يابنى المنتدى شكله فاضى علينا
فى حجر صحى الناس كلها نامت بدرى
محمود أنا عندى ملل كلمنى فى أى موضوع؟
عرض للطباعة
يابنى المنتدى شكله فاضى علينا
فى حجر صحى الناس كلها نامت بدرى
محمود أنا عندى ملل كلمنى فى أى موضوع؟
طيب عايزه نتكلم ف ايه
ايه رايك ف الهوايات والمواقف اليوميه بتاعتنا
عندك مثلا ف المدرسه انهارده كنت بهرب الطلاب من الفصل علشان انام لى شويه والمدير عرف بس الحمد لله كان مزاجه رايق ومعملش حاجه
كمان
انا بحب القرايه جدا ودى المنوم بتاعى لما احب انام امسك القصه من دول وانام ع السرير خمس دقايق وسلامه يقوم يسحبها من ايدى ويغطينى هههههههههه
بس بقرأكل حاجه رومانسى (روايات زهور ) وبوليسى (رجل المستحيل ) وكمان الغاز (ع×2) وكمان خيال علمى (ملف المستقبل ) وكل القصص التاريخيه
اما الشعر فانا بموت فيه شاعرى المفضل 0(عنتره بن شداد) والمتنبى وشوقى ومحمود سامى البارودى وشعراء تانى كتير
الكوره دى حياتى احلى هوايه عندى وع فكره انا بلعب راس حربه وحصلت ع دوره الكليه مرتين ودورات رمضانيه كتيره جدا
الشطرنج والبنج بونج والبلياردو حريف قديم فيهم
انتى بقى بتقضى يومك ازاى وهواياتك ايه
هههههههههههههههههههههههه
ههههههههههههههههههههههههه ههههههههههههههه
دمك شربات ياحودا
أنا ياسيدى النهاردة زى ماقولتلك الدنيا كانت مقلوبة عليا علشان أصحى وصحباتى كانوا مستنين فى الشارع حضرتى لما أجهز وأخلص وكالعادة اتأخرت عليهم أصل بينى وبينك مبحبش الانتظار مبعرفش أستنى حد فبضمن انهم نزلوا وبعدين أنزل وروحنا الكلية وحضرنا المحاضرات وكانت أول محاضرة ممله لعبنا لعبة الأفلام فيها لحد ماتخلص لو تعرفها وبعدين خرجنا الساعة 11 ميتين من الجوع كالعادة وبنتخانق نروح ناكل فين وتنتهى بشبسيات وشوكولا وحاجات اللى بتوجع البطن على الصبح دى وبعدين بقيت أصحابنا جم احنا شلة مش كلنا قسم واحد فى حدود 10 كده بنعمل بقه عمايل جامدة نروح كده فى حتة فاضية ورا المبانى ونلعب كل حاجة ممكن تخطر على بالك ونجرى ونهرج ونموت من الضحك بتوصل والله لحد مابنعيط من كتر الضحك ههههههههههههههههههههه بس دى الكلية
أما الهوايات جنب الكلية حاجة زى مكتبة كده صغيرة بنروح نستعير منها كتب أنا عاشقة لنزار قبانى أو أى شعر بمعنى أصح بجيب الكتب منه وساعات بقه كتب البنات زى الطبخ والبشرة والجمال والحاجات دى عارفها
غير شعر نزار بقعد على الكمبيوتر أنا الكبيرة علشان كده مش بلاقى حد أكبر منى أتكلم معاه
بحب ألعب أوى بحب الحركة بمعنى أصح بيقولوا عليا انى طفلة عايزة ألعب وأجرى ألعب مع الأطفال بعشقهم بلعب مع أحمد ابن عمى عنده سنتين معانا فى البيت فده علطول معايا بحب أقرء روايات ساعات حسب الهفة قرأت طوق الحمامة لو تعرفوا جبار قعدت فترة مستلمة الكتاب ده
بس كفاية أنا اتكلمت كتير أما أفتكر حاجة تانية
بجد طفله ويا ريت الواحد يقدر يرجع للايام الجميله دى بس خلاص بقى جه الوقت اللى الواحد لازم يكبر ويشيل مسئوليه ودى سنه الحياه
نصيحه منى عيشى حياتك ايام الكليه بعد كده هيحصلك كبت وهتبقى تتمنى الايام ترجع ولو يوم من ايام زمان
ع فكره ده مش ملل او اكتئاب بس دى تجربه انا عايشها وبوصفها
طيب هتحضرى لينا ايه ع العشا بقى بمناسبه انك طباخه شاطره
نزار ده عالمى ع فكره كل قصايده عندى بصراحه عالمى وكمان كريم العراقى لو بتقرى له
اما كتاب طوق الحمامه فده بتاع ابن حزم وتقريبا بيتكلم عن الحب ولا ايه
طيب مش درستى ادب اندلسى قريتى لابن زيدون( اضحى التنائى)
بحس ان البنات مش بتعيش حياتها زى الرجاله وبالذات ف موضوع الصحاب والخروج والتأخير والشغل وحاجات تانى كتير (رأيك ايه)
ازيكم يا جماعه انا بقى عايزاكم في موضوع تاني خالص مش انتم مسلمين وخايفين على اسلامنا بطلب منكم تردو على التوبيك دة وكلنا نقدم شكوى لعلي عشان دة شيء لايحتملhttps://forum.masrawycafe.net/showthread.php?t=41239
بص طوق الحمامة أه بيتكلم عن الحب بس بطريقه جبارة أما ابن زيدون كنت درسته بس مش قرأت ليه حاجة وانا مش طباخة ولا حاجة بس يبقه عندى خلفيه مش أكتر مسير الواحدة للجواز فعشان ميبقاش شكلنا وحش أما فى الكلية بنعمل اللى احنا عايزينة من لعب وحاجات كتير
أكيد أه البنات مش بتعيش حياتها خالص طبعا حكاية التأخير ممنوع الخروجات للضرورة والشغل حسب الرغبة بس مش فيه تقيد أوى زى زمان بس طبعا مش زى الولد بس بينى وبينك المحافظة على البنت أحسن فى الوقت ده الحياة معتش سلسة ولا ايه رأيك؟
انا عن نفسى بحب البنات اوى كبار وصغيرين ههههههههههههههههههه
لا اقصد بحب خلفه البنات بس قلقان من اللى بشوفو اليومين دول بس لو التربيه صح من الاول الواحد يبقى مطمن
موضوع شكلكم وحش ده مش بيعدى بالساهل سمعتى المثل اللى بيقول اقرب طريق لعقل الرجل بطنه ده ف ناس كتير بتمشى عليه خدى بالك هههههههههههههه
قصدك أقرب طريق لقلبه مش عقله ربنا يستر أكيد هنتعلم فى يوم من الايام
هههههههههههههههههههه
هههههههههههههههههههههه
طيب اتعلمى بسرعه عاييزين ندوق طبيخك قبل ما تسيبى البيت هههههههههههههه
انا هقوم انا اصلى تعبان اوى ومنمتش الضهر
تصبحوا ع خير
ماأنا لازم أتعلم فيكوا استحملونى بقه لحد أما أروحله أكون جربت فيكم كل حاجة مش انتوا اخواتى يبقه لازم تستحملونى وربنا يستر ويسهل وتبقه الخسائر قليلة
وانت من أهله ياباشا