اقتباس:
المشاركة الأصلية كتبت بواسطة ابو تريكه
•°• لمـــاذا •°•
لماذا تعشق الهدوء ... ؟
لانه بيهدى الاعصاب اصلى اعصابى تعبانه :-P:-P
لا بجد بيخلى الواحد متصالح مع نفسه كتير
- لماذا إخترت إسمك المستعار ... ؟
اصلى بعشق ابو تريكه زى الهدوء كده
هههههههههههههههههههه
][@][@][@][@][@][
•°• أيـــن •°•
- أين تقضي كـل وقتك ... ؟
ف اى مكان انا بحاول اعيش كل لحظه ف حياتى
بس طبعا راحتى كلها لما بقعد مع البنات :x:x:-P:-P:-P:-P
- أين تجد راحة البال ... ؟
ف الصدق ف حضن والدتى ف رضاها عليه ف تأديه عملى ع اكمل وجه
- أين تجد نفسك في البيت ... ؟
ف غرفتى الخاصه
اصل فيها كل الكماليات فل ابشن يعنى
اى حاجه موجوده فيها;;);;)
- أين تذهب لو أعطيت إجازة اليوم ... ؟
انا بحب المدرسه اوى بلاقى نفسى فيها
وطبعا الكافيه بدون شك بيخد منى وقت كبير
بس لو اجازه
احب اروح البحر وانزل المياه بس بالليل
][@][@][@][@][@][
•°• مــن •°•
-من تقول له احبك من الأعضاء...؟
كلهم كلهم بالتاكيد بنات وشباب احلى اخوه واخوات :-*:-*
وبعدين ليه الاحراج ده :">:">:">
هو ينفع :-P:-P:-P
- من علمته الرماية فرماك ... ؟
لسه محصلش ويارب ما يحصل :-P
- من يعجبك من أعضاء المنتدى(( عضو واحد فقط )) ... ؟
صعب اوى احدد
اصلهم كتير اوى :-*:-*
دول 3 سنين مش شويه
وبعدين كل الاعضاء جامدين اخر 25 حاجه :-*:-*:-*
- من هو صديقك الصدوق ... ؟
محمود سيف اكتر حد قريب منى
ووالدتى كمان واخواتى البنات
وفى مدرسه صديقه معاها كتير من اسرارى
- من أى شئ تغضب ... ؟
لما بعمل حاجه تغضب ربنا
لما بزعل والدتى
لما حد يعاملنى وحش
][@][@][@][@][@][
•°• مـتـى •°•
-متى تبكي بحرقه ... ؟
لما بشوف حد محتاج مساعده ومقدرش اقدمها له
لما اودع حبيب او صديق وداع اخير
لما احب حد ويطلع ما يستاهلش
- متى تجلس لوحدك ... ؟
لما اكون بكلم حد او حده موب :x:x :">:"> (اكيد)
لما اكون بفكر
غير كده احب الاصحاب والاصدقاء يكونوا معايا
- متى تقول لا ... ؟
لما اكون عايز اقول لا
لما الاقى وضع غلط
لما تبقى اجابه السؤال لا
لما حد يقولى انت متجوز :-P:-P:-P
- متى تكون أناني ... ؟
لله الحمد مش بكون انانى خالص
][@][@][@][@][@][
•°• كيف •°•
- كيف تعيش يومك ... ؟
بصحى 6 اصلى وافطر واروح المدرسه (طبعا يومى ف المدرسه عايز ساعات احكى فيه )
برجع العصر ممكن انام وممكن اقعد ع الجهاز
المغرب بروح شغل بالليل
بخلص 10 وساعتها تبدأ السهره
لو هنتجمع مع بعض بنلعب بلاى ستيشن او فيفا ساعات ميدل او فتوات الشوارع احيانا مصارعه او كراش
مش هقولكم اننا بنقوم لو ف الدراسه 2 صباحا لو اجازه الفجر طبعا
لو قعدت ف البيت بيبقى المنتدى طبعا ومعاه بسمع اغانى او حتى فيلم ( رومانسى)
موضوع القرايه خد منى سنين سواء رومانسى بوليسى
يوم الخميس والجمعه بسهر بره ( لسه مدخلتش القفص بقى :-P)
يوم الاربع والسبت بلعب كوره بالليل
يوم السبت والتلات بلعب بعد المدرسه
قلتلكم
انا بستغل كل دقيقه وبعمل اى حاجه تتوقعوها ولا حتى متتوقعوهاش :D:D:D
- كيف ترى حال الأمة اليوم ... ؟
الحمد لله احسن
بدأنا التغيير ويارب يستمر
لو كل واحد نظف نفسه من جوا وعمل اللى عليه وعرف حقوقه وواجباته
هنرجع الى الصداره والى القياده والرياده
وانا من هنا بنادى وادعو كل مسلم ومسلمه انه يقدم حاجه لدينه
يقدم حاجه تنفعه يوم القيامه يوم لا ينفع مال ولا بنون الا من اتى الله بقلب سليم
- كيف تنظر لمستقبلك ... ؟
المستقبل ف علم الغيب
بس يارب يبقى احسن وافضل ويبقى ف طاعه وتقرب اليك
الحمد لله انا سعيد ومبسوط باللى حققته ونفسى اعمل اكتر
- كيف تنظر للمرأة (( إذا كنت عضو )) ... ؟
هيه الامان والحنان والرحمه والمحبه
هى احلى حاجه ف الدنيا
زى ما بيقولوا الحته التريه ف حياتنا :-P:-P
عناء وتعب اليوم كله بيهون من كلمه رضا نظره حنان ابتسامه موده :-*:-*
المراه نصف المجتمع وهى التى تلد وتربى النصف الاخر
سكن للرجل
لباس للرجل
كما قال القرأن الكريم
- كيف تنظرين للرجل (( إذا كنتِ عضوة )) ... ؟
انا عضو مش عضوه
هههههههههههههه
][@][@][@][@][@][
°• ما •°•
- في عصر العولمة الحالي (( ما رأيك في حب الإنترنت )) ... ؟
من وجهه نظرى
هو ممكن يكون مدخل للحب
اعجاب بالطرف الاخر ولازم يبقى ف مقابله ومواجهه
لان ممكن الانسان يبقى ع النقيض تماما
- يقال أن الحب يمحو جميع العيوب والأخطاء في المحبوب (( ما تعليقك )) ... ؟
هو اكيد الانسان ممكن يسامح ويغفر بس لازم
الطرف الاخر يؤكد الثقه دى بافعاله
وبعدين بترجع للشخص نفسه
ف حاجات ممكن الواحد يعديها وفى حاجات خط احمر
- ما هو سر نجاحك في الحياة ... ؟
رضاء ربى وده اللى بتمناه دايما
دعاء والدتى ربنا يخلهالى
حبى لكل الناس
وده مش دعايه ليه والله ولا غرور
دى الحقيقه بجد
ويارب ابقى عند حسن ظن الجميع
- ما أجمل مافي الحياة في نظرك... ؟
رضاء الله والوالدين
نعمه الاسلام
رسولنا الكريم سيدنا محمد صلى الله عليه وسلم
][@][@][@][@][@][
•°• هل •°•
- هل أنت عاطفي ... ؟
شووووووور
انا مرهف :-P:-P:-P
اكيد كل انسان عنده العاطفه بس ممكن تكون طاغيه شويه ع العقل
بس انا الحمد لله متزن جدا حلوه ( متزن ) دى صح
- هل صدمت بالخيانة من أعز أحبابك ... ؟
مش خيانه لانى كنت عارف النهايه من الاول
بس هنعمل ايه القلب ليه احكامه
- هل أنت فوضوي ... ؟
لا انا بحب النظام اوى ف كتبى وادراجى ومكتبى
اما ف اللبس
بجد معذب والدتى وساعات مرات اخويه
برمى كل حاجه ف ناحيه كمان ممكن تلاقى اى حاجه ف اى مكان
الدولاب مثلا عليه بلاوى وتحت السرير اكياس الشبسى وقشر الفول واللب ههههههههه
- هل كنت صادقاً في كل ما قلتة ... ؟
ايون ايون ايون
بنسبه كبيره اوى
حوالى 3 % ههههههههههههه
لا بجد كنت صادق جدا
ياه اخيرا
طبعا اسئله جامده جدا من عضوه جامده جدا ف منتدى جامد جدا بس خلاص :-P
ميرسى يا دريم ( هو بجد اسمك ايه ;;) ) ع الدعوه
ويارب اكون وفقت ف الاجابات
دمتم بحفظ الرحمن
http://up.masrawycafe.com/upload/ups...45352a425a.gif
ماشى يا مرهف
ههههههههههه اجاباتك جامدة والله
نورتنى
واتمنى انك ما تطنشنى تانى هاااااا؟؟!!:->
تحياتى وكل تقديرى :)
