موضــوع جميل يا طيف .. فعلا حلقـــة شيقــة جدا
الكــذب
مين منــــا لم يكذب يومــا .. من منــــا جمــل قوله بالكـــذب
فيه بعض الناس بيفضلوا يكذبوا لغاية لما يعيشوا في دنيا كذابة
و يتـــوه جوا دوامة الكـــذب
لأن دايما الكــذبة تلاحقــها كذبــة فالأخري و الأخري و هكذا
سلســـلة أكـــاذيب
و هنــــاك من يصنـــع دنيــــاه الكــاذبة و يصدقهــــا و يعيش بداخــلها
و هنــــاك ... و هنــــاك ... و هنـــــاك
- - - - - - - - - - - - - - - - -
عمرك كدبت
مين فينــا مكدبش قبل كدا
على مين
علي ناس كتير .. قريب أو بعيد، كذاب أو مخلص
وليش
ممكن قلة عقــل .. ممكن موقف محتاج الكذب
الأسباب كتيـــر
عمرك حلفت يمين كدب وانت صغير
اه مــرة واحدة و فاكرها كويس أوي
كنت عمال أغلس علي أخويا الكبير و أخدت منه لعبته
و خبيتها ورا ظهري .. راح أخويا يقول لأمي و طبعا بدورها هي جت تسألني
"أخدت اللعبة من أخوك؟!" و بإندهاش غريب و إن انا متأكد إنها عارفة
قولت "و الله ما معايا" .. فبصتلي و قالتلي بتحلف كذب يا أحمد
قمت مطلع اللعبة من ورا ظهري و إديتها لأخويا
و أعتقد من ساعتها مفكرتش إن أحلف كذب
هل ممكن تحلف يمين كدب لو لقيت نفسك مزنوق كتير ؟؟
لأ إطلاقـــــا
أنا مش بأحلف خااااااالص في كلامي و نادرا جدا جدا لما بأحلف
لأني اتعودت و اتربيت إن الحلفان دا حاجة مهيبة
مش كل شوية الواحد يحلف و يعيد و يزيد
و مين عالم ايه اللي حيحصل لو الواحد كثر حلفانه
و لإجابتي استحالة افكر احلف و لو حتي السيف علي رقبتي
و زي ما المثل اما بيقول
" إمشي عدل يحتــار عدوك فيك "
- - - - - - - - - - - - - - - - -
بس عارفـــة يا طيف السؤال الحقيقي
لو فعــلا فيه واحد شغال كذب و زي ما بنقول احنا الشباب في مصر
" بيحــــور "
السؤال الصحيح
إمتي الواحد حيبطل كذب ؟!! أو "تحــــوير" ؟!!
الإنسان مش معصوم من الخطأ و الواحد علي قد ما يقدر
المفروض يقول الصدق مهما كان
بس إمتي الواحد يطبق الكلام دا و يقول الصدق دا
الله أعلم .. مش ممكن أكون بأكذب علي نفسي دلوقتي
و معتقد إني مش بأقول غير الصدق
بس أنا بأعترف بكل صراحة
للأسف في بعض الاحيان و لأتفه الاسباب .. الواحد ممكن يقول حاجة صغيرة أوي
ممكن ميكنش ليها أهمية .. بس إسمها كذبـــــــة
مثلا من أنواع الكذب .. كذب الاهالي علي الابناء
يعني مثلا لو ما شربتش اللبن الصبح حتصغر و تكش
أو لو ما نمتش بدري حتطلعك أم الغــول و الكلام اللي متعودين عليه دا
:D
تعددت أوجه الكذب .. لغاية لما وصلنا اننا بنكذب علي نفسنا
سؤالي دا بسأله لكل عضو و شخص و حتي ليا أنا شخصيا
بس إمتي نبطل كذب ؟!!!!!!!!!!!
شكرا طيف علي الموضوع و مارك معاكم ان شاء الله في الموضوع
:)
