عايزه اخد رايكم فى حاجه انا كتبتها
- يا ترى -
ليه الدنيا دايما قاسيه علينا .. ليه الدنيا تتمنى لو يوم تشوف دمعه عينينا
ليه الحاجه تبقى معانا وفى ثانيه تضيع ليه ماشيين ورا الدنيا زى القطيع ..
ليه الحاضر فى ثانيه يصبح ماضى .. ليه احلامنا تضيع قدامنا على الفاضى
ليه ماحدش مننا بيتكلم زى ما نكون راضيين نعيش ونتالم لا لا مش لازم نسلم لازم نصحى ونفوق ونتكلم
ليه دايما عيونا مغمضه عن كل شىء وباقينا تايهين ضايعين وسط الطريق
ليه لازم نرضى بقدرنا وما نتكلمش ليه لازم تنزل دموعنا وما نبينش خايفين من ايه :-/
ما احلامنا اللى كنا عايشين عشناها ضاعت قدام عينينا واحنا ساكتين
ليه بقينا عايشين ومش عايشين ليه اصبحنا مستسلمين العيب علينا ولا على مين ..؟:-/
العيب علينا علشان صادقين وما بنكدبش ولا العيب علينا علشان عايشين وما بنتعلمش
ولا العيب علينا علشان ساكتين وما بنتكلمش ولا العيب على الدنيا ومش فينا اللى دايما تاخد مننا من غير ما تفكر مره تدينا
يا ترى هنفضل كده ساكتين يا ترى هنعيش تايهين يا ترى هيجى تانى يوم حزين
يا ترى الدنيا هتستكفى باللى ضيعته من ايدينا يا ترى هيجى حد فى يوم يمسح دمعه عينينا
ولا احنا مكتوب علينا نعيش دايما مهزومين ياترى الدور هيجى على مين :-/ -
-- اسفه طولت عليكم بس بجد عايزه اعرف رايكم --
