بيتحذفلك مواضيع كتير !! ادخل اقولك ليه والحل اية
السلام عليكم ورحمة الله وبركاته
في اعضاء كتير بتعمل مواضيع وبتدخل تدور عليها وممكن متلاقيش المواضيع دي
وطبعاً السبب بيكون غالباً الموضوع مكرر
اكتر من 80% من المواضيع اللى بتحذفها بتكون مكررة
هشرح ازاي نتأكد ان الموضوع مش مكرر قبل ما نعمله و يتحذف او منلاقيش عليه اقبال لأنه مكرر
في خاصية في المنتدى اسمها البحث الخاصية دي مهمه جداً
هنفترض انك هتعمل موضوع إسلامي
هيكون الموضوع بيتكلم عن طريقة الوضوء مثلاً
قبل ما تعمل الموضوع هتفتح الصفحة دي
https://forum.masrawycafe.net/search.php
في خانة البحث هتكتب اي جزء من الموضوع بس تكون كلمات قوية يعني بلاش تكتب كلمة في و إلي و الكلام ده
مثلاً ممكن تكتب " تغسل وشك "
طبعاً الكلمة تدل على الموضوع بدرجة كبيره في الحالة دي هيجيبلك الموضوع لو معمول
ومش هتقع في مشكلة تكرار المواضيع