دعوة للحوار الهادف .. في حب مصر

أولا : الرئيس لو كان عايز يغيركان غير من زمان .. طيب هو بقالو 30 سنة في حكم مصر عمل إيه غير ان كان عميل لأمريكا وهو دا سبب الامان لان عميل فبالتأكيد مافيش حد يقدر يحتل مصر ..

ثانيا : موضوع إنو مش راضي يسيب البلد في الظروف دي مش عشان خايف علينا دا كل عشان يعمل فتنة بين الناس وأكبر دليل إن حاليا طلع مؤيدين للرئيس والمشاكل ازدادت أكثر من أول وبقى في اشتباكات بين المؤيدين والمعارضين رغم ان أغلبية الشعب مش عايزه وطبعا دا واضح جدااااااااا من اعداد المتظاهرين . المؤيدين على حسب ماسمعت 10 الآف . أما المعارضين 8 ملايين .. يعني تقريبا الشعب كله مش عايزه يفهم بقى ويمشي زي ماعمل رئيس تونس ..:(

فعلا انا مع كلامك اوى كمان
هوا الريس عمل ايه لمصر قلولى اى حااااجه عملها ادامو مشاكل كتيره وحتى محاولش يحل مشكله واحده منهم مدير مكتبه جاء فى احدى الحوار على احدى القنوات : انهم بيلخصو للرئيس ال بيحصل فى البلد فى ورقه ولو ذادتت عن الورقه وبقت ورقه ونص بيقلب الدنيا وبعاملنا كلنا زى العساكر والمواطنين كلهم مايفرقوش معاه
والمستشار بتاعو بردو ضده ومعدش ينفع ندى فرصه خلاص كفااااااايه كدا بقا

انا زهق من البلد بجد انا منكرش انى بموت فيها لكن بسبب الفساد ال فيها بسبب الرئيس وحكومته بقيت بكره العيشه فيها
نفسى نتغير ومصر تبقى اقتصادها كبير مش يبقى فى دول مساحتها وامكانيتها متجيش نقطه فى مساحه مصر وامكانيتها واكبر دليل قطر مساحتها اد مساحه محافظه دمياط واقتصادها اكبر مننا مليون مره
وانا طولت اوى بس الكلام ال انا قلته دا مش ال جوايا بس دا بس حاجات صغيره كدا علشان مطولش
ملحوظه بس \متقولوش ان المظاهرات دى يد ومدسوسه والكلام دا الحكايه وما فيها ان مصر فاااااقت
والشباب فاق خلاص وزمن السزاجه خلاص انتهى
وحسبى الله ونعم الوكيل

السلام عليكم ورحمة الله وبركاته شكرا جزيلا للمسؤلين عن الكافييه على كل شيء واخره اتاحة الفرصة لهذا الحوار اعتقد يقينا ان ما فعله هؤلاء الشباب يعد الى لحظة ما انجازا غير مسبوق ولكنى ارى انه كان يكفى ما قام به السيد الرئيس من تعيين نائبا له والاطاحة بحكومة نظيف التى كانت فى اعتقادى سبب مانحن فيه الان لانها كانت حكومة تنظيف جيوب الشعب من اى شيء يعين على الحياة وسدت اذانها عن مطالب الناس وخاصة الغلابة وكانوا دايما يقولوا احنا مع محدودى الدخل وناسيين ان معظم الناس معدومى الدخل ولاول مرة اشوف الناس بتدور فى الزبالة اعزكم الله على حاجة تاكلها منه لله احمد نظيف وان كنت متأكد ان حكومته ضمت عن طريق الخطأ لا القصد قلة من الوزراء الشرفاء لكن تأثيرهم كان محدود ورغم كل ما حدث الا اننى لا أتفق مع من يتمادون فى اهانة رئيس مصر العظيمة بشعبها المعروف بطيبة القلب فكيف أراكم تريدون اخراج واحدا من أبناء مصر بعد أن كان رئيسها ليهان فى الخارج فأنا لا أقبل أبدا باهانة أ ى مصرى خارج أو داخل الوطن فما بالكم برئيس مصر وهو فى هذا العمر أستحلفكم بالله أن تكتفوا بهذا القدر وتكونوا حقا على قدر المسؤلية لحماية مصر أعزها الله وحماها من كل ما يراد بها فلا تكونوا بعد كل ما حققتموه معول هدم بيد من يريدون هدم مصر وخرابها واحفظوا لهذا الرجل ماء وجهه ولا تريقوه اكثر من هذا فالدين يأمرنا بتوقير الكبير وكذلك العفو عند المقدرة واشهد الله اننى لاأنتمى لاأى تيار سياسى أو حزبى ولكننى اتحدث اليكم موقظا فيكم كل القيم التى علمها لنا ديننا الحنيف وهو ما لا يتعارض مع بقية الاديان السماوية فأوصيكم بالقصد وقول كلمة الحق فى الضا والغضب فكفى ما تحقق حتى الان وكفى ما سال من دماء وحافظوا على مصر امنة واتركوا الباب مفتوحا للحوار ولا تنجرفوا وراء كل طامع وحاقد وناكر للجميل وطالب السلطة ممن ارادوا ركوب الموجة والظهور بمظهر ان لهم الفضل فيما حققتموه ويجردوكم من هذا الانجاز واخيرا ادعوكم باسم الدين الذى نهانا عن الخروج على الحاكم وان كان عبدا حبشيا ما دام يقيم فينا الصلاة ولا يشهر بالكفر البواح ودعوا الرجل يكمل مدته الباقية وهى قصيرة عسى الله ان يصلح على يديه فيم بقى ما يفوق تطلعتكم حيث انه لامصلحة له الان الا ان يقوم باعمال تكون له بمثابة ذكرى طيبة عند شعبه فلا تحرموه من هذه الفرصة الاخيرة والقصيرة فى مدتها ليخرج من الحكم بكرامة لان كرامته كرامة لكل المصريين وسنكون فى نظر العلم أجمع مثال للتحضر وليس مثال للانتقام وانتهاز الفرص هداكم الله لما يحبه ويرضاه حفظ مصر وشعبها والسلام عليكم ورحمة الله وبركاتة

[QUOTE=لبنى مصر;778297]اود ان اقول رايى بكل حريه فى هذا المنتدى اولا انا لا انتمى الى اى حزب او حركه فى مصر فانا لا احب مثل هذه الشعارات والاحزاب المزيفه وهذه هى الحقيقه ثانيا انا اقول وبكل صدق ومن قلبى ودون اى نفاق فالوقت الراهن لا يحتاج الى نفاق او رياء انا بحب الريس واحترمه واقدره واقدر تاريخه العظيم وانجازاته ويكفى انه طول مدة خدمته لهذا الوطن كنا نعيش فى امن وامان الذين افتقدناهم فى هذه الايام القليله لماذا تنكرون كل هذا هكلمكم بقى بالعاميه دلوقتى انا معاكم وموافقه ان فى فساد كبير فى اليلد وشباب كتير مش شغاله وناس كتير مش لاقيه تاكل بس ده مش فى مصر بس ده فى كل العالم ده يمكن فى بلاد اكتر مننا وبعدين فجاه كده افتكرتو للريس كل الوحش مفيش حاجه حلوه ابدا عملها فى مصر مفيش خالص يا ناس حرام عليكم ده رمز من رموز مصر فى حد يعمل فى رموزه كده فى حد يفضح ابوه قدام الجيران بالشكل ده ويقطع صوره ويحرقها ويهينه انت مش عارف انك لما بتهين ابوك مش هنقول ايوك انت مش عارف لما بتهين ريسك اللى بيحكم وطنك اللى جنسيته جنسيتك ده بيهينك انت ايه اللى بيحصل ده كلنا عارفين ان قناة الجزيره وانا اسفه انى بذكر اسمها على لسانى لان هى اقل من انا اتكلم عليها قناة الجزيره لو متعرفوش حضراتكم بتمويل صهيونى يعنى بتمويل العدو يعنى تبقى من الاعداء فى حد ممكن يظهر على تليفزيون العدو ويتكلم ويهين كرامة مصر كده الناس كلها بتتفرج علينا حرام عليكم اللى شمتان فينا واللى زعلان علينا واللى فرحان فينا واللى صعبانين عليه احنا مصر الناس تشوفنا كده ده احنا مصر مصر مصر يا اخواننا مش هكتر اكتر من كده فى كلامى بس ده رايى وعلى مسئوليتى انا عندى كلام كتير نفسى اقوله انا عندى كمية غضب لا توصف بس هيجى وقت تانى واقولها حد يرد عليا بقى عاشت مصر وعاش الريس والسلام عليكم ورحمة الله وبركاته[/QUOTE والله انتى قولتى كل اللى عايز اقوله

السلام عليكم ورحمة الله وبركاته مصر عانت كثيرا في عهد مبارك وانت نسيت الفساد الي خرب مجلس الشعب والشورى والمحافظين
حتى الحزب الوطني بقى بؤرة الفساد الي في البلد انا من الاقصر وشايف الي بيحصل في البلد من بيع اراضي لرجال الاعمال وهدم المنازل بتاعت الناس
علشان المستثمر بحجة السياحة
حرام يبقى انت بكرامتك كان انت اعلنت تنحيك عن السلطة ولا الكرسي مغري لدرجة التضحية بالشعب حرام عليكم حكمو ضميرك

كفاية قولت مصر هتخرب من غير مبارك يعني 82 مفيهمش واحد ينفع يبقى رئيس غير مبارك
يبقى رشو علي البلد مبيد وقولو مفيهاش رجالة
حسبي الله ونعم الوكيل

صبرنا ثلاثين عاما ولم تتحرك مشاعره للشباب المصري او الشعب
كفايه حرااااااااااااااااااااااا ااااااااااام

اه يا مصر اااااااااااااااااااااااه يا بلدي
حراااااااااااااام عليكماقتصاد ايه يا ست بصي للسودان الجنيه السوداني بكام مصري بصي على الدول الي طلعت معانا وصلت فين وانت فين
ده حتي اسرائيل زعلانه على مبارك مسالتيش نفسك

اخت ديناره حراااااااااااااااام عليكي انت بتقولي كلام غير صحيح بالمرة بصي للشعب والشباب
بصي لأهلك وناسك انهارده في شاب يلاقي شغل من غير رشوة
ربنا يهديكي وياريت تبصي للصورة كاملة

ونسيت أقول حاجة ان اغلب المؤيدين له بلطجية ووخدين رشاوي يعني تقريبا كدة مصر كلها مش عايزاه . يخلي بقى عند دم ويخرج من البلد بالادب حرام عليه دم الشهداء اللي بيروحوا عشان خاطره . يعني كل الناس اللي في كل مدن مصر مش فارقة معاه ..

بارك الله فيكي حساسة وارجو ان كل مصري يشوف الصورة صح زي الشباب في ميدان التحرير
بس دلوقتي الريس خايف يسيب الحكم احسن يتحاكم والشباب خايف يسيب الميدان احسن يغدر بيه الريس

ايه الحل