عرض للطباعة
ميرسيه اوووووووووى يا حبيبتى
انا الحمد لله يعنى اقتنعت بالكلام ده بس صدقينى يعنى اللى بيحصل انى ساعات كتير ببقى مخنوقة من اللى فى البيت واصحابى وكده وطبعا بفتكر انى لما كان ده بيحصل كنت بلاقى حبيبى جمبى يخفف عنى بس دلوقتى لما ما بلاقيهوش بحس بالم جامد بس يعنى
وبعدين يا حبيبتى ابقى طمنينى عليكى وربنا يعملك اللى فيه الخير يا رب
ازيك يا عمتي بقالك يومين مش بتدخلي يارب يكون خير
ومتزعليش احنا هنا في الكافيه كلنا اخواتك وبنحبك لو حسيتي انك مخنوقه ولا مدايقه احكيلنا وافتحي قلبك لينا
وهي الدنيا كدا محدش مرتاح في حياته ومحدش بيأخد كل حاجه عايزها بس هنعمل ايه اهو بنعيش وخلاص ويوم حلو ويوم وحش هي حياتنا كدة مش بتمشي علي وتيرة واحدة
يلا نصيبنا كدة ومحدش بيختار نصيبه بأيدة انها أرادة الله
بأتمنالك يا حبيبتي السعادة في الدنيا والاخرة ويرزق بأنسان يحبك ويسعدك ويخاف عليكي وتبقي انتي كل حياته ودنيته
اسفه يا حبيبتي للاطاله بس انتي عارفه اني بحبك اوي
اختك فرح ويارب ايامك كلها تبقي ذي اسمي فرح
بصى ناس كتير اوى بتحصل معاهم حاجات زى كده فيه اللى بيقدر ينسى ويعيش حياته وفيه اللى ممكن ميقدرش يتصور ولو لحظه واحده انو مش معاه دلوقتى ولا هيقدر يشوفه بعد كده لكن اللى نسى الحب ده يحمد ربنا واللى مش قادر ينسى يحاول يقرب من ربنا اكتر وكمان انتى حاولى تفهمى نفسك ان البنت اللى اتجوزها دى هى نصيبه مش انتى مهما كان مقدار الحب وانتى اكيد حاسه بالعذاب كل دقيقه وكل ثانيه بس كمان مع العذاب ده مترضيش انها تعيش فى العذاب ده معاه عشان كده لازم تحاولى تنسيه ومن قلبك واللى ربنا كاتبه هو اللى هيحصل وده مش نصيبك يمكن نصيبك هيكون احسن منه وعسى ان تكرهوا شيئا هو خير لكم بصى يابنت الحلال الحب اجمل شئ فى الكون بس لو استخدمناه صح ودلوقتى لازم تنسيه عشان مش تستخدمي الحب غلط وربنا يوفقك فى حياتك يارب وتعيشى احلى عيشه فى الدنيا وتكون من السعداء يااااااااااارب>:D<
ميرسيه جدا ليكى يا فرح يا قمر بس خلاص يا حبيبتى ده كانت فترة فى حياتى وخلاص انتهت الحمد لله
اه هى انتهت بجرح كبير ما اعتقدش ان الايام ممكن تداويه بس الحمد لله ان حبيبى حقق الحاجة اللى كان بيتمناها واتجوز لانى على ما اعتقد ان كان كل اللى بيهمه انه يتجوز وخلاص اما انا ان شاء الله ممكن الايام تقدر تنسينى اكتر حاجة جرحتنى فى الدنيا يا رب ان شاء الله
واكيد ان شاء الله لو حسيت انى مخنوقة هحكيلكم اى حاجة باذن الله
ربنا يسعدك يا قمر وتعيشى فى سعادة فى وسط بابا وماما ان شاء الله
ميرسييه جدا ليك يا عبد الرحمن على ردك بجد انرت موضوعى
انا عارفة انه انا من الناس اللى مش قادرة تنسى وتتخيل ان حبيبها مش معاها بس والله خلاص انا اقنعت نفسى ان مراته ده هى ده نصيبه مش انا ووالله بجد انا بجد بحاول انساه ومن قلبى والله انا ما حاولت من يوم ما اتجوز اكلمه رغم انى هتجنن واسمع صوته واعرف اخباره بس نفسى اخليه ينسانى ويحاول بكل الطرق يسعد الانسانة ده معاه
بجد رغم انه حاول يكلمنى وكنت هموت وارد بس ما قدرتش عشان مراته مش عشانه واما مسحنى من اصدقاؤه على الفيس اتضايقت جدا وبعدين رجعت قولت الحمد لله انه بيحاول ينسانى عشان ما يظلمهاش معاه وفرحت انه فكر فى سعادتها
صدقنى انا مش انانية عشان افكر فى انهم ما يبقوش سعداء بسببى بالعكس ان كل عزائى على جرحى انى هحس انه مبسوط ولو للحظة ومرتاح معاها
سورى على الاطالة وشكرا للنصيحة جزاك الله خيرا