http://i866.photobucket.com/albums/a...111356c74e.gif
كيف حالكم أحباب قلبي
اسمحولي ان اتكلم دون مقدمات
سارة القمر العالي اللي اللي منور لي كل الليالي
عيني عليها وساكنة في قلبي من واحنا لسة عيال
غابت عني ولسة في قلبي ودي حاجة عايزة سؤال ؟
كنت بشوفها غزالة الحي عصفورة طايرة في أعالي الجبال
وصورتها ماكانت تفارقني لو كان حلم ولا علم ولا خيال
كان صعب اني أقدر أوصفها فسبحان من خلق الجمال
كانت نظرة وحيدة فعينها تشيل عني كل الأحمال
.
.
في أول مايو الحالي شفت سارة تاني
وانا كنت فاكر انه استحالة
ردت فيا الروح من تاني
وحسيت نفسي في أحسن حالة
شفتها وعرفت انها شايفاني
وكانت قمرة حواليها هالة
.
.
كانت بدر بينشر ضيّ
شفت في عينها العمر الجيّ
والله ما شفت فحسنها زيّ
بإذنه وحده أنا ليكي وانتي لي
.
.
ونويت ليلتها أكون وياها
ورسمت حياتي الجاية معاها
دا انا من زمن بتمنى لقاها
ولما كانت بعيدة ولا يوم قدرت انساها
.
.
باركولي يا أحبابي عادت لي سارة تاني
حاسس إني طاير والفرحة مش سايعاني
إفرح يا قلبي وارقص وغني كل الأغاني
من بعد الليلة خلاص مش هتكون وحداني
ولا في تعب ولا زعل ولا من الوحده هنعاني
.
ولمّا اتكلمت سارة .......غيرت كل المعاني
:لازم تحضروا غدا .......خطوبتي انا وابن خالي
.
:ألف مبروك يا سارة والنار جوايا واكلاني
طب ليه عينها كانت بتقول انها سامعاني
ليه باصالي وجايه تقول انها رايحة لواحد تاني
حطت عينها في عيني واتاري عايزة تقولي خلاص انساني
وانا من طبعي مااكونش أناني
راح مني حبيبي والمرة دي مش راجع تاني
((راح مني حبيبي وليه يا ربي خلاّني
أيوب لما ابتلى ...واحد وانا التاني ))
أرجو أن تنال إعجابكم
http://i866.photobucket.com/albums/a...6a002d735a.gif
