^:-: بــــعد طــــــــول انتظـــــــار مذكرات عجـــــــــــــــوة "حلقة تجريبية :-:^

:: نبـــذة مختــــصرة عن عجـــوة ::
مهم جـــــــدا

س : مين المعلم عجـــوة كرامـــل ده؟!!
جـ : عجـــوة اسمه الحقيقي كـــريم .. سمي بهــذا الإســم نظرا لمواقفة العجــاوية
كــــريم شخص لذيذ .. دمــه خفيف .. يهوي المزاح
( و عنده تليفزيون 21 بوصة توشيبا العربي فيه 4 أنواع من الألعاب و مشترك في الوصلة كمان )
ولد في الأسكــندرية و لكنـــه ترعرع في الموزمبيق الشرقية (ورا محطة البنزين علطول)
المعلم عجــــوة كان قديما مناضل علي مر العصــور
حيث شـارك في الحرب علي الهكسوس و كان السبب في طردهم بره مصر
و قاد ثورة 1919 و كان عضو فعال حيث كادت الثورة ان تفشل لولا وجوده لأنه كان الشخص 19
عجــوة هو من قال مقولة (لو لم أكن مصريا .. لوددت أن أكون موزمبيقيا)
توفي في عام 1948 و توفي في سنة 1967 و توفي للمرة الثالثة في 1973

س : طيب ايه هي المذكرات؟!!
جـ : بكل بساطة كده المذكرات هي فعلا حاجات حصلت للمعلم عجــوة
و حيتم نشرها ... و علي فكــرة مش حيتم تزويد أي حاجة محصلتش.

س : و هو مجنون يسيح لنفسه كده؟!!
جـ : لأ عادي المواقف اللي بتحصل دي طبيعية و عادية و بتحصل لأي حد فينا
بس المهم كله من الموضوع دا كله .. هو رد فعل عجـــوة لما بيتحط في المواقف دي
و طبعا الكلام العجيب اللي بيقوله و اللي ان شاء الله حتشوفوه.

س : طيب إيه الهـدف منــها؟!!
جـ : بتوريك مشاكل الشباب في عصــرنا ده و تفكيره إزاي
و برضه بيوضحلك إن عيــوب المجتمع اللي احنا فيــه
و بيناقش موضوع حيــوية و كل ده
بيبقي عليــه حبـة اجابات .. و بيسيبك بعد كده تكمل انت
كل ده بأسلوب خفيف و مواقف مضحكــة.

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ

مذكرات عجـــــــــــــــوة

حلقـــــــــة تجـــــــريبيـــــة

تحت عنـــوان

" عجــــوة في ورطـــة "

استنـــــــوا الموســـم الأول و الحلقــو الأولــي

حصـــــريا علي الكــــافيــه

::::::::::::::::::::::::::::::::::::

الساعة: 5:00 مساءا
المكان: بيت عجوة
الحدث: مكالمات طارئة لأهم اعضاء الشلة

في الوقت دا اتصلت بقيادات الشلة و قلت لكل واحد فيهم (اجتماع علي مستوي القاعدة عند عم عباس) و طبعا كله ضحك عليا عشان محدش يعرف عم عباس منهم و لا حتي انا و ما ضحكوش علي المستوي اياه .... المهم بعد مكالمات و فلوس كتير فهموا ان في حاجة خطيرة انا واقع فيها و يستلزم دا اجتماع عاجل عشان يلحقوني من المصيبة اللي انا فيها، انا قولتلهم كدا ان انا مزنوق اوي، قام الزعيم قالي و انا مالي هو انا حخدك للحمام يعني، و ميدو قالي طب امشي بعيد بدل ما تغرقنا كلنا و الباقي قالي حاجات بالصراحة خلوني عايز اخش الحمام بجد، استنوا بقي اخش و ارجع اكمل ......

عفيتم دا لو حد قال شفيتوم ...

الساعة: 6:00 مساءا
المكان: الكافيتريا اياها علي البحر
الحدث: اجتماع مهم علي مستوي القاعدة

علي الساعة 6 كدا اتقابلنا كلنا و كلهم جم معادا اتنين او تلاته مش عارف ليه، بس اهم ناس جم و دول ان شاء الله اللي حيحلوا المشكلة الحضور كان (ميدو – الزعيم – شاذلي – كيمو (مشمش) – احمد (عفروتو) يجي واحد و يسألني سؤال وجيه (ليه سمتوه عفروتو؟) حقوله خليك في حالك - و مصطفي (دا واد تمام اوي و مسافر السعودية، ربنا يرجعه بالسلامة و يا رب ما ينسي و يجبلي "السلطانيه" معاه من هناك) حيجي واحد و يسألني برضه سؤال وجيه (سلطانيه ايه؟) حقوله برضه خليك في حالك. اتجمعنا كلنا علي نفس الترابيزة و المشاريب و محدش طلب تفاحة خالص (اصل احنا بنبيع سبح) و كله قاعد يتكلم مع بعضه و لا كإن انا اتصلت بيهم و قلتلهم عايزهم في حاجة مهمة، بعد ما المشاريب جت كلهم سكتوا مرة واحدة و اعدوا يبصولي لمدة 5 دقايق، انا قلت يمكن في حاجة في شعري و لا في هدومي (اصل دا موقف حصل فيا قبل كدا، بعدين بقي) و مرة واحدة كل واحد فيهم اعد يضحك بصوت عالي جدا جدا .....

الساعة: 7:00 مساءا
المكان: نفس الكافيتريا اياها علي البحر
الحدث: نفس الاجتماع المهم علي نفس مستوي القاعدة

بعد كلام كتير كدا و هزار ، قام ميدو سائلني ايه بقي المشكلة؟ قمت باصصله كدا و قلتله مشكلة ايه؟(و انا باهرش في شعري كدا) و زي كل مرة ماتوا علي نفسهم من الضحك ليه برضه مش عارف، قام شاذلي قالي مشكلتك انت، بصتله و انا مستغرب اوي و قلتله انا معنديش مشكلة، و هما عملين يزيدوا في الضحك قمت متنرفز قلتلهم بتضحكوا علي ايه، قام كيمو قالي يا ابني مش انت كلمتنا و قلتلنا انك مزنوق ..... فردت و انا بضحك قولتله اه (اصلي افتكرت نسوني ولاد اللذين دول)، فقلتلهم انا بقي عندي مشكلة فظيعة ممكن تخليني معقد و مكلكع و محدش بيكلمني و ممكن تكون السبب في موتي و هلاكي ......... (ستــــــــــــــــوب، خدوا راحة بعد الكلام دا كله و انا كمان) ........ (احسن شويه، طيب نكمل بقي) ........... و ممكن كمان العيال تجري ورايا في الشارع و يقولوا العبيط اهو .. العبيط اهو .... و انا مش حقدر اسمع شويه عيال يقولولي اني عبييييييييييييييييييييييي ييييييييط

الساعة: 7:10 مساءا
المكان: نفس الكافيتريا اياها علي البحر
الحدث: القاعدة ..قصدي الاجتماع في موضوع خطير

نوبه من الضحك ضربت الترابيزة بتاعتنا و كل الترابيزات اللي حولينا فجأة بعد الكلام اللي انا قولته دا، انا قولت هي الناس مالها حصلها ايه، هي الناس اتجنت ولا ايه؟!!!! بعد مدة محترمة كدا بعد ما بطلوا ضحك سألني مصطفي ايه بقي اللي حيخليك عبيط؟ (و اعدوا يضحكوا تاني) و بعديها كمل مصطفي و ايه اللي حيخلي العيال يجروا وراك؟ (طبعا انتم عارفيين) قام كيمو قالي: اه يا بتاع العيال يا معفن (ييييه انا زهقت، كميه ضحك رهيبة المرة دي)

( أكيد هما بيضحكوا علي حاجة تانية مش انا طبعا، او ممكن يكونوا اكلوا حاجة ملوثة خلتهم يضحكوا عادي يعني، أصل مش أنا اللي بضحكهم ..... أراجوز انا )

الساعة: 7:25 مساءا
المكان: وكر البطيخ (زي ما الزعيم بيسميه)
الحدث: نفس القاعدة ... فاهمين انتوا

ممكن تقولوا ايه كل الوقت اللي بيجري دا، أقولكم بكل صراحة عمالين يضحكوا و يقسموا عليا، بس علي مين دا أنا بامسكهم واحد واحد و بديهم حمام صح يعني، المهم بعد ما الأمور هدت شويه قولتلهم يا جماعة خلينا بأه نبدأ عشان احنا كدا ضيعنا وقت بما فيه الكفاية، قولتلهم يا جماعة احنا عندنا النهاردة 3 موضوعات مهمة لازم نتناقش فيها و كانت كالأتي:
1- موضوع مهم جدا يتعلق بيا.
2- تحضير خطة ما تخرش الميه و لا حتي حتي الرمان عشان حنطلع واحد من الشله ( بسببه تم حل جمعية "لا و النبي يا عبده" الرائدة في مجالها في تصنيع اعلاف مخصصة للأفيال و حاجات تانيه كدا .... )
3- وضع خريطة قضاء الاجازة الصيفية و الأماكن اللي حنروحها.

و طبعا ملناش أي دعوة بالموضوعين التانيين عشان الليلة كلها عني و لا ايه؟

الساعة: 7:27 مساءا
المكان: اكتر حته الناس عماله تضحك فيها
الحدث: افشــاء السر الأكبر للمعلم عجـــوة

بعد الضحك، جه وقت الجد. غيرت ملامح وشي و كلامي بقي جد اوي لأول مرة في حياتي و الباقي كله مركز معايا، قلتلهم:
يا جماعة انتوا كل واحد فيكم بيعرف كذا بنت و اللي بيمشي مع كام واحدة و اللي مقضيها و اللي بيزاول و اللي مرتبط، المهم فين انا بقي من الموضوع دا ..............فين مراعاة الشعور لصاحبكم ..............................................مم كن اطلب ممكن طلب ................................... ما حد يرملي حاجة من معاه!!!!!

(عشــان اعصابي بتتعب حأعدي الجزء دا بسرعة و فككوا من الضحك و الكلام دا)

ردوا بقي واحد واحد انت تؤمر بس يا معلم بس في حاجة صغيرة اللي بيعرف بنات يا ايما بيبقوا زمايل او اصدقاء او ممكن couples محدش فينا بيلعب ببنات او أي حاجة، و طبعا الكلام دا مدخلشي دماغي ببصلة أصلهم كلهم بيبيعوا سبح .... المهم قولتلهم طب انا دلوقتي اعمل ايه؟

.
.

.

.

درس عجاوي سريع
ما هو مش ممكن نقضيها كلام كدا و مضيعة وقت لازم يبقي فيه حاجات نتعلمها من التجارب الشخصية دي و دا اهم ركن في مذكراتي عشان الباقي يتعلم و ما يقعشي في غلاطاتي

الدروس دي لواحد معجب بجد بواحدة مش عايز يقضيها كدا و السلام
الجزء الأول

:: تـــم حذف الموضوع لأن النســخة تجريبية ::
انتظــروا الحلقــات ... لرؤيــة المواضيع كــاملـة

الجزء التاني
بعد ما ربنا يفتحها عليك و تكلمها اعمل اللي جي دا بالحرف و اهم حاجة انك تكون بجد بجد معجب بيها

1. أهم حاجة اتعامل مع البنت علي اساس انها كائن حساس جدا، كأنك بتتعامل مع ورقة زهرة بيضه.
2. حاول تهذب اسلوبك في الكلام مع الصنف الناعم يعني اختار الفاظك صح.
3.حاول علي قد ما تقدر تغير و تحسن من شخصيتك.
4. خليك متجدد في لبسك و خلي لبسك علطول مكوي كدا، بيين انك شخص نضيف و قصدي من جوا و من بره.
5. ركز اوي في كل كلمة بتتقال عشان فيه كلام كتير اوي بيتقال كدا و محدش بياخد باله منه.
6. نفس النقطة اللي فاتت و بين انك مستمتع بانك بتسمعلها و شاركها الكلام عشان ممكن تسألك سؤال كدا في الموضوع و شكلك يبقي وحش اوي ساعتها لو مش مركز.
7. حسسها و اكدلها انها اهم حاجة حصلت في حياتك.
8. لو عايز تبين لها انك مهتم بيها اوي، متقولش كلام و ترغي كتير اكد دا بفعل.
9. من فترة للتانيه هاتلها هديه قيمة بدل ما تصرف فلوسك في حاجات تانيه.

:: تـــم حذف الموضوع لأن النســخة تجريبية ::
انتظــروا الحلقــات ... لرؤيــة المواضيع كــاملـة

.

.

.

انتهي الدرس
شوفتوا بالضبط زي شكه الدبوس اهي، دي اهم حاجات حتفيدك
و بعدين انا مش حارغي كتير و اقول كل حاجة، اومال الدروس الخصوصية دي بتعمل ايه
عايزين تخربوا بيتي و توقفوا حالي ....... للحجز عند فتحي المفك ورا محطة البنزين علي طول

الساعة: 9:00 مساءا
المكان: علي البحر و فيه حاجات حلوة اوي اوي اوي
الحدث: اول تجربة عملية و ....... انتكاسه

دفعنا الحساب و احنا ماشيين لقيت الناس عماله تضحك فقولت: هي الناس اتجنت و لا ايه؟ و بالصراحة لحد دلوقتي مش عارف كانوا بيضحكوا علي ايه. و احنا بنتمشي علي البحر لقيت واحدة امورة اوي، قمت باصص لميدو و قلتله اوكي انا حادخل و اشوف بقي كلامكوا دا صح و لا لأ، فدخلت عليها كدا مرة واحدة (يجي واحد يقول ياااه مرة واحدة، حاقوله لأ علي 3 مرات اصلي داخل بيها جمعيه) – ناس معندهاش دم – دخلت اولتلها الله انت امورة و انا حابب اني اتعرف عليكي انا اسمي كريم (متهيئلي لو كنت قولتلها عجوة ما كنتش حتفرق اوي) و بالصراحة ................................ اسمعوا الكلمة دي و محدش يعلق .................................. و بالصراحة انا معجب بيكي اوي ....................................
قامت بصالي من فوق لتحت و قالتلي: يا عم روح و انت شبه ألوحة الدرة كدا، فرديت قولت: ايه .... ألوحة ........ يعني محصلتش كوز كمان. انا سمعت صحابي و هما ميتين علي نفسهم من الضحك أما البنت فضلت بصالي اوي (و الله ما بتفهم، انا خسارة فيها ...... ايه .... هي خسارة فيا .... يييه .... هيا اللي خسرانه و خلاص ).

الساعة: 9:10 مساءا
المكان: علي البحر و مفيش اي حاجات حلوة خالص مالص بالص
الحدث: اغنيه مستر اف (FMr.)

و احنا ماشيين علي البحر ميدو عمال يقول (أف .... أف .... أف.... أف) فبصتله كدا و اعدت اضحك، سالوني في ايه قولتلهم تخيلوا لو في واحد اسمه (مستر اف) و عامل اغنيه و يفضل يقول فيها (أف .... أف .... أف) الاغنيه دي حتكسر الدنيا و يااااااااااه بقي لو مثلا يجي يركب القطر كدا، الناس تتجنن يقولوا ايه دا مستر اف لأ مستحيل و اللي ينط من الباب و اللي ينط من الشباك و اللي يجيله بواسير و ممكن مواسير، و كله كوم و الكمسري بتاع القطر دا يفضل ينئط و بتاع، و اه برضه مستر اف لما يجي يعمل البوستر بتاع الشريط بتاعه، يصوروه و هو قاعد علي الاسريه و بشطافتين كمان ......................... و اعدت اكمل بقي في حوار مستر اف دا لغايه و احنا معدين قدام قاعة افراح كدا سمعنا حكيم بيغني (اس اس السلامو عليكم) فاحنا مسعناها (اف اف ....)، طبعا العالم بتوع الفرح اعدوا يبصولنا بغرابة اوي علي كمية الضحك بتاعتنا دي؟!!!!!

الساعة: 10:00 مساءا
المكان: في شارع خالد ابن الوليد
الحدث: الموقعة الحربية المحشية لسكان كوكب العجاوي المميت

من العنوان حتحسوا باه ان فيه عركة جامدة اوي حصلت هناك، حاقول لأ طبعا ...... انا لقيت العناون غريب قمت حاطه و خلاص، و احنا ماشيين شويه كدا في الشارع دا لقيت يمامة علي الارض و مش عارفه تطير قمت ماسكها و اعدت اطبب عليها كدا، ظهرلنا واحد شكله عامل زي علامة الاستفهام ..... و طبعا حاقول للناس الظريفة ان الراجل ما كنش معاه نقطة، حيجي نفس الشخص و يسألنلي سؤال برضه وجيه و يقولي مجتش ليه؟ حاقوله ايه انت ما بتحرمش ......... طب خليك في حالك، المهم الرجل ابو علامة الاستفهام دا قالي و هو بيزعق دي عندها انفلونزاااااااااااااااااا اااااا (علي فكرة انا معرفتش ان فيه حاجة اسمها انفلونزا الطيور الا من الراجل المستفهم دا) فقولتله يعني ايه يعني بتعطس و تنف و بتاع قالي يا عبيط دا مرض معدي، قمت راميها و قولتله معدي ازاي يعني ...... قام الزعيم قايلي: يا بني انت كدا حيطلعلك ريش تحت باطك و بدل ما تتكلم حتبكبك زي الفراخ .... قلتله بجد (و بالطبع اعدوا يضحكوا عليا العيال دول، اخص و الله صدقت دانا طلعت عجوة بصحيح).

الساعة: 10:10 مساءا
المكان: في نص شارع خالد ابن الوليد
الحدث: ايه اللي حصل للبلد يا رداله

بيني و بينك ما سرنيش الحال، وقفت في نص الشارع و اتكلمت باعلي صوت و قولت:
إيه دا، إيه كمية الامراض دي كلها (البقر عنده حمي، و الفراخ عندها انفلونزا، ناقص السمك هو كمان يبجيله ايه .... بواسير) و المشكلة ان فيه ناس كتير زي بالضبط ما يعرفوش أي حاجة في البطيخ (بتاعة الزعيم) و مقضينها كدا و عادي جدا و الحياة حلوة. لا حول و لا قوة الا بالله ايه بس اللي حصل في البلد يا رجاله؟ لا لا لا كدا ما ينفعش احنا لازم نعمل وقفة علي كل اللي حصل فينا يا جدعان.
احنا لو كنا في فيلم امريكاني كانت الناس صقفتلي و سمعوا الكلام، بس هنا في مصر الناس اعدت تضحك عليا قمت واخد نفسي كدا من غير كلام و مشيت و انا بتاسف علي اللي حصل لمصر و اهلها.

الساعة: 10:30 مساءا
المكان: علي طريق البحر مفيش حته محدده
الحدث: نهاية يوم طويل بطريقة دراميه جدا

كلنا رجعنا المسافة اللي احنا ماشيناها دي من غير أي كلام و عمالين نبص للناس و هي مقضياها و مكبرة دماغها عادي جدا جدا، احنا اه فعلا ممكن نكون مكبرنها بس ..... بس بنحس، نبص حبه علي الشباب دول و علي العيلة دي و نبص كتيييير اوي و نبحلق في الاخت المحترمة اللي معديه قدامنا (واخدين بالكوا انتوا)، عقبال ما رجعنا من مكان ما بدأنا كنا نسينا حوار مصر دي كلها و افتكرنا بس حوار الانفلونزا زي أي ما حد كان حيعمل لو مكانا. نهت بقي الليلة دي كله روح بيته و يمكن نسي الموضوع بس فعلا مش عشان انا اللي حصل فيه الموقف، بس لازم نعمل حاجة اتعاهدت علي نفسي ان لازم اعمل حاجة في ايامي دي و ان شاب .........

( نهـــــــــــــاية الحلــقة التجريبيـــــــــة )

كتب بواسطة المعلم عجـــوة كرامل،نشــرت بواسطة الزعيــم

ساعد في البطيخ ميـــدو

هههههههههههههه:D ههههههههههههههه

ههههههههههههههه:D هههههههههههههه

ههههههههههههههه:D هههههههههههههه

هههههههههههههههه:D ههههههههههههه

بجد بجد بجد بجد

انا ضحكت ضحك

كانى فعلا واقفه مع عجوة

ههههههههههههههه:D هههههههههههههه

بس انا ماليش دعوه نازلونى فى الحلقات دى

وطبعا عندكو المواقف مش محتاجين

جمـــــــــــــــــــــــ ــــيله اووووى


ورقــــــــــــ ,, ــــــــه

اقتباس:

---

المشاركة الأصلية كتبت بواسطة ورقه

هههههههههههههه:D ههههههههههههههه
ههههههههههههههه:D هههههههههههههه
ههههههههههههههه:D هههههههههههههه
هههههههههههههههه:D ههههههههههههه
بجد بجد بجد بجد
انا ضحكت ضحك
كانى فعلا واقفه مع عجوة
ههههههههههههههه:D هههههههههههههه
بس انا ماليش دعوه نازلونى فى الحلقات دى
وطبعا عندكو المواقف مش محتاجين
جمـــــــــــــــــــــــ ــــيله اووووى

ورقــــــــــــ ,, ــــــــه

---

ههههههههههههههههههههههههه ههههه
طيب تمام انها عجبتك بس يا ريت تعجب باقي الاعضاء في الكــافيه
عشان علي اساس الحلقة دي حنشوف ايه الموضوع بالضبط
يا ريت كل واحد يخش و ييقول رأيه بصراحة .. بس مش أوي يعني:))

ههههههههههههههههههههههههه ه

ههههههههههههههههههههههه

هههههههههههههههههه

:)) :)) :)) :)) :)) :))

بصراحه مش قادر امسك نفسى من كتر الضحك

(((قام الزعيم قايلي: يا بني انت كدا حيطلعلك ريش تحت باطك و بدل ما تتكلم حتبكبك زي الفراخ .... قلتله بجد )))

ههههههههههههههههههههه

جامده اوى يا زعيم

يلا بقى يا زعيم

منتظرين باقى الحلقات

تسلموووووووووووو يا جميل بجد الحلقه كانت جميله اوى

ممتعه وطريفه
نتابع وبانتظار باقي الحلقات

لكن اقترح ان تكون الحلقات اقصر من حلقة اليوم وشكرا لك

لاء جامدة يا معلم:D
مستنين الحلقة التانية
شد حيلك انت وعجوة بقي وورنا باقي الحلقات:D

اقتباس:

---

المشاركة الأصلية كتبت بواسطة تيمور

ههههههههههههههههههههههههه ه
ههههههههههههههههههههههه
هههههههههههههههههه
:)) :)) :)) :)) :)) :))
بصراحه مش قادر امسك نفسى من كتر الضحك
(((قام الزعيم قايلي: يا بني انت كدا حيطلعلك ريش تحت باطك و بدل ما تتكلم حتبكبك زي الفراخ .... قلتله بجد )))
ههههههههههههههههههههه
جامده اوى يا زعيم
يلا بقى يا زعيم
منتظرين باقى الحلقات

تسلموووووووووووو يا جميل بجد الحلقه كانت جميله اوى

---

هههههههههههههههههههه
طيب الحمد لله إن الحلقــة عجبتــك
بس معلش دي بس مجــرد حلقــة تجريبية بنشوف فيها آراء الأعضـاء
و نشـوف السلبيات و نعالجها
و عمــوما استني الحلقات ان شاء الله
:)

اقتباس:

---

المشاركة الأصلية كتبت بواسطة طيف عابر

ممتعه وطريفه

نتابع وبانتظار باقي الحلقات

لكن اقترح ان تكون الحلقات اقصر من حلقة اليوم وشكرا لك

---

طيب الحمد لله إنها برضه عجبتــك
و بالنسبــة لطـول المذكرات .. هي بتتكتب في 3 صفحات و نص علي برنامج الـ word
حنحــاول ان شاء الله اننا نصغرها صفحــة كده بحيث إنها تبقي
صفحتين و نص و ان شاء الله حتزيد مواقف طريفــة
و الدروس اللي حنتعلمها منها تبقي مفيــدة
شكـــرا لرأيك الكريم
:)

اقتباس:

---

المشاركة الأصلية كتبت بواسطة SERAG MAGDY

لاء جامدة يا معلم:D

مستنين الحلقة التانية

شد حيلك انت وعجوة بقي وورنا باقي الحلقات:D

---

أولا الحمد لله إنها عجبيتــك يا سراج
ثانيــا هي بس مجــرد حيقة تجريبية من لخلالها بنعرف رأي الأعضاء
و نتلافي نقاط الضعــف و السلبيات فيها و بنحاول نعدلها
و إن شاء الله حتنــزل حلقــة تانيــة برضه تجريبية
طبــعا بعد التعديل فيها علي حسب الاراء اللي شفناها
و بــعدين نبــقي ننزل بالمذكرات
و شكرا يا سراج لردك الجميــل ده
:)

انا قصدى تكون حلقات يومية متلا او اسبوعيه متل ما بدك ولكن كل مرة تكون حلقه اقصر من حلقة اليوم حتى نقدر نتابعها ونقراها يوميا وهى ممتعه ومشكور