مُش مُفاجأة الطعنة تيجي من صديق..
مُش مُفاجأة....
يطلع الظالم...برئ..
مُش مُفاجأة...
لو يكون رَدْ الجِميلْ..
شوك يقابلك..وانت ماشي ف الطريق..
مُش مُفاجأة..
الضماير هتلاقيها..
ف الزمانده المال بيقدر يشتريها..
مِدّ إيدك...
بُص شوف سعر الضميرْ..
فيه ضماير...سِعرهَا مكتوب عليها..
مُش مُفاجأة..
لو تشوف كُل الحبايبْ..
ف الشدايد..تلقى كُل الحُب غايبْ..
اللّي ياما سقيتهم الشهد بايديكْ..
لمّا تغرق ف المرارْ..ماتلاقي صاحبْ..
المُفاجأة...
لو تشوف لمسة وفا..
المُفاجأة ..
لو تشوف بسمة دفا..
لو تشوف الناس بتضحك من قلوبها..
لو تشوف الناس تعيش من غير جفا..
تبقى هيّة دي المفاجأة...
أيوة دي تبقى المُفاجأة..
بقلم.....رضا محمود..