الى بنوته الاحلام صدقينى هو مش يستاهلك واوعى ترتبطى بانسان شخصيته ضعيفه امام اهله والا هتحكمى عليكى وعلى عيلتك القادمه بانها تكون خاضعه ليهم فى كل شىءوبالتالى الفشل واحمدى ربنا وابعدى خالص عنه حتى لو قالك نفضل سوا هو مش يستاهل لانك غاليه وتشتاهلى الى يقدرك وعايزه اسالك سؤال مهم اوى هل حسيتى بالامان لما قالك نبعد ؟هل حسيتى بالامان لما قال ان اهله متحكمين بيه ؟ لو محستيش بالامان معاه وانتوا لسه عالبر هتحسى ازاى انه أمانك بعد الزواج الى هو عمر بحاله
اجمل شىء انك تحسى بالامان مع شريكك فلو فقدتى الامان فقدتى الثقه فيه وفقدتى كل الحبال اللى تربط بينكم بصراحه ده رأى
لانى مريت بالموقف ده فى خطوبتى ولذلك فسختها لانى حسيته ضعيف الشخصيه ومش هيتحمل مسئوليه
وحتى لو اتحمل مسؤوليه هيكون مش قدها
ولان مامته متحكمه بيه حسيت انى هتجوز مامته مش هتجوزه هو وبقى يقولى اتحملى ها تب وبعد الجواز هتعمل ليك شخصيه ولا هتبعد عنهم
دى كانت خطوبه ورغم كده فسختها لان الراجل لو معندوش شخصيه انسيه واكيد قل من نظرك ازاى تحترميه بعد كده
المهم كل ما تيجى تفكرى فيه خلى افكارك سلبيه ناحيته واوعى تفكرى ناحيته باى فكره ايجابيه
عشان تنسيه حاولى تشوفى عيوبه هتلاقيكى غصب عنك بتنسيه ومخك مش عايز يفكر بيه ومش هيفتكر ليه الا الحاجات السلبيه وبالتالى ممكن تفكرى بغيره واول ما تحسى انك ممكن تفكرى بغيره او تتقبلى فكره الارتباط بغيره اعرفى انك معتيش بتحبيه وانه اصبح مجرد ذكرى تفتكريه وبس ومشاعرك اصبحت جاهزه لتجربه جديده
