حوار مفتوح بين شباب وبنات المنتدى فين الصح وفين الغلط؟

السلام عليكم ورحمة الله وبركاته
اولا اشكرك ياسمين على الموضوع القيم والمفيد

ثانيا انا بعتذر انى هرد على موضوع الصحوبية بين الولاد والبنات متاخر بس بجد الموضوع دة بيحرق دمى اوىىى لانى بشوفه كتيييير طبعا ف الجامعة ووالله ببقى نفسى اكلم كل البنات اللى مانتمين بس كترهم للاسف بيقلل العزيمة يعنى ببقى مش عارفة هكلم مين ولا مين،وبلاقى كل اللى بايدى ف الاخر انى ادعيلهم مع انى فى كلية الهندسة يعنى المفروض ناس بتذاكر وكدة يعنى(ابقى شوفيلى معاكى وظيفة لو لاقيتى:D) والمشكلة بجد ان البنت هى اللى بتضر ف الاخر اكتر م الولد والحاجة بقة الجديدة اللى اكتشفتها ان بيبقى الام عارفة او الاب عارف ويقول للبنت بس متقفوش مع بعض كتير(واقع والله عن ناس معايا فعلا) بس اعتقد ان المشكلة اللى بعد التربية والمهمة جدا كمان انهم يختارو اصحابهم صح يعنى غالبا بتبقى البنت المانتمة شلتها كلها كدة وكمان بالنسبة للولد وهو انا معلش عندى اعتراض على حاجة انه مينفعش حتى البنت تتكلم مع الولد حتى لو عن المحاضرات لانه فى الغالب هتكون متوفرة مع صحباتها /صحابه وياريت يحاولو بكل الطرق بعيدا عن اننا نكلم الولاد /البنات ولان كمان الشيطان مش غبى وممكن جدا يلاقى طريقة يقنعنا بيها اننا صح ف كلام عن محاضرة او كدة وعشان كدة شايفة اننا نتجنب الموضوع دة على قد ما نقدر....اعتذر انى طولت عليكم

بالنسبة للموضوع الجديد
وهو ياترى بتقضي يومك ازاى؟
بالنسبة ليا الدراسة هى اللى بتمشى اليوم
ياترى في اخر كل يوم بتحاسب نفسك؟
هو انا الحمدلله غالبا لما بغلط بحاسب نفسى فى ساعتها على قد ما بقدر عشان اخد بالى من الخطا دة وساعات ممكن بعد فترة احس انى كنت غلطانة ف حاجة واخد بالى بس اعتقد للاسف انى محتاجة احاسب نفسى اكتر بردو
ايه الحاجات المفيدة اللى عملتها خلال اليوم؟
مش عارفة والله كل يوم وعلى حسب ظروفه والمواقف اللى بتعدى عليا مع صحابى او لما بقعد ع النت او مع اخواتى...
ياترى لما بتغلط بتكرر الغلط وتندم عليه والا بتقول كدة لنفسك بس عشان تريحها وترجع وتعيد الغلط من تانى وتعمل نفسك مش واخد بالك؟
أعتقد انه العادى غالبا لاى انسان انه ميكررش غلطه او ع الاقل يحاول حتى لو بخطوات
حاسس نفسك ايه؟
بتمنى احقق حاجات كتير يعنى تلاقينى كل حاجة الاقى نفسى عايزة اكون حاجة فيه فى الدين نفسى اكون داعية،فى تنمية بشرية مثلا نفسى اكون مدربة،فى الهندسة نفسى اكون مهندسة اتصالات شاطرة ومن دة كتير...
بتبص لنفسك ازاى؟
اكيد راضية عن نفسى لان زى ما جومانة قالت عشان اقدر اعيش بس مش راضية اوى لدرجة تخلينى مطورش من نفسى يعنى راضية عن نفسى بس نفسى اللى عايزة تتطور مش اللى موافقة على كل حاجة فيا دلوقتى وخلاص على كدة(حد فاهم حاجة،حاسة انى بقول كلام غريب وملخبط بس ان شاء الله هتفهمو قصدى)
انسان عادى مش عاوز حاجة من الدنيا غير ان اليوم يعدى وبس؟
ف الدراسة اة بصراحة وللاسف عايزة اليوم يعدى وخلاص بس ف الاجازة بحاول اعمل حاجة مختلفة وبحاول ان يومى ميعديش كدة على قد ما اقدر يعنى مش بنفذ دة 100%
بتحسبها ازاى ياترى في اول اليوم؟
مبحسبهاش لانى زى ما قلتلك الدراسة بتمشى اليوم
بترتب نفسك هتعمل ايه وماتعملش ايه والا بتسيبها كدة زى ماتيجى؟

ف الدراسة زى ما تيجى لكن ف الاجازة بحاول انظم اكتر

جزاكِ الله خيرا>:D<

نورتينى ياسكرة وان شاء الله لو لقيت ليا شغل ماتقلقيش هشوفلك حاجة معايا:D
وبجد انتى عندك حق في كلامك بالنسبة لموضوع الصحوبية
وكمان بالنسبة ليومك فانا فهمت كلامك وماتقلقيش كلنا بنلخبط في الكلام :D وان شاء الله كل ايامك في سعادة وحب
نورتينى ياقمراية ويارب دايما:-*وتحققي كل اللى تتمنيه

وهو ياترى بتقضي يومك ازاى؟

ايام الدراسه بذاكر بس بجلس على النت بس شويه صغيرين
وايام الاجازه لو احنا داخل مصر التلفزيون او اجلس مع اي احد
ولومش في مصر
بتنقل من النت
ولو كمنش نت تلفزيون
لو مكنش بلايستيشن
لو مكنش بلايستيشن اتكلم مع حد
لو زهقت في الاخررررررررر
اذاكرمواد السنه اللى بعدها
ياترى في اخر كل يوم بتحاسب نفسك؟
اغلب الاوقات

ايه الحاجات المفيدة اللى عملتها خلال اليوم؟

ايام بعمل اشياء مفيده وايام عادي
على حسب طبيعة كل يوم
انسان عادى مش عاوز حاجة من الدنيا غير ان اليوم يعدى وبس؟
ايام الدراسه ببقى عايزه اليوم يعدي بسرعه
بترتب نفسك هتعمل ايه وماتعملش ايه والا بتسيبها كدة زى ماتيجى؟

ايام الدراسه بحاول انتظم
اما ايام الاجازه مفرقتش هنظم وقتي ليه
مأنا في اجازه

انت سألتينا واحنا جاوبنا انت جاوبي على الاسئله زي مااحنا جاوبنا
تحياتي
ddhh_ddhh

مرسيه ياقمر نورتنى بجد ويارب دايما
وانا اكيد هرد بس شوية كدة قبل الموضوع الجديد ان شاء الله:)

http://img151.imageshack.us/img151/1427/92001650.gif

http://img201.imageshack.us/img201/2...1640204h4v.gif

أولاً أقدم أعتذاري لقلة دخولي لمناقشة هذه المواضيع الرائعة وتقصيري فى الردود عليكي ، فأرجوا أن تسامحيني.
وان شاء الله سوف أرد على الموضوع الأخير:
ياترى بتقضي يومك ازاى؟

طبعا اليوم عند المواطن المصري يوم روتيني زاي بالظبط المصالح الحكومية ، يعني اللي بيدرس يبدأ بالنهوض من النوم مسرعاً لتأخره ةيذهب للمدرسة أو الكلية أو ....أو ..، وطبعاً فى الدراسة يقوموا بعملية يومية وهي شفط ومص دم الطالب من كتر الحصص أو المحاضرات وطبعاً الطالب بيخلص من هنا ويذهب للبيت يبحث عن السرير وأذا كان فى طريقه الى السرير أكل أخد تصبيرة لحد مايقوم والطالب خلصان ياولده.
والحمد لله أنا خلصت دراسة من فترة ، وبسبب هذا دخلت على المرحلة الثانية من الروتين ألا وهو العمل سواء كان حكومي أو خاص والحمد لله أنا تابع التاني المهم أبدأيومي نفس بداية الطالب وأذهب للعمل متأخر أذهب نهاراً أعود ليلا فماذا بقى فى اليوم أنتم أنظري لساعة كتابتي للرد وأنتي تعرفي ماذا بقى.
ياترى في اخر كل يوم بتحاسب نفسك؟

هوايه اللي باقي فى اليوم عشان تحاسب نفسك فيه يابشمهندسة خلينا ساكتين الله يكرمك.اليوم خلص من قبل مايبتدى.
ايه الحاجات المفيدة اللى عملتها خلال اليوم؟

الحاجة المفيدة اللي عملتها خلا ل اليوم الموضوع محتاج قعدة عشان الواحد يفتكر والقعدة عايزة وقت وأصلاً مافيش وقت يبقى مافيش قعدة يعني مافيش تفكير.
ياترى لما بتغلط بتكرر الغلط وتندم عليه والا بتقول كدة لنفسك بس عشان تريحها وترجع وتعيد الغلط من تانى وتعمل نفسك مش واخد بالك؟

للأسف فى الأونة الأخيرة بخطأ وبندم وبرجع للخطأ تاني وهلما جرة وإن لله إن اليه راجعون ولا حول ولاقوة إلا بالله.
حاسس نفسك ايه؟

يعني بعد اللي عرفتيه احكمي أنتِ.
بتبص لنفسك ازاى؟

لو عايزا الصراحة بصص لنفسي على أنها من أحقر النفوس إذا لم تكن أحقرهم.
انسان عادى مش عاوز حاجة من الدنيا غير ان اليوم يعدى وبس؟

لما بحب أضحك على نفسي أقول كده وماأكثر ضحكي على نفسي.
بتحسبها ازاى ياترى في اول اليوم؟

مع أني المفروض ان الحساب هو عملي لكن مع دي بالذات مابعرفش أحسب.

بترتب نفسك هتعمل ايه وماتعملش ايه والا بتسيبها كدة زى ماتيجى؟

من كتر الواحد مارتبه ولقيت مافيش فيها فايدة بقيت أسيبها كده زي ماتيجي.

http://img26.imageshack.us/img26/288...165532kt7p.gif


http://img200.imageshack.us/img200/7...090049pzwr.gif

اولا حمد الله على سلامتك
ثانيا وحشتنى فعلا ردودك عل مواضيعى
ثالثا بقة ليه انا حاسة في كلامك بالتشاؤم دا وليه بتقول على نفسك من احقر النفوس ؟
لالالالالالالالالالالالال الالالالالالالالا:-O
انا اللى اعرفه من خلال ردودك ومواضيعك انك غير كدة خاااااااااالص
يبقي ماتظلمش نفسك اوى كدة حرام
وبعدين حاول تصلح اللى مش عاجبك ماتجيش على نفسك اوى كدة لو سمحت

أولاً انا اسمى محمود هلال و لو حد فاكرنى يبقى الحمد لله ولو محدش فاكرنى يبقى الحمد لله برده
ياترى بتقضي يومك ازاى؟

يوم طبيعى جدا بصحى من نومى بذاكر دروسى و اروح الدرس لآن اصلا مفيش مدرسه و ارجع من الدرس اقعد عالنت شويه او شويتين و بعد كده انام و هكذا يومى ان لم يكن هناك اختلافات بسيطه مثلا العب كوره اروح النادى بس دى نادرا او يعنى كل يومين مره

ياترى لما بتغلط بتكرر الغلط وتندم عليه والا بتقول كدة لنفسك بس عشان تريحها وترجع وتعيد الغلط من تانى وتعمل نفسك مش واخد بالك؟
هكذا حياه الانسان يغلط و يندم و يغلط تانى و تعود الحياه مره اخرى .
حاسس نفسك ايه؟

نفسى اسافر خارج مصر عشان احبها اكتر لآنى بصراحه حاسس ان حبى ليها قل كتيير بسبب الناس اللى فيها .

بتبص لنفسك ازاى؟

الحمد لله ببص لنفسى نظره تفائل و امل للمستقبل الغامض الاسود .

انسان عادى مش عاوز حاجة من الدنيا غير ان اليوم يعدى وبس؟

لآ نفسى اضحك كل ثانيه و كل دقيقه

بتحسبها ازاى ياترى في اول اليوم؟

بسيبها على الله

بترتب نفسك هتعمل ايه وماتعملش ايه والا بتسيبها كدة زى ماتيجى؟

عادى ربنا بيمشيها

http://www.samysoft.net/forumim/shok...6fch22ese1.gif

مرسيه يامحمود على مرورك وردك بس ازاى بتنظر نظرة امل للمستقبل الاسود ؟:-/
عموما ربنا معاك ويوفقك في دراستك ونورتنى بجد واسعدتنى مشاركتك
مرسيه ليك ياماهر ويارب دايما