بتحسى نفســك في عيــون الناس ايه بالضبط ؟!!
مش عارفه يانونا واللهي ايه بس تقريبا مدام الانسان واثق من نفسه وواثق هوا ايه بيعمل ف اكيد هابقى ف نظرهم كويسه يعني
وانا الحمد الله واثقه ف نفسي كويس وعارفه انا ايه بعمل وايه مش بعمل...
بس بصي يانونا مش كل الناس هاقولك عارفين مين ريهام وعارفين مين شخصيتها في ناس يانونا خلاص من البدايه اخدوا فكره عنك غلط وللأسف الشديد ان الفكره ديه بتوصلهم من ناس تانيه...بس بجد مش بتفرق معايا ابدا ولا ممكن يأثر فيا لان زي ماقولتلك انا واثقه جدا ف نفسي..
** لونك المفضل ايه هـو ؟!! و ليــه ؟
اللون الروووووووز ودراجحاته اللي دايما بفضله ف الكتابه او ف اللبس او ف حياتي كلها
ليه بقى بحبه؟
لان اللون ده جدا جدا هـــــادي وبحسه انه رومانسي جدا اكتر كمان من اللون الاحمر وبتحسي انه مايل جدا للبنات..
** احكلنا موقف مضحك حصلك ؟!!
بصي ياستي لسه حصلي امبارح الموقف ده
واحده دخلت عليا ف الايميل بالغلط ودخلت عليا على اساس اني ولد واول كلامها ليا (((انت وحشتني جدا جدا طبعا انا ساكته يعني اقول ايه انا بقى..وشويا قالتلي مش كفايه بعد تلات اسابيع بقى رحت قولتلها لا مش كفايه قالتلي يعني هان عليك بعدي والكلام من ده يعني فهمت انا طبعا انهم متخانقين بقولها لا مش هان عليا ف انسانه بتغلط........وف الاخر يعني بتقولي خلاص سامحني وي وي وي...قولتلها لا انا عمري ما اسامحك
قالت انا عمري ما كنت اعرف ان قلبك اسود كده حرام عليك بجد
قولتلها لا انا قلبي اسود من يوم ماعرفتك وووووووووو......
بصوا بجد بدعت بدعت يعني وقومت بالواجب قووووي
ههههههههه
بس سيبتها على فكره على حيرتها ان انا الولد وبعدين نكمل كلامنها مع بعض
هههههه
** توجهى كلمة شكر لمين؟
انا بوجه بجد كلمة الشكر ل علي مدكور لانه هوا سبب التعارف اني عرفني بيكي ياقمر وعرفني بكل اعضاء مصراوي الغالين على قلبي بجد
وعلى فكره كمان بوجه كلمة شكر تانيه ليكي يانونا لانك بجد انسانه جميله جدا جدا وبجد انا مبسووطه جدا لان بتكلم معاكم عني ف كل حاجه:x
