يحبه بجد ويتخلي عنه بكل سهوله _معلشي يا بنات أكيد ربنا هيعوضكو بأحسن من اللي راح وهتكونو سعداء في حياتكم الجايه ان شاء الله _قربي لربنا وصلي وأدعي ذي ما قلت قبل كدة انه يعوضك برجل يحبك ويحترمك ويخاف عليكي أكتر من نفسه ولازم بجد تخرجي من اللي أنتي فيه وتعيشي حياتك زي الناس وتضحكي وتتفسحي وتشوفي الدنيا حلوة أزي وتأكدي ان هيجي اليوم اللي تقابلي فيه الانسان اللي يستاهلك ويحبك بجد وميقدرش يعيش من غيرك لحظه واحدة _فأعملي اللي عليكي وسيبك من الاحزان علشان تكوني مستعدة لما يجي فارس الاحلام ويخطفك علي حصانه ويطير بيكي الي دنيا كلها حب وفاء وأخلاص وسعادة لاخر العمر _عايزك تعملي ذي وتكوني قويه وعندك عزيمه وأرادة وتحبي تاني واللي بتحبيه هينسيكي أي حد كان قبله ذي ما أنا ما عملت وخطيبتي بحبها لي خلتني أنسي اي عذاب شفته قبل كدة وبقيت بحب الدنيا وبحب الحياة أكتر من الاول _عارفه لان اللي ينسي الحب حب جديد يملي حياة الواحد من تاني وذي ما قال حبيبي ومطربي المفضل امير الغناء العربي _نسيانك صعب أكيد مالوش غير حل وحيد _أبداء من تاني حياتي وأصادف حب جديد_وأخير قريب أوي هتاصدفي حب جديد يملي حياتك وتكوني أسعد واحدة في الدنيا أنشالله _ابقي طمنينا عليكي _ومتنساش تدعينا علشان نشوف الفارس اللي هيخطفك علي حصانه ويطير بيكي وعايزين نشوفك وأنتي لابسه الفستان الابيض والطرحه ولا أحنا مش قد المقام _عموما أحنا هنكون سعدا لفرحك حتي لو مش عايزة تعزيمنا ومتخفيش هنجيب الأكل معانا _ سلام وربنا يسعدك ويهنيكي يا رب
بضحك طبعا علي موضوع الأكل دا وأصلا أحنا من فرحتنا بيكي هنكون سعداء بيكي وأنتي فرحانه ومبسوطه_
ميرسى ليك يا عمار بجد والله كلامك بيساعدنى كتير.وبجد انا شايفه انك بتساعد ناس كتير هنا بنصيحتك ليهم..وطبعا عارفه انك بتهزر..ربنا يوفقك انت وخطيبتك ويخليكم لبعض..بس هو كده ع فكره لازم يكون واحد حب التانى اكتر وحبه بجد ودى النتيجه.ع العموم ربنا يهدينا وبجد انا هحاول ع قد ما اقدر اخرج نفسى من اللى انا فيه ده عشان حقيقى تعبت وحاسه انى مبقتش فعلا عايشه وبعدت فعلا عن الناس حتى اهلى.ع الاقل اكون زى الاول..ميرسى ليك كتير
شكرا ليكي وربنا بيقدرني أن أقدر أساعد الناس ولو بالنصيحه _أنتي عارفه بأبقي في منتهي السعادة لم أقدر أساعد أي حد محتاج حاجه وبحس اني بابقي أسعد واحد في الدنيا لو قدرت أرسم ولو حتي أبتسامه علي وجوة الناس وبكون سعيد أكتر لما أقدر أمسح دمعه مظلوم _والكلام دا مش شكر في نفسي ولا حاجه لاني حقيقي أنا كدة وربنا يعلم كل حاجه _عارفه ليه لاني أتعذبت كتير في حياتي وأتظلمت كتير فعلشان كدة مبقدرش أشوف حد حزين أو مهموم وأتفرج عليه لأني بتأثر بالناس وبمشاكلهم أوي _عموما مشكلتك خلاص أتحلت ومحدش هيقدر يحلها غيرك ومهما نقول في كلام أنتي اللي هتحلي مشكلتك بأيدك أنتي لاني اللي عايز يداوي جراحه بيداويها بأيدة هو مش بأيد حد تاني خلاص كدة فهمتي أنا عايز أقول أيه _وفي النهايه بأتمني لكي حياة سعيدة مع من يختارة قلبك أومع من تختارة لكي الاقدار _والسلام عليكم ورحمه الله وبركاته
ده شعور طيب منك يا عمار واكيد ربنا هيوفقك ع قد الخير اللى بتعمله للناس.وياريت الناس كلها تفكر كده مش هيبقى اساسا فى ظلم..ويارب فعلا مشكلتى تتحل زى ما بتقول واقدر اكمل واتعود ع حياتى من غيره واقنع نفسى انه خلاص بقى لغيرى.حتى لو مقدرتش انساه بس ع الاقل اعيش زى ما هو عايش حياته ...شكرا ليك
انا بحاول بجد ع قد ما اقدر اعيش حياتى عادى مش هقولكم انى مش بفكر فيه طبعا فى حاجات غصب عنى لازم بفكر فيها..المشكله مش ف كده المشكله بس ف القلق اللى انا فيه.انا حلمت بيه انهارده وحلم صعب لدرجه انى والله العظيم قايمه دموعى ف عينى .بعد الشر عليه يارب من اى سوء .ممكن يكون مجرد حلم بس انا خايفه يكون فيه حاجه .نفسى اكلمه اسمع بس صوته واقفل ومش قادره اعمل كده فكرت اكلم مامته حتى.بس مش عارفه خايفه تحصل حاجه تضايقنى اكتر وانا بجد فيا اللى مكفينى.اعمل ايه ممكن ده يكون مجرد حلم مش كده بس بجد والله انا هموت من القلق عليه مبقتش بعرف اتصرف ولا افكر
للأسف مفيش فايدة في كل الكلام اللي أتقال ليكي _الظاهر أنتي ناويه تعذبي في نفسك علي الفاضي وللاسف محدش حاسيس بيكي _متقوليش غصب عني أحنا كلنا حبينا ذيك ومخدناش اللي حبناة وعيشنا حياتنا نحب تاني ونضحك ونخرج ونعمل كل حاجه أحنا عايزنها _عموما أنت دي نفسك تعذبيها براحتك أو عايزة تذليها أنتي حرة ومحدش هيسأل عليكي لأننا تعبنا خالص من كتر الكلام اللي أحنا قولنا ليكي وبردة مفيش فايدة فيكي _أبقي أسمعي أغنيه حلوة لحبيبتي شرين عبد الوهاب أسم الاغنيه "كنت بقول"من بعد حبيبي الدنيا أزاي تتعاش كنت هايعش طول عمري عشانه وأموت لو لحظه _أسمعي باقي الاغنيه أنتي بقي _سلام يا ?????