داكوغ ياموودي موافقين جدا الفكرة في الجون والله أنا عن نفسي هقولكم اني امبارح اول لما صحيت ببص جمبي حسيت بحركة غريبة في درج المكتب اختي قامت قالتلي سمعتي حاجة؟انا من كتر خوفي وهمت نفسي وقلتلها لأ مسمعتش قال يعني انا البت قلب الأسد فجأة اختي سمعت الحركة تاني قامت فتحت الدرج وعينك متشووووف الا النور لقينا فار اااد كده بيصبح علينا من جوا الدرج اختي من كتر الصدمة اتجننت تقريبا ولا معرفش حصلها ايه بس عمري مهنسى رد فعلها لما فتحت الدرج بصت وضحكت للفار وقالتله انت بتعمل ايه هنا يخرب عقلك وقفلت الدرج بكل هدووووء كأن ده الطبيعي انك تلاقي فار في درج مكتبك في اوضتك انا بقى دخلت في نوبة بكاء هيستيري معرفش سببه ايه بس مصوتش طبعا انتوا فاكريني عيلة خرعة ولا ايه ؟انا طبعا مخوفتش انا بس موت من الرعب المهم ناديت اخويا وابن عمي وابن خالي وهم بدورهم لموا اصحابهم وبقت الفضيحة بجلاجل والجرسة بحناجل واتلم شباب تالتة تجارة وتالتة حقوق اللي زي الورد دول وعملوا اعدام جماعي للفار في مشهد تأسف له حقوق الحيوان بس ع ان الفار خضني خضة وقطع قلبي بس والله كل مفتكره ازعل اصل كان شكله طيب اوي وكان صغير ع الموت اتخطف خطف والنبي=((:(
