( كوووووووووووووووول كافيه ) ادخل و كله بحسابه .

بسم الله وربنا يسترها
وحاضر بالتفصيل الممل عالله متملوش:->
انا بزبط منبه الموبيل 3 مرات يعنى بيرن 3 مرات كل عشر دقايق المهم زبطه على الساعه 7,5 الصبح والمنبهه رن وانا كالعادة طفيته ونمت وماما ندهت عليا قالتلى يلا عشان تروحى التدريب
المهم صحيت ودخلت اتوضيت وصليت الصبح
وبعد كدة خدت نسكافيه اكسر باير:-P
عشان اصحصح كدة وبعد كدة لبست ونزلت من البيت كانت الساعه 9 الصبح ورحت التدريب بصوا انا اصلا
بدرس خدمه اجتماعيه وانا فى تالته دلوقتى وبدرب يومين فى الاسبوع فى مدرسه ابتدائى
المهم رحت المدرسه كانت 9,10 المفرووض اكون فى المدرسه 9 بالضبط اتاخرت عشر دقايق ثبتها بكلمتين
وبعد كدة شفت اصحابى اللى بيدربوا معايا
معايه 4 اولاد وبنتين وانا التالته بتاعتهم
الاستاذة المسؤله عننا حبت تدبسنا فى شغل بس على مين خلعنا منها ههههه
بس بردة ادبسنا وطلعت حصه احتياطى
ل 3 ابتدائى المهم انا لقيت الفصل كانوا العيال مكتئبين كان المدرس اللى فى الحصه الى قبلها كان بيذعقلهم فقلت افك على العيال شويه
طلعت المواهب المكبوته
خليتهم يغنوا وبعد كدة لعبت معاهم شويه
فقلت ايه بقى العيال لسه مكبوتين لازم يفكوا
هقلكم عملت بس اللى هيتريئ :-P
طلعت الموبيل بتاعى وشغلت اغانى وخليت العيال ترقص ههههههههههههه
امال ايه دة انا هبقى معلمه فاضله هههههههههه
واحنا الفصل حصلت كابسه لقيت حد بيخبط
قلت للعيال كل واحد مكانه دخل مدرس الفصل
فقالى بتعملى ايه ابدا دول انا مش عارفه انت مستحملهم ازاى دول روشونى هههههه
فقالى خدى الكتاب دة وقريهم لتله طبعا طبعا اخليهم يعملوا حاجه مفيدة
الراجل مشى من هنا وانا شغلت الاغانى هههههه
وبس
نزلت من الحصه
فقولولى زميلى تاكلى قلتلهم ماشى فطلبوا دلجرى
انا شاكك انه واد من بتوع توصيل الطلبات للمنازل
عقبال اما الاكل يجى قعدنا نهزر شويه ونضحك مع بعض
الاكل وصل وهتقولولى اكل ايه احنا طلبنا حاجات كتير شاورمه وكشرى وبرجر وطبعا كنز
المهم اكلنا وانا بقى عملت ايه زميلى اسمه احمد على اسمك يا زيرو وزيك كدة بيحب المقالب كان هوة بياكل كشرى وجاله تليفون فقام رد وانا دلقت كل الشطه اللى كانت موجودة فى العلبه بتاعته ومحدش خد باله المهم هوة دخل وكل هههههههه
وعينك متشوف الا نور طبعا عملت عبيطه
فى ايه يا احمد قالى شطه مين حطلى شطه وقال مش واكل قلتله ونعمه الرجاله كل يا واد
المهم كل غصب عنه الراجل وطبعا انا فضلت اقولهم مين الى عمل كدة حرام عليكم ههههه
وخلصنا اكل وقولتله طبعا ان انا ومن اعمالكم
وقعدنا كلنا قدام اوضه الاخصائيه وجبنا لب والكنز كاننا رايحين رحله هههههههههه
ومشغلين اغانى على الموبيل وعمالين نقول فى فوازير ونكت لحد ما كلنا هيسنا جهه مدير المدرسه فقالنا انتوا بتعملوا ايه قالناله تعالى وادناله لب وكنز وزبطناة وقولناله كام نكته
وبعد كدة حبينا نخلع من المدرسه نخلع ازاى قالنالها احنا رايحين نجيب الملازم الملازم هتخلص فقالت لنا طب روحوا وطبعا روحنا
جيت البت على الساعه 1 ظهرا اتفرج على التلفزيون لحد الساعه 4 وبعد كدة اتغديت بقت الساعه 5 صليت المغرب ونمت لحد الساعه 9 وصحيت صيت العشا واتفرجت على قصه الشهيد على المحور وانا اهوة معاكوا
انا تعبت يا خرابى
بالتفصيل الممل حاسه انكم هتطردونى برة ههههههههههههههههههههههههه

يوم جميل ومرح وشقى اوى ;;)
بره مين بس ده انتى جوه اوووى طبعا>:D<:x
انتى ايه نوع الاكل بتاعك من كل الانواع ؟
وليه المنبه ياتظبط 3 مرة مش حرام ؟I-);)
والكنز كان ايه بيبسى ولا ميراند ولاسفن ولا ايــــه اصل فى انواع كتير ؟:D
طيب شوفتى ايه تانى على التلفزيون ؟
ويلا كفاية كده وربنا مع احمد زميلك بقى :D

ايه ده هو انا اقوم انام بدرى اجى الاكى مكروته اليوم كده فين اخواتك فى اليوم ومامتك ايه ده من الساعه واحده لساعه 12 مفيش اى حاجه فى البيت خناقه مع اختك مع مامتك كده يعنى
وعلى العموم انا هاعمل الواجب وانتى كملى بعد كده
وبعد كدة خدت نسكافيه اكسر باير
ايه معدتك دى ايه اكس باير:-P
الاغنيه الا انتى كنتى ماشغلها هى ايه
ما هى اسم المدرسه الا فيه التريب
الحصه الا انتى اختيها كانت الكام
بتحبى تاكلى على الصباح كشرى طيب كلى حاجه خفيف البرجر كان ايه دجاج ولا لحم
احمد على الا هو مش اننا عرف ان انتى الا عملتى فيه المقالب
ما هو اسم المطعم الا جليكم دلجرى
اتغدتي ايه بظبط
كفايه كده الوقتى على فكره معاكى تانى راجع

اقتباس:

---

المشاركة الأصلية كتبت بواسطة الارض

يوم جميل ومرح وشقى اوى ;;)

اة انا واصحابى نحب الضحك والتنطيط
دة مرة المطرة مطرت وكنا فى المدرسه كلنا خرجنا فى الحوش وفضلنا ندوخ فى المطر ونبص للسما

بره مين بس ده انتى جوه اوووى طبعا>:D<:x

انتى ايه نوع الاكل بتاعك من كل الانواع ؟
معنديش مشكله فى موضوع الاكل دة باكل كل حاجه
بس بحب ورق العنب
وليه المنبه ياتظبط 3 مرة مش حرام ؟I-);)
عشان ازهق نفسى ههههههههه
واصحى برخم على نفسى ههههههه
والكنز كان ايه بيبسى ولا ميراند ولاسفن ولا ايــــه اصل فى انواع كتير ؟:D
ميراندا
طيب شوفتى ايه تانى على التلفزيون ؟
شفت فيلم كاريوكى على روتانا والساعه 3 بتفرج على المسلسل التركى عاصى وامير جميل اوى اوى على mbc1

ويلا كفاية كده وربنا مع احمد زميلك بقى :D

لا احنا متعودين بس ربنا يستر وميردهليش
بس اكييييييييييد هيردها

---

ومرسى يا احلى قمرايه على احلى اسئله

اقتباس:

---

المشاركة الأصلية كتبت بواسطة hero

ايه ده هو انا اقوم انام بدرى اجى الاكى مكروته اليوم كده فين اخواتك فى اليوم ومامتك
بص انا وماما اصحاب اوى
فدايما نحب نضحك ونهزر

وبابا دة حبيب قلبى القمر بتاعى
اما اخواتى
صمت هيه الكبيرة اكبر منى بسنه
انا وهيه اصحاب اوى
بنقعد نرغى ساعات لحد الفجر ومبنحسش بالوقت خالص مع بعض
وعندى اخ فى تانيه ثانوى نائر ونئير يحب يرخم عليا بس بهزار وضحك وكدة بردة
والكتكوته بتاعتنا اختى الصغننه فى تالته ابتدائى ديه بقى اجرام اللى يقعد معاها يتجنن
ايه ده من الساعه واحده لساعه 12 مفيش اى حاجه فى البيت خناقه مع اختك مع مامتك كده يعنى

ايه الرخامه ديه لا يا عم مفيش

وعلى العموم انا هاعمل الواجب وانتى كملى بعد كده
بس لو غلط هديك على ايدك عشرين عصايه
وبعد كدة خدت نسكافيه اكسر باير
ايه معدتك دى ايه اكس باير:-P
هههههههههه طعم حلو
الاغنيه الا انتى كنتى ماشغلها هى ايه

اللى فى الفصل ولا فين
ما هى اسم المدرسه الا فيه التريب
الحريه
الحصه الا انتى اختيها كانت الكام
كانت التالته تقريبا والله ما فاكرة
بتحبى تاكلى على الصباح كشرى طيب كلى حاجه خفيف البرجر كان ايه دجاج ولا لحم

اسئله غريبه كان فيه لحم وفيه دجاج بس انا كلت لحم
احمد على الا هو مش اننا عرف ان انتى الا عملتى فيه المقالب

اة عرف ههه
ما هو اسم المطعم الا جليكم دلجرى
الخديوى
اتغدتي ايه بظبط
لحمه مشويه و اللذى منه

كفايه كده الوقتى على فكره معاكى تانى راجع

---

راجع فين تانى كفايه كدة الله
:-P:-P:-P:-P:-P:-P:-P:-P

بس لو غلط هديك على ايدك عشرين عصايه

هو انا معاكى من طالبات الفصل ولا ايه ايه ده
خدى عنك بئه
الاغينه ال كانت فى الفصل
وفين دور احمد من اليوم ده
خدى دى بم تفسر كلتى كم سندوتش
بتانمى كم ساعه فى اليوم
ماهو نوع الموبيل الا كان عليه الاغانى
والموبيل ده بتعك ولا شحاته
يلا كفايه كده
علشان نعلان العضو الجديد معانا هنا
انتظرونا معا كووووووووووووووووووول كفايه فى قهوة المصرين الحج مودى رئيس العصابه وهيرو
والحجه ريم الا هى الارض سكرتيرات العملاء
بعد قليل

اقتباس:

---

المشاركة الأصلية كتبت بواسطة hero

بس لو غلط هديك على ايدك عشرين عصايه

هههههههههه ايوة مليش دعوة:-P

هو انا معاكى من طالبات الفصل ولا ايه ايه ده
خدى عنك بئه
ادينى اكتر
الاغينه ال كانت فى الفصل

كذا اغنيه كان ماما سماح النوبه ديه يا ماما
وشفت الفار الصندق
واغنيه ياسمين قليل الحيله
دة اللى انا فاكراة
وفين دور احمد من اليوم ده

احمد اللى معايا فى التدريب
بص هوة كمان دخل حصه بس عذب العيال كنت نازله من الحصه ولقيته موقف العيال ف امام الصبورة ومعذبهم ارفع ايدك نزل ايدك فصعبوا عليا
فقلتله انزل شوف المدير عاوزك طبعا كنت بتضحك عليه وزبط العيال هههههههه
خدى دى بم تفسر كلتى كم سندوتش
كلت اتنين وشويه كشرى كدة على الماشى
بتانمى كم ساعه فى اليوم

مش حاجه محددة ساعات بنام باليل ساعتين تلاته يعنى معنديش وقت محدد وعلى المغرب كدة بنام شويه بس مش دايما
ماهو نوع الموبيل الا كان عليه الاغانى

كان ان 73
والموبيل ده بتعك ولا شحاته

بتاعى وربنا ههههههههه
يلا كفايه كده

ليه هوة كان ناقص اسئله ما خلاص
علشان نعلان العضو الجديد معانا هنا
انتظرونا معا كووووووووووووووووووول كفايه فى قهوة المصرين الحج مودى رئيس العصابه وهيرو
والحجه ريم الا هى الارض سكرتيرات العملاء

بعد قليل

---

ايوة كدة القمر بتاعى ريم بس محدش يرخم عليها فاهمين

السلام عليكم ورحمة الله وبركاته
اليوم مع الجديد من كوووووووو ل كافيه يعنى قهوة مصراوى
معانا معاكم العضو الذى داخل قلوب كل ماهو فى مصراوى خاطفا الانظار من الجميع سرق قلبو كل الاعضاء
صاحب الاغنيه الشعبيه يعنى ولا تقولى سعد الصغير ولا سعد الكبير هو الكبير كبير
صاحب الاغنيه الذى سرقة قلبوب الناس وهى (جيبه الوده منين ياخيانه الوده ابن حرام*الوده مش ابنى ياخيانه دا شبه العبد تمام)
صاحب الامثال الشعبيه ابن من ابن المنصوره ايضا نجم المنصوره
معانا ومعاكم المشرف يعنى كل المشرفين يخدو جمب
المشرف

http://www14.0zz0.com/2009/12/15/13/320407506.gifhttp://smiles.masrawycafe.com/smiles/mc%20%28130%29.gif::::..ISLAM..:::: http://www14.0zz0.com/2009/12/15/13/320407506.gif

http://www3.0zz0.com/2009/06/05/00/652329310.gif


يعنى سمعنى احلى سلام لاسلام من مصراوى لحد المطار وسمع ضرب النار
http://smiles.masrawycafe.com/smiles/mc%20%28130%29.gifhttp://smiles.masrawycafe.com/smiles/mc%20%28130%29.gifhttp://smiles.masrawycafe.com/smiles/mc%20%28130%29.gif

يلا ياسلام يومك بتفصيل الممل

من شويه كانت ريم ودلوقتى اسلام
لا حول الله يا رب
ربنا يشفى
بتحصل فى احسن العائلات
هههههههههههههه
فينك يا عم اسلام تعالى قولنا ومسى علينا

اقتباس:

---

المشاركة الأصلية كتبت بواسطة رحيل القمر

من شويه كانت ريم ودلوقتى اسلام
لا حول الله يا رب
ربنا يشفى
بتحصل فى احسن العائلات
هههههههههههههه
فينك يا عم اسلام تعالى قولنا ومسى علينا

---

انتى ساخنه يارسا يعينى عليكى شكلك تعبانه :-P
انا قولت ريم سكرتيرات العملاء مش قولت ان هى ال معانا النهارده